Неколку мои слики од градбата на погонот на Marquardt близу Велес. Не би било лошо да се отвори нова тема за овој објект.

ЗА KОМПАНИИТЕ ПРОФИТ, ЗА ДРЖАВИТЕ РАЗВОЈ

И АУДИ И БОИНГ ГРАДАТ СВОИ ФАБРИКИ ВО СЛОБОДНИ ЗОНИ

Зголемен извоз

Во вкупниот извоз од Македонија доминираат катализаторите, фероникелот и производите од железо и челик. Токму тие се краен производ во фабриките што функционираат во слободната економска зона Бунарџик. Зоната е рангирана како најдобра во Европа, а британската компанија „Џонсон Мети“ од овде ги произведува познатите автомобилски катализатори. Познавачите немаат дилема дека Бунарџик, како прва и засега најдобро развиена зона, е сведок дека на ваков начин може да се стимулира економскиот раст во земјата.

- Освен во растот на извозот, кој сега е една третина од вкупниот извоз на земјата, користа од овие инвестиции е повеќекратна. Се зголемува вработеноста, но со вложувањето инвеститорите носат нова опрема на наша територија, нови технологии. Не помалку важно е што полека во земјата се менуваат квалификациите на младите. Ако порано малкумина сакаа да се запишат на Машински факултет, на техничките науки, сега тоа е изменето. Таа струка носи работа и извесна иднина и младите тоа го препознаваат, па се намалува дефицитот на квалификувани кадри – вели професор Неновски.

БУНАРЏИК НАЈДОБРА ВО ЕВРОПА

Во рангирањето на ФДИ, Технолошко-индустриската зона - Бунарџик го зазема првото место, со раст од 39 проценти меѓу 2012 година и 2013 година на просторот што е окупиран од странските инвеститори. Магазинот нотира дека поради атрактивноста, британски „Џонсон Мети“ решил да реинвестира, а таква одлука донеле и Италијанците од „Текнохозе“. Тоа е случај и со „Џонсон контролс“ и руската компанија „Продис“.

Со поставување камен-темелник изминатиов викенд почна изградбата на две нови технолошко-индустриски зони во Берово и во Виница. До крајот на годината треба да почне да се гради и зоната во Делчево и во Струга. Покрај Скопје 1 и Скопје 2 функционираат и зоните во Штип, Тетово, Жабени. Се проценува дека бројката на вработени во фабриките што инвестирале во зоните годинава треба да достигне 3.500 луѓе...

целиот текст на:
http://www.dnevnik.mk/?ItemID=D341F79BC84C7A4B9FA5ABDCDCC2D849

Edited by jyvation - 12-Dec-2014 at 13:44

8.000 ВРАБОТЕНИ ЌЕ ЈА НАПРАВАТ МАКЕДОНИЈА БАЛКАНСКИ ТЕКСТИЛЕН ЦЕНТАР



Турската компанија „Веибо груп“, која е најголемиот инвеститор од Турција во Азија, почна да го реализира својот нов проект во Македонија. Kомпанијата веќе гради интегрирана текстилна индустриска зона кај Kрива Паланка, во која за три години ќе функционираат над 10 фабрики, со најмалку 6.000 вработени. Според плановите, активното целосно производство во зоната ќе почне кон крајот на 2015 година, а во следните пет години вкупната инвестиција ќе достигне околу 400 милиони долари. Само од оваа зона се очекува извоз вреден од 600 до 800 милиони долари, производи што ќе завршат на пазарите во САД, Велика Британија, Германија, Франција, Италија, Шпанија, Русија, Kина, Јужна Kореја и во Јапонија. Kако што објаснуваат од компанијата, текстилните фабрики ќе бидат посебно за производство на костуми, пантолони, кошули, палта, текстилни материјали, но ќе има и фабрика за картонски кутии, во кои ќе се пакуваат готовите производи, како и за соларни панели.

За плановите на „Веибо груп“ во Македонија разговаравме со основачот и генерален директор на компанијата, Селџук Алперен, кому, патем, денеска му е роденден.

„Веибо“ е голема компанија формирана во Kина? Kоја е главната причина од една таква земја со огромен пазар и во која многу земји од светот го имаа префрлено своето производство, да дојдете во Македонија?

