Велосипедски патеки и пунктови

Незнам дали го имаме видеото. Но јасно се гледа дека во каква состојба се патеките за велосипед и во каква состојба е културата за паркирење. И тоа ни помалку ни повеќе туку на една од најдобрите рути за возење точак во Скопје.

Edited by kultuzin - 15-Jul-2014 at 22:02

ВЕЛОСИПЕДСКА АВАНТУРА НИЗ СКОПЈЕ



Вози и пишува
Бојан Шашевски

Скопскиот велосипедист не е само велосипедист. Тој е авантурист, ентузијаст, роб на сообраќајната структура. Продукт е на различни дефиниции и манифести за урбаниот изглед и патните релации, истовремено дел од обликувањето и процесот за социо-културно „пркнување“ на градот. Мора да научи акробации, скокови во воздух и нагли движења цик-цак, доколку сака да се адаптира во џунглата на асфалтот. Кочниците и амортизерите нема да помогнат како сообраќајна алатка ако немаш очи и на тилот. Урбаните транспортни текови знаат да бидат екстремен предизвик. Возењето велосипед низ Скопје понекогаш е како управување авион над Украина. Како трчање бос во поле со коприви.

Оттука, не знам како без доза на апсурд и духовитост би се провозил со велосипед долж големите коловозни артерии, а да не напишам со ракопис што би донел резерва за идните велосипедисти. Не е се' така блутникаво. Велосипедизмот зема силен, масовен и позитивен замав. На стари, нови, зелени, сини велосипеди опремени со кошнички или седишта за деца, граѓаните секојдевно вртат педали за да завршат основни обврски. Но, некои искуства мора да бидат забележани, подвлечени, па да дискутираме за инфраструктура и третман кон велосипедисти.



Ќе возам и пишувам. Прва е транзициската патна релација од Аеродром до Центар. На 100 метри пред Железничка станица, од страната кај „Оне“, на велосипедската патека има превртена бетонска жардиниера. Постои 90 отсто можност да фатиш кила ако пробаш сам да ја кренеш, а околу 110 отсто да се превртиш со последица фрактура ако не ја промашиш. Тука лежи којзнае од кога. Само велосипедисти ја забележуваат. На друг очигледно не му пречи. Како што понатаму не му пречи и кантата за ѓубре. Идејата на комуналните служби е веројатно да забиеш во „кошот“ со празно шише додека вртиш педали! Одам понатаму. Расфрланото ѓубре под објектот на Кензо Танге се совладува со стандардно цик-цак, исто и луѓето што чекаат автобус, на кои очигледно не им пречи што застанале на велосипедска патека. Кон Народна банка, пак, насред црвена патека долго време стоеше билборд. Беше симбол за маргинализацијата на велосипедистите. Наскоро, ваквите примери се мултиплицираа низ градот, но сега тука е направен радикален потег - наместо да се тргне билбордот, прецртана е патеката околу него. Не важи старата патека, ајде ќе го заобиколиме рекламниот простор! Сите среќни, а ако не сите, среќен е барем сопственикот на црното „пежо“ паркирано со гумите врз патеката пред НРБМ. Си се снашол на време.



Невладината „Еко-логик“ има симпатична иницијатива наречена „Сељак на денот“. Секој може да фотографира, а потоа да пушти по социјалните мрежи јавноста да види како несовесен шериф си ја паркирал колата врз тротоар, патека, по тревник... Каде му се видело удобно, без многу да кружи во потрага по паркинг. Возачот на „пежото“ е „печен“ да се најде во таа категорија! Втора асоцијација ми се прекршоците во „Ѕид на сообраќајниот срам“. Со неколку кликови ќе ја најдете страницата по социјалните мрежи. Интернет-револуцијата нема да им прости на оние што мислат дека ако поседуваат автомобил, поседуваат и цела улица. Градот не е монопол на автомобилите.

