Битола

Кафе-ресторан Корзо

facebook

Офицерскиот дом



фото: Dean Mandicevski

фото: Goce Struga

Untitled by Vladic Boskovski, on Flickr

Вчера бев во Битола, па редно е да споделам некои од моите впечатоци, а утре или следните денови и ќе споделам некои фотографии (имам околу 80). Срце ме боли кога ќе помислам на тоа колкав неискористен архитектонски потенцијал има овој град. Битола, то ест потесното централно подрачје, има преубави згради и куќи. Главно се од крајот на 19 и од почетокот на 20 век. Кога би биле побогата држава и кога соодветно и стручно би се обновиле, Битола можеби ќе го надмине и Охрид со својата убавина. Шетајќи низ околните улички (го избегнував Широк Сокак зашто е преекспониран во фотографска смисла, а јас сакав да уловам малку од шармот на споредните битолски улички), бев сведок на десетина стари куќи и згради во распаѓање, што е огромна штета. Едноставно, пропаѓаа сами од себе и од негрижа. Од друга страна, се ужаснував кога ќе видев некоја новокомпонирана грдосија залепена до некој преубав архитектонски примерок. Навистина не знам како се дозволувале такви куќи и зградички. И тука доаѓам до една моја помисла - си велам, ако некаде би одобрил менување фасади, тоа би било во Битола. Но не начинот како што тоа (лошо) се спроведе во Скопје. Никако. Тука би сакал да видам стручно и квалитетно „унифицирање“ на барем потесното централно подрачје на Битола. Бидејќи е остварливо и не верувам дека ќе чини многу пари (веројатно најмногу до 20 милиони евра, груба проценка, не ме држете за збор). А ќе се добие една преубава целина, достојна за вистинско претставување на овој убав град. Друга работа што ми падна во очи беа хаотично поставени кабли - буквално кабли висат од секаде. Тоа е голем проблем, не само за овој град, туку и са многу други македонски градови. Не знам дали се работи за мрза, за поедноставен и полесен пристап кон решавање на одредени проблеми или за класична македонштина, или за комбинација од сето горенаведено, но тие кабли придонесуваат за влошување на позитивната слика. Инаку, битолчанки се преубави жен(ск)и. Сакав уште нешто да додадам, но заборавив. Ако ми текне, ќе допишам.