Метробус Скопје (Bus rapid transit / BRT)

Откако Владата даде поддршка за воведување на „Бас рапид транзит“ (БРТ), што во превод значи брз автобуски превоз, на територијата на Град Скопје, кој претставува воспоставување на коридори резервирани исклучиво за капацитетни автобуси на електричен или хибриден погон (плин и електромотори), градоначалникот Петре Шилегов најави дека ако работите се одвиваат според планираното, веќе во 2020 година, во Скопје ќе можеме да ги видиме првите возила, како и целиот систем.

https://www.slobodenpecat.mk/avtobuskoto-metro-vo-skopje-ke-se-vovede-vo-2020-godina-eve-po-koi-linii-ke-se-dvizhi/

Добро во декември 2019 не знаевме за корона, веројатно пандемијата го одложи малку. И онака на секој рок даден од политичар кај нас треба да се додадат 1-2 години за да се добие реалниот рок, сега со короната 1-2 години одложување е премија!

Originally posted by гитардемон Добро во декември 2019 не знаевме за корона, веројатно пандемијата го одложи малку. И онака на секој рок даден од политичар кај нас треба да се додадат 1-2 години за да се добие реалниот рок, сега со короната 1-2 години одложување е премија!

Еве за тунелот под Водно немаше корона,кај е тунелот ?
Новиот луна парк ? Рекорд пешачка зона ? Модерни фасади ? Облакодери ? Нова Универзална ?? .....

Како бе секогаш на крај на мандат им текуваат 400 проекти а прв ден после доаѓање на власт живи ги нема.

Originally posted by user8642 Ништо нема од БРТ, ЛРТ, квази-трамвај, метробус и слични будалаштини. Од време на време ќе се појави понекоја амбиција на актуелниот градоначалник и тоа све завршува во некој бунар со физбилити студии, планови, нацрти, процедури, бакрачи. И тоа е така децении, незнам зашто сега би требало да поверуваме дека овој пат "до толку е сигурна работата", само што не се остварила. Како уопште сеуште се третира оваа тема по медиуми на ваков начин кога нема никако да се опипа реален напредок.

Има реална основа да се надеваме дека БРТ ќе се реализира. ЕБОР има одобрено заем од 70 милиони евра за проектов (за инфраструктура и возила за двете линии). Владата исто така го има усвоено предлог законот за задолжувањето, па останува уште собранието да го одобри (не сум информиран, можеби веќе е помината и таа процедура), за да може и формално да се потпише договор со ЕБОР.

Друга работа е што, за разлика од други глупости што сме се изнаслушале на тема трам, ЛРТ и слично, овој пат откако почнаа подготвителните формалности, нема веќе лутање, бизарни идеи и менување на концептот секој ден, туку параметрите на проектот од тој момент останаа прилично конзистентни. Скромни, но конзистентни. Мислам дека и тоа дава одредена доза оптимизам.


Гаранција дека ќе се реализира секако нема. Има простор и за песимизам, особено затоа што тек се привршува со идејниот проект. А исто така за разлика од изјавите на политичарите, според документите што можат да се најдат на нет, системот во 2021 дефинитивно нема да биде оперативен, а веројатно нема ни да имаат почнато изведбени работи, туку сеуште ќе се работи на проектната документација. Линијата 1 би требало да бите оперативна тек од Q4 2022, а линијата 2 би требало да биде оперативна од Q4 2025.





Од друга страна овие подолги рокови делуваат посериозно од аспект на тоа дека за линијата 1, како алтернатива на сообраќајот во правец исток-запад би било идеално прво да се заврши булеварот АСНОМ низ Ќерамидница. За линијата 2 како алтернатива на сообраќајот во правец север-југ би било идеално прво да се заврши тунелот под Кале, како и планираната врска помеѓу Аеродром и Кисела вода со продолжување на улицата Народни Херои преку железничкото депо. До Q4/2022 и Q4/2025 има доволно време да се направат тие работи, дури и со нашево влечкање.


Edited by Cloverstack - 27-Dec-2020 at 20:51

Не ми е јасна баш поентава со БРТ-то,колку што разбирам ќе биде сочинето од 60-тина автобуси на метан или на што и да е и истите ќе возат по крајната лева лента на булеварите а постојките ќе бидат на место на средишното зеленило за сметка на тоа постојните линии на ЈСП ќе се укинат и десната лента ќе биде слободна за сите возила. Не ми е јасно во врска со ефикасноста во движењето поточно брзината на овој тип превоз,ако мора да застанува на семафори,да стои во истите колони и гужви под Транспортен и на други места...некако преоптимистично ми делува дека за 30 мин ќе оди на релација Аеродром-Ѓорче(така беше спомнато). Со БРТ фактички ќе се намали бројот на автобуси(Лаз и Итонг) или истите ќе се преусмерат на релација север југ додека и таму не се изгради БРТ. Во секој случај мислам дека ќе се реализира само не очекувам ништо поконкретно пред 2022,сигурно ќе има големи претумбации во возните редови и линии но веројатно тоа успат ќе го решаваат.

