Св. 40 Маченици - кај Смилковско езеро

В сабота се осветува камен-темелник на црква кај Смилковско езеро



Осветувањето на камен темелникот на црквата в сабота ќе се изврши кај Смилковското езеро во Радишани во траен спомен на четирите убиени тинејџери Филип Славковски, Александар Наќевски, Цветанчо Ацевски и Кире Тричковски од Радишани, пред минатиот Велигден.

Месните заедници Стајковци, Смилковци, Црешево и Виниче во општина Гази Баба иницираа изградба на македонска црква “Светите четириесет маченици - Младенци“ со благослов на господин Стефан, Архиепископот Охридски и Македонски.

На местото викано Кршиколе или Крст,, до заобиколницата на Скопје, кај Смилковското езеро, на местото каде подмолно и свирепо лани беа убиени, ќе никне вечниот спомен. Црквата во основата ќе биде 150 м2 со уреден парк од 6.000 м2, а околу црквата ќе има камбанарија, голем крст, пет видиковци и пет бора во спомен на убиените. Проектот е изработен од градежната фирма ЖИКОЛ, за што иницијаторите изразуваат голема благодарност до ктиторот и сите донатори.

Со решение формиран е Црковен одбор во состав: свештеник Жаре Пејковски, претседател и членови Драган Танаскоски, Благојче Трпковски, Томе Димовски, Новица Томевски, Добре Костовски и Томе Лазаровски.

На осветувањето ќе присуствуваат месното население од околните села, семејствата на убиените и Архиепископот Охридски и Македонски со свештеници од Скопската епархија на Македонската Црква - Охридска Архиепископија.

http://www.dnevnik.com.mk/default.asp?ItemID=461D5B37C18DB0459CFA284EBADB4075

Нема рендери но мислам дека треба да ја имаме темата затоа што се работи за проект кој е од исклучително емотивно значење. Се надевам дека наскоро ќе добиеме и рендери.

Минав од таму но не успеав да сликам, црквата е скоро до карабина.

Продолжува градбата на Македонската црква “Светите четириесет маченици - Младенци“ кај Смилковското Езеро, на местото викано Кршиколе или Крст, како спомен обележје во траен спомен на Филип Славковски, Александар Наќевски, Цветанчо Ацевски, Кире Тричковски и Борче Стефковски, ѕверски убиени на 13 април 2012 година, на Велики четврток.

5 лака на влезната врата , би требало да ги симболизира петте загинати, или???

Почна да се гради камбанарија во црквата „Св. Четириесет маченици“ на Смилковско езеро

Градоначалникот на Бутел Дарко Костовски извести дека започна да се гради камбанаријата во црквата „Св. Четириесет маченици“ на Смилковско езеро.

- Беше поставена темелната плоча. Голема благодарност до сите кои помагаат за овој убав чин. Вечна слава на загинатите, порача Костовски кој истакна дека камбанаријата ќе биде готова до Велигден.

Оваа црква на Смилковско езеро беше изградена во чест на петмината кои беа убиени во 2012 година на Велики Четврток.

https://skopjeinfo.mk/pochna-da-se-gradi-kambanarija-vo-crkvata-sv-chetirieset-machenici-na-smilkovsko-ezero