ја веќе реков дека многу верувам во она чоечено на горната слика.сакам да сум во право

Луѓе има ли некој информации за трасата на новиот автопат Скопје-Штип?
Дали ќе започнува од клучката Миладиновци или некаде источно од Аеродромот Петровец?

Ако е од Миладиновци, тогаш не чека сериозна работа по преправање на клучката. Еве една набрзо скалупена 2Д варијанта:



Тука се прикажани сите насоки (ако не сум пропуштил некоја) и клучката е на 3 нива (од кое едно подземно и тоа Штип-Петровец). Но баш заради тешката изведливост мислам дека пак ќе имаме некакво компромисно решение со отпаѓање барем на оваа насока. Верувам дека новиот автопат кон Штип ќе почне или во двострански засек или со долг мост, како што започнува Обиколницата кај Сарај.

Edited by Andrej_LJ - 12-Nov-2013 at 01:12

Па ваљда не се до толку дудуци оваа клучка да ја остават ваква...се надевам дека ќе ја преправат во детелина...

Originally posted by Andrej_LJ Детелината е најлошото можно решение за клучки, на кои свртувањата се доста важни. Тука да речеме важно свртување е Ск-Ку и обратно. Детелината не овозможува брз проток, бидејќи има остри кривини често има огранучување 40 или 60. За разлика од неа помеките и заоблени лакови имаат поголема проточност и на нив може да се вози побрзо. Мене ми е страв нашиве стручњаци да не пропуштат цели свтрувања како кај Хиподром. И не ми е јасен овој однос - зимаат кредит астроносмко висок за можностите на Македонија (го оправдувам) и после плановите се чуваат како државна тајна. Само едни базични податоци се кажуваат веќе неколку месеци по медиумите и толку. Нема ли некаков барем идеен проект како мизеријата за Кичево-Охрид?

Грешка си, детелината е најдобро решение од денивелирани патни јазли

Автопат и на Стража – нов проект на Владата

Владата планира изгрaдба на автопат на потегот Гостивар – Кичево. Во интервју за романската државна агенција АГЕРПРЕС, премиерот Груевски вели дека веќе се почнати преговорите со кинеските партнери. Кинезите се заинтересирани за проектот.



„Во моментов разговараме за други можности. Разговараме за финансирање на хидроелектрани како таа во Галиште, потоа за изградба на друг автопат помеѓу Кичево и Гостивар кој е исто така дел од патниот правец Скопје-Охрид“, изјави Грувески за романската агенција.

Министерот за транспорт и врски Миле Јанакиески синоќа во интервју за Сител рече дека Меѓународната финансиска корпорација, IFC веќе ја завршиле анализата за исплатливоста на проектот.

„Сега сме во фаза на анимирање на компании и очекувам дека во 2014 ќе имаме меѓународен повик за концесија за изгрдба на автопатска делница од Гостивар до Кичево“, рече Јанакиески за Сител.

Изгрaдбата на автопатите – златна шанса за домашните компании

Со изградба на автопат од Гостивар до Кичево, но и со изградбата на двата автопати кои ќе почнат да се градат напролет, земјава ќе добие автопатско поврзување од Штип преку Скопје, потоа преку Стража до Кичево и Охрид. Со довршувањето на делницата Демир Капија – Смоквица, пак автопатски ќе бидат поврзани северната и јужната граница.

Приоритет на Владата за наредната година се токму автопатите за кои веќе се обезбедни над половина милијарда евра, а тоа претставува исполнување на барањето на бизнис заедницата. Освен што ќе добијат одлична инфраструктура, компаниите добиваат и работа во наредниот период затоа што договорот што го склучи Владата со кинескиот партнер подразбира ангажирање на домашни компании и работници што директно ќе влијае на повеќе сектори – градежништвото, рударството, металната и хемиската индустрија.

Што ќе се гради во наредниот период?

