Коридор 8

не се согласувам со тврдењата дека пругата Куманово-бељаковце не треба да се чепка,бидејќи е изградена веќе.

најупотребуваната реченица на овој форум е- `зошто не се прави еднаш како што треба,да после нема потреба од поправање и преправање,и знаеме само фушерајски да закрпиме,без темелно нешто да се направи`

поаѓајќи од ова,делницата треба темелно да реконструира,што значи нов тампон од чакал,бетонски наместо дрвени прагови,и нови неоштетени од рѓа шини,како и електрификација.

ако имаме некој критериум,дај да го задржиме на сите проекти,не само за некои вака,за други така

Originally posted by gjoko некако тргнува работата,ама пополека вторник, 09 октомври 2012, 14:36 Македонија По 20 години пругата Куманово-Бељаковце во сообраќај Железничката линија на потегот од Коридорот 8 помеѓу Куманово- Бељаковце, по 20 години, повторно ќе биде во функција, заради подготвителни работи за реконструкција на железничката линија на делницата. Помеѓу станиците Куманово и Шупљи камен ќе има сообраќај на железнички шински возила - Со цел да се зголеми безбедноста на пругата се известува месното население, кое гравитира во областа на железничката линија да се запознае со новонастанатата ситуација и да ги почитува прописите за преминување на пругата и движење покрај неа, се вели во соопштението од МЖ Инфраструктура. Изградбата на железницата од Куманово до Бељаковце во должина од 31 километар   треба да почне на почетокот на следната година за што веќе е обезбеден кредит од Европската банка за обнова и развој во износ од 46,4 милиони евра. Ре­конс­трук­ци­ја­та на пру­га­та Ку­ма­ново-Бе­ља­ков­це е пр­ва од три­те планира­ни фа­зи за це­лос­но за­вр­шу­ва­ње на ис­точ­ни­от дел од Ко­ри­до­рот 8, од Ку­ма­но­во до гра­ни­ца со Бу­га­ри­ја, во дол­жи­на од 89 ки­ло­мет­ри. http://www.novamakedonija.com.mk/DetalNewsInstant.asp?vestInstant=9532

Има време дур барем малце вистински тргне работава, ова е само рехабилитација на веќе постоечката делница а до 2015 сеуште ќе се вртиме во круг и нема да мрднеме од место значи нема ни 1 метар нова пруга да се изгради, а можно е и после таа година да нема никаков напредок зашто кај нас се е можно (промена на власт, некоја нова кинеско-индиска економска криза итн.)
Катастрофалната инфраструктурна политика изминатите 20 и кусур години не доведе до ова дереџе-во 21 век сеуште да не сме железнички поврзани со дури 2 соседи што не става во ист кош со Зимбабве, Мозамбик, Тунгузија и сл.

Тендер за подготовка на детален проект и тендерска документација на новата железничка секција Кичево-граница со Албанија, која е дел од Кордорот 8, распиша Министерството за финансии. Железничката делница треба да содржи единечна електрифицирана пруга од постоечката железничка станица во Кичево до границата со Албанија, должинаата е околу 63 километри, според постоечката физибилити студија, прелиминарниот дизајн, проценката за импактот врз животната средина и најдобрите пракси на Европската Унија. Претпристапните фондовите на ЕУ ќе го финсираат тендерот, дозволени се 8 милиони евра. Процедурата за учество на тендерот е ограничена на правни лица од земјите членки на ЕУ, земјите кандидати за членство во ЕУ, како и земјите кои се вклучени во проектот, а целиот тендер се доделува на една компанија или конзорциум. Бројот на апликанти кои ќе добијат покана да поднесат детален предлог ќе биде меѓу 4 и 8 во зависност од вкупниот број на добиените понуди за учество. Прелиминарен датум на кој ќе се испрати поканата за учество на тендерот со детален предлог е 12 март 2013 година, прелиминарниот датум за почетокот на договорот е 10 јули 2013 година, а рокот за спроведување на активностите е 24 месеци. Приходи од 4 милиони евра годишно треба да имаат заинтересираните компании во последните 3 години, а исто така и пристап до ликвидни финансиски средства во износ од 500 илјади евра. Приемот на привчните апликации ќе се врши до 25 јануари 2013 година.

http://www.time.mk/read/a0c6a3249d/300d324e96/index.html

еве го оригиналниот тендер.како што разбрав се работи за изработка на проект.

