Велосипедски патеки и пунктови

Тоа е тоа. За нас Научна Фантастика, можеби и Епска дури.

Не би рекол дека ова е научна фантастика за нас. Ако се има барем мала иницијативност од локалната власт и невладините организации, тогаш за неколку години може да добиеме ваков проект и кај нас. Пред се`, би рекол дека граѓаните треба да го сакаат ова.

Велосипедски патеки во Скопје (освен оние на кеј):
-често непостојат или не се обележани
-се користат за паркирање
-новите често имаат бандери по и онака тесната патека
-ВИСОКИ рабници

Edited by vlatko.mk - 22-Apr-2013 at 01:30

Само да видите колку е запуштена велосипедската патека на кеј... Веќе е полна со пукнатини, со ѓубре, со ситни камчиња и целата е обрасната со трева.

Не е само да изградиш треба и одржување. Ова второво некако не ни оди баш. башка што најчесто ваквите проекти се многу мизерно и евтино направени така што после 2 до 3 години употреба изгледаат како да се пред 40 години правени. 

од Фејсбук страницата на општина Карпош

od A do SH e tocno!

Плоштад Слобода: Лентите во боја не се велосипедски патеки

share
од НОВА | објавено на: 20-09-2013 11:47:06


*аматерски снимки

Според „Плоштад Слобода“, Град Скопје треба престане да се подбива со граѓаните на Скопје и да почне да вложува во вистинска велосипедска инфра-структура и подобрување на сообраќајната култура за сите учесници.

„Градоначалникот Коце Трајановски го гледаме на велосипед само во предизборна кампања и во други два дена во годината, пред се на фотографии во медиумите. Затоа, го повикуваме господинот Трајановски да избере било кој друг ден, и од својот дом во Автокоманда, да се обиде со велосипед да стигне на работаа, во просториите на Град Скопје. Така Градоначалникот ќе може да се увери во непостоењето на велосипедската инфра-структура, но и на основна култура на третирање на велосипедистите и пешаците како рамноправни учесници во сообраќајот во Скопје“, се вели реакцијата.

Од здружението забележуваат дека сообраќајот е формиран само за автомобилите, додека пешаците и велосипедистите страдаат на сметка на тоа.

- Општиот впечаток е дека сообраќајот и паркинг условите во градот се подредени на потребите и доминацијата на посилните, оние со автомобили. Семафорите се прилагодени само за потребите на возачите, а на штета на пешаците и велосипедистите. Пешаците и велосипедистите се толку репресирани во сообраќајот, што се приморани секојдневно да се движат по коловозите, меѓу возилата. Затоа и активности и кампањи за подигање на свеста кај учесниците во сообраќајот се непознати појави кај оваа администрација. Постојано се носат репресивни правила и закони кои го уредуваат однесувањето на велосипедистите, пешаците, граѓаните, а оние со автомобили и мотори дивеат по скопските улици.



Згора на сето тоа, пишува во реакција,а ниеден од новите урбанистички и сообраќајни зафати низ градот не ги земаат предвид велосипедистите како рамноправни учесници во сообраќајот. Ниеден од новите булевари на Трајановски нема предвидени велосипедски патеки. На Климент Охридски пешаците и велосипедистите делат тротоар во ширина од 1 метар, на Илинденска несоодветните сливници го прават возењето невозможно, а на Првомајска тесните тротоари што се делат со пешаците се понебезбедни од било кога заради зголемената брзина на возилата. Во Скопје речиси и не постојат рампи за заштита од уништување на велосипедите од рабниците на тротоарите, а единствените промени беа направени за да се прилагодат овие премини на новововедената кочија од проектот Скопје 2014.

Организацијата ги повикува Градот, а и медиумите, како и сите сограѓани, критички да се пристапи кон разните „дефилеа“ за некакви патеки, велосипедска инфра-структура и сл. Освен потегот долж реката Вардар (и тој узурпиран со работите на Скопје 2014) во градот Скопје не постои делница доволно уредена и доволно безбедна за одвивање на било каков велосипедски сообраќај. Време е да ги нарекуваме работите онакви какви што се! А чкртањето ленти во боја по улиците и тротоарите не се велосипедски патеки!

http://novatv.mk/index.php?navig=8&vest=7637&cat=2

На Точак - Критична маса #17

Во прилог на горната вест... Исто така преземено од Фејсбук страницата на НаТочак:

-Што прави Словенец во Скопје?
-Лепи гуми

„Андреј Клеменц извозел 500 km низ Љубљана со точаков без дупната гума, а само еден понеделник во Скопје го чинеше 4 лепења на гуми.

Добрата страна на приказната е што е многу задоволен од нашите сервисери, дека се фини, културни, евтини и брзи.“

Ова докажува колку се нечисти и неодржувани велосипедските патеки и улиците низ градов. Пред една недела поминував со мојот велосипед по мостот Близнак во Аеродром, и се запрепастив колку стакла, камчиња, искосена трева и други ѓубренца имаше по тротоарите на мостот.

Мислам дека е дигитален сообраќаен знак, барем така изгледа.