Ски центар Кожуф

Седум скијачки патеки, два нови ски лифта со шестоседна жичара, и за прв пат на Балканот  систем за производство на технолошки снег со кој ќе биде покриена една скијачка патека долга два километри и широка 50 метри. Ова се новините кои ги најавува Ски центарот Кожуф за стартот на скијачката сезона која се планира да започне од 20 идниот месец. Моментно комплексот располага со 140 легла, а во завршна фаза е и првиот хотел кој ќе ги прими првите гости.

“Оваа година ќе се користи само техничкиот пат, а се надеваме дека веќе наредната година ќе профункционира и регионалниот пат, за кој веќе заврши тендерот,“ изјави извршниот директор на ски центарот Кожуф,Ангел Наков.

Овој капацитет комплетно може да опслужи 2.500 скијачи, а наскоро треба да почне изградбата на паркинг просторот за околу 1.000 возила, како и редовни автобуски линии од Скопје и Солун со центарот.

За менаџерскиот тим многу битно е да се поврзат со главните дестинации, Кавадарци, Демир Капија и Гевгелија за да се отвори центарот кон светот.

Наков за наредната година најави нови 24 милини евра инвестицја, дел од помалите инвеститори  кои градат апартмани и хотели а останатото е нивна сопствена инвестиција.

Во план е да бидат изградени уште две нови жичници, 13 ккилометри скијачки патеки и паркинг простор. Дознаваме дека многу познати имиња во македонската јавност градат на Кожуф, но од ски центарот не сакаа да споменуваат имиња. Офис менаџерот Витомир Илин истакна дека сега се градат пет сместувачки објекти за изградба се навјавени уште 80, кои за наредната сезона ќе овозможат близу 1.200 легла.