Мост Сарај

Ќе се гради нов мост кон Сарај, постојниот ќе биде затворен

Градежните работи ќе почнат налето, парите во најголем дел се обезбедени од Владата

Деспина Трајковска

Општина Сарај ќе гради нов мост на реката Вардар, кој ќе биде врската со остатокот од Скопје, а постојниот Железен мост ќе го затвори за сообраќај. Дел од парите за реализација на овој проект, кој е проценето дека ќе чини околу 350.000 евра, Општината ги доби од Владата, а дел ги обезбеди од сопствениот буџет. Градоначалникот на Сарај Беким Фазлиу вели дека деновиве ќе биде распишан тендер за избор на изведувач на работите и очекува изградбата да почне налето.

„Министерството за транспорт и врски ни одобри 15 милиони денари, пет милиони имаме планирано во нашиот буџет, а од Владата ни најавија дека во ребалансот на буџетот ќе бидат предвидени дополнителни средства за проектот да биде целосно финансиски покриен. Нашите процени се дека мостот ќе се изгради за една година. Тој ќе биде еден од посовремените мостови во Скопје“, вели Фазлиу.

Градските власти потврдиле дека постојниот мост во Сарај не планираат да го реконструираат иако такви активности летово ќе преземат речиси на сите останати мостови. Според проектот што го изработи АД „Карпош“, планирано е новиот мост да се изгради на 50-ина метри од постојниот Железен мост. Ќе има модерна архитектура, ќе биде поширок од сегашниот, со ширината на коловозот од 12 метри. Проектот предвидува на мостот да има и велосипедска патека покрај пешачка.

„Овој мост дефинитивно ќе стави крај на неколкугодишните проблеми кои ни ги создаваше сегашниот мост, а последен беше случајот пред неколку месеци кога поради пропаѓање на дел од асфалтот, сообраќајот мораше да биде прекинат. По изградбата на новиот, Железниот мост ќе го затвориме, ќе биде само пешачки и ќе претставува еден вид спомен-обележје на Општината“, вели Фазлиу.

Инаку, катастрофалната состојба на постојниот Железен мост трае со години. Тој е главната врска на Општина Сарај со центарот на градот и низ него секојдневно минуваат повеќе илјади жители, а освен автомобили, по него сообраќаат и автобуси од јавниот градски превоз и товарни возила.

Старо железо уште се користи како мост

Ниту ова лето нема да се гради нов мост кон Сарај и покрај тоа што постојниот Железен мост е во катастрофална состојба и одамна го мина својот век на експлоатација. Општината Сарај не ги искористи парите што ги доби од државата, односно од Министерството за транспорт и врски за изградба на нов мост, па сега најавуваат дека изградбата ќе почне в година. Поради лошата состојба, на стариот мост е забранет сообраќајот за тешки товарни возила.

- Со многу страв минуваме по железниот мост, кој е толку тесен што едвај се разминуваат автобус и автомобил. Не ми е јасно како градските власти досега не нашле пари да го обноват или барем да го одржуваат. Дали за овој мост некој може да гарантира дека е безбеден? Тој опслужува илјадници луѓе. Кој ќе ја понесе одговорноста ако нешто им се случи? - вели скопјанката Ели Димовска.

Претходниот градоначалникот на Сарај, Беким Фазлиу, најавуваше дека има проект за изградба на нов мост, но до реализација не дојде. Сегашното раководство на Општината се правда дека во општинската документација долго не можеле да го најдат проектот, кој го изработи фабриката „Карпош“.

- Откако почнавме да се интересираме за проектот, фабриката „Карпош“ ни донесе идеен проект, врз чија основа веќе се изработува главен проект. Планираме со него повторно да конкурираме во Министерството за транспорт, за да добиеме пари за изградбата - вели Бекир Мухамети, шеф на Кабинетот на градоначалникот на Сарај, Блерим Беџети.Министерството за транспорт и врски за изградба на мостот даде 23 милиони денари, од кои голем дел останаа неискористени.

- Во две буџетски години предвидувавме пари, кои и' беа на располагање на Општина Сарај за изработка на проектна документација и за изградба на нов армирано-бетонски мост на реката Треска, на локалниот пат Глумово-Шишево. Во 2007 година беа обезбедени осум милиони денари, од кои се искористени 2,7 милиона денари. Лани беа одобрени 15 милиони денари, а општината потроши половина од оваа сума - вели Драган Симоновски, портпарол во Министерството за транспорт.

Мухамети вели дека за да се снајдат за пари, преговараат и со Градот Скопје за добивање некаква помош. Од Градот велат дека не биле вклучени во проектот за изградба на новиот мост од претходното раководство на Сарај, поради што во годинашниот буџет немаат предвидено пари за таква намена. Оттаму потенцираат дека тековно го одржуваат стариот железен мост.

- И да не добиеме пари од Министерството за транспорт, ќе бараме од друго место. Се надевам дека во 2010 година мостот ќе почне да гради - оптимистички прогнозира Мухамети.Според идејниот проект на „Карпош“, новиот мост ќе биде бетонски, со широчина од 12 метри. Ќе има две сообраќајни ленти и тротоари од двете страни, со велосипедска патека. Неговата изградба ќе чини околу 26 милиони денари, односно околу 425 илјади евра. Стариот железен мост најверојатно нема да се урива, туку ќе функционира како пешачки.
Претходниот градоначалник Беким Фазлиу пред две години најавуваше дека ќе го изгради мостот, за што распиша и конкурс за избор на најповолен изведувач. Конкурсот пропадна, a потоа беше распишан нов. Беше најавено дека работите ќе почнат во минатиот септември, а ќе завршат до март.

Експертите од Градежниот факултет пред повеќе од четири години предупредија дека Железниот мост кон Сарај е во многу лоша состојба и оти треба итно да се преземат мерки за негова реконструкција или за изградба на нов мост. Тие препорачаа мостот да се затвори за тешки товарни возила, што беше и направено во минатата година. Железниот мост е главната врска на Општина Сарај со центарот на градот и низ него секојдневно минуваат повеќе илјади жители. Освен автомобили, по него сообраќаат и автобуси од јавниот градски превоз, како и товарни возила, кои не ја почитуваат забраната.

 Во 2007 година беа обезбедени осум милиони денари, од кои се искористени 2,7 милиона денари. Лани беа одобрени 15 милиони денари, а општината потроши половина од оваа сума - вели Драган Симоновски, портпарол во Министерството за транспорт.

Според идејниот проект на „Карпош“, новиот мост ќе биде бетонски, со широчина од 12 метри. Ќе има две сообраќајни ленти и тротоари од двете страни, со велосипедска патека. Неговата изградба ќе чини околу 26 милиони денари, односно околу 425 илјади евра. Стариот железен мост најверојатно нема да се урива, туку ќе функционира како пешачки.