Ајмо Мишуре...

ЈСП РАСПИША ОГЛАС ЗА ДОИЗГРАДБА НА ОБЈЕKТОТ НА ВОДНО

НОВИОТ ГАЗДА САКА ШТО ПОСКОРО ДА БЛЕСНЕ КРСТОТ

За неполна година, односно наесен, се очекува Милениумскиот крст на врвот на Водно да биде доизграден. Јавното сообраќајно претпријатие „Скопје“, на кое Градот му го предаде стопанисувањето со објектот, распиша оглас за избор на најповолна фирма што ќе ја изврши планираната адаптација. Според директорот на ЈСП, Мишо Николов, ќе се направат антикорозивна заштита, ново осветление, лифт, водовод, одвод и пречистителна станица.

Заинтересираните фирми своите понуди може да ги достават до 14 јануари во дирекцијата на ЈСП кога и ќе биде нивното јавно отворање.

Според распишаниот оглас, фирмата со најповолна понуда ќе има рок од две години да ги заврши сите предвидени зафати, но Николов смета дека с` ќе биде готово многу побрзо.

- Доколку е с` во ред, договорот со најповолниот понудувач би требало да се потпише на крајот од февруари, а на крајот од март, кога ќе се подобрат временските услови, би требало да започнат градежните активности. За шест месеци, односно некаде во септември, може с` да биде готово - информира Николов.

Ќе се гради со донации

Просторот околу крстот ќе биде уреден со зеленило. Проектите за крстот се готови од 2012 година. Адаптацијата, односно доизградбата на Милениумскиот крст, ќе чини 35 милиони денари (566.343 евра), а парите, како што рече Николов, ќе бидат обезбедени од донации.

- Владата веќе ни обезбеди гориво во вредност од 30 милиони денари. Доколку има потреба и Градот ќе помогне, иако за тоа немаат предвидени средства во буџетот - истакна Николов.

Владата му даде на ЈСП 970.000 литри „евродизел“, кои се наменети за потребите за довршувањето на Милениумскиот крст.

На крстот е планирано да биде изграден и ресторан, како и црква со конаци, според идејното решение на архитектот Јован Стефановски-Жан, кој е и автор на проектот за самиот Милениумски крст. За изведба на ресторан досега не можеше да стане збор без донесени водовод и канализација на врвот од планината. Откако ќе заврши адаптацијата на објектот, ќе може да се изградат и сите други планирани содржини.

http://dnevnik.mk/?ItemID=89BB0F41F38C6A4D9BE7F4BA42207410

toa e eden vid donacija... chesto slusham vo biznisot, platezen nacin da e gorivo, se vrtat tuka nekoi igri...

Ако не се лажам, столбовите се истовремено и светла што го осветлуваат крстот одоздола.

Edited by Џоле - 29-Mar-2014 at 12:04

ne bi rekol deka osvetluvanjeto e loso, no moze i podobro. i sekako treba da se odrzuva, da ne bide trci trci svetlo.

ЈСП


"Бетон" ќе го доврши крстот на Водно


Јавното сообраќајно претпријатие(ЈСП) го раскина договорот со фирмата "Турбоинженеринг" и за довршување на Милениумскиот крст на Водно потпиша нов договор со фирмата "Бетон", објавија интернет-порталите. Градежниот зафат ќе го реализира ДГ Бетон" АД Скопје, која од јавното претпријатие за таа намена ќе добие 82.243.587 денари или за околу 19 милиони денари повеќе од првично склучениот договор со "Турбоинженеринг".

Со оваа сума ќе треба да се изведе неопходната водоводна и канализациона инфраструктура за планираниот ресторан во рамките на крстот, да се постави нов лифт, да се сменат светилките и да се премачка целата конструкција со нова антикорозивна заштита. Во договорот е предвидено Милениумскиот крст да се доврши во рок од 24 месеци.

http://www.vecer.com.mk/?ItemID=9DFD14E95030794F9A4D7EBD6F6A0C3C

Сите потребни столови и маси за ресторанот се однесени таму уште пред месец - два

http://www.mkd.mk/galerii/mirnata-strana-na-skopje#5

ЗАПОЧНА РЕКОНСТРУКЦИЈАТА НА МИЛЕНИУМСКИОТ КРСТ



Градоначалникот на Град Скопје, Коце Трајановски, министерот за транспорт и врски, Миле Јанакиески, Претседателот на Советот на Град Скопје, Ирена Мишева и директорот на ЈСП-Скопје, Мишо Николов денеска /28.06.2014 година, сабота/ присуствуваа на официјалниот почеток на градежните работи за реконструкција и адаптација на Милениумскиот крст.

Градоначалникот на Град Скопје, Коце Трајановски изјави дека станува збор за проект со кој ќе се зголемат содржините, а со тоа и атрактивноста на Милениумскиот крст за неговите посетители.



- Овој проект опфаќа градежни работи со што ќе се добие целосна антикорозивна заштита на челичната конструкција на Милениумскиот крст, демонтажа на постојниот и изградба на нов панорамски лифт со придружни простории и елементи, поставување електрични инсталации, опрема и агрегат, изградба на фекална канализација и санитарни јазли, како и регулирање на водоснабдувањето до Милениумскиот крст и изградба на водоводна мрежа. Милениумскиот крст е еден од најважните објекти на Водно и сметаме дека досега граѓаните не можеа да ги искористат сите придобивки. Со реализацијата на проектот за реконструкција и адаптација на Милениумскиот крст овој простор ќе биде целосно уреден и ќе понуди различни содржини за одмор и за рекреација на посетителите, рече градоначалникот Трајановски.

Министерот за транспорт и врски Јанакиески изјави дека реализацијата на овој проект е резултат на одличната соработка помеѓу Владата на Република Македонија и Град Скопје. Тој ги спомна и неколкуте проекти кои Министерството за транспорт и врски и Владата на Република Македонија ги имаат реализирано на планинава Водно, а како најважен за идниот период ја посочи изградбата на втората делница од Жичарата на Водно, од Средно Водно до Скопје, која треба да биде готова до 2018 година.

На терен на реконструкцијата и адаптацијата на Милениумскиот крст ќе работат екипите на градежната компанија „Турбо инженеринг“, за реализацијата на овој проект ќе бидат вложени околу 70 милиони денари, а градежните работи треба да завршат за 9 месеци.

Додека траат градежните работи за реконструкција на Милениумскиот крст просторот околу крстот ќе се огради, а жичницата до врвот на Водно ќе работи непречено.

http://www.skopje.gov.mk/ShowAnnouncements.aspx?ItemID=6631&mid=482&tabId=1

затоа што сите прашања и проблеми околу крстот на водно веќе се решени