???

Дали сте размислувале кога станува збор за летови до САД, дека и немора да е директен, туку на пример:

Скопје - Белград - САД (Њу Јорк, Чикаго, Вашингтон)

или

Скопје - Белград - Загреб (Њу Јорк, Чикаго, Вашингтон) 

И двата да би биле со еден авион. 

И иако Белград, а особено Загреб се поврзани со главните аеродроми во Европа преку кои има летови до Америка, мислам дека кога би се нашла авио-компанија или здружение од неколку (например екс-ју компанииве) да понуди ‘‘директен‘‘ лет од екс-ју просториве до САД, со поволни цени и поконкурентни од останатите опции, мислам дека ваква идеја би била успешна. Од една страна мислам дека авионите би биле исполнети, со што би било исплатливо за секоја авио-компанија, а од друга страна тие што имаат потреба да летаат до Америка, им се олеснува и поедноставува патувањето.

Единствен проблем би бил пронаоѓање на авио-компанијата или пак оформувањето соработка помеѓу екс-ју компаниите и соработка околу аеродромските такси кај овие три аеродроми, со што би изготвил еден успешен и функционален проект.

Патници се надевам дека ќе има за по барем еден лет неделно. Зборуваме за држави со вкупно население од 13 милиони, од кои едната е економски посилна и поразвиена. Друга работа е што може патници од Косово, БИХ, Црна Гора, Бугарија лесно да ја користат оваа врска земајќи ја во предвид близината до овие земји... Па дури и Словенија... 

Генералтурист е туристичка агенција која се занимава и врши туроператорство. Тие од овој викенд нудат промовитни летови од Аеродромот „Александар Велики“ до Европските градови Рим и Базел.

Според најавите од агенцијата летовите ќе се реализираат секоја недела во следните термини:

Скопје – Рим (SKP – FCO) - 20:30 часот

Скопје – Базел (SKP – MLH) - 14:30 часот

Рим – Скопје (FCO - SKP) - 12:00 часот

Базел – Скопје (MLH – SKP) - 17:10 часот

Рим е главен град на Италија. Со 2.8 милиони жители на 1,285.3 км2 е исто така најголемиот и најнаселениот град и четврти по број на жители град во рамките на Европската Унија. Базел е лоциран во северозападна Швајцарија на реката Рајна и функционира како развиен индустриски центар за хемиска и фармацевтска индустрија.

Цената на летовите започнува од 109 евра. Доколку оваа понуда ви звучи интересно, за сите подетални информации контактирајте на:  телефонските броеви  02/32 17 410 и 02/32 17 499 или на е-маил: ticketing1@generalturist.mk, aviokarti@generalturist.mk.

Ова е одлична можност да ги посетите и да уживате во убавината на овие два града.

Авиокомпаниите „Флај Дубаи“ и „Виз Ер“ наскоро треба да  добијат одговор од Агенцијата за цивилно воздухопловство за  нивните барања за  сообраќање на нови авиолинии  од  аеродормите во Македонија.

- „ФлајДубаи“ побараа со летниот ред на летање да добијат дополнителни две фреквенции, а нискотарифната „Виз ер“  имаше барање за обавување летови од Скопје до Дубаи. Двете барања ги разгледуваме и наскоро ќе ги одобриме, рече директорот на Агенцијата за цивилно воздухопловство Дејан Мојсоски, одговарајќи на новинарски прашања на денешната прес-конференција. 

Мојсоски се надева  дека пред почетокот на летната сезона АЦВ ќе добие  барања од нови авиокомпании што би сакале да летаат до Македонија.

Во текот на минатата година од аеродромите во Македонија се регистрирани вкупно 906.871 патници, што претставува пораст од 8,7 проценти во однос на бројот на патници 2011 година.

Зголемување на бројот на превезени патници е забележано на аеродромот „Александар Велики“ во Скопје, каде  лани биле превезени 828.831 патници што е за 9,1 процент повеќе споредено со бројот на патници во 2011 година. Исто така, пораст од 5 проценти  во однос на претходната година е забележан и на аеродромот „Св. Апостол Павле“ во Охрид, каде минатата година биле превезени 78.040 патници.

Најголем пораст има во бројот на патници на редовните линии, што се должи на воведувањето нови директни дестинации. На редовни линии во 2012 година се регистрирани 715.183 патници, што е за 13 проценти повеќе од 2011 година кога на редовни линии патувале 632.970 патници.