Гасификација

Најлогично е рускиот гас да стигне до Европа преку Македонија

Доколку како опции се елиминираат Бугарија, која под притисок на ЕУ веќе го минира проектот за изградба на гасоводот „Јужен тек“, и планираниот гасовод од Италија до Австрија, останува гасот до Европа да оди преку Македонија и Србија. Тоа би било и поедноставно решение, со оглед на тоа што Србија и Унгарија веќе имаат потпишано соодветни договори за соработка со „Газпром“




Русија, по конфликтите во Украина и санкциите од ЕУ, се откажа од проектот за изградба на „Јужен тек“

ПОЗНАТА ТРАСАТА НА ГАСОВОДОТ „ТУРСКИ ТЕК“

Најдобро решение за рускиот гас од турско-грчката граница да стигне до Европа е преку територијата на Македонија. По објавувањето на трасата по која ќе се гради „Турски тек“, гасовод со кој од Русија преку Црно Море ќе се дистрибуира гас до Турција, домашни експерти сметаат дека економски најоправдано би било гасот до Европа да оди преку нашата земја. Според нив, доколку како опции се елиминираат Бугарија, која под притисок на ЕУ веќе го минира проектот за изградба на гасоводот „Јужен тек“, и планираниот гасовод од Италија до Австрија, останува гасот до Европа да оди преку Македонија и Србија. Тоа би било и поедноставно решение, со оглед на тоа што Србија и Унгарија веќе имаат потпишано соодветни договори за соработка со „Газпром“, а во Унгарија беа почнати сериозни подготовки „Јужен тек“ да стигне во Австрија.

Каде ќе минува
„Турски тек“?

Откако руската гасна компанија во почетокот на декември соопшти дека го напушта проектот „Јужен тек“, вреден околу 40 милијарди долари, објави дека се разговара за спроведување гас преку Турција. Деновиве компанијата ја објави и трасата на новиот гасовод, кој од рускиот брег на Црно Море во близината на Анапе ќе оди под морето, точката за испорака на гасот за турските потрошувачи ќе биде во областа Лулебургаз, а излезната точка на турско-грчката граница ќе биде кај Ипсала. Должината на копнената траса на гасоводот ќе изнесува 180 километри. Се очекува во блиска иднина „Газпром“ да добие дозволи за проектни и надзорни работи за новата турска подморска делница на гасоводот.
- При проектирањето на гасоводот ќе се земе предвид сѐ поголемата побарувачка за природен гас во областа на Истанбул. Па така, одредено е количеството гас што треба да се испорача на границата меѓу Турција и Грција да биде 47 милијарди кубни метри - наведува „Газпром“.
Капацитетот на гасоводот од Русија до Турција ќе биде 63 милијарди кубни метри годишно.

Бугарија речиси исклучена

Константин Димитров, поранешен професор и претседател на Центарот за енергетска ефикасност на Македонија (МАЦЕФ), вели дека економски е оправдано новиот гасовод да помине од Северна Грција низ Македонија и да влезе во Србија. Тој додава дека Русија веќе има сериозни договори со Србија, а во Унгарија сериозно се почнати претходните подготовки за „Јужен тек“, по што гасот ќе стигне во Австрија, која е магистрална раскрсница, од каде што гасот ќе оди кон потрошувачите во другите европски земји.
- Според мојата логика, најдобро решение е трасата да помине низ Македонија, бидејќи Бугарија е речиси исклучена од игра. Доколку се реши да се оди преку Македонија, гасот од северна Грција ќе стигне до Солун и преку Македонија ќе оди низ Србија - вели Димитров.
Тој додава дека ако Македонија стане точка за поврзување, ќе мора земјата да обезбеди големи кредитни линии за да учествува во изградбата.

