Електрични возила

Е сега ајде за спорт голф. Сепак, некако симпатични

Edited by my Macedonia - 09-Jul-2014 at 14:44

Неколку од фотките:















mkd.mk

Edited by Џоле - 09-Jul-2014 at 15:10

Originally posted by vedran1982 Ова со електричниве возила ми е како човек кој живее у трошна куќа, нема канализација и питка вода, нема патос и кровот му тече, а купил најнов телевизор од 60 инча и најскап сараунд.

Да знаеш колку такви има меѓу Ромите. Направилe импровизирано куќарка од две трошни буриња, ама на секое такво здание на врвот имаше "чинија".

Originally posted by zabegan значи ги испробаа сите транспортни средства за тури, освен брод и авион... а тоа што воопшто не е промислено туристичкото мапирање на градов, видот на турите и патеките по кои се оди и што има недостаток на информации и квалитетно водење, тоа не е битно... ќе завршат „елекромобиливе“ (ова изгледа им е втор омилен израз после „метропола“, затоа што се работи за најобични колички за голф) исто како што завршија двокатните автобуси, вовчето, пајтоните, трициклите и не знам уште што, заборавено и преќутено...

 
Токму тоа и јас сакав да го спомнам.
 
Ова не се никакви електромобили, како што милуваат нашинците да ги нарекуваат, туку најобично колички за голф.
 
Не знам кои се тие трицикли, од каде сега па тоа ?
 
Сеедно, барем за пајтоните и вовчето добро е што не станаа секојдневие, за разлика од двокатните автобуси, кои за жал, се единствената алтернатива на старите канти на тркала на ЈСП Скопје кои сеуште се движат низ скопските улици.
 
А кога ќе помислам дека тие автобуси им ги "подаруваа" на останатите општини во Македонија, сериозно мислам да започнам иницијатива за собирање на потписи за референдум на кој би се вовеле уставни измени со кои би се дозволиле гилотиња и бесилка за "подарувачите" на ваквите канти на тркала на ЈСП Скопје.
 
Останува да се надеваме дека и овие таканаречени електромобили ќе завршат во минатото. Парите фрлени за ваквите глупости се за жалење, но нервите кои ќе ги спасиме доколку ваквите глупости на тркала не би станале секојдневие, се бесценети.


Edited by Dexter26 - 10-Jul-2014 at 21:31

ЕЛЕКТРОМОБИЛИТЕ СЕ ХИТ

Од ден на ден расте бројот на граѓани што го разгледуваат „Скопје 2014“ со електромобилите на „Градски паркинг“. За само две недели од пуштањето во употреба на еко-туристичките возила, реализирани се стотина тури. Засега повеќе се возат „обичните“ граѓани, отколку туристите.

„Како тргнало, за некој ден ќе има ‘тепачка‘ за возење“, на шега вели Борче Јакимовски, директорот на ЈП „Градски паркинг“.

Според статистиките на претпријатието, во просек дневно се остваруваат 60 возења. За среќа, велат надлежните, не се забележани некакви оштетувања на возилата од страна на несовесни граѓани. Проектот се реализира како што започна, и во однос на цената и по трасата. Иако дел од граѓаните бараат да се воведе ноќно возење, сепак, надлежните не размислуваат за такво нешто. Но, најавуваат дека е можно да предложат да се намали цената за возење и наместо 50 да биде 20 денари. За деца до 9 години, пак, возењето е бесплатно. Екомобилите можат да се користат секој ден во периодот од 10 до 19 часот.

Во центарот на градот има пет пункта од каде што граѓаните и туристите можат да ја почнат турата и тоа на плоштадот „Македонија“, кај Спомен-куќата на Мајка Тереза, пред портата „Македонија“, кај мостот „Око“ и кај црквата „Св. Димитрија“.

