Надградба на Министерството за транспорт

Незнам Ѓоко, и мене не ми изгледа логички да завршат за 1 месец, можда згрешиле место Мај испаднал Март а можда и ќе се запнат ко јапонци по 24/7 па ќе го скоцкаат до 30-ти

10 СКУЛПТУРИ И МОНИТОР НА ЗГРАДАТА НА ТРАНСПОРТ



Министерството за транспорт и врски склучи договор за изведување декоративни елементи на новата барокна фасада, односно за поставување скулптури, релјефи, како и монтажа на монитор, за што ќе бидат потрошени околу 650.000 евра

Десет скулптури ќе стојат на зградата на Министерството за транспорт и врски. Надлежните од Министерството склучија договор изведување декоративни елементи на новата барокна фасада. Ќе бидат поставени скулптури, релјефи, а ќе се монтира и монитор, за што ќе бидат потрошени околу 650.000 евра.
Од Министерството за транспорт и врски не кажуваат кои личности ќе бидат поставени на зградата, што ќе претставуваат релјефите ниту зошто ќе се поставува монитор. Оттаму само објаснуваат на кој дел од зградата ќе се постават скулптурите и од каков материјал ќе биде фасадата.
"Ќе бидат поставени вкупно 10 скулптури на северозападна фасада, на кота од 12 метри по должина на објектот. Северозападната фасада се изработува од камен со постојана хомогена структура, константна боја и отпорност на атмосферски влијанија, со камени плочи. Југоисточната фасада е контактна фасада со двослојно поставени плочи", велат од Министерството.
Оттаму најавуваат дека зградата, конечно, ќе биде готова на крајот од месецов. Изведувачот "Бетон" во договорот се обврзал градежните работи да ги заврши на 31 март.
Реконструкцијата и надградбата за два ката на зградата на Министерството за транспорт и врски доцни година и половина. Прво беше најавено дека ќе биде готова кон крајот на 2013 година, но рокот се продолжи поради проблемот со статиката. Но пролонгирање имаше и поради проблеми со темелите на објектот. Од Министерството велат дека е извршена целокупна санација на бетонските јадра и зајакнати се темелните плочи на објектот, и во моментов се работи на финална фаза на изведба се гипсарските работи и фасадерската обработка.
Реконструкцијата на зградата со новиот договор за декоративни елементи ќе чини 5,6 милиони евра.

http://www.vest.mk/default.asp?ItemID=15D6FB5DC0D62345AF91A422410FD697

Така се крадат државни пари, имењак. Сто слики онде, десет скулптури овде, пет фонтани таму, уште десет споменици ваму, ете ти неколку милиончиња што ќе се поделат меѓу главните и споредните актери. А општините немаат пари за обнова на улици и булевари, за одржување основна чистота, за зеленило да не почнуваме...

Edited by Џоле - 03-Mar-2015 at 23:07

Знаев дека неможе да постигнат за 1 месец се да завршат, незнам само со кој памет пуштаат ваква "водичка"

VAF27288 by FOSM, on Flickr

Originally posted by kultuzin Ova dukanceto desno na fotografijata interesno e kako seuste postoi. Iskreno meine ne mi preci mnogu duri i interesno deluva.

Твојот вкус и естетски перференции се добро познати тука.
Иначе станува збор за композиција од дуќани.

МИНИСТЕРСТВО ЗА ТРАНСПОРТ И ВРСКИ - НЕМА АБЕР ОД СТАРО-НОВАТА ЗГРАДА

Aбер нема од завршување на старо-новата зграда на Министерството за транспорт и врски, која е дел од „Скопје 2014“ преку Камен мост. Изминуваат речиси две години откако објектот требаше да биде реконструиран, но, се чини ќе помине уште долго време дури зградата стане функционална. Едвај тројца работници вчера работеа на фасадата на објектот, на која допрва треба да се ставаат скулптури, релјефи и други декоративни елементи. Иако на терен не се оддава впечаток дека на завршување на зградата се работи забрзано, од Министерството тврдат дека во моментот се преземаат неколку зафати.

„Во моментот на управната зграда се изведуваат градежно-занаетски работи, односно паралелно се работи на малтерисување, гипсирање, фасадерски камен, електро инсталации, поставување на плочки во тоалети и други градежни работи“, одговараат кусо од Министерството. Не сакаат да откријат чии скулптури ќе надвиснуваат на фасадата, ниту, пак, какви мотиви ќе имаат релјефите кои ќе го красат надворешниот лик на објектот.

Единствено се знае, и тоа од објавениот договор за изведба на фасадата, дека таа ќе чини околу 650.000 евра и дека освен скулптури и релјефи, на зградата ќе има и други дополнителни декоративни елементи.

Предвидено е од северозападната страна да бидат поставени вкупно 10 скулптури на кота од 12 метри по должина на објектот. Таа фасада се изработува од камен со постојана хомогена структура, константна боја и со камени плочи. Југоисточната фасада е контактна фасада и се обработува со фасадна боја.

Инаку, досега, во текот на тригодишната обнова, зградата доби нов главен влез, приземје со влезен хол, пријавница за чекање и два лифта за движење кон горните катови. Објектот е надграден за дополнителни 2 ката со челична конструкција, а извршена е и целокупна санација на бетонските јадра и зајакнати се темелните плочи на објектот.

Реконструкцијата, всушност, како што неколкупати беше кажано, доцни поради проблемот со статиката, а рокот за изведба беше пробиен и поради проблеми со темелите на објектот.

До конечната изградба на објектот, административците ќе продолжат да работат во канцелариите во некогашното Министерство за надворешни работи. Во план е покрај Министерството за транспорт и врски, во старо-новата зграда да се смести и Државниот инспекторат за градежништво и урбанизам, Државниот инспекторат за транспорт, Државниот комунален инспекторат и Агенцијата за сигурност во железничкиот систем. На овој начин, како што објаснуваа од Министерството, ќе се овозможи сите сектори и органи на ресорот транспорт и врски да бидат на едно место, наместо како што е сега на повеќе локации во Скопје. Досега за реконструкција на објектот се потпишани договори во вредност од речиси 6 милиони евра.

http://www.utrinski.mk/?ItemID=AC0DC602D5A6124594332C9B9EB672BD

ги чекаат скулптурите да дојдат, инаку се е во ред, нема причина за паника