Автопати и експресни патишта (општо)

Знаете што имам забележано, дека бугарите и грците планират преку коридорот 4 скроз да не исклучат од поврзаноста со нив, постепено коридор 10 ке биде запоставен, еве како
1. грците сеуште не планират да го поврзат евзони со таму доле до пред солун со асален автопат туку запнале преку реката струма да се поврзат со петрич и преку благоевград па софија димитровград и правец Ниш, ако не побрзаме да го возобновиме делот Куманово Миладиновци и Неготино демиркапија, секако дека ке останеме помалку конкурентни, плус делот смоквица гевгелија каде е ниво на експресен пат да се прошири со уште една лента.
2. бугарите не гледам дека имат план да се поврзат со нас преку некој автопат, тоа треба ние да го направиме, најлесно е од Струмица преку ново село да се поврземе на Кор4, да добиеме колку толку врсска со бугарија
3.полека размената со Косово ни се намали за сметка на размената што ја прават со србите а упорно сме слепи и неможеме да направиме 17км автопат до Блаце
4. на крај поврзување со албанија и преку Кафасан и преку дебар
5. не е на одмет да имаме солидно поврзување од битола до меџитлија не е многу тоа и рамничарски дел е

http://i.imgur.com/hfCbT7h.png

Дали е поправен патот од Деве Баир до Ќустендил зашто беше во многу лоша состојба?

Минатата година патував преку Унгарија, Романија и Бугарија. Во Унгарија патиштата по кои возевме беа доста лоши но многу добро обележани што многу го олеснува возењето и ориентацијата особено на пат кој се вози за прв пат. Во Романија бев најпозитивно изненаден што од патиштата уште повеќе од патната сигнализација. Особено ми се допадна како се решени пешачките премини.
Бугарија кога влеговме имав впечаток дека влеговме во некоја војна зона. Ај што не беше означено како што треба туку на патишта имаше буквално кратери. Влезот на Софија беше како да влегуваме во Мумбаи дури после Софија се нормализираше впечатокот како со квалитетот на патиштата така и со сигнализацијата. И се до Петрич се работи за добра патна инфраструктура од Петрич до граничниот премин повторно е катастрофа немаше ни еден знак кој ќе не насочи кон границата. Очигледно е дека патот од Софија преку Благоевград па надоле е со приоритет кон Грчката граница а кракот кон Македонија е запоставен. Рака на срце и патот на македонската страна од границата до Струмица исто така е катастрофален со оглед дека се работи за меѓународен транзит. Впечаток е дека со малку труд како од бугарската така и од нашата страна може значително да се подобри врската со овој граничен премин, кој сепак мора и тоа да се каже има прилично мал проток на луѓе и стока.
Се на се да заклучам дека сигнализацијата и обележување на патиштата е исто толку битно за безбедноста колку и квалитетната инфраструктура. Во Македонија има огромен број на патишта каде што нема никаква линија така да ориентацијата е невозможна особено во узлови на намалена видливост. Да има некој паметен да се зафати само со овој проблем обележување на патиштата би можел со мала инвестиција значително да ја подобри безбедноста.   

РАЗМИНАТИ АВТОПАТИШТА

Билјана Ангеловска

Албанија ќе гради автопат кон Македонија. И Македонија за неколку години ќе се поврзе автопатски со западниот сосед. Само што автопатот во Македонија ќе оди до Струга, а оној во Албанија, до Дебар. Поточно, едниот ќе биде до граничниот премин „Ќафасан“, а другиот до „Блате“!

Каква е логиката од постоењето автопатишта ако тие не се поврзани? Сосема е нормално оној што гради да си има своја цел, па и пресметка што добива од таквата изградба. Сепак, она што е најважно е што токму оние на кои им е најпотребен автопат и натаму ќе останат без него. Барем не онаму каде што тие сметаат дека треба да го има.

