Нова турска инвестиција во Бунарџик: “Менсан“ ќе произведува дискови за сопирачки

Лидерот за производство на дискови за сопирачки во Турција компанијата Менсан, донесе одлука да инвестира во Македонија.

Директорот на Агенцијата за странски инвестиции и промоција на извозот на Република Македонија Висар Фида, денеска (26.12) ја најави новата турска инвестиција во индустриската зона Бунарџик во Скопје.

“Посебна чест ми е што денеска можам да најавам нова инвестиција од Република Турција. Се работи за компанијата Менсан која што е лидер во нивниот сектор во Република Турција. Оваа инвестиција беше иницирана од страна на нашиот промотор во Турција, Алев Сулејман. По неколку месечни преговори денеска претставниците од компанијата донесоа одлука да инвестираат во Република Македонија” изјави директорот на Агенцијата Висар Фида.

Претставниците од турската групација истакнаа дека една од главните причини поради која се одлучиле да инвестираат во Македонија е нивната визија за развивање на компанијата во Европа. 

“Ние како групација Менсан од Маниса, Република Турција произведуваме дискови за сопирачки и сме една од најголемите компании во Турција. Како групација продолжуваме со наше инвестирање во Турција и надвор, а денеска донесовме одлука да инвестираме во Македонија. Најголема причина за нашето инвестирање во Македонија е тоа што оваа земја e доста динамична. Посебно добрата намера на официјалните претставници на Македонија ни влијаеше врз нашата одлука за инвестирање во земјата. Нашата инвестиција ја гледаме како една врата за отварање кон Европа.Тука сметаме дека ќе го развиеме нашето производство на дискови за сопирачки со што ќе имаме поблизок пристап до европските земји” истакна претставникот од компанијата Менсан г-нот Ѓудум.
Компанијата во Македонија ќе инвестира околу 5 милиони евра, а со отварањето на фабриката во земјата ќе се отворат 100 нови работни места.

Edited by Danielbtmk - 26-Dec-2013 at 21:23

Од денешното отворање на фабриката за автобуси на Ван Хол...

како што сватив од медиумите,ова е нова фабрика или проширување на досегашната.се зголемува капацитетот на фабриката која сега ќе работи и автобуси за европскиот пазар.досега се правеа автобуси за америчкиот пазар

Не се работи за втора фабрика. Еднаш се организираше церемонија на поставување на камен темелник (пред повеќе од година и пол), а пред некој ден беше официјалното отворање на фабриката. Интересно е што во Ван Хол истовремено се произведуваа автобуси и се доградуваше остатокот од фабриката. Сега фабриката е скоро комплетно изградена, остануваат да се средат административниот дел и дел од ентериерот.

Она што лошо го пренесоа медиумите и веројатно прави забуна е втората инвестиција на Ван Хол во Македонија, во Штип. Тоа е многу помала инвестиција и таму се работи за заедничко вложување на Ван Хол и Актива од Штип. Таа фабрика (многу помала од оваа во Бунарџик), ќе произведува шасии за автобусите на Ван Хол и челични конструкции за градежништво, што е уствари основна дејност на Актива.

Видов автобус на Ван Хол на пробно возење, пред скопскиот аеродром. Имаше пробни таблички, не испечатени на хартија, туку actual метални таблички. Имаше само шофер и уште еден човек до него, без камермани и чуда. Може и да не бил првиот автобус, затоа.

Административната зграда на Дирекцијата за ТИРЗ

Турски „Истем Медикал“ од следниот месец започнува со инвестицијата во Македонија



Премиерот Никола Груевски и членовите на владината делегација, кои се во неколкудневна посета на Турција, синоќа во Анкара остварија работна вечера со сопствениците и менаџментот на компанијата „Истем Медикал“. Оваа компанија веќе претходно објави дека ќе инвестира во технолошко – индустриската развојна зона во Скопје каде ќе произведуваат медицинска опрема, катетрхидрофилни катетери, уролошки системи и останати медицински производи.

Премиерот Груевски и менаџментот на компанијата разговараа за динамичниот план на компанијата и инвестицијата чие отпочнување од компанијата „Истем Медикал“ се најавува многу наскоро.

„Ние веќе во почетокот на наредниот месец планираме да започнеме со изградба на фабриката. Инвестицијата е вредна 10 милиони евра. Првенствено ќе имаме 150 вработени и после неколку години планираме таа бројка да се зголеми и да дојде до 250 вработени. Инаку сме многу благодарни на Владата што нуди добри услови за инвестирање и секогаш се однесува пријателски и добро не прими. Економските промотори многу ни помогнаа во реализирањето на оваа инвестиција и веруваме дека со ова темпо ќе продолжиме и понатаму и ќе реализираме и други инвестиции во иднина”, изјави извршниот директор на „Истем Медикал“, Муса Јамурло.

