Авиокомпании и линии

Вчера резервирав ВИЗАИР со поголем рачен багаж за кој доплатив 14 Евра. Може ли некој да ми каже дали покрај поголемиот рачен багаж за кој платив имам право да земам и помал багаж, кој е бесплатен во случај да немате доплатено за поголемиот багаж?

Еве ги дозволените големини

1. Мала кабинска торба:
Ако кабинската торба има димензија 42х32х25 см или е помала може да се внесе во авионот бесплатно. Таа мора да се смести под седиштето пред Вас .

2. Голема кабинска торба:
Ако кабинскиот багаж е поголем од димензиите на мала кабинска торба, но не надминува 56x45x25 см, може да се внесе во авионот по плаќање на соодветна такса. Мора да го собира во горните прегради. Треба да можете да го ставите во горните прегради без помош од друго лице.

Значи можам да земам два рачни багажи помал и поголем.

Ако ти го собере во ова немаш гајле.

Ќе го повторам прашањето. Платив 14 евра за голем кабински багаж. Дали покрај големиот смеам да земам дополнително и помал кабински багаж?

Илустрација за тоа што ќе претстои веќе од Ноември.

Originally posted by Obedineta Makedonija Изминатата недела на Fly Niki му беа одобрени 5 чартер летови од Виена за Охрид почнувајќи од 30.04 па се до 28.05.2015, а исто и барањето за чартер летови на Bora Jet за летови на линија Анталија - Скопје му е одобрено за од средината на Јуни па до средината на Септември со 4 неделни лета.

Фала на инфо. Поздрав

За помалку од месец дена летам за Тбилиси од Истанбул. И покрај тоа што летаат дури три авиокомпании од Истанбул за главниот град на Грузија, се одлучив да ја одберам AtlasJet поради тоа што цените на картите се двојно поевтини од Туркиш ерлајнс и барем 30% поевтини од Пегасус.

Ме интересира дали има некој искуство со AtlasJet досега? На интернет читам позитивни коментари за нив, и покрај тоа што се најмалата турска авиокомпанија.

Воедно, ме занима дали некој има искуство со некакви скриени трошоци од нивна страна. Вчера го платив повратниот авиобилет за 120 евра, а во неа е вклучено полетување/слетување од аеродромот Ататурк, дозволен багаж од 30 килограми, бесплатно чекирање на аеродром и оброк во авионот. Ова ми изгледа премногу дарежливо од нивна страна, па затоа да си прашам!

Викендов имав можност да летам со Визер за прв пат, за Шарлероа (Брисел) и можам да кажам дека тоа ми е најлошото искуство кое сум го имал досега.

Ќе се обидам да Ви го доловам тоа чувство.

Првиот проблем го имавме веднаш по пристигнувањето на аеродромот. Тоа беше нашиот багаж. Торбата и куферчето кои според мене беа мали, нормално за вработените на Визер на аеродромот беа Large Cabin Bag. Не известија дека мора да платиме 45 ЕУР од куфер, или пак да си купиме помали торби од продавничката од спротивната страна (цитирам : да не плаќате за џабе, барем вака ќе Ви останат). - Одговоривме потврдно, наша беше грешката, купивме ранче и торбичка кои не' чинеа 3 800 денари, вкупно, а беа едни од поевтините. Ги префрливме работите кои ги носевме (интересно е што торбичката беше поголема од куферчето, меѓутоа нема врска). Кога влеговме во авионот, забележав дека има неколку патници кои имаа куфери со иста големина како нашата, обележани со буквата S или Small Cabin Bag.
Инаку со истите тие куферче и торба, пред два месеца беа мои пријатели за Париз со истата компанија и истите беа обележани како мали кабински торби за кои не се доплаќа. Дури на куферчето сеуште стоеше таа белешка. Кога и го покажав тоа на вработената, таа ме извести дека последниве две недели имале контрола, можеле казна од 2 000 ЕУР да им стегнат и затоа не може да не пушти, инаку нема проблем...

Летот помина во ред, со мало доцнење во Брисел од 10тина минути. Поради азилантите, во Брисел бевме пречекани како најголеми криминалци, на службениците моравме да им покажеме повратни карти па дури и парите во новчаник. Кога побара да му покажам пари во новчаник, изреагирав дека нема право да го прави тоа. Ме извести дека тоа е согласно нивната имиграциона политика и имаат такви инструкции. Беше крајно културен, ме замоли повторно да го покажам новчаникот.

