Хотели, преноќишта и одморалишта (општо)

НА МЕСТОТО НА РЕСТОРАНОТ „ПАРК“ ВО ОХРИД ЌЕ СЕ ГРАДИ НОВ ХОТЕЛ, ГРАДОНАЧАЛНИКОТ ГЕОРГИЕСКИ ВЕЛИ ОДОБРЕНИЕ Е ИЗДАДЕНО ВО 2018



На 4.525 метри квадратни на просторот кај ресторанот и дискотеката „Парк“ во Охрид ќе се гради нов хотел. Според одобрението за градба од 2018, инвеститорот, градежната фирма „Ремис“, ќе гради хотелски комплекс од приземје три ката и поткровје. Викендот, граѓанската иницијатива Охрид СОС реагираше дека на ова место ќе се урива постоечкиот овој специфичен објект што е дело на реномиранот охридски архитект Павел Балабанов, кој за него го доби специјалното признание на Биеналето на македонската архитектура во 1989.

„Запрашан за најомилено свое архитектонско чедо, Балабанов го издвојува ресторанот ‘Парк’, од причина што креативниот процес бил највозбудлив. Дали навистина ќе се урива репрезентативен објект, дел од охридското архитектонско наследство на 20 век чиј габарит и висина беа вклопени во опкружувањето?“, реагираше Охрид СОС.

„На овој потег донесена е урбанистичко-планска документација во 2009 година и отпочната е постапка за добивање одобрение за градба согласно Генералниот урбанистички план за крајбрежје кој што бил важечки тогаш. Издадено е одобрение за градба на хотелски комплекс, приземје, три ката и поткровје во јуни 2018 година, при што се запазени сите тогашни важечки законски процедури и постапки. Одобрението е правосилно и согласно тоа одобрение, таму може да се гради“, вели градоначалникот на Охрид Константин Георгиески.

Хотелскиот капацитет ќе биде на 40 отсто искористеност на парцелата од целокупната градежна парцела од 9.748 метри квадратни. Според Планот за управување, потегот се наоѓа во трета Д-зона, таму каде нема урбанистички план каде е дозволена градба на 40 отсто и приземје и три ката. Иако одалеченоста на површината е 50 метри од Охридското Езеро тоа е во согласност со одобрената урбанистичко-планска документација донесена во 2009 и Законот за заштита на светско природно и културно наследство на Охридскиот Регион од 2010, кој предвидува да се побара мислење од Комисијата за управување со светско природно и културно наследство формирана во 2018.

Георгиевски вели дека Општината нема правен основ да интервенира во одобрение и проект кој што биле во постапка пред носење на Планот за управување со Охридскиот Регион.

„Планот за управување е донесен во февруари 2020 и не може ние да постапуваме спротивно на правосилни одобренија кои се издадени согласно позитивните тогашни законски прописи. Планот за управување требало да биде донесен во 2010, кога се донесе Законот за заштита на Охридскиот Регион. Урбанистичката документација е донесена и пред носењето на Законот за заштита на Охридскиот Регион, во 2009“, вели Георгиески.

Градоначалник потенцира дека сите нови урбанистички планови се усогласуваат со Планот за управување, но треба да се забрза процесот на усогласување на Деталните урбанистички планови. Најави во април носење и на Генералниот урбанистички план за Охрид.

„На следниот Совет на Општина Охрид ќе се донесе првиот урбанистички план кој е комплетно усогласен со Планот за управување со Охридскиот Регион, тоа е 8-3 Бејбунар, план кој беше поништен 2013 година. Сега е изработен, усогласен согласно препораките, добивме позитивно мислење од Комисијата за спроведување на Планот за управување на УНЕСКО, доби позитивно мислење од Министерството за транспорт и врски и сега е на Советот на Општината. Тие постапки треба да ги направиме за сите урбанистички планови и работиме забрзано. Сега во моментов, го усогласуваме Генералниот урбанистички план за град Охрид кој е во постапка од 2013 година. Проблем беше што Министертвото за образование не даваше позитивно мислење но тоа се реши и ни даде позитивно мислење затоа што Угостителското училиште остана на локација каде што е. Сега се надевам во април ќе го донесеме и Генералниот урбанистички план, по што ќе можеме да носиме повеќе детални урбанистички планови“, вели Георгиески.

https://sdk.mk/index.php/dopisna-mrezha/na-mestoto-na-restoranot-park-vo-ohrid-ke-se-gradi-nov-hotel-gradonachalnikot-georgieski-veli-odobrenie-e-izdadeno-vo-2018/

Близу Палата Зум изградено пред 5-6 години,веројатно во близина треба уште неколку објекти да никнат но чинам тоа е запрено поради мораториум во овој дел





https://propertyone.mk

Доградба на Хотел Елса во Центар





https://twitter.com

Како е доградено над поткровје? Ова личи како да е во Нигерија или Гамбија.