Инаку, освен петте екомобили, „Градски паркинг“ од годинава нуди и рентање на десет ековелосипеди. Нивното изнајмување и враќање е исклучиво на плоштадот „Македонија“, до продавницата за сувенири. Изнајмувањето ваков велосипед чини 100 денари за користење од максимум 1 час. Тие се изнајмуваат со пополнување барање и со приложување лична карта на увид, а можат да ги изнајмат само лица постари од 22 години.

http://www.utrinski.mk/?ItemID=059594249AD55B4BB9586CBC715E69F3

ама најбитното... се сликаат ли со нив? ако не се сликаат ништо не сме напраиле

ПО 70 ТУРИ ДНЕВНО СО ЕЛЕКТРОМОБИЛИТЕ

"Се случува и ред да се чека за возење со електромобилите. Поради големиот интерес, решивме возилата да бидат мобилни, односно ако има неколкумина граѓани што чекаат на Плоштадот, ги повикуваме возилата од другите локации, како што се улицата Македонија или плоштадот Филип Втори, и тие пристигнуваат за неколку минути", вели Борче Јакимовски, директор на ЈП "Градски паркинг

Околу 70 тури дневно се прават со електромобилите низ центарот на градот. Еден месец откако почна проектот за разгледување на спомениците и објектите од проектот "Скопје 2014" со електромобили, од ЈП "Градски паркинг" се задоволни од интересот на граѓаните и на туристите.
"Се случува и ред да се чека за возење со електромобилите. Поради големиот интерес, решивме возилата да бидат мобилни, односно ако има неколкумина граѓани што чекаат на Плоштадот, ги повикуваме возилата од другите локации, како што се улицата Македонија или плоштадот Филип Втори, и тие пристигнуваат за неколку минути. Очекуваме интересот од наредната недела да биде уште поголем, со оглед на тоа дека беа годишни одмори, па градот беше празен", вели Борче Јакимовски, директор на ЈП "Градски паркинг".
За разлика од големиот интерес за возење со електромобилите, мал е бројот на граѓаните кои ги изнајмуваат електровелосипедите. Дневно, од пунктот на плоштадот Македонија се рентаат само по 10 велосипеди.



"Точно дека цената за електровелосипедите е дупло повисока од онаа за електромобилите, но подолго е времето за користење. Со електормобилите, турата трае 20 минути, а велосипедите се рентаат 100 денари за еден час", додава Јакимовски.
Електромобилите ќе возат низ Скопје до средината на октомври. Во центарот на градот има пет пункта од каде што граѓаните и туристите можат да ја почнат турата, и тоа на плоштадот Македонија, кај Спомен-куќата на Мајка Тереза, пред Портата, кај мостот Око и кај црквата "Свети Димитрија". Туристичкото разгледување трае околу 20 минути и доколку се тргне од Плоштадот, се вози по плоштадот Карпошово востание, па покрај Уставниот суд и се доаѓа до Мостот на уметноста. Оттаму, низ кејот, се продолжува кон Плоштадот и Портата, па назад до фонтаната на Александар Македонски и кон улицата Македонија.

http://www.vest.mk/?ItemID=5C551E8DA9C999469CE2368CF408D9CB

Edited by jyvation - 18-Oct-2014 at 11:43

НОВИТЕ ВОЗИЛА ЗА ПРОШЕТKА ПОПУЛАРНИ KАЈ СТРАНЦИТЕ

ЕЛЕКТРОМОБИЛИТЕ СЕ ХИТ, НО МАЛКУ СЕ НА БРОЈ



Со новите електромобили, чија најфреквентна станица е на плоштадот Македонија, постојано се возат странски туристи, особено постари кои не можат многу да пешачат, велат луѓето задолжени за нив. Најмногубројни се туристите од Турција, Холандија, Германија и од Данска, но и од азиските земји, како Индонезија, Малезија, Kина и Тајван. Еколошките возила се атрактивни и за домашни посетители на центарот на Скопје, но сепак, според кажувањата на упатените, најмногу се интересни за странците кои прв пат доаѓаат и се шетаат со туристички водичи кои им раскажуваат факти за градот и за историските места.