без да навлегувам во политика,ова ме потсети на една изјава на сегашниот премиер кога кажа дека за многу работи во македонија се нема изработено ни проект,а се ветувало(и се ветува) се и сешто,а во пракса се нема ни проект.

ако се потестиме дека до започнувањето на градбата има околу 17 чекори кои треба да се поминат,доаѓа дека кај нас многу се ветува а малку се прави.некогаш се ветуваат конкретни проекти без да се има и една буква напишано на проектот




http://ted.europa.eu/udl?uri=TED:NOTICE:403217-2012:TEXT:EN:HTML&tabId=0

Да пошто од нив никаква реализација не видовме. Всушност не им беше никаков проблем исто така да поништат претходни проекти и да лапаат пари за исти такви, само нови (како во случајот со скопскиот трамвај). Така што таквите глупости премиерот на друг да ги продава!

Edited by Andrej_LJ - 22-Dec-2012 at 01:09

Датум: 24.12.2012, 18:28
ЖЕЛЕЗНИЧKО ПОВРЗУВАЊЕ СО СОСЕДИТЕ

Пругата кон Албанија доби нов импулс



Железничката пруга од Kичево, преку Струга, до границата со Албанија е дел од Kоридорот 8, кој ќе претставува врска од Црното до Јадранското Море, а чија изградба е предвидена и со одлука на Европската комисија

Марјан Блажевски

Идејата за железничко поврзување со Албанија добива нов импулс. Со финансиска поддршка од 8 милиони евра, обезбедени од ИПА-фондовите на Европската унија, е распишан меѓународен тендер со кој се бара фирма што ќе подготви детален проект, но и тендерска документација за изградба на пругата од Kичево до границата со Албанија. Со тоа довршувањето на западниот дел од железничкиот Kоридор 8 од ниво на техничка документација и идеен проект сега доаѓа до фаза кога ќе се дефинира трасата во должина од 62,5 километри. Според тендерската документација, се предвидува изградба на едноколосечна електрифицирана пруга за брзини не помали од 100 километри на час и со притисок на оската до 250 кН.

За железничко поврзување со Албанија преку делницата од Kичево до струшкото село Радожда се предвидени две варијанти, првата траса е Kичево-Извор-Ботун-Радожда, а втората Kичево-Другово-Велмевци-Брежани-Ботун-Радожда. Со втората траса се овозможува,со доградба на уште на 11 километри, да се обезбедат и врските Kичево- Радожда-Албанија, Kичево-Битола-Грција, Албанија-Битола-Грција, како и првиот железнички прстен Скопје-Велес-Битола-Kичево-Скопје.

На тендерот за деталниот проект право на учество имаат правни лица од земјите-членки на ЕУ, земјите-кандидати за членство во ЕУ, како и земјите што се вклучени во проектот. Од заинтересираните компании или конзорциуми се бара да имале приходи од минимум 4 милиони евра годишно во последните три години. Првите пријави се очекуваат до 25 јануари 2013 година, а прелиминарен датум на кој ќе се испрати поканата за учество на тендерот со детален предлог е 12 март 2013 година. Договорот се очекува да биде склучен во втората половина на идната година со времетраење од 24 месеци. Средствата за тендерот се од претпристапните фондови на ЕУ, а максималниот дозволен буџет изнесува 8 милиони евра.

Според тендерските правила, најмногу 30 отсто од активностите може да се доделат на подизведувачи, а бројот на апликанти што ќе добијат покана да поднесат детален предлог ќе биде меѓу 4 и 8 во зависност од вкупниот број на добиените понуди за учество.

