Авиокомпании и линии

Originally posted by daci92 Картите се веќе достапни за резервирање од 04.04.2015 цената за првиот ден што ја видов утринава изнесуваше 145 франкови.Во првиот период ќе се сообраќа само еднаш неделно ,а од 1 или 11 јули ќе сообраќа 2 пати неделно. Лошото е што нема да сообраќа Свисс туку некоја друга компанија и ќе се патува со Dash 8 400ка  2 часа и 45мин правец.

Swiss е компанијата, меѓутоа во соработка со нивниот партнер(туролеан операторот-фирма ќерка на аустријан, која се сообраќа на пократките релации - нешто како луфтханза регионал и Алиталија ситилинер), како и да е одлично е, например јас гледав карти за во мај таму средината има повратна за 75евра!

*иначе ти си видел цена за трансфер лет, цената за цел април за саботниот лет(директниот) е 25 вра по правец - сега баш видов, знаци мисслам дека со овие цени успехот им е гарантиран !

Edited by Obedineta Makedonija - 11-Nov-2014 at 11:07

А сега во моментов испод 400 франка правец не видов , и не , не гледам споени летови.

АВИОНСKИТЕ ПАТНИЦИ НЕ СЕKОГАШ ЗНААТ ЗА СВОИТЕ ПРАВА

БАРАЈТЕ СИ ГИ ПАРИТЕ АКО ЛЕТОТ Е ОДЛОЖЕН



Пренасочување на друг лет, целосно враќање на уплатените пари за авиобилет и ако имате среќа - храна, пијалаци и платено сместување во хотел додека чекате да се качите во авион. Ова им следува на патниците чии летови се одложени или целосно откажани поради магла на аеродромите. Дополнителна парична отштета на патниците за изгубеното време и за малтретирањето, според европските регулативи, не им следува.

Македонските аеродроми, особено скопскиот, честопати во зимските месеци се соочуваат со долги одложувања или целосни откажувања на летовите поради магла. Таков случај имаше и лани, кога цел декември речиси и да немаше сообраќај на „Александар Велики“ поради густа магла, а илјадници патници имаа тешкотии да стигнат до саканите дестинации. Тогаш авионите се пренасочуваа на охридскиот или на другите најблиски аеродроми во регионот. Иако многу патници реагираат дека во вакви случаи авиокомпаниите ги оставаат самите да се снајдат како знаат и умеат или, пак, чекаат со саати информации или алтернативен превоз, досега ниту еден патник не се пожалил во Агенцијата за цивилно воздухопловство (АЦВ).

Европските регулативи за заштита на правата на патниците предвидуваат дека авиокомпаниите се должни да се грижат за своите патници чии летови се долготрајно одложени или целосно откажани, меѓу другото, и во случаи на лоши временски услови. Ако летот е откажан, патниците имаат право да го побараат назад целиот износ што го платиле за авиобилетот. Ако станува збор за подолго одложување, може да избираат дали ќе се префрлат на некој друг лет или ќе ги добијат уплатените пари назад. Без разлика за колкаво чекање поради магла и други лоши временски непогоди станува збор, авиокомпанијата е должна за тоа време на патниците да им обезбеди храна, пијалаци, хотелско сместување ако е неопходно, како и евентуален превоз од хотелот до аеродромот и назад. Евентуална дополнителна парична отштета за изгубеното време и слично не е предвидена, со оглед на тоа дека станува збор за откажувања предизвикани поради елементарни непогоди, на кои авиокомпанијата не може да влијае.

Нискобуџетните компании, пак, кои најчесто немаат свои канцеларии на самите аеродроми, нудат опции на интернет за да може патниците да си ги остварат правата во вакви ситуации. Унгарската „Визер“, која лета на десетина дестинации од Скопје, на својата веб-страница ги информира патниците како да постапат во вакви ситуации.

„Искрено се извинуваме за непријатностите предизвикани од неодамнешното откажување на Вашиот лет. Видете го детаљниот список подолу за да проверите дали Вашиот лет навистина е откажан. Ако е, најавете се на профилот myWizz (горе десно), отворете ја својата резервација и ќе можете да резервирате повторно преку интернет бесплатно. Ако веќе не сакате да патувате, ја откажуваме Вашата резервација и ги враќаме парите за вкупната цена платена за откажаниот лет. Поднесете го овој формулар за да побарате поврат на средствата“, пишува на страницата на „Визер“.

Од АЦВ објаснуваат дека ако авиокомпанијата не ги исполни своите обврски кон патниците во случаи на откажување или одложување на лет, тие прво треба писмено да реагираат до самата авиокомпанија. Ако не добијат повратен одговор во следните шест недели или не се задоволни од него, може да се пожалат во АЦВ.

- Досега не сме добиле ниту една поплака од незадоволен патник иако многупати имало откажувања и одложувања летови поради магла. Можеби патниците не се решаваат да реагираат до авиокомпаниите поради тоа што периодот од шест недели им изгледа предолг, но поверојатно е дека успеваат да се договорат со авиокомпаниите навреме, па нема потреба од дополнителна реакција до нас. Забележливо е дека во последните години патниците си ги научија правата. Kако и да е, АЦВ им стои на располагање на сите патници што сметаат дека правата им се нарушени и сакаат да си ги остварат - велат од Агенцијата за цивилно воздухопловство.