Кога мислев дека поминало најлошото, следеше враќањето...

Полетувањето на авионот од Шарлероа за Александар Велики, доцнеше половина час. 15тина минути чекавме на скалите на аеродромот за да излеземе на пистата, на простор за 5 луѓе, не напикаа 150 луѓе. Да не разговараме за патниците. УЖАС !

Кабинскиот екипаж воопшто не е професионален, секако со исклучоци. Англискиот јазик и не го владеат сите така добро, ниту пак се разбира што говорат. Ќе пројдеме и преку тоа.

Летот беше навистина лош, поради временските услови над Европа. Поради турбуленции, од два ипол часа колку што трае летот, час и половина пилотот го имаше вклучено знакот за задолжително врзување на сигурносниот појас и го забрануваа користењето на тоалетот (што беше искрата за главниот проблем).
И да, на крајот се случи незамисливото.
Петорица патници, припадници на две етнички групи, се направија "камења". Тоа дерење во авион, трескање глупости, беше неподносливо. Едниот се обиде да оди во тоалет, додека авионот слетуваше. Никој воопшто не ги почитуваше повиците на екипажот. Откако слетавме, пијаните кретени, коишто се БЕЛГИЈЦИ нАли, продолжија со провокации на коишто потпадна една од стјуардесите. Настана расправија како на улица, со вулгарни зборови од обете страни. Заканите не изостанаа.

Според мене, незамисливо е стјуардеса да се расправа со патник. Очекував стјуардесата на крај да се расплаче.

Не дека сум некој кој лета секој ден, меѓутоа во досегашните 15тина пати кога сум имал можност да патувам со авион, сум летал исклучиво со нискобуџетни компании, разбирливо поради цената. Можам со сигурност да кажам дека секогаш ќе го избегнувам скопскиот аеродром и Визер. Најмногу поради патниците, кои смрдат како животни, се однесуваат како идиоти, како и поради односот кој го трпиме од службите на аеродромите во странство, само поради тоа што доаѓаме од оваа наша мила држава.

Отсега па натаму, исклучиво солунскиот аеродром ќе го користам и поради Рајанер (кој е светлосни години пред Визер, можеби не е соодветна споредбата) кој има воспоставено многу летови оттаму и пред се поради тоа што ќе бидам третиран како човек ниту пак ќе се усмрдам на нечии нозе.

Убаво изгледа Визер, на сликава погоре ...

Теглар, од целиов текст искапирав една работа - твоето искуство со *Виз Ер* и не било така лошо.

Аеродромскиот персонал е на ТАВ, имиграцијата е белгиска, патниците се .. ајде да кажеме наши.
Жал ми е што стјуардесите секојдневно мораат да се справуваат со такви патници, а нашата полиција не е од голема помош.

Врти сучи, Македонија некако не ти лежи.

Originally posted by гитардемон Ground staff немате на WizzAir на Александар Велики?

ниту една low coast нема таква работа.... А башка е тоа што каде ТАВ е концесионер нивни се фирмите ќерки кои тоа го обавуваат или самите тие на мали аеродроми како нашиот, исклучок е само ТГС на Ататурк.

* Во однос на искуството на Тегларот - баш истото сакав да го искоментирам..... Каква врска има тоа со авиокомпанијата што те ставиле во Брисел да го чекаш авион во простор за 5 души а вие сте биле 150(целосно е во надлежност на Аеродромот тоа) или пак лошото искуство на СКП (одговорнос ТАВ) или пак за типот и односот на рајата која патува(самите ние си ги правиме нештата да бидат такви какви што изгледаат), а во однос на кабинскиот персонал - имам моја колешка од факултет која работи како стујардеса и девојчето е згрозено со каква се багра се објаснува и расправа - свати ги и ним не им е лесно. А во делот на искуството со Турболенции болје избриши го, каква веза има искуство со авиокомпанијата и временски услови кои никој неможе да ги предвиди, Јас имав лет од Тел-Авив до Истанбул со страшни турболенции и 2 саати светеше знакот за појас.... Многу од забелешките ти се на грешка адреса а и добар дел од нив ти се од сосема друго зависни(Месечно 1-2 користам Авион и имам колку толку искуство - никогаш нема да пронајдеш совршенство)
Сакале или несакале да признаеме Wizz Air им створи навика на патување со авион на нашите „почитувани“ граѓани.

Edited by Obedineta Makedonija - 28-Apr-2015 at 23:37