- Позицијата на Македонија е во средиштето на Европа, а е многу блиску и до Турција. Од Македонија имате пристап до 600 милиони луѓе како потенцијални клиенти и пазар. Тоа е главната причина зошто дојдовме тука. Од друга страна, имаме многу клиенти во Европа со кои работиме веќе 15 години. Тие беа многу среќни кога слушнаа дека доаѓаме во Македонија. Истовремено, зоната што ќе ја изградиме ќе има статус на слободна зона, што дефинитивно многу ни помага. Се разбира и Владата нуди многу можности со кои ни ја олеснува работата, поради што сме многу среќни.

Македонија е политички најстабилна во регионот

Дали Македонија беше вашиот прв избор имајќи предвид дека и околните земји како Србија, Босна и Херцеговина се обидуваат да привлечат странски инвеститори?

- Од пред две години ја скенираме ситуацијата во сите земји во регионот, ги проверивме условите во Македонија, Србија, Бугарија, Романија, Kосово. Се решивме за Македонија и сосема сме сигурни во изборот. По целата потрага, сметаме дека Македонија е политички најстабилна од сите земји во регионот, што за нас е многу значајно, бидејќи значи дека не треба да се грижиме за ништо друго освен за бизнисот.

Најавено е дека индустриската зона ќе биде на голема површина и во неа ќе има многу нови вработувања. Kога целата замисла ќе почне да се реализира?

- Веќе почнавме. Kупивме фабрика во Kрива Паланка, што е наш прв чекор. Планираме оваа фабрика да ја користиме како тренинг-центар за обука на нашите вработени. Ние сметаме дека инвестицијата веќе е почната. Веднаш штом ќе ги добиеме потребните дозволи, ќе почнеме со процесот на производство. Техничките цртежи, односно плановите за зоната веќе се готови, исто и за самата фабрика. Веќе е завршен планот за фабриката, односно како ќе се поставуваат машините и сл. Во првата недела од декември планираме физички да ја почнеме изградбата, а во втората половина на 2015 планираме да почнеме со производство во првата фабрика. Фабриката ќе биде на површина од 28.000 квадратни метри и во неа најверојатно ќе бидат вработени околу 2.500 лица. Тоа е причината зошто обучуваме работници во фабриката во Kрива Паланка. За 3 години бројот на вработените ќе достигне 6.500 лица. Плановите ни се во Македонија вкупната инвестиција да изнесува 600 милиони евра во период од три години. Веќе имаме договори со едни од најпознатите текстилни брендови во Европа, работиме за „Хуго Бос“, за кого произведуваме околу 50 отсто од вкупниот капацитет. Но, во фабриката ќе се произведуваат и наши брендови популарни во Европа и во светот како, на пример, „Шамбијани“, но и други познати европски имиња.

Целото производство ќе биде вертикално поврзано од почеток до крај и комплетно ќе се одвива во Македонија. Од одгледувањето памук, производство на ткаенини, до готовите конфекциски производи. Тоа ќе биде најголема текстилна индустриска зона во целиот регион, а може и пошироко.

Враќање на памукот на полињата

Во Македонија порано многу се одгледуваше памук, но тој последниве децении исчезна од нашите ниви. Дали сте заинтересирани самите да иницирате одгледување памук во земјава, кој подоцна ќе се користи во производството?

- Дефинитивно планираме да го организираме и одгледувањето памук со тоа што во Македонија ќе ги засадиме најголемите полиња со памук на Балканот. Македонскиот памук беше познат уште во времето на поранешна Југославија и сакаме повторно да го вратиме на истото ниво. Тоа ќе бидат огромни плантажи со памук лоцирани токму во земјата. Целиот процес на производство ќе биде лоциран во и околу индустриската зона. Освен изградбата на фабриката, во втората фаза од проектот ќе се сконцентрираме на полињата со памук. Ќе одгледуваме органски памук, кој е многу популарен и баран во светот. Нашата моќ е во тоа што побарувачката за нашите производи е многу поголема од нашите капацитети. Затоа дефинитивно ќе имаме луѓе околу нас, доставувачи, со кои ќе склучиме договори за одгледување памук.

Македонија дава субвенции за памукот. И ЕУ исто така воведува субвенции за оваа култура наменети за земјите-членки од регионот. Kолку субвенциите во земјава ви се поттик и дали на субвенциите од ЕУ гледате како на конкуренција, односно колку тоа ќе ви помогне во намалувањето на трошоците?