ЕВРОПСКИТЕ АВИОКОМПАНИИ „ЗАБОШОТУВААТ“ ЗА ОТШТЕТАТА

Ако доцнењето или откажувањето на летот не се должи на временски услови, туку е поради некој пропуст на авиокомпанијата или, на пример, штрајк, патниците дополнително може да добијат отштета од 125 до 600 евра, во зависност од далечината на дестинацијата до која треба да патуваат и од времето на доцнење.

Европските регулативи важат за авиокомпаниите од ЕУ што летаат во рамките на Унијата, но и за тие што летаат од земји во Европската Унија кон други земји што не се членки. Медиумите во Европа пишуваат дека и покрај тоа што европските регулативи предвидуваат парични отштети за патниците, авиокомпаниите најчесто наоѓаат начин да не им ги исплатат правдајќи се дека доцнењето или откажувањето било поради „виша сила“.

http://www.dnevnik.mk/?ItemID=C9041A7873B8CF4CBDA7B3D66F3DB3DF

Stefanik e Bratislava   (football match)

А авионот од Будимпешта е заради гостувањето на РК Веспрем во Скопје против Вардар

Originally posted by Obedineta Makedonija Tranquilis - имаме ли некои најави или предлози за покачување на фрекфенциите на веќе постоечките рути или засега е на stand by.... Или зависи од тоа дали ќе се стационира уште еден воздухоплов?

Да, од тоа зависи.

Originally posted by daci92 Originally posted by Тркало Можело Paris - Beauvais Istanbul - Sabiha Gökçen Istanbul - Ataturk ама не можело ? Bratislava - M. R. Štefánik изгледа само за редовни линии целосни имиња важат Можеле и само Братислава да пишат бидејќи има само еден аеродром за меѓународни летови.

Во Шенген зоната не постојат меѓународни летови. Шенген зоната функционира како една држава во која спаѓа и територијата на Словачка.

Даци важно е да се напише нешто битно ли е дали е тоа што ни треба.

МИНИСТЕРСТВОТО ЗА ТРАНСПОРТ РАСПИША ЈАВЕН ПОВИK

СЕ БАРА КОНСУЛТАНТ ШТО ЌЕ НИ ДОНЕСЕ НАЦИОНАЛЕН АВИОПРЕВОЗНИК



Околу 195.000 евра ќе добие консултантот што ќе ја подготви студијата за формирање национален авиопревозник во Македонија. Иако го најавуваше за следната година, Министерството за транспорт и врски го објави јавниот повик преку кој бара консултантска компанија што ќе го испитува пазарот во земјава и ќе изработи физибилити-студија за можноста за воспоставување авиопревозник што ќе лета под македонско знаме.

Студијата треба да биде готова до крајот на април, по што Министерството ќе ги дефинира условите што ќе им ги понуди на авиокомпаниите заинтересирани да летаат под македонско знаме. Избраниот консултант, според условите наведени во јавниот повик, треба да биде искусна компанија, која има реализирано најмалку три договори за консултантски услуги за развој, обнова на капиталот или реорганизација на национални компании. Притоа, лидерот на тимот што ќе ја подготвува студијата треба да биде воздухопловен експерт со најмалку 20 години работно искуство во оваа област и кој учествувал во склучувањето најмалку еден договор за јавно-приватно партнерство во воздухопловната индустрија.

Образложувајќи ја идејата за формирање национален авиопревозник, министерот за транспорт и врски Миле Јанакиески изјави дека прво мора да се испита заинтересираноста на авиокомпаниите за да се пријават на јавниот повик, по што ќе се дефинираат условите што тие ќе ги добијат.

- Тоа, на пример, ќе бидат дополнителни субвенции, најдобрите линии да бидат резервирани за тој авиопревозник и други поволности. Kога ќе направиме еден таков пакет, ќе го понудиме до поголем број светски познати авиокомпании. Врз база на тоа ќе видиме дали има интерес. Ако има интерес, ќе распишеме постапка, во која ќе се јават поголем број компании што сакаат да воспостават база во Македонија - изјави неодамна Јанакиески.

Улогата на национален авиопревозник во Македонија последно ја имаше компанијата МАТ, која отиде во стечај во 2009 година поради натрупани долгови. Kомпанијата што ќе лета под македонско знаме ќе треба да биде регистрирана во земјава и тука да има своја база. Воздухопловните експерти сметаат дека државата нема самата да формира авиокомпанија, имајќи ги предвид лошите искуства на земјите од регионот, каде што речиси сите авиокомпании што се државна сопственост се соочуваат со финансиски проблеми, туку дека ќе најде партнер што ќе управува со неа.

http://www.dnevnik.mk/?ItemID=61D8C44972A0324A9777271A1AAF8361

Си ме претекнал со постирањето, дека до моментот беше паднат серверот на страната....., како и да е сето оваа(околу субвенциите) добива сериозна тежина ако може така да се каже, инаку мислам дека ни претстои интересен период, САМО ПАК ЌЕ СИ НАПОМЕНАМ, БЕЗ ВОВЕДУВАЊЕ НА НОВИИ ЛИНИИ ОД СТРАНА НА Wizz Air - НЕМА ДА БИДЕ ТОА ЗАДОВОЛСТВО ЦЕЛО !! ..... a исто така се надевам дека конкуренцијата нема да биде причина односно обезхрабрување за Wizz да продолжи со својата експанзија од Скопје...