Автопати и експресни патишта (општо)

Originally posted by alexsend И тоа што викаш Денко: Охрид/Дебар - Берово ти треба 4 часа возење со кола Охрид - Гевгелија исто 4 часа Последнава рута за жал еднаш требаше да ја возам враќајки се од Солун, 100 пати се покајав што не заминав дома за Скопје.

Ако треба од Солун до Охрид да одиш веројатно побрзо би било по Виа Егнација до Кажани и од таму накај Битола?

Споредбата е многу излишна бидејќи Полска и Македонија се комплетно различни држави. Различни географски и геополитички позиции, различни политики, различни менталитети, различна индустрија и на крај сосема различна финансиска позиција.
Некој погоре спомна дека Полска немала планини, а тоа не е баш точно но точно е дека нивниот терен за градење е полесен и поефтин, а од друга страна каде што им се планините (на југот ги делат со Словачка) нема ниту еден автопат . Односно почнале еден да градат пред 20тина години и дури сега тегнат од петни жили пари за да го изградат и никако да се доврши (односно да се започне), а се работи за не многу тежок терен (во наши услови) со средно високи планини до 2000 метри и на еден дел високи планини над 2500 метри (Високите Татри) што таму е прилично тежок и непристапен терен со Сибирски зимски услови.

Верувам дека Македонија нема таков графикон бидејќи за тој перид нема повеќе од 2-3 км годишно (иако верувам дека ни толку нема) што е засрамувачка бројка.

Бенефит од автопатот Скопје Штип во груби бројки:
- ќе се намали должината за 15 километра. Со тоа би станал самооддржлив, бидејќи истите пари што сега се даваат за гориво ќе се заменат за патарини, па наместо да завршуваат во Катар се надеваме ќе стигнат до фонд за патишта.
- ќе се намали просечно време за 20 минути во насока (прашајте некој што работи како дистрибутер колку тоа му значи).
- многу Штипјани и граѓани од Свети Николе ќе се вратат да живеат во куќи по родните места, наместо 50 квадрати во загадено Скопје (слично како Велес и Куманово).
- развој на цел Источен регион. Да, тоа е тој сив регион што пола граѓани од Западна Македонија го немаат никогаш посетено.
- на среден рок можност со изградба на аеродром во Штип да се пренасочуваат летовите од Скопскиот аеродром при услови на магла.
- на долг рок можност за доизградба на автопат до Делчево и експресен пат до Струмица.

Реално, земајќи ја и во предвид цената за изградба што пред 6 години беше ако не се лажам околу 80 милиони евра се чекаше премногу време за почеток на градба.

Originally posted by anti-modernista1 edno prasanje neka mi odgovori nekoj. sto e problemot da se napravi avtopato ili ekspresen pat izmegju bitola prilep. sto vazi za eden od naj vaznite regioni vo makedonija. trasata e mnogu lesna i otvorena za da se napravi avtopat, mislam deka se vo prasanje 45 kilometri sto ne bi znacilo ogromna investicija

Или да се доизгради уште една лента иста на оваа за спротивна насока, или да се прошири на експресен пат 2+2 ленти (што е полошо решение). Инаку потребата од проширување на овој пат е се понеопходна. Моја проценка 50М би забршиле работа

Јас мислам дека нема потреба да расправаме веќе за тоа кој пат е важен за да биде автопат или не. Секој за своето место ќе си каже дека е важно.

Штип е барем подеднакво важен ако не и поважен од сите што ги наведовте.

Источна Македонија, Штип, Кочани, Виница, се многу неразвиени области цели семејства се исселуваат во Италија и Германија, мора на некој начин да пробаме да ги задржиме луѓето таму. Штип е универзитетски град, се планира и карго аеродром, заедно со автопатот Штип ќе добие на цена и треба да го влече целиот регион.

Мора да се сложиме дека автопатот Скопје-Штип е вистински погодок, малку доцна но сепак погодок.
Штип мора да стане централен град за источна Македонија (не дека на некој начин и не е во моментов).
Како што имаше проект СК2014 нека изготват проект пр.Штип2017 само што наместо споменици би се изградиле сите оние неопходни објекти кои ќе придонесат граѓаните од помалите градови во источна Македонија да се селат во Штип наместо во Скопје. Во исто време би се изградил и автопатот.
Визионерска Влада (каква што посакуваме) мора да најде решение за проблемот во кој се наоѓа Скопје (пренаселеност, хаос, загадување...), а еден од тој е и спречување на понатамошно ширење на градот, секако со подобра понуда во некој друг, пр.Штип

ви ги разбирам размислувањава, ама реален приоритет на Македонија се меѓународните коридори... ние не можеме еден асален патен и железнички коридор 8 да го направиме со години, коридор 10 дури сега го развиваме колку толку (после 20 години), а вие размислувате за развој на инфраструктура на локално ниво... и јас сакам од град до град на земјава да стигам за саат време, ама тоа засега е неприоритетно
можеби очекувањето би било пореално доколку постојат политички интереси за такви проекти, ама такви интереси засега нема, барем колку што гледам...

За еден град да почне да се развива економски најпрви предиспозиции кој треба да ги поседува се добра поврзаност со останати економски центри, добро едуцирано население и да биде регионален центар а воедно да има и добра гео-стратешка поставеност.Воедно работни места во еден град се отвараат со инвестирање на домашни и странски компании но и со малите и средни бизниси на локалното население, а за сите тие да инвестираат во тој град тој треба да ги поседува горенаведените предиспозиции.
Штип делумно ги поседува предиспозициите и сега му фали само одлично поврзување со главниот град и со светот (две работи - автопат и аеродром, за вторава и не сум баш сигурен кога веќе ќе има автопат дали воопшто ќе биде потребна). Штип е и онака централна крстосница за источна Македонија (освен за Северо Источна).
Тоа што се обидуваат Штип да го направат регионален центар јас го подржувам бидејќи смешно е Струмица да биде центар на Источна Македонија кога се наоѓа најдалеку од Скопје (најпрво и најважно), дури и да се изгради автопат до Струмица и исто така се поврзе со Е75/К10 ,таа повторно ќе биде еден од најодалечените градови од Скопје во Македонија. Струмица може да биде економски центар на (Југо-)Источна Македонија што и всушност претставува.
Но всушност мислам дека владата сака да го направи административен и економски центар само на Источниот регион , а не на Источна Македонија.

П.С: доколку модераторите/администраторите мислат дека мислењево треба да се префли слободно префлете го и онака е ОТ.



Edited by daci92 - 15-Jan-2014 at 23:56

дискусијава е иста ко онаа за аеродром во Битола или Штип...