Затворот Шутка проширен за 170 легла Коментари (0)    29.07.2009 12:25 Во затворот „Скопје“ во Шуто Оризари ставено во функција новото притворско крило. Со новото притворско крило, чија изградба почна на 25 јули минатата година, ќе се зголеми капацитетот на затворот од 140 на 310 лица односно новото крило е со капацитет од 170 лица. Изградено е и отворено одделение, работни простории за службените лица, реконструирана е кујната, изграден преграден ѕид со контролни кули и обновена фасадата на зградата. Во ова притворско одделение ќе бидат сместувани лица обвинети за најтешките кривични дела од организираниот криминал и корупцијата, за кои е предвидена казна затвор од најмалку десет години или доживотен затвор. Според програмата на Владата за подобрување на состојбите во затворите во периодот од 2008 до 2011 година, предвидени се 14 милиони евра, од кои четири милиони се обезбедени од буџетот. Останатите 10 милиони евра потребни за реализација на оваа програма, донесена во март годинава, ќе бидат обезбедени со кредит од Европската банка за обнова и развој. http://a1.com.mk/vesti/default.aspx?VestID=112034

02.


03.


04.


www.mia.com.mk


Edited by lslcrew - 29-Jul-2009 at 12:15

Што е до мене, ова се премногу пари за оваа намена. Нема потреба да глумиме Скандинавци кога ни недостасуваат финансии за многу поелементарни работи... Во оваа држава изгледа инфраструктурата секогаш е на последно место 

За реконструкција на затворите 56 милиони евра         Околу 46 милиони евра ќе бидат заем од Банката за развој на Советот на Европа, а другите се буџетски средства. Целта на проектот е подобрување на условите за осудените, притворените и малолетните лица, како и зголемување на капацитетите. Притоа ќе бидат користени европските стандарди и регулативи, кои предвидуваат најмалку четири квадратни метри затворски простор за секој затвореник во повеќекреветни ќелии или девет кубни метри во поединечна ќелија. - Првпат, како никогаш досега, во македонските затвори ќе се вложат над 50 милиони евра. Со тоа целосно ќе се создадат услови според европските стандарди, во една ќелија да бидат сместени по две-три лица, а не по 15-20 или повеќе како досега, ќе се смени ликот на затворите, особено во КПД „Идризово“, чии објекти се стари по 70-80 години и ќе се изградат компоненти за сосема нови содржини - истакна Маневски. Маневски за забелешките на евроамбасадорот Ерван Фуере и народниот правобранител Иџет Мемети по посетата на затворот Идризово, рече дека тие го кажале она што го виделе, но немале информации за планираното реновирање. - Никогаш не сум рекол дека не виделе како што треба. Тие го кажале тоа што го виделе. Да не беше така, немаше да го вметнеме реновирањето на полуотвореното одделение во програмата, да обезбедиме средства и да почне постапката - рече Маневски.

http://www.novamakedonija.com.mk/NewsDetal.asp?vest=215101040346&id=9&prilog=0&setIzdanie=21910

Edited by Cloverstack - 15-Feb-2010 at 13:40

Затворот во Кшање ќе се доградува догодина

 " Ќе се гради административна зграда, болничкиот одел, кујната, трпезаријата, пералницата, работилниците, магацините, гаражите, спортските терени, енергетскиот блок, безбедносната ограда и на пристапниот пат во должина од 1300 метри. Моментално од овој проект се завршени урбанистичките и идејните проекти, а се подготвува техничка документација за изработка на основен и изведбен проект", соопштуваат  од Управата за извршување санкции.

 Изградбата на новиот затвор во селото Кшање започна на 7 јули 2007 година, а првите лопати ги фрлија министрите за правда Михајло Маневски и за внатрешни работи Гордана Јанкуловска.

http://www.kumanovonews.com/vesti/vesti/zatvorot-vo-ksanje-ce-se-dograduva-dogodina.html

Реконструкција на дел од затворот Идризово

















https://www.akademik.mk/foto-novi-objekti-vo-kpu-idrizovo-a-naskoro-vo-protsedura-i-zakonot-za-izvrshuvane-na-sanktsiite/

ЗАТВОРОТ „ЦРН МОСТ“ ВО БИТОЛА ЦЕЛОСНО РЕНОВИРАН СО ПАРИ ОД ЕУ



Комплетно е реконструиран затворот „Црн мост“ во Битола, со што прераснува во современа казнено-поправна установа. Реконструкцијата чинеше околу еден милион евра, од кои 750. 000 евра се обезбедени од европските фондови, а остатокот се средства на државата.

Со обновата беше опфатен простор од 1.420 метри квадратни, со капацитет за 82 лица и приемна просторија за четири лица. Реновирани се затворскиот дел, притворскиот, полуотвореното и затвореното одделение, административниот дел, шеталиштето, електричните инсталации, напојувањето, осветлувањето телекомуникациската опрема, видеонадзорот, греењето и ладењето на сите простории. Ги нема веќе старите тоалети и спални, како и другите простории со изронет малтер.

„26 години сум во затворскиот систем и терминот катастрофа одговараше посебно за притворскиот дел во овој затвор, зашто беше деградирачки со нечовечки услови. Но, сега затворот има сосема поинаков лик. Со реконструкцијата на затворот во Битола се овозможи подобрување на условите за престој на притворените и осудените лица во оваа установа со имплементирање на сите меѓународни стандарди за работата на затворската управа”, рече Јовица Стојановиќ, директор на Управата за извршување санкции.

По реновирањето, затворениците кои во изминатиот период беа пренесени во други затвори ќе се вратат назад.

Шефот на одделението за економски работи при делегацијата на Европската унија Фрек Јанмат рече дека во земјава се’ уште има казнено-поправни установи кои не ги задоволуваат потребните стандарди, а има и недоволно обучен кадар, но се работи на промена на тие полиња.

„Штом земјата ги започне преговорите со Европската унија, што ќе биде многу скоро, и овие услови ќе се подобрат. ЕУ веќе долго време инвестира во затворскиот систем на вашата држава и се надеваме на засилени активности со почнувањето на преговорите. Се’ уште треба да донесеме многу нови промени за подобрување на условите на затворениците и за луѓето кои работат во затворите“, рече Јанмат.

Освен во Битола, се работи и на подобрување на условите во воспитно- поправниот дом во Волковија, Тетово, а ќе се отвори и полуотворено одделение во Идризово. Планирано е зголемување на капацитетите на новото притворско одделение во Идризово, а за оваа намена од ЕУ фондовите ќе бидат обезбедени три милиони евра.

https://sdk.mk/index.php/dopisna-mrezha/zatvorot-tsrn-most-vo-bitola-tselosno-renoviran-so-pari-od-eu/

Мала фотогалерија има и тука



https://tera.mk/fotogalerija-zavrshi-rekonstrukczijata-na-zatvorot-vo-bitola/#prettyPhoto

https://sdk.mk/index.php/dopisna-mrezha/vo-ohrid-beshe-mogu-losho-ovde-e-kako-vo-hotel-velat-shtitenitsite-na-noviot-vospitno-popraven-dom-vo-volkovija/