Чаирската романтика е примамлив залак за зависниците од адреналин. Од „Мавровка“, преку булеварот „Крсте Петков-Мисирков“, покрај ТЦ „Чаирчанка“, па се' до администрацијата на Општина Чаир, самиот поим возење добива поинаква димензија. Автомобилите се мачат да се разминат, а велосипедистите го креваат велосипедот во раце, застануваат на секои 20 секунди, чекаат да се расчисти толпата луѓе од тротоар... И да сакам не можам да видам дали постои црвена лента. На секој слободен квадрат се паркирани коли - по коловоз, тротоар, само на метро растојание од продавничка... Раштркани се бандери, знаци, различни типови столпчиња, па дури и маси и столчиња од угостителите. Нема дефинирана граница за летна тераса, урбаната опрема расте и се шири заедно со муштериите. Сообраќајна анархија! Некој би помислил на селективен пристап на сообраќајната полиција, пајак-службата и на инспекторите.



Не е само Чаир со дупки и распаднати патеки. Проблем за скопјани се и високите рабници од тротоарите. Некои се високи и по 30-40 сантиметри! Спроти Олимписки базен, од страната на ГТЦ постои напречно испукан асфалт на секои 3-4 метри. Идилична локација за симулација на ридско-планински трки. Пред да свртам накај ГТЦ, наидувам на дрво чии корени се излезени од асфалтот на површина. Ако си залетан ќе рипнеш во воздух, како од рампа. Покрај „Рекорд“ треба да станеш и да го буткаш точакот за да се пикнеш меѓу автобуско стојалиште, рој од патници и коли, а кај гимназијата „Ј.Б.Тито“ навреме да забележиш билборд. На многу места воопшто нема патеки, некаде се споени со пешачките зони, избледени се линиите, или, пак, наместо нацртани хоризонтални линии се користат црвени бекатон-плочки.

Сите тротоари долж булеварот „Борис Трајковски“ во Кисела Вода се' уште се окупирани од сопственици што оставаат возила со аргумент „се враќам за 5 минути“. Исчезнаа привремените објекти долж улицата, се прошири коловозот, а автомобилите останаа „заковани“ за пешачкиот и велосипедскиот дел. Го сакам Супермен. Оној постариот филм со Кристофер Рив. Но, по часовите по логика и физика во средно, се помирив дека не поседувам таква летачка моќ. Затоа, и тука ќе се движам по коловоз.



Има позитивни велосипедски локации во Карпош. Има и апсурдни локации. Особено околу ТЦ „Буњаковец“ по „Партизанска“, или од кружниот тек кај Каталочка црква до раскрсницата пред „Млечен ресторан“. Недостасува велосипедска црвена патека. Проширувањето на „Гологанов“ редовно учествуваше во отчетите. Репризно по стопати одекнуваше на ТВ како оваа улица е комплетно обновена, средена и претворена во проточен булевар, со растоварен сообраќај. Еве, јас не возам автомобил, па како за мене е средена оваа улица? Дали да се симнам по коловозна лента, да вртам брзо педали со надеж дека нема да завршам на нечија хауба, под нечии „мишелинки“ или да се пикам на она метро тротоарче каде никнуваат бандери, знаци, семафори? Сепак, ете, не е се' така црно по „Гологанов“. Во делот по „Млечен“ постои црвено во вид на бекатон-патека со пораснати дрвја и контејнери.

Во сите поголеми општини навистина опстојуваат пристојни решенија. Мала доза на импровизација, но служат за да го избегнам небулозниот Закон за полиција и 25 евра казна ако возам надвор од (не)обележана патека. Не зборувам за најдолгата патека покрај кејот на Вардар, од Карпош до мостот „Близнак“ во Аеродром. Таа е неповрзана со сообраќајната структура. Не е дел од транспортните текови, служи единствено за рекреација. Велосипедот е најбрзото превозно средство за минување од 5 до 7 километри во градски услови и метеж, но рецептот за трансформација во безбеден вело-град бара партнерство со сообраќајните инженери, нацрт-план за мобилност низ градот, но и менување на перцепцијата за велосипедите. Мора да се тргне стереотипот дека велосипедот е средство само за рекреација, а, од друга страна, го користат само сиромашните, пензионерите и студентите, односно за „економски неактивна популација“ со која властите тешко се идентификуваат.

http://www.utrinski.mk/?ItemID=AFD655EF4ED9B74AAE1E74232D3B762E

Тоа со оставањето на искосената трева е многу лоша практика, и не е случај само со кејот. Во многу скопски населби се прави истото. Јас не знам како во 21 век уште чекаат на виша сила да им ја „собере“ искосената трева. Или се надеваат дека размножените коњи низ градов ќе ја испасат, којзнае.

