Автопати и експресни патишта (општо)

Во право си Ѓоко, поминав на делницава пред 2 недели и мене ми изгледа за сосема добра така што најверојатно тоа е некоја грешка на мапата

Originally posted by gjoko Зошто делницата од автопатот Неготино-Демир Капија е означена за реконструкција кога таа делница е најнова во цел автопат?Ја возев пред 2 години ама не се сеќавам дека беше во лоша состојба

По сеќавање од пред месец-два, во горе-долу добра состојба е можеби само левата (брзата) лента. Генерално мислам дека е во полоша состојба отколку делот од Смоквица до граница.

Ексрпесен пат Битола-Прилеп и Прилеп-Велес според мене би бил и повеќе од одлична работа. Посебно меѓу Битола и Прилеп, каде што теренот е рамничарски и изградбата не би била многу скапа.

Битола - Прилеп нема апсолутно никаква потреба од проширување. Протокот на возила воопшто не налага такво нешто, а постоењето на стариот пат Битола-Прилеп ги елиминира проблемите со земјоделски возила, така што патот е милина за возење, освен некои чудни тумби на една кратка делница.

Битола-Ресен, и особено во продолжение Ресен-Охрид е жив хорор, каде луѓе гинеле поради ширината на патот, каде камионски приколки, при нормални брзини, во кривини им кинеле глави. Shit happens. За жал, и тој пат со оглед на фреквенцијата на возила, и со оглед на цената на чинење на премостување на сите тие кривини покрај огромни карпи, и особено со тоталното запоставување на овој регион од страна на надлежните, нема никаква надеж да биде надограден во блиска иднина.

Прилеп-Велес, особено преку Бабуна, е нешто одамна ветено, и плачиме да биде исполнето. Делот после Плетвар е ужас за возење, особено со неосветлените трактори околу Градско и Росоман. Пристојно широк пат преку Бабуна би бил доволен, само да се заобиколат земјоделските села.

Edited by гитардемон - 22-Sep-2014 at 19:24

Битола не е Штип. Ете ти го одговорот.

stratus не ја споменува делницата Градско-Прилеп никаде, не гледам која е лагата Во право си.

Кога сме кај протокот. Се дури немаме официјални податоци за протокот на возила на годишно ниво за сите магистрални патишта во Македониија, не можеме да коментираме. Правецот Битола-Прилеп на некој начин како дел одделницата Делчево-Охрид и Дел од коридорот 10Д е алтернативен пат и на К8 и К10. Е пат по кој се движат камиони. Единствена предност е тоа што е поле, е прегледно и лесно е претекнувањето.

Од друга страна, ситуацијата во РМ дојде да биде таква да најбитна врска е Скопје со секој град пооделно. Според пописот во 2002 (за жал и тој веќе не е точен но сепак е официјален) во источниот плански регион живеат ~200 илајди, а во пелагонискиот 230 илјади. Преку новиот автопат Штип-Миладиновци, центарот а со тоа и источниот регион се поврзува со Скопје. Додека пелагонискиот треба да продолжи да го користи патот кај Росоман, кој е тесен, полн со кривини, дупки, трактори, камјони и често има сообраќајки.
Полошкиот регион и претходно беше добро поврзан со автопат со Скопје исто како и југоисточнит (освен Струмица) преку К10. За поврзување на југозападниот се прави патот Кичево-Охрид. Додека Куманово како центар на североисточниот регион е поврзано со автопат со Ск, а се планира и експресен пат до К. Паланка. Низ вардарскиот поминува К10.
Да не бидам погрешно сватен мило ми е за се што би се градело во МК но единствено со тоа што е изградено и што се планира Пелагонискиот регион не добива ништо и останува слепо црево во Македонија. Со вакви планови ќе биде единствен од осумте региони во МК без километар автопат и/или експресен пат. Тоа значително допринесува за економско пропаганје и иселување од овој регион кој од секогаш важел за индустриски центар што единствено парирал на Скопје.

КАКОВ ПАТ ТРЕБА ДА СЕ ГРАДИ ОД ШТИП ДО КОЧАНИ

Поделени се мислењата околу оправданоста од изградба на магистрален пат или автопат кој ќе ги поврзе двата града во Источна Македонија

Иван Боjаџиски

Каков пат треба да се гради од Штип до Кочани? Сегашниот, кој има статус на регионален пат, да се прошири и целосно осовремени и да прерасне во повисока категорија на магистрален пат, или, да се оди на изградба на сосема нов автопат по кој помеѓу овие два најголеми града во Источна Македонија ќе може да се вози надвор од селските населби и со брзина до 100 километри на час? Во моментов, за инвеститорот, Агенцијата за државни патишта, нема дилеми дека државата ќе инвестира во магистрален, а не во автопат. Проектот треба да биде готов на почетокот од идната година, а кога ќе се гради патот, засега не е познато.

