Булевар АСНОМ / АВНОЈ (+изградба на нов мост)

Originally posted by Citizen Originally posted by fichot Ваљда за старите скопјани меѓу нас. Мислам овој дел се викаше АВНОЈ а тој накај НЛ - АСНОМ. За старите Скопјани ова било мочуриште :-)

за уште постарите Скопјани, овде биле диносауруси

Мислам дека последниве слики не го отсликуваат баш статусот на напредокот. Првиот од четирите сегменти (оној првиот најблиску до СЦ Јане Сандански) е веќе шалован во понапредна фаза. Зборувам за премостувањето меѓу кејот кај паркот на езерата и првиот носечки столб. Имав прилика пред некој ден да го видам мостот од другата страна, ама неможев да сликам.

Не би било лошо ако некој би направил една тура со фото за важните зафати пример мостот овде, Пластичарска, булеварот кај Лимак, мостот кај мал ринг итн...

Нема таков новинар у Македонија! Незнаат да го кажат зборот "експропријација", не па да прашаат или да истражат. Го имаат Шилегов у емисија и го прашуваат за "внатрепартиската демократија", или закон некој како прошол, или нешто сосема маргинално. Поразителна ситуација!

Шилегов во последното гостување во Само Вистина спомна негде околу 40-та минута во емисијата дека напролет почнуваат со пробивање на овој дел што би значело некоја потврда на чаршиските муабети дека експропријацијата е при крај или целосно готова.Тоа би било супер ако се оствари за целиот проект да биде 100% функционален.

Изградбата на мостот „Михајло Апостолски“ ќе заврши летово

Градежните работи за изградба на мостот на Вардар „Михајло Апостолски“, лоциран на булеварот АСНОМ, кој ќе ги поврзува Општините Гази Баба и Аеродром, се очекува да завршат летово.

Од Град Скопје велат дека, во моментот екипи на терен интензивно работат околу изградбата на овој како што велат мега проект, кој преку изградбата на новиот булевар АСНОМ значително ќе им го олесни животот на граѓаните, бидејќи транзитирањето од општините Аеродром, Гази Баба но и Општина Центар ќе биде многу полесно и побрзо, а притоа ќе се намали и гужвата на мостот Близнаци, кој во моментов е единствената сообраќајница што ги поврзува општината со најголем број жители со општината што се простира на најголема територија во Скопскиот регион.

-Минатата година заврши целосната реконструкција и проширување на булеварот АСНОМ на потегот од крстосницата со улицата Васко Карангелевски до крстосницата со булевар Србија кај мостот „Близнак“. Проширениот булевар во Аеродром има по три сообраќајни ленти во двете насоки, пешачки и велосипедски патеки од двете страни и средишно зеленило. Во тек е и изградба на втората фаза од проектот, а тоа е изградбата на новиот мост на Вардар, и тој е во поодмината фаза и очекуваме градежните работи за завршат летово. Потоа ќе преостане последната, трета фаза, која е од новиот мост, преку Ќерамидница, ќе се поврзе со булеварот Гоце Делчев, кај поранешниот Скопски саем – ја објаснуваат работата на терен од Град Скопје.

Откако новиот мост на Вардар ќе биде готов, а изградбата на булеварот АСНОМ комплетно финализирана, градските и општинските власти најавуваат дека комплетно изградениот мост ќе има шест коловозни ленти и нови автобуски линии. Дополнително, за пешаците се предвидени и нови пешачки како и велосипедски патеки.

И градоначалникот на Општина Гази Баба, Борис Георгиевски, вели дека изградбата на мостот и комплетната реализација на вака замисленото булеварски решение е од исклучителна важност за сите жители што живеат во овој дел на Скопје.

– Ова е уште еден капитален проект што Општина Гази Баба го добива. Нешто што со години наназад било само ветувано, сега станува реалност. Новиот булевар АСНОМ, кој ќе ги поврзува општините Гази Баба, Аеродром и Центар, за нас има големо значење, бидејќи граѓаните од Гази Баба за помалку од 5 минути ќе имаат брза сообраќајна врска со овие општини, како и пешачка и велосипедска патека. Овој нов булевар ќе придонесе да се намали сообраќајниот метеж на булеварот Киро Глигоров и на раскрсницата кај „Континентал“. Што се однесува до булеварот АСНОМ, веќе првата фаза е завршена во делот од страната на Општина Аеродром. Таму булеварот е пробиен и веќе е во употреба од хотелот „Хилтон“ до хотелот „ Русија“. Одлично напредува изградбата на мостот преку реката Вардар, кој треба да ги поврзе Аеродром и Гази Баба, а паралелно градот ја води постапката за експропријација на земјиштето во населбата Ќерамидница за куќите каде што ќе поминува овој булевар. Очекувам оваа година да започне и пробивањето на булеварот и од наша страна, кој треба да заврши на раскрсницата со булеварот Гоце Делчев кај новиот трговски објект „Скопје ист гејт“ – вели во изјава за „Слободен печат“ градоначалникот Георгиевски.

https://www.slobodenpecat.mk/izgradbata-na-mostot-mihajlo-apostolski-ke-zavrshi-letovo/

Сликано денес, 3/31/2021, лично не ми личи дека мостот е во завршна ваза:

Originally posted by skopskodete А од кај тоа дека е во завршна фаза?

Од постот над мојот:

Мостот кај хотел Русија што треба да ги поврзе Аеродром и населбата Керамидница е во завршна фаза.

Хахахаха, па кај се залетуваат да даваат такви изјави не ми е јасно...

„Привршува изградбата“