Хералдика и вексилологија

Уште една православна џамахирија. Барем мене така ми се чини.

Originally posted by alexgizh Иако е точно дека во комисијата имаше претставник на МХЗ (Македонско Хералдичко Здружение, а не Здружение на хералдичари, прости новинари, незаинтересирани!), никаде не се споменува фактот дека мислењето на нашиот претставник воопшто не беше земено предвид. Му рекле "супер е се тоа што го велиш, ама ние ова го сакаме". МХЗ наскоро ќе излезе со официјално соопштение по повод пропуштената можност Кисела Вода да избере соодветен хералдички грб.

епа тоа е,живееме во земја каде има плитки умови...

Овој ли е тепачот од Кале и што не знаеше со кој споменик се слика?
За жал вакви ни ја водат државата последниве десеттина години.

Originally posted by Z|evzek Артан Глупи оддамна изгуби смисол, ама јеб*ш га Иначе незнам што е толку спорно самото решение кога и стариот грб содржеше црква со крст

не проблем црквата, туку самиот грб, кој некој го избрал по личен кеиф, што не е изненадувачки после таквиот начин на функционирање на милијарда институции во земјава во последниве 20 години

Не постои предлог за знаме и грб на Кисела Вода од страна на МХЗ. МХЗ само констатираше дека усвоените симболи не го почитуваат конкурсот и се во спротивност со Законот за локална самоуправа. Дополнително, советите на членот на МХЗ кој беше советодавен член (без право на глас) во комисијата беа сосема игнорирани.

Чекај малце. Ако вие сте немале хералдички предлог, имало ли во конкурсот воопшто поднесено хералдички издржан грб ? И дај не го дрвете као сеа срамота не сме ги слушале хералдичарите, а до вчера на истава нишка се буневте зашто морало хералдички грб.

И да се дополнам, МХЗ како здружение никогаш нема учествувано на конкурс. Во случајот со Охрид, ние бевме директно повикани од Општината за да изработиме нов емблазон (цртеж) на веќе постоечкиот грб. Во другите општини на конкурс може да се јават наши членови, но не и МХЗ како тело со сопствен предлог.

http://www.kanal8.mk/index.php/mk/2650-cesinovo-oblesevo-dobi-nov-grb-i-zname

Симболите на Македонија



Издавачката куќа Силсон во октомври 2015, ја објави книгата Симболите на Македонија, каде на 376 страни со преку 600 илустрации се претставени симболите на Македонија и нивниот развој.

Познавањето на симболите е од неизмерно значење за секоја земја. Ова најлесно се согледува во фактот што практично нема земја во светот без знаме, грб и химна. Изучувањето на хералдиката и вексилологијата е од државно значење во целиот цивилизиран свет. Македонија има огромно историско и културно богатство преплавено од најразлични симболи. Делото Симболите на Македонија од Јован Јоновски несомнено претставува камен темелник на современото истражување и проучување на македонските симболи како низ историјата така и денес. Во него се разработени речиси сите аспекти од развојот и примената на симболите во Македонија. Делото опфаќа семиотика – теоријата на симболите, хералдика – наука за грбовите, вексилологија – наука за знамињата, химнологија – за химната и фалеристика – за медалите и ордените.

Она што особено го прави ова дело значајно е неговиот сериозен, сеопфатен и строго научен пристап кон хералдиката и вексилологијата. Во таа смисла делово претставува прво дело во македонската наука од овој обем кое се занимава со хералдиката не како некаква помошна историска дисциплина туку онака како што е исправно, имено, како самостојна мултидисциплинарна наука која во себе опфаќа историски, културолошки, социјални и правни односи меѓу грбовите со нивните грбоносци и грбовите меѓу себе. За ова сведочи делот на живата хералдика претставен од месно – хералдичкиот систем на Македонското хералдичко здружение и личната хералдика и секако, обидот сериозно да се обработи и пообемен терминолошки материјал.

Јоновски со своето дело прави сериозен придонес во истражувањето на историскиот развој на грбовите на Македонија со што на најдостоен начин го продолжува она што беше започнато од Александар Матковски во втората половина на минатиот век. Особен интерес за македонсктата наука претставуваат грбовите на кралот на Македонија како и грбовите на Александар Македонски чије овдешно претставување е резултат на голгогодино истражување.

Делото е напишано на научно – популарен стил и изобилува со илустративен материјал што го прави пристапно и исклучително интересно четиво. Во него се наоѓаат многу одговори во врска со симболите на Македонија, но истото покренува и нови со што создава основа за нови понатамошни научни истражувања.

http://heraldika.org.mk/news/%D1%81%D0%B8%D0%BC%D0%B1%D0%BE%D0%BB%D0%B8%D1%82%D0%B5-%D0%BD%D0%B0-%D0%BC%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0/

Ќе искористам една многу добра фраза од guitardemon - „православна џамахирија“.