- Меѓутоа и Европа ќе мора да ги усогласи своите претходно поставени барања за „Газпром“. Според законите на ЕУ, едно правно лице не може истовремено да биде и сопственик на гасовод и единствен испорачувач што ги одредува цените - појаснува Димитров.
Сепак, тој укажува дека најпрво треба да се смири војната во Украина и да се зголеми цената на нафтата, па работите да си дојдат на место.

Европските претставници предупредија дека „Јужен тек“, како и кој и да е поголем инфраструктурен проект во Европа, може да биде направен само во согласност со правилата на ЕУ. Тие упорно повторуваат дека гасоводите што се градат спротивно на правилата на ЕУ претставуваат опасност за функционирањето на внатрешниот пазар.

За Путин, Македонија
е алтернатива

Во декември минатата година и рускиот претседател Владимир Путин ги посочи Македонија и Грција како можни алтернативи на Бугарија за проектот за транспорт на гас до Европа. Русија, по конфликтите во Украина и санкциите од ЕУ, се откажа од проектот за изградба на „Јужен тек“, гасоводот што требаше да спроведе руски гас преку Црно Море, Бугарија, Србија и Унгарија до Австрија, заобиколувајќи ја Украина.
- Одлуката главно ќе зависи од нашите европски партнери, дали сакаат стабилно, загарантирано и апсолутно транспарентно снабдување со енергенти од Русија, кои им се апсолутно неопходни, и тоа без ризици при транспортот. Можеме да почнеме да работиме на гасовод до Македонија, преку Грција, кој ќе продолжува кон Србија и ќе оди до Баумгартен во Австрија. Ако не го сакаат, нема да го градиме. Но факт е дека нема поевтин и посигурен снабдувач од Русија и нема ни да има во блиска иднина - изјави Путин.

Првичниот план за проектот „Јужен тек“ предвидуваше Македонија да не биде на главната траса на гасоводот, туку само да добие помала снабдувачка линија, која ќе биде доволна за потребите на македонските домаќинства и за развој на индустриските гранки што бараат големо количество евтини енергенти.

НА БЕЗБЕДНОСНАТА КОНФЕРЕНЦИЈА ВО МИНХЕН

САД и понудиле на Србија две алтернативи за снабдување со гас

На маргините на безбедносната конференција во Минхен, САД ѝ понудиле на Србија две алтернативи за снабдување со гас, пренесе „Блиц“. Според српскиот весник, првата и многу побрзо остварлива можност е Србија да добива гас од САД преку Хрватска и Унгарија. Услов за тоа е изградба на терминал на островот Крк, каде што САД со специјални бродови би доставувале гас, кој потоа преку Унгарија би се дистрибуирал до Србија. Втората варијанта, остварлива за период од три или четири години, е дистрибуција на гас од Азербејџан. „Блиц“ наведува дека во Минхен премиерот Александар Вучиќ се сретнал претседателот на Азербејџан, Илхам Алијев. За да смета на гас од оваа земја, Србија треба да изгради гасовод до Бугарија. Станува збор за гасоводот „Јужен коридор“, кој од Азербејџан би минувал низ Грузија и Турција до Грција. Еден крак би се одвоил кон Бугарија, од каде што Србија би го презела гасот до сопствена територија.

http://www.novamakedonija.com.mk/NewsDetal.asp?vest=212151635497&id=10&prilog=0&setIzdanie=23394

Нешто многу битно, Русиja не сака да изпрати официално писмо, за прекинуване на проектот Jжен поток за да се разтури компаниjaта во Бугариja.
Имаме само изjaви на русите,но реално прекинуване на проекта нема. Цевките се стоварат на портот во Варна.

Тоа со гасот и гасоводите е некоја фиксација на сите власти. Гасот стана проблем а не решение, наместо ефтин енергент стана геополитичка играчка. Јас стојам на фактот дека Македонија може и без гас. Бидеќи немаме индустрија која го користи како суровина, кај нас би се употребувал за греење. За производство на ел. енергија е прескап. Треба да се потпреме на нашите ресурси. Штедење на енергија, подобри градежни стандарди за изолација, поефикасно користење на дрвото, сончева енергија и дл. Змите не се така оштри кај нас така да наместо да се играме со гасоводи, да направиме вистинска стратегија.