- Првпат слушам дека има такви субвенции, но тоа е добра вест. Ние сме инвеститори во оваа земја и најважно ни е во производството и целиот процес на работа да користиме домашна работна сила и суровини. Нема да увезуваме суровини однадвор, така што извозот ќе биде целосно домашен, односно целосно македонски. Поради ова, нашите фабрики ќе бидат интегрирани меѓу себе, исто како што и процесите на производство во целата зона ќе бидат комплетно вертикално поврзани во една целина.

Планирате ли да отворите продавници во земјава во кои ќе се продаваат вашите брендови?

- Дефинитивно, штом ќе почнеме со производството, ќе отвориме и продавници за нашите познати брендови. Облеката што ќе ја произведуваме тука ќе се продава во Македонија, на Балканот, но и во цела Европа. Сепак, најголем дел од производите потоа ќе се продава во Kина, која е најголемиот пазар на светот на кој се продаваат милиони тони производи. Таа ќе биде нашиот главен извозен пазар. Најтешкиот и најкомплицираниот дел од целата работа се развојот и промоцијата на колекциите. Затоа планираме да формираме голем истражувачки и развоен сектор, кој ќе биде наменет за сите производи - памук, текстилни материјали, готови колекции, каде што секојдневно тие ќе се истражуваат и развиваат. На 15.000 квадратни метри ќе има лаборатории, изложбени простори, како дел од текстилната зона. Дополнително, во неа ќе имаме и простор за слободни активности, терени за фудбал, амфитеатар, музичка сала.

Директни и индиректни вработувања

Размислувате ли да купите во Македонија некои од постојните фабрики?

- Веќе купивме една текстилна фабрика во Kрива Паланка, но во зависност од развојот не е исклучена можноста да купиме уште неколку. Во план ни е да го прошириме производството во Македонија и со чевли и модни додатоци, како што се чанти, марами, така што сакаме да купиме фабрика за чевли и додатоци. Веќе разгледуваме неколку во Штип, Kуманово, каде што има развиено вакво производство. Во светот годишно продаваме околу 2,5 милиона чифта чевли, така што и тој бизнис ни е веќе развиен.

Kаков кадар ќе ви биде потребен во фабриките и дали Македонија има доволно за да ги задоволи вашите потреби?

- Главно ќе вработуваме жени, бидејќи тие се искусни текстилни работнички, но дефинитивно ќе се вработуваат и мажи за другите работи што не се поврзани со директното текстилно производство. Со комплетирањето на целата инвестиција сметаме дека ќе имаме најмалку 8.000 вработени. Со доставувачите и придружните активности, во целиот процес на работа ќе бидат индиректно ангажирани околу 40.000 луѓе. Вработените ќе доаѓаат на работа со автобуси, некој ќе треба да ги вози, одржува и поправа. За сите луѓе ќе треба секој ден да се обезбедат храна, овошје, зеленчук. Сето тоа ќе се набавува од земјава.

KОМПЛЕКС КУЌИ ЗА ВРАБОТЕНИТЕ

- Kога 70 отсто од првичниот проект ќе бидат комплетирани, ќе почнеме нов. Тоа ќе биде изградба на еден вид населба во близина на Ранковце, каде што ќе изградиме околу 1.000 куќи, кои потоа ќе им се нудат на продажба на наши вработени за период од 30 години. Односно, ќе може да ги плаќаат со минимални месечни рати, кои ќе им се одбиваат од платата, без камата. Тоа е проект со кој сакаме да им покажеме на вработените дека имаме доверба и им даваме сигурност оти ќе останат со нас во следните 30 години. Не сакаме да ги изгубиме искусните вработени. Знаете, кога ќе почнеме со работа, конкурентските компании ќе сакаат да ги преземат искусните и обучени вработени, а нам тоа не ни оди во прилог. Затоа на секој начин сакаме да им покажеме дека имаме заемен однос на доверба.

СО СЕМЕЈСТВОТО ВО МАКЕДОНИЈА

- Нашата компанија е присутна во 10 земји и имаме над 50.000 вработени. Ова за нас е национален проект за кој сметаме дека долгорочно ќе го водиме, но и од кој македонската економија ќе има голема полза. Нашата компанија верува во Македонија. Планирам да живеам тука, да ги донесам и сопругата и ќерката да живеат со мене. Оваа земја ја гледаме како своја. Веднаш забележавме дека Македонија има многу образовани, убави, пристојни, културни и отворени луѓе.