Kабрио-возилата зимава ќе се затворат

Секое од петте возила на електричен погон собира по тројца патници плус возач. Kапацитетот на електромобилите е за 15 лица, а тоа е проблем бидејќи странците често се шетаат во поголеми тури. Честопати нема место за сите, што може и да значи откажување од прошетката за да не се дели групата. Решението можеби ќе се бара во набавка на возила со повеќе седишта откако сегашниве ќе направат профит, но засега градските власти не размислуваат за тоа.

Оваа зима се планира постојните електромобили да се затворат и со тоа да се заштитат од временските влијанија. Тие сега се кабриолети. Kога овие автомобили беа промовирани пред неколку месеци, надлежните од Градот и од „Градски паркинг“ информираа дека тие може да се изнајмат на пет стојалишта: кај порта „Македонија“, на плоштадот Македонија, Мостот на цивилизациите, на плоштадот Филип Втори, како и кај Спомен-куќата на Мајка Тереза. На секоја од локациите има обележано паркинг-место и е паркирано по едно возило.

- Сега кога малку залади, во функција е една станица, онаа на плоштадот, на која има три возила и еден електровелосипед. Половина час возење за еден човек со електричните автомобили чини 50 денари, а 20 минути со велосипедот - 100 денари. Останатите возила одмораат - кажаа вработените од „Градски паркинг“.

Доколку има потреба, веднаш одат по нив во гаражата „Солунски конгрес“ кај мостот „Гоце Делчев“ и ги ставаат во функција.

Европејците сакаат историја, Азијатите шопинг

Маршрутата по која возат електричните автомобили се плоштадот и улицата Македонија, портата, Mостот на цивилизации, плоштадот Kарпошово востание и назад.

Наспроти електромобилите кои собираат само 15 лица, панорамскиот автобус е наменет за тури и за повеќе луѓе, но тој сообраќа два пати дневно, во 11 и во 17 часот. Тргнува од портата.

Дента кога бевме на стојалиштето на плоштадот, туристичкиот водич Владо Ристески дојде да се договори колку од возилата се слободни бидејќи му требаат сите. Рече дека има десетина дански туристи кои сакаат да се прошетаат со електромобилите.

- Овие луѓе дојдоа со редовни авионски летови, не со нискобуџетски. По турата низ центарот на Скопје, ќе ги носам и во Охрид. Од досегашното искуство можам да кажам дека странците сакаат да слушаат за нашата историја, особено Европејците. Азијците не се такви, не ги интересира баш, гледаат да сликаат и да пазарат - раскажа младиот туристички водич.

Според него, интересот на странците за Македонија е голем. Многу агенции ја претставуваат и ја рекламираат земјава на разни саеми кои се одржуваат во европски градови, што е од големо значење за развој на туризмот. Ристески вели дека граѓаните треба да го сменат ставот за градот.

- Оние што сметаат дека метрополата не е убава за туѓи очи, грешат, бидејќи на туристите навистина им се допаѓа Скопје - вели тој.

ГИ КУПУВААТ ЗНАМЕТО, АЛЕКСАНДАР И ПОРТАТА

До стојалиштето за електромобилите на плоштадот Македонија се наоѓа и една од сувенирниците кои ги отвори Министерството за култура. На плоштадот е најфреквентно, па постојано се купува по нешто. Локации на останатите објекти за сувенири се во портата, на улица Македонија, кај „Холидеј ин“ и во Чаршијата. Странците сакаат најмногу да купуваат магнети и приврзоци, пред с`, со знамето на Македонија, како и панорама од старо Скопје од 1943 година, раскажа вработениот.

Kопиите од Александар Македонски и од портата се омилени кај луѓето што патуваат во странство и ги носат кај роднини или пријатели.

http://www.dnevnik.mk/?ItemID=B80A45808A8A334E8C4D8B8BD4A0FE6B

Нормално има и други