Моментално русите ни нудат понуда која неможи да се одбие.Од другата страна имаме понуда-смени го името и `можеби` ќе имаш некои придобивки

Оваа дискусија нема врска, детски муабет, дали си за Русите или Американците!? Нема љубов тука, треба да се земе моливот и да се види дали се исплати Македонија да се гасификува или не се исплаќа. Што се однесува до мене, мојот став е јасен -НЕ. не од политички причини туку чисто економски. Ако големите сили решат гасоводот да поминува низ Македонија, пеќи, ќе зимаме рента од траснспорт. Но не смееме да се потпреме на гасот, туку на домашните извори енергија.

Најпрво, не е тајна дека јас сум автор на текстот. Овде ќе се обидам да се објаснам и на дугачко. Ми се чини дека сите мислиме дека проектот „Турски поток“ ќе ни ги реши сите проблеми во државата - русите ќе дојдат овде, ќе истурат еден грст пари врз нас и ќе не спасат како држава од албанците. Ова буквално се мота на многу луѓе низ државава.

Јас поинаку размислувам. Најпрво да видиме колку километри ќе биде долг гасоводот низ наша територија. Од Дојран до кумановскиот регион излегува дека треба да се изградат цевки во должина од околу 200 километри. Ако пресметаме колку ќе чини изградбата по километар, тогаш можеме да говориме за сума од над половина МИЛИЈАРДА евра, а можеби и повеќе. Овие пари треба Македонија да ги најде самата како држава. Русија вели: или ќе ви дадеме кредити, или од парите за транзит од гас ќе ви одбиваме по години. Како и да свртиме, со сигурност нашата земја НЕМА да види пари од ваков гасовод со години.

Како второ, тоа што ќе минува цел гас за Европа низ наша територија не значи дека ќе има гас и на наша територија. Владата во моментов бара партнери за дистрибутивната мрежа по општините во земјава, но МАГИСТРАЛНИТЕ ГАСОВОДИ мора да ги изгради сама да ги изгради до градовите. Тоа значи од идните цевки на „Турски поток“ до Битола, Охрид, Тетово, Струмица, Велес итн. ДРЖАВАТА треба да вложи стотици милиони евра. Земете во предвид дека САМО за гасоводот од Клечовце до Штип ќе се одвојат 75 милиони долари! Или поедноставено, тоа ви е како да имате цистерна за бензин на Макпетрол до вас, вашата кола да нема бензин, да трагате по бензин, а да не можете да наточите од цистерната!

Како трето, различните извори на енергија се најбитни. Како што во иднина треба да купуваме електрична енергија од различни добавувачи, бензин купуваме од различни бензински пумпи, така и кај гасот треба да имаме различни добавувачи, а не само Русите. Едноставно, ако нема монопол, тогаш имаме пониски цени, сигурен гас и НЕМА УЦЕНИ И ПОЛИТИЧКИ ПРИТИСОЦИ!

Како четврто, Русија не ни е баш најдобар пријател. Нашиот премиер го прати Вранишковски во Санкт Петерсбург, а тој од таму ќе ни се врати со паралелна црква на МПЦ. Велат автокефалност нема, ама има автономија. Исто како со Украинската православна црква, каде што ваквата поделба е една од главните поделби и вовед во денешната војна. Дополнително, Русија сеуште ни го нема вратено клириншкиот долг, цела деценија со нив се тегнеме, министри се сменија, влади паднаа, а тие постојано наоѓаат некои причини за да не ни го вратат долгот.

Едноставно, јас мислам само на Македонија. Мене ме интересира нашата земја да добие гас за поголема конкурентност на индустрискиот сектор и за добивање на електрична енергија преку гасни електрани. Не верувам дека само Русија може да ни биде партнер во ова. Тоа е тоа.