Во наредните пет години планирана е изградба на 11 автопати и магистрални патишта во вкупна должина од 300 километри и уште 200 километри локални патишта.

Ќе се градат двата автопати – од Миладиновце до Штип и од Кичево до Охрид, потоа предвидена е изградба и реконструкција на магистралите Штип – Радовиш, Смоквица – Гевгелија, Неготино – Демир Капија, Градско – Прилеп, Стенковец – Блаце, Миладиновци – Куманово и Велес – Кадрифаково.

Проектот за автопатот од Миладиновце до Штип предвидува изградба на автопат во должина од 47,1 километри. Коловозните ленти ќе бидат со вкупна ширина од 27 метри, а ќе има и 8 натпатници и 5 потпатници. На автопатот се предвидени клучки кај Миладиновци, Средно Коњаре, Преод, Свети Николе-Север, Свети Николе-Југоисток, Кадрифаково и Три Чешми

Новиот автопат пак, од Кичево до Охрид според проектното решение ќе биде долг 56,7 километри. Почнува од Кичево, па преку Подвис, Пресека и Песочани стигнува до Требеништа. Оттука преку Подмолје се поврзува со Охрид. Според проектот, и овој автопат ќе има две ленти со вкупна ширина од 25,2 метри, а на трасата ќе има и 6 натпатници и 13 потпатници, како и тунел Пресека” со две цевки. По двата автопати ќе се вози по 120 километри на час, наместо 60 како сега.

Економски.мк

http://ekonomski.mk/2013/12/21/%D0%B0%D0%B2%D1%82%D0%BE%D0%BF%D0%B0%D1%82-%D0%B8-%D0%BD%D0%B0-%D1%81%D1%82%D1%80%D0%B0%D0%B6%D0%B0-%D0%BD%D0%BE%D0%B2-%D0%BF%D1%80%D0%BE%D0%B5%D0%BA%D1%82-%D0%BD%D0%B0-%D0%B2%D0%BB%D0%B0/

колку што јас знам паралелно треба да се градат ,е сега кога точно ќе започнат и кога ќе завршат е тешко да се каже.

Источната делница воопшто не е спомната ,а според моите информации не постои никаков проект. На времето нешто се правело но тоа е како идеа. Така да ако нешто се најави ќе се изначекаме неколку години само за тие проекти.

Штипскиот регион важи за еден од бастионите на ДПМНЕ, односно за провмровски регион, така што изградбата на автопатот би донела големи политички поени за владејачката партија. Освен тоа, упорно се вршат обиди за заживување на овој регион, а изградбата на автопат до Штип би значело и економско заживување, посебно ако се земе предвид дека струмичкиот регион, кој е земјоделски, се наоѓа во близина на Штип. Плус, мислам дека се обидуваат да го направат Штип центар на источна Македонија, што не е лошо со оглед на неговата големина, важност и значење за тој дел од земјава.

Edited by Џоле - 11-Jan-2014 at 19:00

Originally posted by Џоле Штипскиот регион важи за еден од бастионите на ДПМНЕ, односно за провмровски регион, така што изградбата на автопатот би донела големи политички поени за владејачката партија. Освен тоа, упорно се вршат обиди за заживување на овој регион, а изградбата на автопат до Штип би значело и економско заживување, посебно ако се земе предвид дека струмичкиот регион, кој е земјоделски, се наоѓа во близина на Штип. Плус, мислам дека се обидуваат да го направат Штип центар на источна Македонија, што не е лошо со оглед на неговата големина, важност и значење за тој дел од земјава.

nemam nisto protiv avtopat do shtip, daj boze da imame avtopati niz cela drzava, no koridor 8, t.e. kumanovo-kriva palanka e mnogu mnogu pobiten spored mene bidejki e smeshno da se patuva 6 saata do edna sofija sto e na 250 km od skopje. istoto vazi i za gostivar-struga, bidejki toa e vrskata so tirana, i so skopje-pristina.