Индустриски објекти и зони (општо)

Општина Велес ги обезбеди потребните документи за изградба на индустриската зона Мамутчево

Општина Велес ги обезбеди потребните документи за изградба на новата индустриска зона Мамутчево. Градоначалникот Славчо Чадиев информираше дека со поддршка на Владата и Министерството за земјоделство, шумарство и водостопанство, извршена е пренамена на земјоделското во градежно земјиште на 67 хектари или поточно 67,310 метри квадратни.



Во оваа индустриска зона Мамутчево ќе се гради лесна и незагадувачка индустрија, стоваришта и слично.

-На една парцела поголема од 2 хектари имаме веќе и потенцијален инвеститор. Инвестоторот ќе го обавиме по пристигнување на писмото со намери кое го очекуваме во општина Велес, истакна Чадиев.

Со изградбата на оваа индустриска зона, рече Чадиев, ќе се намали и невработеноста во овој регион во кој се опфатени селата Мамутчево, Кумарино и Иванковци, како и на невработени од општина Лозово, каде се очекува вработување на две до три илјади лица.

Новата Индустриска зона Мамутчево е прва по големина во општина Велес со површина од над 67 хектари. Индустриската зона Речани Два во Велес е со површина од 18, додека индустриската зона Караслари е со површина од 24 хектари.

Чадиев информира дека во соработка со Центарот за развој на Вардарскиот плански регион се работи и на изработка на техничката документација на новата индустриска зона, која ќе чини 35 илјади евра.

Општината има обврска да обезбеди дотур на вода до фирмите кои ќе градат во новата индустриска зона Мамутчево.

http://www.kurir.mk/republika/opstini/198004-Opstina-Veles-gi-obezbedi-potrebnite-dokumenti-za-izgradba-na-industriskata-zona-Mamutcevo

Отворена фабриката Антура во Кочани



фото: mia.mk

Индустриска зона "Каласлари" фабриката на Маркарт.

Руската „Кранфилд Фаундри“ ќе гради леарница во Пробиштип



Со нова странска инвестиција ќе се зајакне македонската економија. Владата денеска потпиша договор за изградба на најсовремена, високо -автоматизирана еколошка леарница за производство на делови за автомобилската индустрија, инвестиција на руската компанија „Кранфилд Фаундри“. Фабриката ќе се гради во Пробиштип и ќе отвори нови 280 работни места. За премиерот Никола Груевски новата фабрика ќе се гради токму во овој дел од Македонија со цел да се зголеми вработеноста во овој регион.

Во изминатиот период, како резултат на владините политики, се зголеми бројот на погони за производство на автомобилски делови кои ги снабдуваат светските производители на автомобили, истакна министерот Бил Павлески.

Менаџерскиот тим на компанијата ја одбрал Македонија поради местоположбата и лесниот пристап до европскиот и рускиот пазар.

Компанијата ќе произведува делови наменети за монтажната и железничка индустрија, а крајната цел е производство на делови за автомобилската индустрија. Производството треба да почне најдоцна за една година, а вкупната инвестиција ќе чини 15 милиони евра.

Извор

“Маркарт” официјално гo отвори најновиот производствен погон во Велес



Денеска германската компанија “Маркард”, гигант во автомобилската индустрија, во присуство на сопственикот на компанијата, неговото семејство и блиски соработници, заедно со Премиерот Никола Груевски, министерот Веле Самак, задолжен за привлекување на странски инвестиции и други високи владини претставници, официјално ги отвори вратите на новата фабрика во с. Караслари, Велес.

Во март 2013 година, по неколкумесечни преговори со министерот Самак и со голема посветеност и поддршка од сите релевантни акционери, менаџментот на компанијата испрати писмо со намера, до Владата на Република Македонија, каде што ја потврди својата одлука да инвестира во Македонија. Особено важно е што оваа инвестиција е во машини и капитал кои обезбедуваат ново знаење и учење на висок квалитет и продуктивност.

