Велосипедски патеки и пунктови

Originally posted by Џоле Со вакви возила треба да ги исчистат сите велосипедски патеки во Скопјево, зашто преполни се со трнчиња, ситни камчиња, скршени стакла и слични ситни „гумодупачи“.

Лани, некаде рецимо септември, 3 внатрешни сменив у рок од не поише од 2 недели. Да не зборам што требаше и двете надворешни да ги мењам, пошто на точкар чуда извадија од надворешните. Не само велосипедските, треба да се чистат и сите останати улици и булевари кои немаат асални тротоари, а не овие машини да се користат само како декор, бидејќи истите не го користат механизмот за темелно чистење на рабовите од улиците.

Нова инфраструктурна инсталација во Копенхаген

Долгиот портокалов мост наречен ,, The Bicycle Snake” претставува нова инфраструктурна инсталација во Копенхаген, проектирана од архитектонското студио DISSING+WEITLING.



Проектот за прв пат започнува во 2010 година кога постоечките скали требало да бидат заменети со нова рампа на која што дневно поминуваат околу 12,500 велосипедисти. Наместо класичното постаување на рампа, данското архитектонско студио предложи модерно решение со целосно нов пристап кон околината. Станува збор за долга патека која што има неправилна форма и целосно е обоена во јака портокалова боја, со што се придонесува за едно урбано и повозбудливо искуство за оние кои што поминуваат од тука. Патеката е подигната 7 метри од нивото на водата, долга е 200 метри и од двете страни се поставени рампи долги 30 метри. Инфраструктурата е изработена од метал со што се добива еден елегантен изглед.



















http://www.porta3.mk/nova-infrastrukturna-instalacija-vo-kopenhagen/

Рампа за симнување со велосипед на кеј

Велосипедистите нема веќе да ги носат велосипедите во раце за да се качат на кеј 13 Ноември. Град Скопје почна изградба на рампа за полесен пристап од велосипедската патека покрај реката до кејот 13 Ноември, пишува Вест.



"Јавното претпријатие 'Улици и патишта' има рок од два месеца да изгради рампа по која велосипедистите ќе можат да се спуштат од кеј 13 Ноември на велосипедската патека, и да продолжат кон Аеродром", велат од Град Скопје.

http://www.skopjeinfo.mk/gradot/2016034476/rampa-za-simnuvanje-so-velosiped-na-kej-foto

Тендер да распишеме за инспекција на искосена трева.

-----

Рака на срце, годинава не траеше долго, за 2-3 дена отко беше искосена веќе ја немаше. Ама останаа каменчиња и друга ситнурија.

Велосипедот стана службено возило на Министерството за финансии

http://finance.gov.mk/mk/node/5008

Edited by fichot - 21-May-2015 at 23:15

Поставување на велосипедски паркиралишта низ општина Центар.

Konecno kakvo takvo rezdvizuvanje iako od muabet do kvalitetna realizacija patot e dolg.

Скопје Велоград 2017 - со четири главни велосипедски рути

15.06.2015 - 13:18:00


    

   
Денеска во просториите на Град Скопје се одржа презентацијата на новиот капитален проект на Град Скопје - проектот за унапредување на велосипедската инфраструктура во Скопје и за зголемување на безбедноста во велосипедскиот сообраќај, СКОПЈЕ ВЕЛОГРАД 2017. На презентацијата на пректот СКОПЈЕ ВЕЛОГРАД 2017 присуствуваше градоначалникот на Град Скопје, Коце Трајановски.



* Ја имам честа да го најавам почетокот на уште еден во низата капитални проекти на Градот Скопје - проектот за унапредување на велосипедската инфраструктура во Скопје и за зголемување на безбедноста во велосипедскиот сообраќај, СКОПЈЕ ВЕЛОГРАД 2017. Градот Скопје веќе една година посветено работи на согледување на состојбата со велосипедските патеки во Скопје, ги баравме недоследностите, правевме анализи и баравме најповолни решенија во корист на сите наши сограѓани што го користат велосипедот како транспортно средство. Формиравме координативно тело и изработивме мастер план за велосипедски патеки за периодот 2014 – 2017 година. Нашата цел беше да го олесниме движењето на велосипедистите, да им овозможиме на сите што користат велосипед без препреки и безбедно да стигнат до саканата дестинација и да формираме ефикасна мрежа на велосипедски патеки коишто ќе бидат поврзани и достапни за користење. Сакам да нагласам дека задачата за која се зафативме не е лесна. Да се формира ефикасна мрежа на велосипедски патеки во густо населени, изградени зони е сложена и многу одговорна работа, за која на многу градови во Европа им беа потребни децении за да ја оформат. Исто така, морам да нагласам и дека во нашиот град во изминатите децении многу малку беше преземено за развој на велосипедскиот сообраќај – рече Трајановски.

