Дрекслмајер - Кавадарци

Може ли кординати каде ќе се гради објектот?

Во нишкава ги префрлив и постарите постови за оваа инвестиција, уште од времето кога беше мистерија... Читајќи ги вестите се потсетив дека стануваше збор за „војна“ помеѓу општините Кавадарци и Велес за тоа каде ќе никне новата фабрика на Дрекслмаер. Дали некој има некакви сознанија што поточно нуделе општинарите во обид да ги привлечат Германците?

Во медиумите единствено се спомна дека Кавадарчани понудиле субвенционирани цени за престој до декември годинава и ослободување од комунална такса, што не ми изгледа до толку пресудно дури и во случај велешките локални власти да не понудиле ништо, а верувам дека не биле до толку незаинтересирани. Претпоставувам дека во игра се повеќе поволности... Ако некој има некакви сознанија, ве молам постирајте.

BTW парцелава изгледа импресивно! 
Се надевам е некое понеплодно земјиште.


Edited by Cloverstack - 02-Sep-2012 at 12:56

Парцелата на сликите не е целосна .Има ли некој на форумот по стручен и да објасне дали ваков објект тоест ваква фабрика ке вработе 4000 луѓе .Јас мислам ако вработе 1500 би бил презадоволен бидејки една топилница како Фени вработува 900 луѓе процесот на изработка е ист пред 20 год а дека на германците со врвна технологија ке му требат 4000 луѓе малку чудно за лајк како мене у оваа област .

Edited by ^Strela^ - 03-Sep-2012 at 01:52

знаеме дека бројот на вработени на секој происводствен процес зависи од големината на нарачките од потрошувачите.нема побарувачка-нема производство-клуч на брава и обратно:зголемени порачки-поголемо производтво па ако треба и плус фабрика како Џонсон Контролс

Почна да пристигнува опремата за фабриката на „Дрекслер маер“
Македонија | 9. ноември 2012 - 16:42
Во Кавадарци почна да пристигнува опремата за германската фабрика на "Дрекслер Маер“ во која ќе се произведуваат електрични кабли за мерцедес це класа и во која во неколку фази ќе се вработат околу 4 илјади лица, соопшти денеска претседателот на Советот на општина Кавадарци Илија Тренчев.


Ова е веќе целосна и јасна потврда дека фабриката не само што почна да се гради, туку почна да ја испорачува и опремата за идните производствени активности на оваа реномирана фабрика од која очекувањата на општина Кавадарци и цела Македонија се многу големи, рече Тренчев.

Во новата фабрика која ќе произведува делови за Мерцедес, до крајот на годината од вкуно 4.000-те ќе се вработат 300. Инвестицијата е вредна 30 милиони евра.


http://press24.mk/story/dreksler/pochna-da-pristignuva-opremata-za-fabrikata-na-%E2%80%9Edreksler-maer%E2%80%9C

http://www.rts.rs/page/stories/ci/story/5/%D0%95%D0%BA%D0%BE%D0%BD%D0%BE%D0%BC%D0%B8%D1%98%D0%B0/1211446/%22%D0%94%D1%80%D0%B5%D0%BA%D1%81%D0%BB%D0%BC%D0%B0%D1%98%D0%B5%D1%80%22+%D0%BE%D1%82%D0%B2o%D1%80%D0%B8%D0%BE+%D0%BD%D0%BE%D0%B2%D0%B8+%D0%BF%D0%BE%D0%B3%D0%BE%D0%BD.html

Во „Дрекслермаер“ веќе се вработени 200 лица
Сабота, 01 Декември 2012 12:01

Во моментов во фабриката на германски „Дрекслермаер“ во Кавадарци се вработени околу 200 лица кои по разни основи се упатуваат на преквалификации, доквалификации или доусовршување во одредени земји, информираше претседателот на кавадаречкиот Економско социјален совет Илија Тренчев, на синоќешната седница на Советот.

Говорејќи дека има и други компании кои се заинтересирани да вложуваат во кавадаречко, Тренчев најави дека следната 2013 година ќе биде година на инвестициски бум во Кавадарци. Притоа се осврна и на германската инвестиција во винарница.

- Инвеститорите го ценеа фактот што во Тиквешијата има 260 сончеви денови во годината кои се идеални за производство на одлично грозје кое пак е основа за добивање на врвни вина, рече претседателот на Советот.

На последната седница на Советот за оваа година се расправаше и за состојбата со зелената економска зона во Кавадарци. Тренчев образложи дека под зелена економска зона всушност се подразбира територијата под Кожуф која некогаш беше дел од општината Конопиште.

- Зелената економска зона треба да има значајно место во идните програми за локален економски развој. Неа можеме да ја ја развиваме и преку проекти за прекугранична соработка со соседна Грција, нагласи Тренчев.

На седницата беа присутни претставници на локалната власт, синдикатот, образованието, земјоделството...

http://kurir.mk/republika/opstini/94003-Vo-Drekslermaer-veke-se-vraboteni-200-lica

Тргна извозот од германската фабрика во Кавадарци

Тргна извозот од германската фабрика на “Дрекслермаер” во Кавадарци која произведува  електрични кабли за мерцедес “це” класа, информира претседателот на кавадаречкиот општински Совет, Илија Тренчев. Првите количини  од околу дваесетина  тони вредни околу 30 до  40 илјади евра деновиве веќе ја поминале границата.

- Најголемо наше задоволство кое заслужува многу големо внимание оти токму во Кавадарци дојде оваа германска инвестиција при што засега се вработија над 300 работници а во неколку фази ќе се вработат околу 4 илјади работници. Владата на Република Македонија има голема заслуга  за тоа што германскиот инвеститор дојде во градот на виното. Менаџерскиот тим на компанијата исто така има голема засуга затоа што создаде  добар тим на работници кои успешно го реализираа првото производство по највисоки стандарди. Ова е голем успех за сите нас и јас посакувам тој извоз постојано да расте. Морам да нагласам дека нашите работници се вредни и со првото производство потврдија дека знаат да произведат квалитет - вели Тренчев.

Сега се спремала и втората количина која требало да биде извезена.

http://www.dnevnik.com.mk/default.asp?ItemID=A54A85514B94104AB8F7DED3F583A54D