Коридор 8

До Бељаковце ќе се патува со воз најдоцна до 2016 година

По неколкумесечно доцнење, денеска започна реконструкцијата на железничката делница од Куманово до Бељаковце во должина од 30,8 километри. Со поставување на камен – темелник кај некогашниот симбол на пругата кон источниот сосед – Клечовскиот мост, се реактивираше проектот за железничко поврзување меѓу Македонија и Бугарија. Градежната оператива на германската компанија „Вибе“ во периодот до 2016 година треба да ги изведе неопходните активности за изградба на планираната едноколосечна пруга, три железнички станици, четири стојалишта, еден тунел, три мостови, меѓу кои и оној на реката Пчиња, осум подвозници и шест надвозници. Со зафатот е предвидена електрификација на пругата, поставување на кабелски водови, заштитни бариери и нови сигнални и телекомуникациски уреди. Проектната документација за оваа делница ја подготви австриската компанија ИЛФ.



Инвестицијата во овој проект е проценета на преку 50 милиони евра, а за нејзина реализација во 2012 година беше подигнат кредит во висина од 46,4 милиони евра од Европската банка за обнова и развој (ЕБОР). Покрај остварувањето на првата фаза, во претстојниот период треба да се затвори финансиската конструкција за двете останати етапи со кои пругата треба да стигне до граничниот премин Деве Баир. Владата во моментов преговара со европските финансиски институции за изведба на делницата од Бељаковце до Крива Паланка во должина од 34 километри, за која се неопходни средства во висина од 145 милиони евра. Сепак, најголем предизвик за македонските власти ќе биде обезбедувањето финансии за сегментот од Крива Паланка до бугарската граница во должина од 24 километри, за кој се неопходни средства во износ од околу 360 милиони евра.

На денешната свеченост беа присутни премиерот Никола Груевски, вицепремиерот и министер за финансии Зоран Ставрески, министерот за транспорт и врски Миле Јанакиески, како и претставници на ЕБРД и на железничките компании. Изградбата на пругата кон Бугарија започна во 1994 година, а работите за нејзино завршување се прекинаа во 2004 година. До почетокот на 90-тите години, железницата редовно ги опслужуваше жителите на Бељаковце со патнички возови.

http://www.build.mk/?p=33285

А все пак е ставало на въпрос за тунел 

уште една мапа



Edited by Danielbtmk - 12-Mar-2014 at 02:53

Да, 160km/h отпадна

Originally posted by daci92 Таа од 160 км/ч отпадна бидејќи се губеше примарната цел на железницата, односно да ги поврзува градовите и селата во државата ,а со таа железница не се поврзуваше Кратово и многу села во целата  таа околина кој со оваа старава се поврзуваат.

Им изгорела душата за Кратово. Кажи дека се неспособни. Колку е Кратово поврзано со околните градови: со Куманово и Скопје 4 пати во текот на денот, со Пробиштип 5 пати, а со Крива Паланка еднаш.

А Свети Николе со Куманово еднаш во текот на денот, со Велес и Скопје 4 пати, со Штип не знам колку. Локален превоз помеѓу градот и околните села не постои.

И што ако Свети Николе има сообраќајно поврзување и со Велес и со Скопје преку Којнарска Сушица и со Куманово, Птип, а сега и со Пробиштип кога овој дел од Македонија е запоставен во поглед на превоз небаре се наоѓа во Сибир.

Па така и со пругата. Отпаднала брзината од 160 km/h поради Кратово. Мижи Асан да ти баам!

Edited by phenomenon - 12-Mar-2014 at 18:43

Тие два воза што ќе одат Скопје-Софија нема ни да стојат по селата. Евентуално ако МЖ пушти еден патнички воз дневно Скопје-Кр. Паланка, како што имаат по едно тргнување Скопје-Кочани.
Со таква импресивна сообраќајна поврзаност сигурно ќе запре понатамошното иселување од тие села.

И дали трасата оди по течението на Црна Река и поминува низ Кетеново, кое од Кратово е оддалечено 9 километри?

Edited by phenomenon - 12-Mar-2014 at 23:16

Апетитът идва с яденето, е казал народът! Сега да видим Секция 2 кога ще я започнете...