Булевар Митрополит Теодосиј Гологанов

Дури и автопатиштата се градат побрзо од булеварот

Се уште не е јасна причината за ова одолжување и зошто градежните машини мируваат паркирани по должината на улицата.



СКОПЈАНИ БАРААТ ПОЧИТУВАЊЕ НА РОКОВИТЕ ЗА ГРАДБА НА ТЕОДОСИЈ ГОЛОГАНОВ

Реализирањето на проектот за реконструкција на булеварот Митрополит Теодосиј Гологанов започна уште минатата година, а според првичниот план, веќе требаше да биде целосно готов. За жал, сообраќајот таму сѐ уште не се одвива баш најдобро, бидејќи улицата на многу места е ископана, на коловозот можат да се забележат многу вдлабнатини и грпки, па затоа и возилата не можат нормално да се движат. Како што стојат работите, целата работа заглави уште во третата фаза, во која беше планирана реконструкција од крстосницата со булеварот 8 Септември до улицата Московска, во должина од 1.600 метри. Ова проширување резултираше со четири коловозни ленти, по две за секоја насока, а од двете страни на коловозот се поставуваат тротоари со ширина од 3,5 метри. Сѐ уште не е јасна причината за ова одолжување и зошто градежните машини мируваат паркирани по должината на улицата.

ОДОЛЖУВАЊЕ НА ГРАДЕЖНИТЕ ЗАФАТИ

Во септември 2012 година првпат беше објавена информацијата дека ќе се врши реконструкција на булеварот Митрополит Теодосиј Гологанов, а тоа проширување ќе се искористи за изградба на атмосферска канализација и реконструкција на постојната фекална канализација.
Во февруари минатата година објавивме дека почнува реконструкција на булеварот и дека целосното завршување на градежните зафати ќе трае до август истата година. Тогаш беше најавено дека таа тесна сообраќајница конечно ќе добие четири коловозни ленти, а коловозот ќе биде асфалтиран со завршен слој асфалт на вкупна површина од 19.500 квадратни метри.

Во јануари оваа година повторно решивме да ја отвориме истата тема и да се обидеме да ја пронајдеме причината за застојот во работата, но единственото оправдување што го добивме беа лошите временски услови, кои не им дозволуваа на работниците континуирано да си ја вршат својата работа.
Од компанијата „Трансмет“, која инаку е изведувач на градежните зафати, тогаш ни рекоа дека ситуацијата не е алармантна и дека за многу кратко време повторно ќе проработи градежната машинерија. Сепак, оттогаш поминаа уште три месеци, а состојбата на булеварот воопшто не е променета.
Граѓаните велат дека ги искршиле автомобилите, бидејќи не секогаш имаат можност рефлексно да ги избегнуваат оштетените делови на коловозот.
- Секој ден минувам по оваа улица со своето возило и можам да кажам дека секојпат се чувствувам како да се наоѓам среде минско поле - вели Никола Младеновски од Карпош.

РЕКОНСТРУКЦИЈАТА ЌЕ ТРАЕ ДО АПРИЛ

Градските власти велат дека моментално се реализираат активностите од третата фаза за проширување на булеварот, а паралелно се одвиваат работите за завршување на проектот и останува само да се асфалтира финалниот слој на коловозот и да се уредат пешачките патеки.
- Со тоа и третиот дел од оваа сообраќајница пролетва ќе стане модерен булевар. Доколку бидат исполнети сите атмосферски и технички услови, се очекува сообраќајницата да биде финализирана во втората половина од април - објаснуваат од градот.
Тие додаваат дека со претходните две фази од булеварското решение со четири коловозни ленти е уредена сообраќајницата во должина од 4,2 километри, а булеварот започнува со супермодерната кружна крстосница кај Католичката црква и води сѐ до улицата Московска.
- По должината на булеварот се уредени пешачко-велосипедски патеки, на сите крстосници е поставена нова семафорска опрема, како и улично осветлување со нови канделабри и енергетски ефикасно осветлување.

Покрај надземната, уредена е и подземната инфраструктура со нова атмосферска и фекална канализација - велат од градот.
Од компанијата „Трансмет“ објаснуваат дека временските услови биле главната причина за застојот во работата, но дека проектот за многу кратко време ќе биде завршен.
- Реконструкцијата на булеварот веќе требаше да биде целосно завршена, но сепак се појавија некои непредвидени работи, кои влијаеја врз континуираното вршење на градежните зафати. Стигнати сме до самиот крај, а нашата следна фаза е ставањето на последниот слој асфалт - вели Сеад Кочан, директор во „Трансмет“.

http://www.novamakedonija.com.mk/NewsDetal.asp?vest=323151552176&id=14&setIzdanie=23427

Јас не знам, АМА навистина не знам како ќе држат говор и ќе се фалат дека спровеле уште еден проект и како ќе сечат лента (се разбира, тука Миле, Коце и Грујо во пакет) на улица која ја прават година дена и се уште нема абер.