Прво и основно треба да се среди со паркирањето на автомобилите и како второ треба комплетно сите рабници да се нивелират зошто во Скопје нема ниеден рабник како што треба.

фала богу, барем иницијатива покренале за плански да се среди велосипедизмот на ниво на цел град со стратешки пристап... е сега што ќе испадне од тоа, ќе видиме

Originally posted by xnx sakas da znaes sto ke ispadne? odi na partizanska vidi go taze renoviraniot "trotoar" pd soborna pa se do univerzalna, ke ti stane jasno

претпоставувам, ама убаво е да се надеваш нели?
ако се прави решение за велосипедските патеки, ќе се направи и решение за паркирањето, сигурен сум дека „На точак“ тоа ќе го постават како прв и основен проблем, а за другата страна на проектот, не знам

Додека ние правиме мастер планови и велосипедски патеки патем..

Во Холандија пуштена во употреба првата велосипедска патека од соларни панели



Овој проект под името SolaRoad е изведен од соларни плочи кои покрај тоа што генерираат струја имаат уште една функција – доволно се јаки за да може да се вози велосипед по нив. Со 18 милиони велосипеди и 35 илјади километри велосипедски аптеки, Холандија е најгостопримливата земја за љубителите на велосипеди. Меѓутоа, земјата на лалињата и ветерниците, постојано работи на полето на нови иновации и обезбедување подбри услови за нејзините жители.



Tака, на почетокот на ноември, оваа година е пуштена во употреба првата велосипедска патека која е направена од соларни панели. Проектот SolaRoad е на лабораториски испитувaња уште од 2009 година во холандскиот институт TNO.



Научниците осмислија плочи со димензии 2,5 x 3,5 метри кои се изработени во комбинација од бетон и кристални соларни ќелии, кои се наоѓаат под стаклениот слој од еден сантиметар. Преку стаклото се нанесува завршница, заедно со нагибот на плочата, така што дождовницата и нечистотиите лесно би слизнале од површината, со што би се обезбедила максимална ефикасност на соларните ќелии.



До 2016 година, оваа велосипедска патека ќе биде продолжена уште 100 метри, што ќе создаде доволно енергија за три семејни куќи во соседството. Потенцијалот на SolaRoad е навистина голем. Се смета дека овој систем би можел да биде применет на 20% од патиштата во Холандија. Ако петтина од овие 140.000 километри патна должина се претвори во соларни панели, тоа би бил голем енергетски плус за оваа земја.



http://www.porta3.mk/vo-holandija-pushtena-vo-upotreba-prvata-velosipedska-pateka-od-solarni-paneli/

спас за Скопје се високи рабници како на Народен Фронт и кај стар Капиштец на Васил Ѓоргов. Нормално со „рампи“ или спуштени краеви за полесно симнување/качување на патеките

Датум: 25.11.2014, 17:50
ГРАДОТ ГО ПРЕЗЕНТИРА АKЦИСKИОТ ПЛАН ЗА НАРЕДНИТЕ ТРИ ГОДИНИ

ЦЕЛО СКОПЈЕ ЌЕ СЕ ПОВРЗЕ СО ВЕЛОСИПЕДСКИ ПАТЕКИ



Градоначалникот Kоце Трајановски вчера ја презентира мапата на велосипедски патеки во Скопје, на која се означени постојните и новопланираните патеки што ќе се градат во наредните три години. Акцискиот план 2014-2017 година е изготвен и тој ќе биде еден од главните приоритети на Градот Скопје како проект со кој ќе се подига свеста кај граѓаните за користење на велосипедот како превозно средство, рече Трајановски вчера на настанот во средното училиште „Боро Петрушевски“, кој е дел од Деновите на енергетска ефикасност од 25 до 27 ноември.

