Булевар АСНОМ / АВНОЈ (+изградба на нов мост)

Еве фотки(од фб на Град Скопје)

Се надевам преку паркот ќе оди. Нема потреба од толку остра кривина кога може да се премести паркот.

А засадените дрвја пред некое време, сега ќе ги пресадат ли на друго место?

Не. Според ДУП-от покрај паркот ќе поминува булеварот. Само мене не ми е јасно како таа уличката (со паркинг-местата) ќе се приклучува на булеварот бидејќи ќе бидат блиску булеварот и уличката, меѓусебно.

Edited by skopskodete - 13-Jul-2019 at 16:29

Originally posted by daci92 Ова би требало да се тротоарите во стилот на Јане Сандански.На која уличка мислиш скопскодете , на онаа кај црквата или на оваа сервисната од хотел Русија до хотел Дабл Трее?

Сервисната. На каков начин таа би се поврзача со булевар АСНОМ? Бидејќи со проектот се премногу блиску еден до друг улициве.

Проширувањето на булеварот АСНОМ го „јаде“ зеленилото во Аеродром

Што се гради, кој ги корне неодамна засадените дрвја, зошто се навлегува толку длабоко во зеленилото кон зградите, се само дел од прашањата кои ги поставуваат жителите на Аеродром, откако започнаа градежните активности за проширување на булеварот АСНОМ.

Најавите за проширување на булеварот минаа без поголеми реакции, се до моментот кога багерите почнаа со копање, па стана очигледно уништувањето на зеленилото на сметка на новиот бетон и асфалт.

Помалку зеленило, поголемо гушење, се дел од коментарите по социјалните мрежи на луѓето кои живеат во Аеродром, инаку една од најзагадените општини во Скопје.

Како што информираат од Град Скопје, градежните работи кои во моментов се вршат на потегот од мостот „Близнаци“ со салата „Јане Сандански“ се само првата од трите фази кои ќе бидат реализирани во рамки на проектот за поврзувањето на Аеродром со Ќерамидница.

„Во првата фаза од овој проект се врши проширување на булеварот АСНОМ, што се одвива на потегот од крстосницата со бул. Србија до крстосницата со бул. Васко Карангелески. Должината на трасата во првата фаза изнесува 845 метри, каде што новиот булевар АСНОМ ќе добие по 3 коловозни ленти од двете страни, средишно булеварско зеленило, пешачки и велосипедски патеки од двете страни на булеварот, како и тактилни патеки за лицата со оштетен вид по целата должина на пешачките патеки“, објаснуваат од Градот.

Во следните фази пак, ќе биде изграден нов мост на реката Вардар непосредно до салата „Јане Сандански“, со преку кој ќе се овозможи спојување со бул. „Гоце Делчев“.

Навлегувањето во зеленилото кон зградите на АСНОМ пак, нешто што последно ги изреволтира жителите во околината, како што појаснуваат од Градот, се прави за изградба на пешачки и велосипедски патеки кои отсуствуваа на старата улица.







https://www.radiomof.mk/proshiruvanjeto-na-bulevarot-asnom-go-jade-zeleniloto-vo-aerodrom/?fbclid=IwAR3iLggd339-pp0rTuUFvVXkBGlQp8QiGYTNhEfTlvDeA_29wuom6a_kNLc
-----------------------
Од фб

Така треба, нека биде трајно решение. Освен тоа не заавршува само со мостот, туку и со улицата накај Јане Сандански која е 2х2.

Ќе почне ПОСТАПКА
Значи 30ти ноември ќе има објава за тендер кој ќе трае можеби и до 6 месеци;
Па после доколку нема одложување можеби ќе почне со градба следно лето и сигурно ќе има рок од 2 години па здравје лето 2022ра...ако не и 2023та

Мислам дека овој проект ќе заглави кога ќе дојде ред да се руши низ Ќерамидница.Сигурно ќе останат неколку нерешени имотно правни односи како пералната среде Трета Македонска Бригада.А и прашање е колку има потреба од овој проект можеби нешто минимално ќе се растерети гужвата што сабајле се создава на К.Ј.Питу но сепак треба да се наоѓаат решенија на потегот Аеродром-Карпош каде гравитира голем дел од населението.