Пред една година се критикуваше зошто не сме биле во Јужниот тек,сме биле само со крак(слепо црево),те Ставрески бил само да се слика на свеченоста,те ќе сме изгубеле милијарди од протекот на гасоводот ако бил низ нашата држава.....и сега кога има шанса тоа да го добиеме-нечини

Ако се има став нека се држи до него.

Јас лично го имам малку сменето ставот во контекс запад-исток со продолжувањето на нашата блокада во ЕУ и НАТО,се направив од прозападен во русофил,но сепак за многу нешта стојам цело време на иста теза

Само мала исправка за Бојан, гас за електрична енергија не е исплатлив, доказ, гасните централи се ставени во мирување и се користат евентуално за врвни оптоварувања, а се прејде на јаглен, кој е многу ефтин во моментов.
Што се однесува до индустријата, јас не знам не една фирма кај нас која го користи гасот во процесот на производство, петрохемија и хемиска индустрија немаме, евентуално се користи за загревање на просториите. А за толку гас имаме.
Уште днаш ќе додадам во ваков бизнис треба да се влезе со ладни глави, кој за кого навива, туку што ни се исплати како држава.

"Македонче" политика од прв степен промовирана од Бојан. Јас се надевам дека тие времиња се поминати и дека Македонецот во меѓувреме разбра дека напред може да одиме само ако ги штитиме сопствените интереси, а не со улижување, и чекање на милост и немилост од страна. А колку е Европа милостива се нагледавме овие 24 години. И покрај тоа што во меѓувреме не обезличија и безброј пати не понижија освен тапкање по рамо некој друг бенефит не видовме. Така да бенефитот и интересите трева сами да ги бркаме. Колку е само парадоксално да се продава тука некаква демагогија кога и во самата ЕУ постапуват различно по прашања кои се битни за националните интереси. Јужните не ка фермаат ЕУ 2% а ги отепаа од кредити. Колку по дрски се толу повеќе авторитет имат. На крај која е таа логика Јужната Отоманска Република која е член и галениче на ЕУ да дозволи низ нејзина територија да минува гасоводота Македонија која најбрутален начин е понижена и ставена во чекална како некој без врски кога чека на доктор треба и понатаму да се прави наудрена и да изигрува поголем Европеец од оние кои безмилосното и врз наша кожа ја користат привилегијата да бидат дел од оваа друштво. Кога сме веќе во позиција каква што сме треба да ка користиме истата онака како што на нас ни одговара а не онака како што мислиме дека на некој друг ќе му одговара. Зошто историјата покажала и ден денес покажува дека просјаците не биле ,не се и нема да бидат почитувани туку напротив. Затоа ако сакаш да бидеш почитуван треба да имаш свое јас, треба да ги штитиш своите интереси само така ќе бидеш респектиран. На крај јас се надевам дека оваа сп гасот ќе се оствари и дека Македонија ќе стане транзитна земја за гасот од Русија. За бенефитите нема потреба да се троши тастатура.