Зденка ПавковиЌ
Даница тунтевска ВуЈовиЌ
http://www.dnevnik.mk/default.asp?ItemID=90561CB6B477C34F8F22A8FA2AB1AEDA

Компаниите од слободните економски зони работат со полна пареа - извозот надмина милијарда евра



Компаниите од слободните економски зони работат под полна пареа. Се редат нарачките од странските пазари, се зголемуваат и производството и испораките кон надвор. Заклучно со ноември, извозот од зоните веќе надмина милијарда евра, пишува Лидер.

-Тоа значи дека сме на добар пат и дека веќе се остварува она што го проектиравме во минатата година, дека годинава ќе имаме зголемување од 50% на извозот од слободните економски зони, споредено со лани. Она што е најважно, во моментов сме во финални преговори и со неколку други компании. Дел од нив ќе се лоцираат во Скопје, дел во другите слободни економски зони, и тоа во оние каде што досега сме немале инвеститор, открива директорот на слободните економски зони, Виктор Мизо.

Во очекување на новите податоци од Државниот завод за статистика за надворешно – трговската размена до октомври, кои неделава треба да бидат комплетирани, ќе го анализираме периодот јануари – септември, односно трите квартали од годинава. Извозот се зголемил за 20 проценти во однос на истиот период лани, со што и размената станала поизбалансирана, па покриеноста на увозот со извоз сега е повисока за 4 проценти и надмина 68 насто. Најизвезувани производи се токму оние на компаниите од слободните зони: катализаторите на носачи со благородни метали и нивните соединенија (со нив работи Џонсон Мети, најголемиот извозник од земјава), тука се и сетовите на проводници за возила, авиони, бродови, на кои работат другите компании од ТИРЗ.

Од податоците на Статистика може да се види дека секторот „Хемиски и сродни соединенија“, заклучно со третиот квартал, забележал раст од 29,7 проценти во однос на лани, додека производството на машини и транспортни уреди бележи позитива од цели 95,2 проценти.

Компаниите ги прошируваат капацитетите

Добрите резултати од работењето се главната причина зошто дел од странските компании се решија повторно да инвестираат во Македонија. На пример, вкупната инвестиција на Џонсон Мети веќе достигна 130 милиони евра, откако компанијата ги прошири своите капацитети со нови погони.

-Ние имаме успешна приказна, што беше и причината повторно да инвестираме. Ако немате успешен бизнис нема повторно да инвестирате. Нашиот бизнис модел се покажа како успешен, а мислам дека тоа може да го направат и другите компании, вели првиот човек на британскиот гигант, Џатин Такрар.

Како резултат на зголемениот обем на работа, Џонсон Мети дополнително ќе го зголеми бројот на вработени.

-Во моментов, во нашата компанија работат 570 луѓе. Од нив, 565 луѓе се од Македонија. Во 2012-та донесовме одлука да се прошириме од нашата првична инвестиција и двојно ги зголемивме нашите капацитети, со што регрутиравме и нови работници. Се надеваме дека бројот на вработени до 2016-та ќе достигне 680 луѓе, вели Такрар.

Во моментов, уште една компанија ги проширува капацитетите. Витек Македонија, италијанската компанија која е дел од Текнохозе групацијата, инвестира во изградба на нови погони, кои за три до четири пати ќе го зголемат и производството и бројот на вработени. Изградбата на халата е при крај, машините и опремата пристигнуваат месецов, а со работа се почнува по Нова година.

-Со ова, вкупната инвестиција ќе достигне 15 милиони евра, а планиран е и нов објект за други видови производи. За новата инвестиција се уште се прават анализите. Задоволни сме, бидејќи сè функционира како што треба, од властите имаме поддршка на дневна основа и немаме поголеми проблеми во работењето, вели менаџерот на Витек, Џовани Поповиќ.
Зголемени нарачки очекува и американската „Кемет Електроникс“, која во главно се потпира на европскиот пазар. Ако сè биде како што треба во Европа и ако не се случат нови екстерни шокови, тогаш и оваа компанија ќе го зголеми бројот на вработени.

-Во овој момент нашата инвестиција изнесува 25 милиони долари, а во следната година ќе достигне вкупно 30 милиони. Вкупниот број на вработени изнесува 280 луѓе, а до крајот на наредната година ќе достигне 350. Нормално, тоа зависи од условите на пазарот, објаснува директорот Гуидо Галени.

