Куманово доби нова училишна спортска сала

Основното училиште „Христијан Карпош„ во населбата „Перо Чичо„ доби нова спортска сала.  

 Салата е изградена за една година, а чини 630 илјада евра. Сретствата ги обезбеди локалната самоуправа Куманово.

Неостварениот сон на многу генерации денеска стана реалност. Учениците од ова училиште и  родителите од оваа населба можат да се пофалат со современа спортска сала. За тоа е заслужна локалната самооуправа која имаше слух за нашите потреби- рече директорката Оливера Стојанова.

Лентата ја пресече градоначалникот Зоран Дамјановски кој нагласи дека во време кога локалната самоуправа е под силна политичка пресија од централната власт овој објект е најдобар доказ за желбата на локалната самоуправа да го гради и развива градот за потребата на граѓаните.

Во пресрет на големиот празник 11 Октомври имам чест да го пуштам во употреба овој прекрасен објект, ова спортско здание каде спортистите ќе нижат успеси. Оваа сала почна да се гради пред неполна година. Направивме атлетски полигон, за десетина дена ќе биде пуштена во употреба спортската сала во ОУ“Вук Караџиќ“ и ОУ“Наим Фрашери“, направивме тениски игралишта. Се адаптираме, имаме одлични услови за развој спортот и затоа се наоѓаме на врвот на спортската карта на Република Македонија. Мојата определба е да се вложува во спортот и образованието и тоа ќе биде во мојата програма за следниот мандат - рече Дамјановски.

Спортската сала во „Перо Чичо„ е една од најубавите во Општината. Опремена е со квалитена спортска опрема и ќе биде наменета за ученички, рекреативен и професионален спорт.

На свеченоста децата од училиштето изведоа богата културно-уметничка програма.

http://www.kumanovonews.com/vesti/vesti/kumanovo-dobi-nova-ucilisna-sportska-sala.html

УКИМ ќе добие нова спортска сала
20.04.2013 | 13:47
Македонија
Прочитано: 104
На универзитетот „Св. Кирил и Методиј“ во Скопје, кај комплексот факултети денеска почна изградбата на нова спортска сала, со капацитет од 1.100 гледачи и под трибински простор, кој ќе биде искористен за теретана и фитнес.

Вредноста на проектот е околу 154 милиони денари или приближно 2,5 милиони евра, средства обезбедени од Буџетот на Република Македонија и е дел од проектот на Владата за изградба на 35 спортски сали преку Агенцијата за млади и спорт.

На поставувањето на камен темелникот присуствуваа премиерот Никола Груевски, ректорот на УКИМ Велимир Стојковски и директорот на Агенцијата за млади и спорт, Александар Пујовски.

Спортска сала, според Груевски, ќе биде приспособена да се користи за кошарка, ракомет, одбојка, мал фудбал, пинг-понг, гимнастика, боречки спортови и сите останати дисциплини поврзани со физичкото образование и спортот на студентите, вклучувајќи и активнсоти од културен карактер.

- Ќе ги задоволи потребите на сите студенти кои без разлика на студиите што ги изучуваат заслужуваат простор во кој ќе спортуваат и ќе се рекреираат, рече премиерот, додавајќи дека мулти функционалната салата треба да биде готова најмногу за две години.

Во рамкии на УКИМ, со средства од Владата изградена е спортската сала на Факултетот за физичка култура, каде е предвидена изградба на уште една.

http://24vesti.mk/ukim-kje-dobie-nova-sportska-sala

Тука е. Со 90% сигурност

Добро, од двете зла, избрано е помалото.

ФОТО: Ростуше доби нова спортска сала „Македонија“
Сабота, 17 Август 2013 14:52

Во општина Маврово-Ростуше денеска беше отворена прва повеќенаменска спортска сала во оваа општина, која е дел од проектот на Агенцијата за млади и спорт (АМС) за изградба на 35 спортски сали и 50 фудбалски игралишта.

Салата се простира на површина од 1.300 метри квадратни и има капацитет од над 400 седишта и опрема за повеќе рекреативни спортови, како мал фудбал, ракомет, кошарка, одбојка, гиманстиока, пинг-понг и соблекувални под трибините.

Вредноста на спортската сала „Македонија“ е 35 милиони денари, а изведувач на работите беше ГП „Пелагонија“. Планирано е таа да биде дел од поголем спортско рекреативен комплекс „Радика“, за кој локалната самопуправа веќе има дефинирано план тој да се прави по пат на јавно-приватно партнерство.