Градоначалникот Трајановски додаде дека сега, со проектот СКОПЈЕ ВЕЛОГРАД 2017 во градот ќе се оформат четири главни велосипедски рути кои ќе се протегаат во насока исток – запад и 7 конектори кои ќе се протегаат во насока север – југ и тоа:

РУТА 1 - 2014-2015 г Гази Баба-Центар-Карпош (со должина околу 8 километри)

РУТА 2 - 2015-2016 г Аеродром-Центар-Карпош-Ѓорче Петров (со должина околу 11 километри)

РУТА 3 2016-2017 г Кисела Вода - Центар - Карпош (со должина околу 8,5 км)

РУТА 4 2016-2017 г Бутел-Чаир-Центар (со должина околу 5 км), како и

Седум конектори – 2017 г (со должина околу 19км)

* Според барањата на велосипедистите, велосипедските патеки што ќе ги изградиме или ќе ги реконструираме ќе бидат покриени со асфалт, а не со бекатон плочки. Ќе обезбедиме рампи за глатко движење. На патеките ќе нема нерамнини. Секаде каде што ќе може ќе ги отстраниме постојните пречки на велосипедските патеки – семафорите, знаците, билбордите, контејнерите. Велосипедските патеки ќе ги заобиколуваат автобуските постојки од задната страна. Воведовме унифициран и препознатлив начин за обележување на патеките со бела непрекината боја. Ќе овозможиме заштита на велосипедските патеки од паркирање моторни возила. Свесни сме дека проблемите нема да исчезнат преку ноќ, но Градот Скопје е подготвен да ги слушне сите засегнати страни, да ги воочи сите препреки и да изработи квалитетни решенија за унапредување на велосипедската инфраструктура со која Скопје ќе го заслужи епитетот ВЕЛОГРАД по 2017 година. За таа цел, ги повикувам и општините во Градот Скопје да ја поддржат оваа иницијатива на Градот Скопје и да вложат во изградба на нови и во реконструкција на постојните велосипедски патеки, зашто на велосипедистите треба да им овозможиме непречено движење и по улиците и булеварите што се во надлежност на Градот Скопје и по улиците што се под надлежност на скопските општини. Градот Скопје во последниве пет години интензивно го развива концептот на град со одржлив транспорт, преку кампањите за користење јавен превоз и преку набавка на нови еколошки автобуси за јавниот градски транспорт, преку изградба на ролерско-велосипедски патеки по целата должина на кејот на реката Вардар, преку системот за изнајмување велосипеди.... А велосипедскиот сообраќај е токму тоа, одржлив сообраќај кој не ја оптоварува и ја заштитува животната средина, придонесува за подобар квалитет на амбиентниот воздух и за поздрав живот на граѓаните. Во таа насока, со подобрувањето на велосипедската инфраструктура во Скопје очекуваме да се зголеми свеста за користење на велосипедот како средство за транспорт, да се зголеми процентот на патувања со велосипед, да се намали негативното влијание од моторниот сообраќај врз животната средина, да се унапреди системот за изнајмување на велосипеди и да се зајакне општествената одговорност. Затоа, ние нема да застанеме тука, Градот Скопје нема да застане со изградба, обнова и унапредување на велосипедската инфрастуктура во градот и по 2017 година. Континуирано ќе работиме на проектот СКОПЈЕ ВЕЛОГРАД, за Скопје реално да стане пријателски град за користење велосипед – нагласи градоначалникот Коце Трајановски.

На денешното претставување на проектот за унапредување на велосипедската инфраструктура во Скопје и за зголемување на безбедноста во велосипедскиот сообраќај, СКОПЈЕ ВЕЛОГРАД 2017, беше прикажан спот за промоција на новиот проект, како и опширна видео-презентација со сите детали во врска со проектот.

Во презентацијата беше нагласено дека во Скопје има 60 километри велосипедски патеки по должината на улиците, плус 21 километар велосипедски патеки на кејот на Вардар. Од нив, со овој проект до 2017 година ќе се реконструираат вкупно 51 километар велосипедски патеки.

Градот Скопје во текот на изминатава година реконструираше велосипедски патеки во должина од 3,5 километри, и тоа: по должината на булеварот Кузман Јосифовски Питу, на потегот од НБРМ до Транспортниот центар; на булеварот Гоце Делчев, на потегот од МРТВ до факултетскиот комплекс; на булеварот Крсте Мисирков, на потегот од Адвокатската улица до кеј „Димитар Влахов“; на булеварот Александар Македонски; на булеварот Ѓорче Петров, на потегот од Општина Ѓорче Петров кон мостот за Сарај и на булеварот Крсте Мисирков на потегот од ТЦ „Мавровка“ до Бит-пазар, а во тек се градежни активности и на други делници од велосипедските патеки од Рутата 1.
http://www.skopjeinfo.mk/gradot/451613749/skopje-belograd-2017-so-cetiri-glavni-velosipedski-ruti-

Edited by Џоле - 16-Jun-2015 at 08:56

Пуштена во употреба нова вело патека

Градоначалникот на Град Скопје, Коце Трајановски и градоначалникот на Општина Гази Баба, Тони Трајковски, денескаја промовираа реконструираната велосипедска патека по должината на булеварот Александар Македонски, на потегот од клучката „Естекада“ до бараките на Општина Гази Баба.