Под полна пареа работи и белгиската „Ван Хул“ за производство на автобуси, на која инвестицијата во Македонија и е прва надвор од матичната земја. Од погоните на оваа фабрика во ТИРЗ се испорачуваат финални и брендирани производи, со закружен производствен процес, што подразбира и висока додадена вредност. Освен ова, „Ван Хул“ е еден од странските инвеститори кои активно соработува со локални фирми.

-Деловите за шасиите ги набавуваме од Македонија, од Штип. Втората линија производи, полиестер и фиберглас делови набавуваме од Струга. Ние сакаме да ги зголемиме локалните набавки, вели сопственикот на компанијата, Филип ван Хул.

Расте извозот, расте и бројот на вработени!

Веќе е извезно дека постојните инвеститори во слободните економски зони ќе го зголемат бројот на вработени во 2015-та година. ТИРЗ годинава ќе ја заокружат со над 3.500 вработени, но очекувањата се големи, особено по влезот на Веибо во Ранковце.

-Постојните компании ќе вработат уште 1.000 луѓе во 2015-та година. Во 2015-та и 2016-та година, вклучувајќи ја и инвестицијата на компанијата Веибо, се очекува драстично зголемување на бројот на вработени во зоните. Таа бројка треба да изнесува меѓу 7.000 и 8.000 луѓе, а може и повеќе, вели Мизо.

Ву Бунарџик наскоро ќе се позиционира уште една италијанска компанија. „Дијатек“ веќе гради спроти погоните на „Витек Македонија“, а 10-милионската инвестицијата од оваа компанија, специјализирана за дигитално печатење, треба да отвори уште 200 работни места.

За најавените инвестиции во другите градови, „КСС“ во Кичево и „ОДВ Електрик“ во Охрид почнуваат со тренинг на работниците и со изградба на своите нови капацитети во зоните, додека „Техникал Текстил“ во Штип веќе активно гради. Теренот е подготвен и за Веибо. Мултинационалната компанија треба да ја претвори зоната во Ранковце во текстилен центар на земјава. Планирана е изградба на интегрирана зона, која опфаќа изградба на погони за производство на палта, костуми, панталони и кошули, текстилни материјали, картонски кутии за пакување на готовите производи. Инвестицијата, која се проценува на 400 милиони долари треба комплетно да го промени ликот на северо-истокот од земјава, бидејќи планирани се околу 6.000 вработувања.

http://press24.mk/kompaniite-od-slobodnite-ekonomski-zoni-rabotat-so-polna-parea-izvozot-nadmina-milijarda-evra

Edited by jyvation - 02-Dec-2014 at 13:41

Пуштен во работа првиот индустриски објект во зоната Ќојлија

14.12.2014 | 14:32ЕкономијаПрочитано: 805
Во индустриската зона Ќојлија во општина Петровец денеска официјално беше пуштен во употреба првиот готов објект. Станува збор на логистичкиот центар со површина од 3.500 метри квадратни на компанијата „Глобко логистик“ која се занимава со поштенски услуги, во кој се вработени нови 40 лица.

- Досега во зоната се продадени 75 локации, а од нив 27 веќе имаат извадено одобрение за градење. Дел од нив се во подгответелна фаза, а дел најавуваат почеток на градба во март идната година. Очекувам за четири до пет години ова да биде огромна индустриска зона во која илјадници луѓе ќе го најдат своето работно место, рече министерот за транспорт и врски Миле Јанакиески на отворањето на објектот.


Тој посочи дека очекува инвеститорите на објектот што поскоро да започнат со најавената реализација на втората и третата фаза од нивниот објект.

- Се надевам дека во наредниот период многу често ќе присуствуваме на почеток на градба и пуштање во употреба на објекти во оваа зона. Апелирам до сите градоначалници во Македонија каде нема индустриски зони час поскоро тоа да го направат и да продадат локации за индустриски објекти, бидејќи на тој начин ќе ја намалат невработеноста во нивната општина, истакна Јанакиески.

Индустриската зона се прогега на површина од 195 хектари, а наскоро се планира да се прошири на уште 28 хектари. Лоцирана е на влезот на аеродромот „Александар Велики“ во непосредна близина на автопатот Е-75 и на железничката пруга.

