Fine Holding

Чист чаршиски муабет. Не знам зошто би иделе таму косовари, а не на пример во Карпош, Кисела Вода, Центар... Тоа е непотребна параноја. Кој би дал 100 илјади евра по стан во Скопје (~3 жители) само за да ја смени незначително структурата во Аеродром. Односно за 300 плус незначителни жители 10 милиони евра во оштина со близу 100 илјади. Колку поедноставен начин има да се населат "косовари" ако сакаат. Тие впрочем се и љубители на куќи :P

Додека, Космос беше исклучиво срушен поради евтините цени почетни од ~750 евра по квадрат за комплекс релативно сличен на тоа што денес го нудат на пример СкајСити со почетни од 1200 евра по квадрат. Тука според мене некои "високи" на пример од власта му загарантирале инвестиција на турски Џевахир за возврат личен профит (читај поткуп). Објект како Космос би бил директна конкуренција на СкајСити но со 50% пониска цена за квадрат на слична локација.

Што се не глупости се изградија низ Скопје, проблем бил едниот метар плус на почетната кота на објектот кој би бил висок 80 метри и би била домашна инвестиција од многу милиони. За таква голема домашна инвестициа треба и субвенција, а не рушење. Профитот од становите на Космос би се реинвестирал во МК, а од џевахир во Турција, но тоа никој не го гледа. Или ако важи законот, нека важи за сите, па нека има рушење на големо.

Носењето на косоварите е и муабет пуштен од такви како Миленко и компанија кои баррат плус причина за рушењето на Космос. А се разбира таквиот муабет ќе добие на кредибилитт со крст висок од 50м. Не знам што ќе биде ако Фијат добие на меѓународен суд како што се фали дека тужел.

Edited by stratus - 19-Sep-2014 at 19:02

Originally posted by Lerin Ај тркни до ФОН,мислам влези внатре и прошетај се низ факултетот. Бројката на луге што ќе ги слушнеш да зборуваат албански спрема македонски ти е 10-1. А пред едно,4-5 години ситуацијата беше обратна. Па сега ти види дали се чаршиски муабети.

ФОН нема везе со Космос
а дури и да имаше везе, како тоа Космос е проблем на националности, а Џеваир на пример не е? или било кој друг нов станбен комплекс? па кај Џеваир лупнаа џиновски крст, само за лажно да надохнадат за луѓето кои ќе ги купат тие станови...

Originally posted by Petar Skopje Миленко е стварно референтен човек на кој треба да му се верува.

пази, сарказам не се препознава на пишано

На кој не му се јасни некои работи, еве:

ФОТО: УРИВАЊЕТО НА „КОСМОС“ - ПЕТТА БОМБА НА ЗАЕВ

Опозицијата објави снимки од телефонски разговори меѓу Груевски и Јанакиески, кои се договарале околу уривањето на објектот на Фијат Цаноски

ФОТО: Петр Стојановски

Телефонски разговори во кои премиерот Никола Груевски и министерот за транспорт и врски Миле Јанакиески го координирале уривањето на објектот „Космос“ објави денеска лидерот на СДСМ, Зоран Заев.

Петтата бомба на опозицијата содржи девет разговори меѓу, како што посочи Заев, Груевски и Јанакиески, кои, рече, се договарале како да се урива објектот на познатиот бизнисмен и поранешен пратеник Фијат Цаноски.

„Овие разговори ги покажуваат суровоста и одмаздничкиот порив кај Груевски, кој заедно со своите најблиски соработници е подготвен да ги сотре сите што не мислат како него. Веднаш по парламентарните избори во 2011 и затворањето на А1, се урива „Космос“, што е политичка одмазда врз Цаноски, сват на Велија Рамковски“, рече Заев на денешната прес-конференција.

Во првиот разговор, соговорниците, како што објасни Заев, го договараат терминот кога на Цаноски ќе му биде врачено решението за уривање на објектот во Скопје. Груевски предлага решението да му биде дадено на Цаноски кај 15 часот, за, како што вели, да не биде ептен отсабајле.

Потоа, според снимката, Груевски му се јавува на Јанакиески со нов предлог - да се смени Деталниот урбанистички план и таму, како што вели, да се направи еден убав парк - „со фонтани со чуда“.

„Ако треба, ќе му ја експропоираме земјата“, вели Груевски, а Јанакиески одговара: „Не. Не мора ништо да правиме, не може да гради. Доволно е, по мене, и габаритите да му се намалат“.

Набргу потоа, според третата снимка, Груевски му се јавува на Јанакиески со нов предлог - да се смени и Генералниот урбанистички план и таму да се предвиди, како што вели, парк и зеленило. Јанакиески одговара дека процедурата за промена на ГУП е подолга.