Засега е превоз за 1,4 отсто скопјани

Ако се реализираат зацртаните патеки на мапата, може да се очекува дека во 2017 година секој скопјанец ќе стаса безбедно од еден до друг крај на градот со велосипед бидејќи со велопатеки ќе се поврзат сите населби. Според сообраќајната студија на Градот изготвена годинава, 30 отсто од патувањата во главниот град се одвиваат со јавен превоз, а само 1,4 отсто со велосипеди. Останатите возат автомобили.

- Градот има изградено велосипедски патеки во должина од 60 километри по главните сообраќајници и околу 20 километри на двете страни од кејот на реката Вардар. По завршувањето на планираните сообраќајни решенија во 2017 година, граѓаните ќе можат непречено возејќи велосипед да стигнат до која сакат дестинација во градот - порача скопскиот градоначалник.

Од она што досега го образложија градските власти, а е во согласност со Акцискиот план за велосипедски патеки, предвидени се низа активности: онаму каде што постојат патеки ќе се поправаат и санираат, а онаму каде што нема, ќе се градат. Пешачките и велосипедските патеки ќе се разделат, поточно ќе се обележат со боја. Ќе бидат опфатени големите булевари затоа што градската власт е надлежна за нив, а сервисните споредни улици, на кои нема вакви патеки, се во надлежност на скопските општини. Планирано е да се отстранат и да се преместат сите пречки на патеките, како што се сообраќајните знаци, патоказите, билбордите и автобуските постојки. Идејата на градоначалникот Трајановски, како што и самиот посочува, е навиките на скопјани да се менуваат, а од метрополата да се создаде град во кој секој ќе посака да се качи на велосипед. Доколку оваа мисија успее, новите навики на граѓаните ќе влијаат позитивно и за помало аерозагадување.

Полнење мобилен со велосипед

Во средното училиште „Боро Петрушевски“, во рамките на Денови на енергетската ефикасност, вчера се одржа и презентацијата на средношколскиот проект за динамо-велосипеди со кои се полнат мобилни телефони, а беа презентирани и други средношколки проекти поврзани со енергетска ефикасност.

Градоначалникот Трајановски потсети како во изминатиот период градската власт работела на заштеда на енергијата, при што се заменети над 95 отсто од уличните светилки со штедливи. Извршено е и економично регулирање на топлинските станици речиси во сите објекти кои се под надлежност на Град Скопје.

- Исто така, гасифицирани се две средни училишта, а во тек е изведбата за гасификација на уште две училишта. Заменети се старите прозорци со нови ПВЦ-прозорци, речиси во сите средни училишта. Направена е целосна реконструкција на фасадата и на покривот на средното училиште „Јосип Броз Тито“ - информира Трајановски, додавајќи дека Скопје може да се пофали дека е еден од првите градови во Југоисточна Европа со централно регулирање на сообраќајот и со 100 отсто нови автобуси.

Во рамките на Деновите на енергетска ефикасност денеска во Младинскиот културен центар се закажани проекции на едукативни филмови за граѓаните, директорите на училиштата, културните институции и професори кои работат на тематика на заштита на природата и енергетска ефикасност. Утре свечено ќе биде пуштена реконструираната фасада на „Јосип Броз Тито“, која е целосно обновена со кофинансирање со УНДП.

http://dnevnik.mk/?ItemID=C5F9EE421695E944939AF3332AB97A87

Јас ги видов овие убаво испечатени флаери и брошури на Град Скопје, ама ќе мора да напоменам дека од идеја до реализација често има гоооолеми разлики кај нас.

Прво, ќе треба да се реконструираат и обележат постоечките велосипедски патеки, за ова веќе сме зборувале наназад барем една до две години. При реконструкцијата, многу е важно да се постават високи рабници меѓу улицата и патеката, за да не се паркираат автомобили.

Второ, при изведбата на овие нови патеки не е битно само да се рече дека ги има, како што е со случајот со проширувањето на булевар „Илинден“, туку навистина да бидат одвоени од пешачките патеки, да нема бандери, билборди, станици и што ли уште не пред нив и да бидат доволно широки за да се разминат барем два велосипеди.