Маџир Маало

Отсечениот дел од маалото кој сега е во О.Аеродром(од фб)

од фб





...

на ул.Преспанска



...

УО1/МАЏИР МААЛО
Урбанистички проект на дел од планскиот опфат со решение на партерот и со идејни архитектонски проекти на објектите







https://www.facebook.com/profile.php?id=100011046849361

Да,но искрено не верувам дека нешто вакво ќе се реализира и прифати,по последните измени имаше само некои минимални измени некои парцели станаа со намена за хотел Б5 и требаше да се вцрта градинка.Но сепак мислам дека ќе се продолжи со досегашниот концепт на мали зградички односно секоја куќа или две ќе се претворат во зградички.

Маџирмалци не сакаат 50-тина хотели во населбата: Кој сака нека ги гради во Дебар Маало, Капиштец или на Водно!



Жителите на Маџир Маало не отстапуваат од намерата да се изборат на просторот на ова стара скопска населба да не се градат хотели и деловни објекти, како што предвидува и новиот ДУП, којшто е подготвен, но сѐ уште не е донесен од Советот на Општина Центар.

Тие велат дека уште во 2019 година поднеле петиција со 388 потписи барајќи од планот да се исфрлат комерцијалните објекти. Маџирмаалци сметаат дека доколку ваков план се усвои, тогаш дел од нив треба да си ги соберат „парталите“, и да остават во централното градско јадро да се градат хотели.

Поднесовме петиција со 388 потписи против изградба на комерцијални објекти. Нема да прифатиме комерцијални објекти, не може да се гради еден објект за домување, еден комерцијален. Џабе се прават вакви планови кога не ги сакаме. Нам не ни требаат комерцијални објекти. Кој сака нека ги прави во Дебар Маало, Капиштец или на Водно, ние не даваме – вели жител на населбата.

Дел од жителите присуствува на последната седница на Советот на Општина Центар, каде една од точките на дневен ред беше и ДУП Градска четврт И 05, Маџир Маало 2. Тие повторно укажаа на катастрофалната состојба во која се наоѓа Маџир Маало, каде дел од куќите буквално се распаѓаат, нема канализација, не се гради,но и дека очекувале подобар план од претходниот, а повторно им се нуди ист, со деловни објекти, односно со хотели и угостителски објекти поради близината на железничката станица.

Најновиот ДУП за Маџир Маало се подготвуваше од 2019 година, помина низ сите институционални чекори, доби позитивен одговор од сите надлежни институции, за него се одржаа две јавни анкети, на кои граѓаните поднесоа мноштво анкетни листови со забелешки.

Според планерите, новиот ДУП е многу подобар од претходниот, во него е сочувано државното земјиште, предвидени се повеќе мали парцели со зеленило, но и детска градинка за 60-тина деца. Сочувани се постоечките улици, а некои се проширени и предвидени се и велосипедски патеки. Сепак она што ги вознемирува жителите е тоа што и во овој план, речиси половината од предвидените 100 објекти се со намена за деловни објекти.

Од друга страна пак, очигледно никому не му пречи, што во оваа населба, каде сега нема згради туку ниски, главно стари куќи од пред земјотресот, се предвидени 50 – тина згради за домување со приземје, пет ката и поткровје и деловни објекти со слична катност, што би значело дека доколку стапи на сила планот и почне да се гради по него, Маџир Маало ќе се претвори во уште една бетонска населба во какви што се претворија повеќето стари скопски населби. Особено што во предложениот ДУП објектите се блоковски организирани.

Планерите, но и градоначалникот Горан Герасимовски објаснија дека намените во планот се утврдени во постоечкиот ГУП и поради тоа не можат да се направат поголеми отстапувања.

Градоначалникот рече дека сите петиции од граѓаните се доставени до Град Скопје, за да ги имаат во предвид при изготвувањето на новиот ГУП кое е во тек. И тој се согласува дека толкава количина на објекти со Б намена не е соодветна за таков простор.

ДУП Градска четврт И 05 повторно ќе се разгледува на наредната седница на Советот. Во меѓувреме, него треба да го разгледа стручната фела, и да ги разгледа можностите. Но, долку нема промена во намената во новиот ГУП и да се подготви сосема нов Детален урбанистички план, нема отстапување, повторно ќе има деловни објекти.

https://www.slobodenpecat.mk/madzharmalci-ne-sakaat-50-tina-hoteli-vo-naselbata-koj-saka-neka-gi-gradi-vo-debar-maalo-kapishtec-ili-na-vodno/

Маџир Маалци потпишуваат петиција против усвојување на 48 маркици за хотели и се бара истите да се заменат со станбени



https://www.facebook.com/profile.php?id=100063517508827

Ние најдобро да укенеме урбаниситчко планирање и да прогласиме официјално "дива лига", кој што сака сам да си "планира". Така најдобро да си се вратиме во 17ти век кога владеело слобода и организираност на трандиционалната архитектура.

Точно така,оти 48 хотели....бла бла ко можит 5-6 ВИСОКИ хотели плус некој деловен/комерцијален објект. Сегде покрај метроа,железнички имат облакодери,ете само нека одберат да градат во висина место во ширина и решен е проблемо.

Безидејното Маџир Маало во Скопје



Во центарот на Скопје, веднаш до Транспортниот Центар е позиционирано Маџир Маало. Значајно за домашниот урбанизам ова е првиот простор кој на крајот од XIX век се планира со ортогонална улична мрежа. Сами по себе, овие улици претставуваат урбанистички маркер, кој има споменична вредност.

Долгото размислување што со овој простор, резултира со најлошиот концепт што можеше да се замисли, а тоа е да се препушти на урбанистички план без идеја, план кој не размислува подалеку од делење на инвеститори да го реализираат сопствениот бизнис апетит, од кој градот не добива апсолутно ништо.



Ваков репрезентативен простор од аспект на неговата локација, да беше во моментот во Тирана, Белград или било кој друг град, ќе беше во најмала рака предмет на некое современо архитектонско остварување, тоа е земјиште со вистински потенцијал, финансиски вредно и исплатливо и како местоположба незаменливо.

Тука во планот на Танге беше позиционирана Градската Порта, Георги Константиновски ги замисли своите пирамиди како комплекс на домување, додека современиот македонски урбанизам го остави просторот за безидејно делување и создавање на блокови со неразумна височина поради тесната улична мрежа.





Општините никако да станат менаџери на просторот кој има едноставен патоказ – организирање на конкурс за визии, разработка на идејни решенија, бирање на најдоброто, преточување во урбанистички план, обединување на просторот во една парцела на косопственици ( процентуално според површината која ја поседува секој поединец) и заеднички настап пред заинтересиран инвеститор да го реализира одбраното решение.

Формула која одамна ја нудиме како решение со кое сите на крајот ќе излеземе како победници. Но немањето желба и визија, не направи бездушни и подпросечни. Скопје заостанува во поглед на главните градови во регионот, небаре тука нема архитекти, визионери, луѓе со идеја и потенцијал.

Како оди реализацијата на тековниот план погледнете од денешната фотогалерија >>>



















https://marh.mk/bezidejnoto-madjir-maalo-vo-skopje/