Прелиминарната студија за овој проект ја чинеше државата 840.000 евра и ја изработи бугарската компанија „Евротранспроект“. Железничката пруга од Kичево, преку Струга, до границата со Република Албанија е дел од Kоридорот 8, кој ќе претставува врска од Црното Море преку Бугарија, Македонија и Албанија до Јадранското Море, а чија изградба е предвидена и со одлука на Европската комисија како еден од 10-те паневропски транспортни коридори.

Инаку, за в година е најавен почетокот на неколку инвестициски проекти, со кои до 2020 година ќе се модернизира железничкиот сообраќај во земјава. Во делот на Kоридорот 8 веќе е затворена финансиската конструкција за рехабилитација на источниот дел од железничката пруга со 46,4 милиони евра, обезбедени од Европската банка за обнова и развој (ЕБОР). Со проектот се предвидува рехабилитација на делницата Kуманово-Бељаковце во должина од 31 километар. Работите на делницата се очекува да почнат во првиот квартал од 2013 година, а да завршат за три-четири години. За изградба на втората делница на овој правец од Бељаковце до Kрива Паланка, ЕБОР објави повик за обезбедување консултантски услуги, а потоа ќе се помине на третата фаза, односно изградба на делот до границата со Бугарија.

http://www.dnevnik.com.mk/default.asp?ItemID=0B03A307F4BE4C4490D56A6D510AA0DD

Да прашам дечки дали некој од вас го има прочитано целото физибилити студио од Декември 2011 година изработено од ЕПТИСА и ДБ за Источната Делница?

Бидејќи јас ја потрошив целата ноќ на него и сум изненаден од информациите кој може да се најдат за целата траса , фрапантно е дека цената на мостовите кои биле оставени на сред градба ќе не чинат премногу ,исто така и санацијата на тоа што е почнато од тунелите.
Исто така Министерство за транспорт и врски го одбило предлогот на компаниите за нова траса (што би користела мал дел од предвиденава) со в=160км/ч поради тоа што се отсекуваат некој населени места и поради што парите кој претходно биле уложени би биле залудни (за мостови,тунели,надвозници,подвозници и откуп на земјиште).

Иначе пругата до Бељаковце (прочитав на некоја страна претходно некој ја спомна) е уништена со ревитализацијата не со изградбата на пругата до Бугарија ,проблемот е во тоа што им падна цело брдо во Клечовце врз пругата и набрзо потоа го напуштија проектот.
Додека пругата работеше скоро секогаш беше со полни возови, а имаше неколку воза дневно (од Скопје и од Куманово) и таа пруга треба да се отвори повторно бидејќи вака регионот ќе замре, а верувајте ќе биде рентабилна поради фактот дека само до Клечовце/Бељаковце автобуси има на еден или два часа од Куманово и никогаш нема место од Куманово,а во Клечовце стига со најмалку 10 патници, а кај се другите села кој ќе ги поминува оваа линија.

Иначе според Физибилити студиото цената на проектот изнесува над 590 милиони евра од кој само 3тата делница 368.77 милиони евра


Edited by daci92 - 17-Feb-2013 at 04:22

Ова за вркстувањето не сум го знаел но знаев дека се вкрстува на доста места бидејќи гасоводот во Клечовце е во близина на пругата. (знам бидејќи често одев во Клечовце имам таму викендица).
Иначе здравје кога ќе имам време ќе појдам до Клечовце и ќе направам слики во околината кај што поминува пругата да ја видите состојбата на тоа што е останато, а нема многу останато.

две реченици не состави како што треба јасно и концизно... битно истиот политички коментар го повтори 50 пати ко навиен...


Edited by zabegan - 11-Mar-2013 at 17:19

Originally posted by pbanks Добро што се фаќате за миленко, сиугрно не го ставив клипот ради неговите коментари...

па мислев ќе каже барем некаква корисна информација за коридорот, или па ако не го бива за информации, да направи едноставна репортажа на она што го гледаме... од толкави говори во празно, јас не го разбрав што кажа ни 5%
не зборам за Миленко, има доволно дискусии за него што не го засегаат форумов, зборам конкретно за неговава „репортажа“... Владимир на пример да го пуштевме, цела студија на теренот ќе направеше и ќе ја преточеше во некакво раскажување, колку за споредба