Со околу 75 милиони евра годишни количини на високо технолошки и автомобилски производи, Македонија и Велес стануваат места кои нудат перспектива за мултинационалните компании. Фабриката се простира на 40.000 метри квадратни и во моментов брои 120 вработени, а до крајот на 2016 година тие ќе бидат 400. До крајот на 2017 година, Маркард Македонија ќе има околу 600 вработени.

“Како дојде до изборот на Вашата прекрасна земја Македонија? Пред неколку години беше стратешки видено дека покрај нашите постоечки локации друга европска локација ќе треба да го обезбеди нашиот раст. Почнавме да избираме различни земји, најмногу од Југоисточна Европа и да ги селектираме според дефинирани критериуми. Ова беше, исто така, времето кога за првпат стапивме во контакт со министерот Самак, на негова иницијатива. Тој не „откри“ и лично можам да ви кажам дека бев исклучително импресиониран од тоа колку добро претходно го анализирaл Маркард и што се знаешњ за нас. Мора да признаеме “нивната” земја Македонија не беше сосема горе на листата на приоритетите додека не се појави министерот, после што таа стана „привлечна“! – изјави сопственикот на компанијата – изјави Д-р Харалд Маркард.



Според својот бизнис план Маркарт Македонија ќе инвестира над 35 милиони евра за реализација на инвестициониот проект. Оваа инвестиција е важна од многу аспекти, покрај големиот број на ваботувања кои ќе обезбедат светла иднина за над 500 семејства во Велес, оваа инвестиција ќе го стави градот Велес и на мапата на врвни компании од Германија и многу други држави кои соработуваат со Маркарт. Компанијата е извозно ориентирани и ќе даде свој придонес во македонскиот извоз во Европа и светот.

“Многу сме горди што имаме вакво модерно производсто во Велес, особено што вклучува повеќе различни лини со високи технологии кои бараат врвно ниво на знаење. Фабриката на Маркардт е една од низа фабрики кои во наредните години ќе го освежуваат индустриското знаење низ Македонија и ќе овозможат модерна иднина за граѓаните,” изјави Министерот Самак.



Маркарт групацијата која е основана во 1925та, е водечки светски производител на електромеханички и електронски додатоци и системи за автомобили, електричен алат, апарати за домаќинство и други индустриски апликации. Компанијата на пазарот во 2013 година ја зацврсти својата улога како водечки глобален иноватор со производствени погони во Европа, Африка, Азија и Америка, вработувајќи повеќе од 6.500 луѓе и беше во можост да генерира зголемен раст на продажбата со повеќе од 700 милиони евра.

Извор

Edited by Navigator - 07-Oct-2015 at 14:46

Австриски „Текспорт“ со две инвестиции во два дена

Австриска инвестиција од 3,5 милиони евра во Илинден. Се отвора работа за 450 работници. Компанијата „Текспорт“ почна да ја гради фабриката за производство на заштитна облека...



Австриската компанија „Текспорт“ со две инвестиции во два дена. Вчера отвори нов погон во Виница вреден 1,5 милион евра со 180 вработени, а денеска стави камен темелник на идната фабрика за против пожарна облека во Илинден. Со потенцијал од 800 вработени, од кои најголем дел во Македонија, „Текспорт“ ќе стане најголем светски производител во својата дејност, се пофали сопственикот Отмар Шнајдер.

„Планираната зграда за производство ќе биде околу 5.000 метри квадратни и ќе вработи околу 400- 500 луѓе. Вкупната инвестиција ќе изнесува повеќе од 4 милиони евра. Ова претставува најголема инвестиција на Текспорт. Од овие инвестиции се гледа колку Македонија е значајна за Текспорт“, вели сопственикот на компанијата, Отмар Шнајдер.

И досега локалните индустриски зони во Илинден беа плодна дестинација за инвестирање. Реалиизрани се вкупно 168 инвестиции, од кои 31 странска.