На свеченото отворање на салата се обрати премиерот Никола Груевски, како и директорот на АМС Александар Пујовски и градоначалникот на Маврово Ростуше Мукрем Мехмеди.

Претседателот на Владата истакна дека реканскиот крај е меѓу регионите каде што не е инвестирано во капитални спортски објекти и до 50 години. Наведе дека салата е лоцирана во центарот на регионот на Ростуше за тој да заживее и да им биде блиску на сите околни села и населени места.


- Со денешното пуштање во употреба салата и ја отстапуваме на општина Маврово Ростуше и неа ќе може да ја користат сите спортски клубови, спортисти и ученици.Часовите по физичко воспитување нема повеќе да се одржуваат во училници и по ливади, туку во нормални услови, во модерна сала и со најсовремена спортска опрема. Особено ме радува тоа што го најави градоначалникот дека општината ќе гради и други спортски терени во околината на салата со што регионот ќе добие голем спортски комплекс во кој верувам ќе се родат многу спортски таленти, рече Груевски.

Тој посочи и на други проекти што се финансирани во изминатиот период, како што е амбулантата во Скудриње, реконструкција на локалниот пат Велебрдо-Требиште, изградба на патот за село Сенце, резервоари за вода во Скудриње, Жировница, Требиште и Маврово, изградба на нова училишна зграда за средното општинско училиште, како и постојана туристичка промоција на овој крај.

Во наредниот период, наведе Груевски, ќе се реконструира патот Ростуше - Велебрдо, како и патиштата за Жировница и патот Маврово - Маврови Анови, ќе се гради нов пристапен пат за Скудриње и нова водоводна мрежа во селото Ростуше.

На отворањето на салата градоначалникот Мехмеди истакна дека неостварениот сон на многу генерации денеска се исполнува. Смета дека проектот ќе има повеќекратни позитивни ефекти во животот на младите и оти ќе го подобри квалитетот на живот на сите семејства во овој крај. Со изградбата на планираниот комплекс „Радика“ и со другите инфраструктурни проекти, рече Мехмеди, ќе се подобри стандардот и ќе се отворат повеќе работни места за жителите од општината.
http://www.kurir.mk/republika/opstini/126982-FOTO-Rostuse-dobi-nova-sportska-sala-Makedonija

Интензивно се гради спортската сала во Демир Капија

ПУШТЕНА ВО УПОТРЕБА НОВАТА СПОРТСКА САЛА ВО ОУ „ГОЦЕ ДЕЛЧЕВ“ ВО ГОРНО ЛИСИЧЕ

Пуштена во употреба новата спортска сала во СОУ „Димитар Влахов“ во Струмица (фотографии: Радио СтрумицаНет)













повеќе фотографии на https://www.facebook.com/media/set/?set=a.10152494136728957.1073742237.231002903956&type=3

Пуштена во употреба спортска сала во ОУ „Св. Кирил и Методиј“ село Иловица, Општина Босилово





mia.mk

Населбата „Методија Андонов-Ченто“ во Општина Гази Баба ќе добие нова спортска сала

Нова спортска сала започна да гради Агенцијата за млади и спорт во населбата “Методија Андонов-Ченто” во општината Гази Баба. Спортската сала ќе биде изградена во дворот на основното училиштето ”Крсте Мисирков” и ќе биде изградена според меѓународни стандарди со димензии 20x40 метри за одигрување кошарка, ракомет, одбојка, мал фудбал, тенис. Истовремено, салата ќе биде опремена со реквизити за гимнастика и пинг-понг, а ќе се изградат и трибини со капацитет од 500 гледачи.

Спортската сала ќе може да ја користат сите спортски клубови, спортисти и ученици. Часовите по физичко воспитување, нема повеќе да се одржуваат во места каде нема елементарни услови, туку во нормални услови, во модерна сала и со најсовремена спортска опрема. Со изградбата на салата, Агенцијата за млади и спорт ќе придонесе да се родат многу спортски таленти во оваа општина.

Инаку, со оваа спортска сала се заокружува проектот “Изградба на 35 спортски сали низ државата на Агенцијата за млади и спорт”.

Агенцијата за млади и спорт не застанува тука, ќе продолжи со уште позасилено темпо со изградба на нови спортски сали и адаптација и санација на постојните спортски сали.

http://www.sitel.com.mk/mk/naselbata-metodija-andonov-chento-vo-opshtina-gazi-baba-kje-dobie-nova-sportska-sala