Промоција на Македонија

„ЕЛ“: ПЕТ ДОБРИ ПРИЧИНИ ДА ЈА ПОСЕТИТЕ МАКЕДОНИЈА



Природа од која застанува здивот, бисери и скапоцени камења, здрава храна и богато културно наследство, пишува за Македонија познатото француско списание

Природа од која застанува здивот, бисери и скапоцени камења, здрава храна и богато културно наследство. Ова се само некои од причините поради кои треба да се посети Македонија, пишува познатото француско списание „Ел“.

„Ел“ „под број еден“ им порачува на туристите да отпатуваат во Македонија „за да бидат авангардни“.

- Оваа мала земја во срцето на Балканот, непозната и затскриена, навистина вреди да се посети. Еве и зошто. Македонија е сe уште непозната дестинација за туристите. Идеална е за оние кои мислат дека виделе сe, дека испробале сe, кои ќе откријат една мала земја полна со скриени адути, пишува „Ел“.

Во Македонија, како што се додава, пејсажите се преубави, а природата недопрена. Три национални паркови, педесетина езера, зелени планини, сето ова ја прави мал рај на земјата, екосистем кој овоможува да се набљудуваат ендемски видови.

Места кои не смеат да се испуштат, сугерира „Ел“, се кањонот на Матка, Охридското езеро (најстаро и најчисто во Европа), Националниот парк Пелистер (заради мечките и рисовите во него), регионот на Маврово.

- Охридските бисери се прават од крлушки на школки и риби, а нивната изработка е се уште доброчувана тајна. Се шушка дека Леди Ди ги обожувала. Македонија е исто така единствена земја во Европа во чија почва се кријат рубини со розова боја на малина. Малку познати и ретки, истите се изработауваат некаде од 50-те години наваму, наведува „Ел“.

Во однос на здравата храна, списанието се осврнува на обилните органски мезиња, питите со спанаќ, сирењата и ајварот, специјалитетот од црвени пиперки.

Вината во однос на квалитетот и цената, посочува, се ретко видени на друго место, особено Александрија, пет евра шише.

„Ел“ „зборува“ и за богатото културно наследство. - Последователните окупации, Грци, Римјани, Словени, Турци..., му имаат оставено печат на овој регион на Балканот. Оваа разноликост и овие влијанија се забележуваат кај културно-историските споменици - православни манастири, византиски цркви, отомански џамии, амами и анови кои ќе ги воодушеват страствените љубители на стари камења, стои во написот.

Споменици кои треба да се посетат, според „Ел“, се манастирот Свети Пантелејмон во Охрид, Шарената џамија во Тетово, археолошкиот локалитет Хераклеја, Старата турска чаршија во Скопје.

Текстот завршува со објаснување како посетителите можат да стигнат до Македонија - со директна авионска линија Бове - Скопје на компанијата Визер. Повратниот билет чини 50 евра.

http://www.utrinski.mk/?ItemID=85C8EAF955CD3B4CB780A0E5DE93AFDE

Чудно бе не напишале ништо за Скопје 2014 проектот и воопшто градбите и спомениците

Republic of Macedonia pad party Prilep

ЈАПОНЦИ ЌЕ СНИМААТ ФИЛМ ЗА МАКЕДОНИЈА
Објавено: 09/08/2014 11:27

Јапонска продукциска куќа започна со снимање на филм за Македонија. Како што пресува Охридњуз, филмот ќе биде со познатиот јапонски актер Seiichi Tanabe.

japonci1

Филмот за Македонија ќе биде емитуван на јапонската телевизија „FUJI“ прикажувајќи ја нашата држава како неоткриена туристичка дестинација која е потребно да биде посетена од јапонските туристи.

-Снимањето на документарно-играниот филм започна на 29-ти јули 2014 година и до сега опфати повеќе локации низ Македонија познати по својата убавина, историја, археологија, локални специјалитети, туристичка понуда и природни убавини, информираат од Агенцијата за промоција и поддршка на туризмот на Република Македонија.

Од таму нагласуваат дека нивните служби во континуитет работат на организирање, поддржување и реализација на проекти кои ја промовираат Македонија на светскиот туристички пазар.
http://mkd-news.com/japontsi-ke-snimaat-film-za-makedonija/

Манастир св.Наум

Europas mest okända land



http://www.sydsvenskan.se/resor/en-okand-charmor/

Екипа од Холивуд снима промотивни филмови за Македонија
   


Филмска екипа од Холивуд ќе сними 15 кратки промотивни филмови за Македонија, кои на пет странски јазици од 2015-та ќе се емитуваат на популарни светски ТВ-канали и на интернетскиот Јутуб. Инфопатувањето на екипата од Холивуд го организира Агенцијата за промоција и поддршка на туризмот (АППТ) и таа снима на различни локации низ земјава.

Снимањето почна во скопската чаршија, денеска ќе продолжи на Матка, а во наредните денови во агендата се и Лазараполе, Јанче, Охрид, Галичица, Пелагонија, Трескавец, Дојран, Берово... Снимањето на филмовите, како и нивното прикажување е бесплатно за Македонија, и независно од рекламите „Македонија вечна“ што се прикажуваат на Си-Ен-Ен.