Originally posted by BOJAN Најпрво, не е тајна дека јас сум автор на текстот. Овде ќе се обидам да се објаснам и на дугачко. Ми се чини дека сите мислиме дека проектот „Турски поток“ ќе ни ги реши сите проблеми во државата - русите ќе дојдат овде, ќе истурат еден грст пари врз нас и ќе не спасат како држава од албанците. Ова буквално се мота на многу луѓе низ државава. Јас поинаку размислувам. Најпрво да видиме колку километри ќе биде долг гасоводот низ наша територија. Од Дојран до кумановскиот регион излегува дека треба да се изградат цевки во должина од околу 200 километри. Ако пресметаме колку ќе чини изградбата по километар, тогаш можеме да говориме за сума од над половина МИЛИЈАРДА евра, а можеби и повеќе. Овие пари треба Македонија да ги најде самата како држава. Русија вели: или ќе ви дадеме кредити, или од парите за транзит од гас ќе ви одбиваме по години. Како и да свртиме, со сигурност нашата земја НЕМА да види пари од ваков гасовод со години. Како второ, тоа што ќе минува цел гас за Европа низ наша територија не значи дека ќе има гас и на наша територија. Владата во моментов бара партнери за дистрибутивната мрежа по општините во земјава, но МАГИСТРАЛНИТЕ ГАСОВОДИ мора да ги изгради сама да ги изгради до градовите. Тоа значи од идните цевки на „Турски поток“ до Битола, Охрид, Тетово, Струмица, Велес итн. ДРЖАВАТА треба да вложи стотици милиони евра. Земете во предвид дека САМО за гасоводот од Клечовце до Штип ќе се одвојат 75 милиони долари! Или поедноставено, тоа ви е како да имате цистерна за бензин на Макпетрол до вас, вашата кола да нема бензин, да трагате по бензин, а да не можете да наточите од цистерната! Како трето, различните извори на енергија се најбитни. Како што во иднина треба да купуваме електрична енергија од различни добавувачи, бензин купуваме од различни бензински пумпи, така и кај гасот треба да имаме различни добавувачи, а не само Русите. Едноставно, ако нема монопол, тогаш имаме пониски цени, сигурен гас и НЕМА УЦЕНИ И ПОЛИТИЧКИ ПРИТИСОЦИ! Како четврто, Русија не ни е баш најдобар пријател. Нашиот премиер го прати Вранишковски во Санкт Петерсбург, а тој од таму ќе ни се врати со паралелна црква на МПЦ. Велат автокефалност нема, ама има автономија. Исто како со Украинската православна црква, каде што ваквата поделба е една од главните поделби и вовед во денешната војна. Дополнително, Русија сеуште ни го нема вратено клириншкиот долг, цела деценија со нив се тегнеме, министри се сменија, влади паднаа, а тие постојано наоѓаат некои причини за да не ни го вратат долгот. Едноставно, јас мислам само на Македонија. Мене ме интересира нашата земја да добие гас за поголема конкурентност на индустрискиот сектор и за добивање на електрична енергија преку гасни електрани. Не верувам дека само Русија може да ни биде партнер во ова. Тоа е тоа.

 
Парите се исфрлени од равенката уште од 2008 година кога започна идиотизмот наречен проект Скопје 2014. Од тогаш повеќе од јасно е дека парите не се проблем.
 
Ако има стотици милиони евра, или поконкретно - над половина милијарда евра - за споменици, административни згради и бројни други тотално непотребни глупости, тогаш несомнено има пари и за инфраструктурни проекти кои се неопходни.
 
Бидејќи мислиш само на Македонија, дај кажи која е алтернативата на рускиот гас ?
 
Кој е тој партнер од доверба кој би ни понудил подобра зделка од Русија ?
 
И дали тој партнер ќе биде толку дарежлив за да го изгради гасоводот на своја сметка, а не со издавање кредити или одбивање од парите за транзитот на гасот ?
 
Убаво што мислиш само на Македонија, но надвор од Македонија никој не мисли на Македонија, а не би било лошо и да се направи анкета низ цела Европа за да видиме дали воопшто знаат каде е Македонија, а за остатокот од светот па да не правиме муабет.
 
За 60 милиони долари клириншки долг ја сметаш Русија за не баш најдобар пријател, или за шарлатанот Вранишковски ?
 
Дај те молам објасни кои се нашите најдобри пријатели кои всушност направиле нешто добро за нас од осамостојувањето на Македонија во 1991 година па наваму ?
 
Ни јас немам нешто многу љубов кон Русија, ама затоа па уште помалку имам љубов кон остатокот од светот.
 
А ако сакаш статус кво како сега, рускиот гас и понатаму ќе остане доминантен, бидејќи јас не сум слушнал досега за увоз на гас во Македонија од некоја друга држава освен Русија.


Edited by Dexter26 - 02-Mar-2015 at 12:08