Во следните разговори објавени на прес-конференцијата се договара терминот за уривање на „Космос“. Груевски прво му препорачува на Јанакиески тоа да биде по собраниската седница за избор на Владата, по изборите во 2011, за, како што е наведено, да не излезе случајно опозицијата од парламент. Потоа Груевски се премислува и сугерира рушењето да се спроведе на 1 август, кога почнува „фул сезона на годишни одмори“. Во еден од разговорите се спомнува судијка која би можела да даде забрана за уривање, по што Груевски му предлага на Јанакиески да се јави кај „највисокиот“ во судот. Следуваат разговори за техничките подготовки за уривање на столбовите на објектот, при што Груевски изразува незадоволство од тоа што до тој момент било урнато, со забелешка дека тоа е ситна штета. Во еден од последните разговори, Груевски предлага, ако е зградата онеспособена, да се остави за Цаноски да ја доруши сам.

На крајот, премиерот, според објавената снимка, зборува за негова средба со амбасадорот на ЕУ - Соренсен, кого го прашал да му каже, неформално, што, освен името, ги нервира во Брисел. Потоа Груевски раскажува дека Соренсен му рекол дека во Брисел се загрижени околу спроведувањето на правото, бидејќи, како што навел, ако се руши Цаноски, тогаш треба да се рушат сите што се како него или никој да не се урива. Соренсен рекол и дека се проблем медиумите и дека за тоа треба да се обезбеди добра регулација.

Откако Груевски, според презентираниот разговор, заклучува дека тоа што му го кажал амбасадорот држи вода, Јанакиески го информира за објект во Гостивар, кој се градел без одобрение. На тоа Груевски вели: „Е па терај, не чекај. Со динамит тоа, да не ја тупиме пак“. (А.М.М.)

Се прислушувало и пред 2010 година



Одговарајќи на новинарски прашања, лидерот на СДСМ Зоран Заев рече дека, освен снимки од разговори на мобилни телефони, има материјали кои, според него, покажуваат дека се следеле и фиксни телефони и електронска пошта.

Тој рече дека има материјали од прислушување и пред 2010 година, односно и од 2007, 2008 и 2009 година, алудирајќи на единствената пресуда за случајот „Пуч“, каде што петтоосомничениот, според спогодбената пресуда, признал дека го почнал прислушувањето во 2010 година.

Заев најави дека наскоро ќе бидат презентирани разговори кои, како што рече, сведочат за незамисливи изборни фалсификати, а најави снимки и за затворањето на А1, но и за тоа како Груевски преговарал за името.

Izvor: http://www.utrinski.mk/?ItemID=28029863C821FD4CB403F1AD31940BBC

Originally posted by Bojan10 Јас вака мислам. Космос од самиот почеток на градбата имал отстапувања од планот, ама беше со ВМРО во власт, и немаше никакви проблеми. Кога ја избра страната на сватот му Велија, и отиде со опозицијата, овие не му простија и реваншистички форсираа уривање на објектот. Дополнително, за да не може да гради кога ќе го срушат објектот, му менуваат и ДУП и ГУП.

отстапувањата колку што се сеќавам, беа за два метра? така беше?
и секако, не е проблем објект на сред улица да се гради, или пак на пола метар далечина од друг објект, ама проблем е кога објект на сред нива, далеку од урбани структури, отстапува за два метра
(плус по кратка постапка се легализираше све живо во земјава и диво без контрола)

никогаш не ми се допаѓаше Космос како проект, единствена позитивна страна што можев да му ја најдам е дека можеше да се понадеваме да повлече некоја урбанизација на просторот околу него, ама отсекогаш се работело за ревеншизам тука
вака да се напнеа да рушат објекти кои навистина се урбани чирови, супер ќе ни беше, ама ако некој пронајде логика во рушењево на Космос, чиста од политика во стил дека Фиат бил криминалец од прв степен, слободно нека се јави...

За Космос ќе ви објаснам деновиве преку слики од слични згради во Кичево,во што се состоеше проблемот.Формално правно власта беше во право-а морално:само во Кичево има неколку слични згради изградено,но не се турнати.За некого мајка,за некого маќеа

Originally posted by kultuzin Космос би требало да биде пример како треба да функционира правна држава, во која постојат и се применуват закони.

Колку е само иронична реченицава... трагична...

Можеби учеле од методите на Ј.Б.Тито.Тој најпрво неговите пајташи ги оставал малку да ги измачкаат рацете,па после тефтерот со нивните работи кај него во фиока.Па нека мрдни некој ако можи,а тој самиот знае дека е измачкан до гуша

Не ми се верува дека цената на становите можи да се турни со зграда како Космос.штом Адора и четирите кули не ја спуштија цената,нема ни космос тоа да го направи.Пред се е политички реваншизам.

А Алекс,јас ги немам слушано снимките,ама гарантирам дека можам да ги раскажам со точност од 90%

Фијат од самиот старт збореше дека ќе продава по 800, дури и десетина станови му беа однапред продадени. Доколку на нашиот пазар знаеме колкав е понудиш 1000 станови по таа цена голем број на други станови кои се нуват по далеку повисоки цени ќе останат непродадени подолг период со што газдите ќе бидат принудени да ги намалат. Чиста економија, понуда-побарувачка.
Моментално во Скопје нереално се држи цената на високо ниво, но таа е нереална и ќе паден!