Според идејниот проект, изградбата на магистралниот пат во должина од 26 километри, кој ќе почнува од клучката кај три чешми во близина на Штип и ќе завршува на влезот од Кочани, ќе чини околу 40 милиони евра. Со овој проект било предвидено магистралата да има две ленти за возење од по 3,5 метри широчина, по две ленти за застанување широки по 2,45 метри, а покрај нив, од двете страни да се истампонира пат широк по 3,5 метри кој ќе можат да го користат земјоделците од крајпатните села за да можат безбедно да стасаат до своите ниви.

На истокот од државата има поддржувачи и на едната и на другата идеја за современо поврзување на Штип и Кочани, како продолжеток на новиот автопат кој се гради од Миладиновци до Штип во должина од 47 километри и кој треба да биде готов во 2017 година. Оваа инвестиција од 206 милиони евра треба да придонесе за позабрзан економски и секаков друг развој на источниот дел на Македонија. Оние кои сметаат дека обновата и проширувањето на сегашниот регионален пат Штип – Кочани, по кој, според една студија од 2012 година дневно поминувале по 5.500 возила, е полоша варијанта од изградба на нов автопат имаат свои аргументи.

„Проширувањето на сегашниот регионален пат има повеќе негативни елементи отколку кога би се градел сосема нов автопат. Капацитетот на сегашниот пат е со проток од максимум 12.000 возила на ден, но ако остане ова решение, сериозно ќе бидат загрозени големи површини оризови ниви, ќе се јават еколошки проблеми на простор од 500 метри од двете страни на патот, а голем проблем ќе имаат и селаните за да стасаат до своите ниви, бидејќи ќе мора да возат по неколку километри за да можат да стигнат до првата раскрсница и да можат да дојдат до своите имоти. Мислиме дека селаните со трактори и друга земјоделска механизација и натаму ќе минуваат преку асфалтниот пат и на тој начин безбедноста ќе биде сериозно загрозена“, велат нашите соговорници кои побараа „привремена анонимност“.

Од идејниот проект може да се види дека за проширување на патот ќе бидат одземени околу 100 хектари од најплодните оризови ниви од кои, во просечно родна година се добива принос кој на пазарот „тежи“ 400.000 евра, што ќе значи директна загуба за земјоделците, преработувачите и трговците. Заговорниците на идејата за изградба на нов автопат, кој би минувал по левата страна покрај железничката линија од Штип до Кочани каде што нема плодни ниви и нема да минува низ населено место, велат дека од економски, еколошки и безбедносен аспект е стопати подобро решение од она кое е сега на маса. Бидејќи автопат се гради еднаш во 50 или 100 години, а оправдувањето дека тој ќе чини двапати повеќе од актуелното решение, односно околу 90 милиони евра, не држи многу, зашто на долг рок тој ќе биде поевтин, со помал број сообраќајни несреќи и изгубени човечки животи.

Како и да е, на почетокот од идната година ќе биде готов проектот за Штип и Кочани наместо со автопат да се поврзат со експресен пат. А, кој е во право, ќе покаже времето.

http://www.utrinski.mk/?ItemID=3790545F4C6564449A495E76C94E0652

Најдобро решение епроширување на ниво на експресен и тампонирање на пат за земјоделски машини. Со влегување во неколкуте не многу големи села просеќната брзина би била 90км/ч со што 25км од Штип до Кочани би се врвеле за 20тина минути. Во случај на автопат времето на патување би се скратило за занемарливи 5-10мин. Непотребно би се фрлиле дупло или тродупло пари за автопат кој што граѓаните на овие населени места би го избегнувале поради патарината. Со истите пари би се изградил и експресен до Делчево и границата со Бугарија.

Неколку пати сум спомнал во РМ само коридорите 8 и 10 треба да се изградат со оглед на меќународното значење на ниво на автопат а сите други населени места поголеми од 20 илјади да се поврзат меѓусебно со експресен или евентуално 3-лентен пат.

Stip-Kocani avtopat e totalna glupost. Ima tolku prioritetni delnici koi prirodno nudat golem ekonomski razvoj so izgradba na barem ekspresen pat.