Originally posted by stef4o Не ми е јасна баш поентава со БРТ-то,колку што разбирам ќе биде сочинето од 60-тина автобуси на метан или на што и да е и истите ќе возат по крајната лева лента на булеварите а постојките ќе бидат на место на средишното зеленило за сметка на тоа постојните линии на ЈСП ќе се укинат и десната лента ќе биде слободна за сите возила. Не ми е јасно во врска со ефикасноста во движењето поточно брзината на овој тип превоз,ако мора да застанува на семафори,да стои во истите колони и гужви под Транспортен и на други места...

Големи придобивки во однос на брзината на движење ќе бидат обезбедени од вакви фактори:

1. Непречено движење без разлика на гужвата, по ленти резервирани само за БРТ (физички одвоен коридор долж централната оска на булеварите)

2. Семафорите на крстосниците кадешто ќе поминува ќе бидат синхронизирани за да даваат приоритет на БРТ возилата.

3. Возила со голем капацитет и голем број врати, што ќе овозможи брз проток на луѓе и кратко стоење на станиците.

4. Централна контрола и синхронизација на возилата, со што би се осигурало дека во даден момент ќе има само едно возило на некоја станица.

5. Перформансите на возилата во однос на забрзувањето/забавувањето се многу важни за заштеда на време со оглед дека има постојано тргнување/застанување на станици. Хибриден погон (каков што е најавен) начелно овозможува добри перформанси на ова поле.

Originally posted by Staro Skopje Не знаеме и како ќе ги решат трасите каде мора да сообраќаат и БРТ и автобуси (пр. 57 на Рекорд), дали ќе возат по улица или по лентата за БРТ. Всушност 57 не е најдобар пример зашто Рекорд ќе стане пешачка зона, па ако има 57 таа ќе мора да вози по лентата за БРТ, а ако нема 57, лошо решение би било да мора да се менуваат 2 или 3 автобуса/БРТиња за траси кои сега се минуваат со еден автобус.

Со промената на линиите сигурно нема на рекорд да застануваат овие линии ако сакаме некаква ефикасност. Двете линии на БРТ-то ќе се вкрстуваат кај олимписки базен, така што сигурно ќе има таму некаде некој поголем јазол за прекачување.

Проблемот со постојки во средишното зеленило ќе бидат премините за пешаци. За да се стигне од и до постојката (поточно кажано станицата) ќе требаат безбедни пешачки премини, и сигурно ќе има многу пешаци на нив - тоа значи дека ќе треба да бидат на местото на моменталните премини за да нема премногу застанувања за возилата. На пример пред универзална, пред city mall и слично, а на некои места постојките ќе бидат веднаш пред/после големите крстосници (како кај симпо), а премините ќе бидат на самите крстосници.

Originally posted by Staro Skopje Не е само Рекорд, и хипотетична линија долж внатрешниот прстен би се сретнала со БРТ на бул. БиХ, или пак линија од државна болница до Шутка (преку тунелите кај Кале) на бул. Св. Климент. Не знам како би се решиле вакви ситуации, како и линиите кои во голем дел ќе бидат преземени од БРТ, па наместо еден автобус од почеток до крај, сега патувањето би можело да биде фрагментирано. Ќе мора добро да се обмисли собирната автобуска мрежа за да функционира системов (огромен плус би бил јавен велосипедски превоз, или празен простор на крајот на БРТ возилата за неколку велосипеди), иначе ќе имаме супер поврзаност долж двеве БРТ линии, но лоша врска помеѓу останатите делови од градот. Како би стигнувал од последна 24 до градски парк, со автобус п24-општински бараки КВ, па БРТ линија 2 до југо дрво, па БРТ линија 1 до Соборна, па автобус до парк (ова може и пешки или со велосипед)? Или поедноставно, автобус п24-зелено пазарче, па БРТ 1 до Соборна? А од Горно Лисиче до Волково, со автобус до НБРМ, па БРТ до Ѓорче, па автобус до Волково (што се 2 преседнувања, наместо 1 сега)? Супер е идејава за БРТ, само се надевам дека од почеток до крај ќе биде добро решена. Преседнувањата би биле мал проблем ако стварно оперативната брзина на БРТ биде дупло од автобуската.

Oд Горно Лисиче до Волково ќе се стигнува преку приградската железница на Шилегов.

негова имплементација и очекувам до крајот на 2023 да биде во употреба.

WTF???

Прво беше 2020, па 2021 а во меѓувреме во официјални документи фигурираше 2022, а сега стана 2023...

БТР системот каков што се најавува е прилично базичен и нема никакво оправдување за вакво постојано и крупно развлекување! Ова со 2023 се сведува на една од триве опции:

а) лапсус на Шилегов
б) новинарска или печатна грешка
в) user8642 сепак е во право


Edited by Cloverstack - 30-Dec-2020 at 18:25

Упс, линија 2 беше на Цветан Димов. Линија 1 е целосно пробиена, ниту има за ширење, ниту за рушење (не знам што планираат со мост ОН), само пристап до депоата треба да се направи.