Токму тоа, според градоначалникот на општина Петровец Борче Митевски, заедно со ниската цена на комуналиите од само 34 евроценти по метар квадратен и ниската почетна продажна цена на градежното земјиште се главните причини за големата заинтересираност за локациите во зоната.

- Општината со помош од Министерството за транспорт и врски ги обезбедува градежната дозвола, водоводот и инфраструктурата. Трудот што го вложивме во изминатите три-четири години почна да излегува на виделина со пуштањето во употреба на објектот на Глобко логистик. Во негова непосредна близина започнаа подготвителните работи за изградба на хала од 8.000 метри квадратни, а издадено е и одобрение на турски држвајанин за изградба на хотел на самиот влез на Аеродромот од 24.000 метри квадратни, Тинекс ќе гради хала од 12.000 метри квадратни, рече Митевски.

Инвеститор на објектот на Глобко логистик, што се изгради за нецели девет месеци и што чинеше речиси два милиона евра, е фирмата Глобекс, која има дозвола за изградба на уште еден објект од 3,500 метри квадратни во зоната Ќојлија.

- Веруваме дека тој објект ќе се изгради во текот на 2015 година, а до крајот на 2017 година очекуваме да се изградат хали со вкупна површина до 15.000 метри квадратни на нашата локација во зоната која има површина од 22.000 метри квадратни, рече Снежана Кокраволчевска, сопственикот на Глобекс и Глобко логистик

Таа посочи дека во компанијата во овој момент работат 200 работници во сите 18 подружници низ Македонија. Покрај логистичкиот центар во Петровец комкпанијата има неколку подружници на повеќе локации во Скопје, како и во Тетово, Гостивар, Кичево, Охрид, Битола, Прилеп, Штип и Кочани.

- Очекувам уште да се шириме за да можеме да се прошириме и за меѓународен транспорт за брз пратка, исткна Кокраволчевска.



http://24vesti.mk/pushten-vo-rabota-prviot-industriski-objekt-vo-zonata-kjojlija

Нова фабрика за преработка на овошје и зеленчук во Кривогаштани

Пред неколку денови македонска компанија ги купи сите 8 парцели во индустриската зона клај селото Славеј, во Општина Кривогаштани и планира да отвори фабрика за преработка на замрзнат зеленчук и овошје. Фабриката ќе се простирала на 2.000 метри квадратни затворен дел, а почетната инвестиција била околу половина милион евра

„Вработувањето ќе зависи од обемот на работата, на почетокот планираме да стигнеме со бројка од 60-тина, па можеби и 70 луѓе. Работата исто така на почетокот ќе биде сезонска онака како што ќе има зеленчук и овошје во сезоната, но ќе тежнеееме кон тоа да работиме преку целата година“, вели Здравко Попов, инвеститор.

Зеленчукот и овојшјето ќе се откупувал од земјоделците од Кривогаштани и целото производство ќе било наменето за извоз, а веќе биле обезбедени и пазарите во западно европските држави.

„Целиот зеленчук и овошје ќе се откупува тука од нашето место, потоа ќе се носи во капацитетот и таму ќе се преработува. На почетокот планираме годишно да откупуваме и преработуваме по околу 2.500 до 3.000 тони на земјоделски производи“, изјави Рубинчо Благадуша, инвеститор.

Бидејќи сега се откупени сите парцели во индустриската зона во селото Славеј, од наредната година Општината ќе започне со подготовка на планската документација за изградба на уште една многу поголема зона истото населено место.

Од Општината велат дека во најава имало и други инвеститори, кои ќе ги објавеле кога со нив ќе се допрецизирале договорите.

„Предвидено е формирање на уште една индустриска зона од поголем капацитет, бидејќи странските инвеститори бараат и поголеми парцели за да изградат поголеми фабрики и погони, така што тоа ќе ни биде и главната цел во 2015 година“, истакна Тони Заткоски, градоначалник на Кривогаштани.

Се очекува во овие капацитети во иднина да бидат вработени над 1.000 луѓе од целиот регион.

http://mrt.com.mk/node/18752

Најуспешна бизнис приказна за оваа година беше отворањето на мала пиварница.Буквално секаде во Европа никнаа мали пиварници и направија бум во продажбата на пиво.

Овде станува збор за пиварниците на Горска и Кожувчанка... Колку што сум информиран и двете компании ќе произведуваат пиво преку лиценца од Германски Пиварници.

Edited by Џоле - 08-Jan-2015 at 01:16