Инфраструктурни приоритети на Македонија 2013-2025

@Goran
Со ова што јас го пишав горе не сум ја открил Америка. Приоритетите во енергетиката се многу добро напишани и објаснети на официјалниот сајт на ЕЛЕМ. Добро, во меѓувреме можеби планираните трошоци пораснале за 20-30% но приоритетите се добро поставени уште од СФРЈ времето.Жално е што гасоводот (кој е минијатурен по капацитет), а го имаме во Македонија од раните 90ти, се до изградбата на Те-То се користеше со 20-30% од капацитетот. Па за каков Јужен поток тогаш преговараме? Споредбата на сегашниот газовод со планираниот крак на Јужен поток е компоративно како да споредуваме воден тек на Кадина Река со Вардар. Жално е и што добро се почнало во 90тите, се имало визија кои се приоритетите и алтернативите, и нагло после нормализирањето на односите со Грција и крајот на ембаргото, нагло се прекина и со изградбата на пругата кон Бугарија. Да се продолжеше денес и таа ќе беше готова, а којзнае колку од нашите градежни компании и градежни работници немаше да останат на улица. Да се изградеше секундарната и терцијалната гасоводна мрежа пред 15 години, сега ќе користевме 90-100% од капацитетите на постоечкиот гасовод, цените на гасот ќе беа драстично помали, помалку ќе увезувавме скапа струја која заради купување на социјален мир ја продаваме евтино (на штета на буџетот) и сл.

Но јасно е и зашто тековната владина гарнитура се зафати мегаломански со Ск2014. Затоа што многу е поедноставно и полесно да правиш споменици (па и од 200 метри ако треба) отколку да вложуваш во инфраструктурата. Затоа што тие се популистички и помагаат за брзи позитивни резултати на изборите, па гледаме и на Билд сеуште има огромен број на членови кои се воодушевуваат на „уметничките дела“, затоа што многу е полесно да изманипулираш колку навистина чинат спомениците отколку инфраструктурните проекти, па на тој начин и изворот на финасирање на владеачката партија е непресушен.

Но не треба многу за обичниот човек да направи математика 2+2, и да сфати дека од барокната фасада на министерството за правда, нема ама апсолутно никаква корист, дека наместо оваа реконструкција повеќе би сакал добро асфалтиран и безбеден пат/улица до неговата населба/село/град, или пак канализација наместо септичка јама, или пак добро и непречено водоснабдување, приклучок за гас, поефтина струја и сл.

Но домаќинксото и планско работење е едно, задржувањето на позициите е нешто сосем друго, па затоа нашите политичари во изминативе 20 години повеќе се грижат за личниот и партискиот рејтинг, на краткорочните резултати (Плодовите од ниските гранки во менаџментот) отколку на долгорочните цели, кои навистина после 7-10-15 години би не поттурнале напред.

Се согласувам со сите констатации околу приватизацијата, но сепак тука зборувавме за инфраструктура пред се, па затоа не ја проширив дискусијата. Инаку приватизацијата се одвиваше крајно нефер, неосмислено за доброто на државата и народот воопшто, туку преку ноќ се родија македонските тајкуни и богаташи. На пример, сите вработени во Алалоид, Макпетрол, Усије... добија дел од акциите, па понатака со нивна продажба купија, станови, автомобили, куќи. Вработените пак во здравството, образованието, полицијата, не добија ништо, иако и од нивните даноци се граделе во социјализмот овие фабрики. Никој од обичните граѓани не доби акции во Телеком или тогашното ЕСМ, иако целокупната нивна инфраструктура беше изградена со парите на претплатниците. Матните зделки со кои преку ноќ со позајмица големи газди станаа Штерјо, Свето, Мукаетов, Ѕинго... нема потреба да се анализираат. Но барем овие газди направија нешто за своите фирми после приватизацијата па тие постојат и денес за разлика од Охис, Емо, Треска, Алумина....

Само Гошев предлагаше добар метот на приватизација-со ваучер систем.Човекот вилицата го заболе од објаснување каков бил тој пронцип,ама џабе.Главната поента на нашата приватизација беше да се сконцентрира капиталот во што помал број на луѓе-капиталисти

Ова се случува во цел свет, веројатно се излеала некоја река. Јас бев на одмор во Порторож 2011, имаше невреме, сите улици беа поплавени. Јас му викам на рецепционерот, дека сум се изненадил од толку многу вода на улиците и оти сум мислел дека Словенците се многу повеке подготвени за вакви случаи. Он ме погледна чудно, и ми рече Господ е поголем од сите, па и од Словенците.

Има 4 жртви поради лизгање на земјиште, во Тетово на ниту еден кружен тек нема атмосверска канализација, најглавните улици има еден тон кал и отпадок што го излеа Пена...... жално но вистинито


Edited by Dragan - 03-Aug-2015 at 20:55

Originally posted by Џоле

Originally posted by King Originally posted by Џоле

Ме изнасмеа твојата приказна со господ и со Словенците...

Originally posted by long123 Викаат пред фактите и боговите молчат, па не сум изненаден дека по 158-ми пут на мој пост нема аргументирано-издржана реплика.

На кој пост?

Претпоставувам одлуката за Струмица - граница е донесена после тој договорот со Бугарија, кога склучија и некои протоколи за инфраструктура. Така што веројатно и на Бугариве им е тоа во план, па затоа и нашиве го вметнале во следниве 12 години.

ЕУ притиска многу силно да се фокусираме повеќе на железница, бидејќи тоа е моторот на нивните индустрии и се разбира туризам, но ние сме веројатно (заедно со Албанија и Косово) најзаостанати железнички. Моменталната просечна брзина на нашиве пруги била 60-80 км/ч! Па и со право се повеќе луѓе се откажуваат од возот како превозно средство. Со коњ ќе стигнам побрзо.

Инаку за планови за други пруги... мислам дека ќе е ооогромен предизвик да се реализираат дури и овие најприоритетниве Куманово - граница со Бугарија и Кичево - граница со Албанија, бидејќи проценката за двата проекти е околу 500 милиони евра или вкупно 1 милијарда. Тоа за нас во период од 10-12 години и ваков мизерен економски раст е и повеќе од предизвик. Единствено да се молиме за грантови од ЕУ, малку за тие две, а можеби да ги покријат целосно и двете линии до термоелектраните, бидејќи така конечно ќе можеме да почнеме да увезуваме високо калоричен јаглен, па да ја кренеме малку енергетиката на нозе.