Деновиве градоначалникот на Охрид, Никола Бакрачески оствари работна средба со извршните директори на ниско буџетниот авио превозник „Визер“, претставници од Министерството за транспорт и врски и претставници на ТАВ  аеродромите од Скопје и Охрид.

На средбата се разговарало за можностите за зголемување на фреквенцијата на летови на охридскиот аеродром.

- Фундамент на секој развиен регион без кој што не може да се замисли економскиот раст и развој, но и она без што во иднина ние не можеме да замислиме  унапредување на туризмот во градов е стабилен  и континуиран авионски сообраќај. Имавме мошне конструктивни разговори околу можностите и капацитетите на овој регион, за реализација на поголем број летови од Охридскиот регион. На иста маса ги седнавме луѓето од Компанијата „Визер“ од ТАВ и претставниците од експертската јавност и разменувавме идеи и предлози на кој начин ние како локална самоуправа, можеме да дадеме наш придонес во субвенционирањето што Владата на Република Македонија го чини изминатиов период во поглед на летовите. Целта е да проработи Охридскиот аеродром онака како што треба и мора да работи и на тој начин да ја зголемиме фреквенцијата на летови од овој аеродром кој што понатака ќе води кон забрзан развој на туризмот, односно привлекување на странски инвестиции и економски раст и развој на општината, изјави градоначалникот Никола Бакрачески.

Претставниците на ниско буџетната „Визер“ биле информирани дека според некои неофицијални статистички податоци во делот на авио превозот од скопскиот аеродром граѓаните кои живеат во југозападниот дел на Република Македонија партиципираат со околу 30 % за летови кои што се насочени кон Северна Италија, Швајцарија Австрија и Германија. На средбата меѓу другото се разговарало за директни авио линии кон Италија, Австрија и Германија. Со тоа би се развиле не само бизнис летовите туку и летови кои се наменети за нашинци кои привремено престојуваат во овие земји. Според учесниците на работната средба, за „Визер“ особено би биле интересни градовите од Југозападниот регион на земјава вклучувајќи ги и Охрид, Струга, Ресен, Битола и Македонски Брод како и албанските градови: Корча и Поградец затоа што имаат популација од 750 односно 800 илјади жители.

- Тие би биле потенцијална можност за зголемување на фреквенцијата на патници на Охридскиот аеродром. На тој начин ќе ги задоволиме потребите на сите страни, на локалната самоуправа односно во нејзините заложби да се зголеми фреквенцијата на авионските линии од нашиот аеродром. Секако својот интерес ќе го најдат и ТАВ како сопственик на аеродромите како и ниско буџетниот Визер кој ќе има максимална исполнетост на авионите со кои располагаат.

Со оглед на тоа што „Визер“ очекува зголемување на фреквенцијата на летови не само во лето туку и во останатите периоди од годината, новата локалната самоуправа ќе учествува со дел во субвенционирањето на  агенциите и туроператорите  во цената на чинење на авио билетите, за да може одреден број летови да се реализираат во текот на целата година.

http://www.kurir.mk/makedonija/vesti/109757-Bakraceski-So-direktni-avio-linii-do-pogolema-frekventnost-na-ohridskiot-aerodrom


Би било интересно навистина да го зголемат сообраќајот од Охридскиот аеродром и да има редовни линии, може да се отворат и линии кој ги нема на Скопскиот аеродром па да имаме сите корист.