- Постојната велосипедска патека на оваа делница којашто беше многу оштетена и полна со дупки сега е реконструирана на вкупна должина од 1.530 метри и на ширина од 2,5 метри. Во текот на градежните работи, беше отстранет стариот и оштетен асфалт, се санираа дупките и нерамнините, се поставија нови рабници и се нанесе нов асфалтен слој. Важно е да се нагласи дека реконструираната велосипедска патека по должината на булеварот Александар Македонски е обележана со вертикална и хоризонтална сигнализација, со континуирана препознатлива бела боја, што е во согласност со Акцискиот план за велосипедските патеки 2014 – 2017 година кој го подготви Градот Скопје. Оваа велосипедска патека ги заобиколува постојните автобуски станици од задната страна, а при нејзиниот влез и излез од крстосниците се направени рампи за глатко движење. По должината на патеката се поставени и столпчиња за да се спречи непрописното паркирање моторни возила. Паралелно со реконструкцијата на велосипедската патека, Градот Скопје ја реконструираше и пешачката патека по должината на булеварот Александар Македонски, од клучката „Естекада“ до бараките на Општина Гази Баба. На терен работеа екипите на ЈП „Улици и патишта“. За реконструкција на велосипедската и на пешачката патека по должината на булеварот Александар Македонски, на потегот од клучката „Естекада“ до бараките на Општина Гази Баба Градот Скопје потроши околу 11 милиони денари – рече денеска градоначалникот Трајановски.



Трајановски додаде дека оваа велосипедска патека на булеварот Александар Македонски е дел од Рутата 1 од капиталниот проект за унапредување на велосипедските патеки во Скопје – СКОПЈЕ ВЕЛОГРАД 2017, што Градот Скопје го промовира пред два дена. Патеките што се дел од Рутата 1 треба да бидат реконструирани до крајот на оваа, 2015 година. Во моментов се работи на реконструкција на велосипедската патека од другата страна на булеварот Александар Македонски, од јужната страна, на потегот од хотелот „Континентал“ до клучката „Естекада“. Градежните работи ќе продолжат и на други велосипедски патеки од Рутата 1.



- Градот Скопје пред два дена го промовираше капиталниот проект СКОПЈЕ ВЕЛОГРАД 2017. Нашата цел е да го олесниме движењето на велосипедистите, да им овозможиме на сите што користат велосипед без препреки и безбедно да стигнат до саканата дестинација и да формираме ефикасна мрежа на велосипедски патеки коишто ќе бидат поврзани и достапни за користење. Со проектот СКОПЈЕ ВЕЛОГРАД 2017 во градот ќе се оформат четири главни велосипедски рути кои ќе се протегаат во насока исток – запад и 7 конектори кои ќе се протегаат во насока север – југ и тоа: РУТА 1 - Гази Баба-Центар-Карпош (со должина околу 8 километри); РУТА 2 - Аеродром-Центар-Карпош-Ѓорче Петров (со должина околу 11 километри); РУТА 3 - Кисела Вода - Центар - Карпош (со должина околу 8,5 км), РУТА 4 - Бутел-Чаир-Центар (со должина околу 5 км), како и Седум конектори (со должина околу 19км). Градот Скопје во текот на изминативе неколку месеци реконструираше велосипедски патеки во должина од 3,5 километри, и тоа: по должината на булеварот Кузман Јосифовски Питу, на потегот од НБРМ до Транспортниот центар; на булеварот Гоце Делчев, на потегот од МРТВ до факултетскиот комплекс; на булеварот Крсте Мисирков, на потегот од Адвокатската улица до кеј „Димитар Влахов“; на булеварот Александар Македонски; на булеварот Ѓорче Петров, на потегот од Општина Ѓорче Петров кон мостот за Сарај и на булеварот Крсте Мисирков на потегот од ТЦ „Мавровка“ до Бит-пазар – нагласи градоначалникот Коце Трајановски.



Градоначалникот на Општина Гази Баба, Тони Трајковски, ја нагласи добрата соработка со Градот Скопје и упати апел граѓаните што повеќе да користат велосипед во своето секојдневно движење.

http://www.skopjeinfo.mk/gradot/887402038/-odlicna-vest-za-site-skopjani-pustena-vo-upotreba-nova-velo-pateka

Meanwhile, јас со Паркови и Зеленило и самиот гореспоменат Град Скопје си имам комуникација и мака мачам не да се подобри/изгради велосипедската инфраструктура туку да се реши еден основен проблем на сите велосипедисти: да се чистат патеките, т.е. барем да не се фрла дополнително трева на нив.