Македонските бизнисмени одамна бараат автопатско поврзување со соседна Албанија што ќе им ги приближи албанските пристаништа. Немањето добра инфраструктура е главниот проблем со кој се соочуваат и кој им го отежнува бизнисот. Брзиот, ефикасен и безбеден транспорт на стоки, но и на луѓе е фактор број еден за добра бизнис-клима и трговска размена. Токму поради тоа членките на Стопанската комора на Северозападна Македонија сами предложија проект за изградба на автопат кој би одел преку дебарскиот предел до граничниот премин „Блате“. Но, надлежните не гледаат оправданост од реализација на таков проект. Дотолку повеќе што во тек е изградба на автопат од Кичево до Охрид, во план е автопатско поврзување и на Гостивар со Кичево. Надлежните, веројатно, одлучија токму на овој правец да го прават автопатот од неколку причини. Прво, тој е дел од меѓународниот Коридор 8 е од големо значење, пред се', за Западна Македонија. Второ, постојниот магистрален пат е неспоредливо подобар од оној што оди по кањонот на Радика до Дебар, што значи полесно ќе се дојде до крајното автопатско решение, додека теренот по кој би требало да минува трасата до преминот „Блате“ е многу посложен за градба. Токму конфигурацијата на овој терен многу го поскапува евентуалниот проект за автопат преку Дебар, без разлика што се работи за пократка релација. И, на крај, правецот кон Охрид има многу поголема фреквенција на возила.

Дека Македонија треба да се поврзе со Албанија преку автопат им е јасно на сите. А за тоа од каде би одел тој, кое е поисплатливо решение, кој правец долгорочно би донел поголем бенефит, треба да се договорат надлежните и, се разбира оние што се најзасегнати. Значи, потребен е дијалог за да се најде решение прифатливо за сите, за двете држави, бизнисмените, обичните граѓани, па и туристите. Зашто, ако автопат преку Струга е добро решение за оние што доаѓаат во Охрид и во Струга, автопат преку Дебар, сигурно уште повеќе ќе го заживее еден од најубавите и најживописни предели во Македонија.

http://www.utrinski.mk/?ItemID=3C3DE0D47141DF4BAEBC566B6913AB78

Груевски: Наскоро нов експресен и регионален пат до Крива Паланка

Изградба на регионален пат од Крива Паланка до Македонска Каменица и експресен пат од Ранковце до Крива Паланка, најави денеска премиерот Никола Груевски при посетата на општина Крива Паланка.

Регионалниот пат ќе биде во должина од 17 километри и за него ќе бидат инвестирани 10 милиони евра. Подготовките се во тек и се очекува во втората половина на следната година да започне неговата изградба.

- Овој регионален пат е значаен затоа што ќе бидат поврзани двата најголеми рудници во Македонија за олово и цинк, а ќе бидат поврзани и двата града, Крива Паланка и Македонска Каменица, изјави премиерот Груевски.

Експресниот пат од Ранковце до Крива Паланка е планирано да има четири ленти и да биде со сите карактеристики на автопат со можност во иднина доколку има поголема фреквенција на возила да се догради уште по една лента од двете страни и тој да стане автопат.

- Во длабока фаза сме во подготовки и на крајот на 2015 година се очекува да започне градбата на овој експресен пат кој ќе значи и поврзување со Република Бугарија, нешто што во минатото многу често се зборуваше, но сега влегуваме во финална фаза на подготовки за негова реализација, истакна премиерот Груевски.

Тој додаде дека за двата проекта се договорени со меѓународните финансиски институции, односно експресниот пат ќе се прави со финансиски средства од Светска банка, а регионалниот пат ќе биде финансиски поддржан од Европската банка за обнова и развој.

- Станува збор за релативно затворена финансиска конструкција, но потребна е подготовка од аспект на проекти, експропријација и слично, нагласи Груевски.

Во овој момент, како што информираше, се работи на проектот за експресниот пат и тој треба да се заврши до јануари идната година, по што следува шестмесечен период на експропријација на земјиштето, а кон крајот на 2015 година или почетокот на 2016 година да почне изградбата на овој пат.

http://a1on.mk/wordpress/archives/385443

За да се заштеди, ваков требаше да биде според мене Скопје-Штип. Кичево-Охтид колку толку е барем дел од меѓународен коридор.

Зошто делницата од автопатот Неготино-Демир Капија е означена за реконструкција кога таа делница е најнова во цел автопат?Ја возев пред 2 години ама не се сеќавам дека беше во лоша состојба