„Горди сме што вие и вашата компанија од денес станувате дел од нашето големо бизнис семејство, особено што станува збор за една од поголемите инвестиции во општина Илинден, но и за компанија која како темел го има семејниот бизнис“, рече Жика Стојановски, градоначалник на општина Илинден.

Првите парчиња специјализирана против пожарна облека се очекува да излезат од новата фабрика на „Текспорт“ во четвртиот квартал на 2016-та. Целосното производство од Илинден ќе биде наменето исклучиво за странските пазари.

„Текспорт“ е семејна фирма основана 1992-ра, а во земјава е присутна од 1997-ма кога го отворила првиот погон за облека. Во иднина најголем дел од продукцијата на „Текспорт“ ќе доаѓа со ознаката „Мејд ин Маседониа“.

Извор

Супер е што домашни инвеститори вложуваат во нови погони. Туку, вчера се појави вест по медиумите дека групацијата Веибо, која требаше да биде најголемата инвестиција во индустриската зона Ранковце, ја замрзнала својата инвестиција, наводно поради недостиг од работна сила во Македонија. При толкав број невработени, можно ли е тоа да е вистина? Дури, на некои медиуми пишуваше дека наводно оваа компанија лобирала да донесе странски работници од Турција, Египет, Бугарија и други земји и да изгради околу 1.000 куќи за нив и за нивните семејства во близина на Ранковце, но дека владата го одбила нивниот предлог.
Некако, ми се јавија многу сомнежи во врска со оваа инвестиција.

Fakt e deka rabotnici nema, osobeno nema kvalifikuvana i kvalitetna rabotna sila, pa ako sakate i intelektualna sila.Vo regionite kade sto vlegoa pogolemi rabotodavaci situacijata e uste poizrazena. Sto se odnesuva do Veibo Group neoficijalno naslusnav deka vo Kriva Palanka bile vmesani potocno edni od inicijaatorite na gradenje na dzamija koja predizvika nezadovolstvo kaj tamosnite gragani. Ako e taka moze slobodno vednas da si gi soberat koferite. Osven toa se raboti za Firma od tekstilna industrija sto avtomatski znaci deka seraboti za niskoplatena rabota. Ne deka e loso da se zgolemi konkurencijata na pazarot na trudot no mislam deka poradi dvete pricini koi gi navedov (iako prvata ne e oficijalen podatok tuku carsiski muabet no od prva raka)mislam deka nema da bide golema steta i da ne se ostvari vo celost ovaa investicija.

Originally posted by kultuzin Fakt e deka rabotnici nema, osobeno nema kvalifikuvana i kvalitetna rabotna sila, pa ako sakate i intelektualna sila.Vo regionite kade sto vlegoa pogolemi rabotodavaci situacijata e uste poizrazena. Sto se odnesuva do Veibo Group neoficijalno naslusnav deka vo Kriva Palanka bile vmesani potocno edni od inicijaatorite na gradenje na dzamija koja predizvika nezadovolstvo kaj tamosnite gragani. Ako e taka moze slobodno vednas da si gi soberat koferite. Osven toa se raboti za Firma od tekstilna industrija sto avtomatski znaci deka seraboti za niskoplatena rabota. Ne deka e loso da se zgolemi konkurencijata na pazarot na trudot no mislam deka poradi dvete pricini koi gi navedov (iako prvata ne e oficijalen podatok tuku carsiski muabet no od prva raka)mislam deka nema da bide golema steta i da ne se ostvari vo celost ovaa investicija.

Квалификувана и квалитетна работна сила никогаш и нема да имаме ако продолжиме со ваков однос кон образованието. Масовно отворање неквалитетни државни и приватни факултети ( особено приватни), масовно делење дипломи, критериуми на знаење и пракса еквивалент на НУЛА, партија над образованието ќе донесе само неизвесна и лоша судбина, а никако напредок.