„Се работи за турска компанија која ќе произведува медицинска опрема во Република Македонија и ќе придонесе за креирање на нови работни места. Ова е доказ за сериозниот пристап и посветената работа на Владата која креира успешна бизнис клима за привлекување на нови странски директни инвестиции”, изјави заменик директорот на Агенцијата за странски инвестиции и поттикнување на извозот Климент Шекеровски.

http://faktor.mk/archives/123523

НАЈАВА: Американска компанија ќе донесе 400 нови вработувања во Бунарџик

Нова странска инвестиција најави премиерот Никола Груевски денеска во неговото обраќање на 15-годишнината на Унијата на жени на ВМРО-ДПМНЕ.
Според Груевски, станува збор за компанија која произведува воздушни перничиња за автомобили, која во скопската економска зона ќе вложи 18 милиони евра.

Во фабриката ќе бидат вработени 400 лица, а договорот за инвестирање треба да биде потпишан веќе на 19-ти декември.

„Се надевам дека до Нова година ќе бидам во можност да објавам уште најмалку една голема инвестиција во еден од поголемите градови во внатрешноста, каде досега не е изградена нова фабрика. Деновиве многу се работеше на тоа и е во завршна фаза на реализација“, рече Груевски.
Американската компанија е една од шесте кои во последниот период формално донеле одлука да инвестираат во Македонија.

-----------

Три нови странски компании следната година ќе се вдомат во Бунарџик. Во слободните зони Бунарџик 1 и Бунарџик 2, својот производствен погон почна да го гради италијанската компанија Дијатек, додека украинска енергија и турската Истем Медикал своите градежни активности ги планираат за следната година.

Според директорот на Дирекцијата за слободни зони, Виктор Мизо, најголем интерес од странските инвеститори засега има за слободните зони кои се наоѓаат во Скопје поради како што вели од логистички причини.

-Во ТИРЗ Скопје 1 и ТИРЗ Скопје 2 во тек се одвиваат градежни активности од страна на италијанската компанија Дијатек. Производствениот погон се очекува да биде завршен до месец април 2015 година кога компанијата ќе започне со производство. Од другите странски инвеститори кои потпишаа договори, украинската Енергија во моментот работи на проектна документација, а почетокот на градбата е предвиден за март 2015 година. Во следниот период се очекува со подготвителни работи да започне и турската компанија Истем Медикал, вели Мизо за еМагазин.

Според него, во ТИРЗ Скопје 1 секогаш постои голем интерес од страна на потенцијалните инвеститори, при што како сектори најчесто доминираат од автомобилската индустрија.

-Станува збор за компании кои не се трудоинтензивни, кои имаат пософистициран технолошки процес и кои имаат потреба да се во близината на градот Скопје од логистички причини или да имаат полесен пристап до универзитетите, потенцира директорот на Дирекцијата за слободни зони.

http://faktor.mk/2014/12/07/%D0%BD%D0%B0%D1%98%D0%B0%D0%B2%D0%B0-%D0%B0%D0%BC%D0%B5%D1%80%D0%B8%D0%BA%D0%B0%D0%BD%D1%81%D0%BA%D0%B0-%D0%BA%D0%BE%D0%BC%D0%BF%D0%B0%D0%BD%D0%B8%D1%98%D0%B0-%D1%9C%D0%B5-%D0%B4%D0%BE%D0%BD%D0%B5/

http://emagazin.mk/%D1%82%D1%80%D0%B8-%D0%BD%D0%BE%D0%B2%D0%B8-%D1%81%D1%82%D1%80%D0%B0%D0%BD%D1%81%D0%BA%D0%B8-%D0%BA%D0%BE%D0%BC%D0%BF%D0%B0%D0%BD%D0%B8%D0%B8-%D1%81%D0%BB%D0%B5%D0%B4%D0%BD%D0%B0%D1%82%D0%B0-%D0%B3/

Edited by Navigator - 09-Dec-2014 at 10:55

Originally posted by jyvation Овие се само во најава.Кога ќе донесат конечна одлука и кога ќе ги знаеме со име тогаш споделувајте.

А ако некој случајно го знае името, смее да ја сподели веста?
Најава е единствено таа, новата американска компанија што ќе потпише договор за 10тина дена. Сите останати во текстот се веќе објавени.