Originally posted by ehrlich Јас не знам, АМА навистина не знам како ќе држат говор и ќе се фалат дека спровеле уште еден проект и како ќе сечат лента (се разбира, тука Миле, Коце и Грујо во пакет) на улица која ја прават година дена и се уште нема абер.

Значи ако улицата не е готова за 9 месеци, нетреба да се сече лента и слично бидејки е тоа срамно.

Кај е рокот на изградба прекршен па уште е и на барање на Градот, од буџетски причини секако! Срамно, прав пат, чист терен.
За 15 месеци Џеваир изградија 3 кули од по 40 ката!
За 15 месеци е речиси целосно пробиена нова траса на автопатот Петровец-Свети Николе!
Тука нема пардон.

Само за потсетување: Се работи за проширување од 1 лента и замена на асфалт на постоечки 3 (по една во правец и по метро за велосипеди и застанување) во должина од 1.200 метри.

Edited by alexsend - 22-Apr-2015 at 16:52

Алелуја почнаа..

Трајановски: Булеварот Митрополит Теодосиј Гологанов ќе е готов до мај




Реконструкција и проширување на булеварот Митрополит Теодосиј Гологанов во зависност од временските услови, да бидат готови до крајот на месец мај.

- Би сакал да им се извинам на граѓаните кои ја користат оваа сообраќајница за потешкотиите изминатиов период, поради доцнењето на реализацијата на овој проект поради проблеми со подземните инсталации. Сакам да апелирам до граѓаните, додека траат финалните градежни работи на оваа делница внимателно да се вклучуваат во сообраќајот и да ја прилагодат брзината на движење кон условите на патот, кажа градоначалникот на Скопје Коце
Трајановски.

Третата делница од булеварот Митрополит Теодосиј Гологанов е долга 1.600 метри, се веќе формирани 4 коловозни ленти, по две во секоја насока. Според проектот, од двете страни на проширениот коловоз се изградени тротоари со ширина од по 3,5 метри, со вкупна површина од 9.550 метри, коишто се покриени со павер-елементи.

http://plusinfo.mk/vest/23511/trajanovski-bulevarot-mitropolit-teodosij-gologanov-kje-e-gotov-do-maj-

Edited by Staro Skopje - 25-Apr-2015 at 19:02

НА УЛИЦАТА „ГОЛОГАНОВ“ ПАК СЕ КОПА



Наместо нов асфалт, како што сите очекуваа, деновиве повторно се интервенира на подземните инсталации

Пак се копа на улицата „Митрополит Теодосиј Гологанов“. Од завчера повторно е затворена првата лента од коловозот веднаш пред „Алумина“. Овој потег и претходно, во неколку наврати, беше раскопуван и долго време се интервенираше на подземните инсталации и приклучоци. Токму ваквите непредвидени зафати, како што рекоа од Градот Скопје, беа главна причина за одолжувањето на реконструкцијата. И кога сите очекуваа конечно да почне асфалтирањето, откако на почетокот од неделава стариот асфалт беше целосно изгребан, сега пак се појави проблем. На истиот потег повторно има ископување, се гледаат цевки, полно е со работници, механизација. Финиширањето на улицата очигледно ќе се пролонгира уште еднаш.

„Кај ’Алумина‘ се појави технички проблем со инсталирањето на фекалната канализација. Во моментов се работи на негово отстранување и се очекува тоа да биде регулирано деновиве. На отстранувањето на проблемот се работи темелно, затоа што не смее истиот проблем да се појави и по завршувањето на комплетната реконструкција на коловозната површина. Истовремено се реализираат последните подготовки за завршното асфалтирање“, велат од Одделението за односи со јавност на Град Скопје и потенцираат дека третата и завршна фаза на проширувањето на булеварот „Митрополит Теодосиј Гологанов“ се очекува да заврши во текот на мај.

Со претходните две фази, 4,2 километра од градската сообраќајница се трансформирани во булевар со четири коловозни ленти. Булеварот започнува со кружниот тек кај Католичката црква, а завршува кај раскрсницата со улицата „Московска“, пред студентскиот дом „Гоце Делчев“.

„Покрај булеварот се уредени пешачко-велосипедски патеки, сите раскрсници имаат нова семафорска опрема, со нови канделабри и енергетски ефикасно осветлување“, појаснуваат од Градот.

Истовремено се работи и на уредување на паркот покрај булеварот. Паркот ќе има ново зеленило, листопадни и зимзелени садници, хидрантска мрежа, а ќе биде опремен и со нова урбана опрема, клупи и канти за отпадоци.

http://utrinski.mk/default.asp?ItemID=81A263A5E5A9A44DB60D6325EAFFB910

1.


2.


3.


4.

9.


10.


11.