Карпош - Скопје

Стварно не разбирам зошто мора да се збута тука баш зграда...

Да не си им во кожа на тие кои купиле станови на сам старт во првите 2-3 згради. Од луксуз до бразилско предградие во само 10 години...
И да, сега е само за издавање далеку од хумани услови за живот или луксузно домување...

Се додека не почне јавно да се истакнуваат ликовите со имиња и слики кој тоа го дозволил и ставил потпис ништо не правиме. Мора некој за пример да го изеде стапот. И не градоначалник туку сите што се умешани во овој тип на урбанизација.

Видете и во Капиштец кај завод за рехабилитација што се прави. Тоа е повеќе од криминал кон населбата!

Edited by alexsend - 05-Sep-2018 at 18:13

Уште пред да прашам свесен сум за политичката цена на една ваква постапка, но многу ме интересира следново:

Дали наместо градење на зградурини во секое едно минијатурно ќоше, може некако да се спроведе зголемување на општинските даноци на имот/комуналии и слично, така што општинската каса ќе се обогати горе/долу во иста мера како од еднократните приходи од овие грдосии од згради? Сигурно има тука урбана мафија, и враќање на лични услуги со ставање потписи на ДУП-ови, но ме интересира чисто финансискиот аспект. Немам ни приближна идеа како се движат комуналиите.

Од фб-поглед кон комплексот Скопје Сити Гарден а исто така се гледаат и карабините на зградите на Дабар и Тимс на бул.Илинденска

Originally posted by гитардемон Уште пред да прашам свесен сум за политичката цена на една ваква постапка, но многу ме интересира следново: Дали наместо градење на зградурини во секое едно минијатурно ќоше, може некако да се спроведе зголемување на општинските даноци на имот/комуналии и слично, така што општинската каса ќе се обогати горе/долу во иста мера како од еднократните приходи од овие грдосии од згради? Сигурно има тука урбана мафија, и враќање на лични услуги со ставање потписи на ДУП-ови, но ме интересира чисто финансискиот аспект. Немам ни приближна идеа како се движат комуналиите.

Се подготвува „бунт“ во зградата на Настел во Тафаталиџе

Врие во зградата на Настел во Тафталиџе – станарите се подготвуваат за бунт. Со месеци се жалат на нехуманите услови но нема кој да го слушне нивниот глас.

Зградата е вселена уште од почетокот на март, но имотни листови се уште немаат. Како главни причини, се сомневаат дека се одводите од терасите и недоволниот број на паркинг места. Поради неуредената околина, жителите се плашат за безбедноста, особено на децата, а имаат и дилеми дали воопшто е направен технички прием на објектот.

„За сите овие пропусти се уште нема решение на повидок, а Настел и општината Карпош си ја префрлаат вината. Инвеститорот смета дека направил се што е нивна обврска, но со ова не се согласуваат во општинската администрација.“

Од Настел за Канал 5 велат дека нивниот надзор утврдил дека зградата е фунционална и затоа била вселена, иако без имотни листови.

„Не знаеме од кои причини Општина Карпош спротивно на Законот за градење направила своја комисија за да направи технички преглед, наводно, како да се овластени да прават технички преглед и согласно нивните кажувања имало вселено станари пред да се изврши техничкиот преглед од нивна страна.“ – велат до Настел и тврдат дека паркингот и пристапните улици треба да ги направи Општината, а за одвоите на терасите имале одобрен ревидиран проект.

Но, Општината смета сосема спротивно. Велат дека зградата не требало да биде вселена, додека објектот не биде впишан во Катастар. Од кои причини и по чија вина тоа досега не е направено, одговор нема.

„Откако ќе се впише во Катастарот, односно кога ќе добие статус на објект, тогаш станарите можат да добијат имотни листови. Значи, до тој момент , зградата не би требало да биде вселена, а дали во моментот има некој, или некои, вселени без пријавени адреси и престој во МВР, не е во надлежност на Секторот за урбанизам односно Општината.“

И додека инвеститорот и Општината си ја префрлаат одговорноста, жителите во оваа зграда мака мачат во секојдневието. Освен тешкото фунционирање во ваквите услови, некои се жалат дека веќе имаат проблеми со банките од кои зеле кредити.

„Иако Уставниот суд летово го укина Деталниот урбанистички план за Тафталиџе, од Општината велат дека зградата е легална. Проблемот е што се уште не е заведена како објект, туку се води како градилиште. Кога и како ќе се реши сосотјбата, засега никој не знае.“



https://kanal5.com.mk/articles/348950/se-podgotvuva-bunt-vo-zgradata-na-nastel-vo-tafatalidje

Еве го и видеото од истиот линк

Точно уште од самиот старт, се гледаше дека е преголема/висока за тоа место. А ова со отпустите за вода од терасите ми се чини како намерно да е направено, за како што дојде денот да ја прогласат за дивоградба и кога ке дојди за имотен лист да се вадат од настел со тоа. Еве во погорниот текст тоа и го велат: "но имотни листови се уште немаат. Како главни причини, се сомневаат дека се одводите од терасите"

Надоврзување на овој пост: http://www.build.mk/forum/forum_posts.asp?TID=52&PID=228262#228262

Локацијата е позади Млечен. Колку што разбрав, на обележаниот со црвено дел, се планирани 5 згради. Една добила дозвола за градба и е почната, во делот обележан со жолто. Има некаков си рендер (ќе сликам деновиве) со зграда на 5 спрата. И другите би требало да бидат со иста висина.

Моментално куќите кои се на таа локација се залепени до улица, нема тротоар.
Ќе изградат згради, а како ќе влегуваат и излгуваат директно на улица, баш не ми е јасно. За паркинг и не помислувам. Ќе има барем 60 станови. На рендерот кој е ставен, не се гледа дека има влез за подземна гаража, а нема ни услови за да се изведе такво нешто.

Еве и street view линк (куќите од лево, пошто десно има зграда ):
https://goo.gl/maps/erLarxPey4o

Почната е градбата на делот меѓу опелот и црвениот Шевролет што се гледаат на street view.




Edited by zlatko_k - 20-Sep-2018 at 06:54

Еве го планот за тој дел. Зградите се 22.1, 22.2 и 22.3. Времето ќе покаже дали ќе биде повлечена.



Edited by zlatko_k - 20-Sep-2018 at 11:38

Значи САРА-4 прави две згради во исто време(Карпош и Тафталиџе). Се надевам нема да се одрази тоа на брзината.