Во екипата се репортерот, новинар и продуцент Перси фон Липински, филмскиот продуцент Тимоти Марлоу, снимателот Роб Хабер и новинарката од Швајцарија Жаклин Винзелберг, која ќе напише и репортажи за посетените места за специјализирани списанија за туризам од нејзината земја и од Австрија и Германија.

Покрај 15-те кратки филмови, тие ќе откриваат и локации што би ги искористиле за идни холивудски филмови и документарци и ќе ги проверат потенцијалите за снимање во земјава. Екипата, во која има и оскаровци, веќе има убави први впечатоци од Скопје и од овдешните луѓе.

Перси фон Липински, кого го нарекуваат „травел гуру на С-Ен-Ен“ поради искуството за брендирање земји, денеска на прес-конференција рече дека Македонија има услови за формирање бренд.

- Бренд, според мене, е јасна и кратка информација што ја објаснува целата земја. Со мала земја, како Македонија, не е лесно тоа да се направи, но мислиме дека имаме формула и да го најдеме најспецифичното за Македонија. Секогаш има добри и лоши вести. Доброто е што досега никој не кажал нешто лошо за Македонија, барем јас не сум слушнал, но таа е, сепак, непознат бренд. Имаме посебен, холивудски начин на брендирање и рекламирање, кој им овозможува на луѓето да се идентификуваат со сцени и приказни од филмови.   Пример „Казабланка“, со кој е направено многу за туризмот во Мароко. Постои таков вид туризам во кој луѓето се поврзуваат со сцени и емоции од филмови, па сакаме да го видиме местото каде што е снимен некој филм. Холивуд тоа многу успешно го прави, рече Липински.

Веќе лоцирал места кои би биле интересни за пазарот што се вклопува во нивниот начин на правење приказни - му се допаднал центарот на Скопје, новите градби на плоштадот, реката со кејот и мостовите со скулптурите. - Мене ми е возбудиво, можете да замислите како би изгледало на филм, додаде Липински.

Директорот на АППТ Кристијан Џамбазовски рече дека програмата на нивното патување е сеопфатна. - За да ја презентираме Македонија во најдобро светло и да се популаризира како туристичка дестинација во светски познати медиуми, истакна Џамбазовски.

Виктор Мизо, директор на Дирекцијата за технолошки индустриски развојни зони, посочи дека новите промовитивни филмови се само надополнување на целиот процес за бизнис и туристичка промоција на Македонија, кој Владата на РМ го почна уште во 2007 година, и е нов, различен начин на креирање позитивен имиџ на државата во странство.

- Важно е да се напомене дека нивната посета овде, сето тоа што ќе биде снимено и дополнително емитувано е независно од нашиот годишен договор со Си-Ен-Ен и сето ова ќе биде направено и емитувано бесплатно. Истовремено, тие разгледуваат и голем број локации каде што би се снимале комерцијални холивудски филмови. Такво искуство нивната продукција веќе имала во Романија, рече Мизо.

И другите членови од екипата присутни на пресот, Тимоти Марлоу, Роб Хабер и Жаклин Винзелберг, пријатно се чувствуваат во земјава, имаат убави впечатоци од престојот досега и со симпатии зборуваа за културата, природата и луѓето на Македонија.

Продуцентот Тимоти Марлоу работи со продукцијата Холивуд медија бриџ (Hollywood Media Bridge) која соработува со холивудските студија Warner Bros, MGM, Paramount, Universal Studios, Sony Pictures..., а има и успешна соработка со телевизиски канали, како Fox Channel, Reeiz Channel, SyFy, Lifetime... Основач на HMB е филмскиот продуцент и оскаровец Фил Голдфајн.

Кратките филмови за Македонија треба да се прикажуваат од почетокот на 2015 година. Покрај на ТВ-каналите ќе ги има и на големите туристички саеми низ светот.
http://www.sitel.com.mk/ekipa-od-holivud-snima-promotivni-filmovi-za-makedonija

Како е можно да не се понуди Кратово за снимање на спотови. Па ако има град во Македонија, балканот и Европа кој е музеј на отоврено кој може да биде отворено студио за снимање филмови тогаш тоа е Кратово и неговата околина.

Originally posted by Џоле Мислам дека малку го преценуваш Кратово. Не велам дека не е убав град, но е толку запуштен и руиниран што го нема оној шарм што сите очекуваме да го има. Треба првин да се вложи во негова обнова, па дури потоа да се турка туризам во тој дел на Македонија.

Руиниран неможе да се каже, но може да се каже сиромашен и запуштен, без средства за одржување на фасадите. Точно е дека во некој делови е потребно освежување но и таков каков што е Кратово е град жива историја во кој со мали корекции може да се снимат интересни филмски сцени. Да не зборувам за цоцев камен, кулиците и околината. Исто така тунелите кои ги спојуват градските кули и тн. и тн. Според мене Кратово е многу специфичен град кој не смее да биде изоставен во ниту еден турстички водич или промоција. Но исто се согласувам дека покрај промоцијата треба да се вложи во потенцирање на потенцијалите. Мислам дека во догледно време ќе се започне со ископување на подземите тунели, што може да биде доста интересна атракција.

Edited by kultuzin - 29-Aug-2014 at 18:33