Whaaaattttttt🤮🤮🤮🤮

ОБЈЕКТОТ НА ПОРАНЕШНИОТ ХОТЕЛ „ВИЛА ЗОРА“ НА ПРОДАЖБА

На последната седница на Советот на Општина Велес, со мнозинство гласови на советниците се донесе одлука за продажба на имот во сопственост на општината. Станува збор за објектот во кој функционираше поранешниот хотел Вила Зора. Во моментов тече јавната објава за продажба на објектот, објавена на веб страницата на Општина Велес. Почетната цена е 70.575.933,00 денари, а на продажба се нудат 2.738 квадратни метри.

Објектот се наоѓа на атрактивна локација на самиот влез во Велес, покрај Реката Вардар. Соодветен е за стамбен и деловен простор, за регионален дом за стари лица, едукативни, информатички или сервисни услуги и воопшто за секоја намена базирана на идеи кои водат кон иднината.

„Не беше воопшто лесно да се одлучиме за продажба на овој капитален објект, но Општина Велес не е во состојба да се грижи за него ниту да го стави во функција. Во релативно добра состојба е само делот отстапен на Технолошко-техничкиот факултет, но останатите простории се во несоодветна состојба. Честопати во изминатиот период објектот беше мета на крадци кои изнесоа голем дел од инвентарот на собите кои се доста оштетени поради прокиснувањето на покривот“, информираше градоначалникот Коцевски на денешната прес конференција.

Коцевски се надева дека ќе се најде купувач кој ќе има креативна и иновативна идеја за објектот, кој ќе го претвори во вистински бизнис или едукативен центар или можеби регионален дом за стари лица од кој бенефит ќе имаат и сопственикот и жителите на Велес.

Продажбата на објектот ќе се врши по пат на електронско наддавање на 29 март и на неа можат да учествуваат сите домашни и странски физички и правни лица.

За сите детални информации околу продажбата заинтересираните граѓани можат да се информираат од јавната објава што е објавена на официјалната веб страница на Општина Велес.

https://veles.gov.mk/објектот-на-поранешниот-хотел-вила-з/

Како мароканско-андалузиски хотел никна на Калето – истражувањето на БИРН ги подразбуди надлежните

Славица Филиповска | 30 март, 2021



Првите луѓе на Град Скопје и на Општина Центар, Петре Шилегов и Саша Богдановиќ „ја чешлаат“ документацијата за легализацијата на малите објекти од кои изникнала „Ми каса“. Управата за заштита на културното наследство притиска елаборатот за ревалоризација да се изготви што поскоро, а Министерството за економија ја запре постапката за категоризација на „хотелот“. Реакциите на институциите следуваат откако колегите од БИРН на порталот „Призма“ објавија за огромната градба на сто метри од влезот во скопското Кале.

Терасата на новоотворениот објект „Ми каса“ на скопско Кале секојдневно прима посетители. Работи како кафе-бар. Гостите, најверојатно, и не знаат дека се релаксираат во објект кој, ако институциите си ја вршеле работата, не би постоел. Тоа го откри истражувачкиот новинар на БИРН, Гоце Трпковски, во текстовите објавени на порталот „Призма“.

„Тоа што му се случува на Калето во моментов е општа заборавеност од институциите што се надлежни за неговата заштита. Тоа овозможува да се вршат работи кои можеби не се целосно легални, но, не се и целосно нелегални и во таа сива зона, снаодливи луѓе, на коишто им било дозволено да бидат снаодливи во еден чувствителен простор, нормално, може да го искористат тоа во своја корист. Има еден бизнисмен којшто купил шест станбени единици и ги споил во еден хотел за кој тој ни рече дека е со 15 соби“, вели новинарот Трпковски.

Сивата зона за која зборува Трпковски е последица на отсуството на т.н. елаборат за ревалоризација на Калето. Со закон донесен уште пред 17 години е предвидено такви елаборати да се направат за секој заштитен објект за да се утврди неговата вредност, но и за да се одредат правилата на игра – што смее, а што не смее да се прави во подрачјето под заштита.

Тоа што нема елаборат за Калето го искористил бизнисменот Фикри Демировски за преку фирма во сопственост на неговата сопруга да купи неколку претходно легализирани стари градби и на нивно место да подигне нова, во мароканско-андалузиски стил.

„Елаборат е многу технички документ, не е тоа само еден потпис и треба работа за да се направи и треба во меѓувреме да се стави некаков, дал да го наречам мораториум, во кој нема да има развој во местата кои можеби ќе бидат опфатени со елаборатот“, додава Трпковски.

Изготвувањето на елаборатот е обврска на Конзерваторскиот центар Скопје. Оттаму велат дека се при крај со документот, иако се жалат на финансиски и кадровски дефицит. Но, отсуството на елаборатот не ги спречува другите институции да постапуваат ако се градело незаконски, вели Коле Чапкановски од Конзерваторскиот центар, кој од оправдани причини не можеше да зборува пред камера. Откако Конзерваторскиот центар ќе го „проектира“ Калето, Управата за културно наследство треба да го одобри елаборатот и да почне да управува со тврдината по нови правила.

Директорот на Управата, Ацо Костов, вели дека просторот е без видео надзор, но е надгледуван од чуварска служба. Сепак, никој не пријавил оти нешто се гради.

„Па кога ќе ме прашаат така кој ќе понесе одговорност,сите сме одговорни. Меѓутоа, конкретно не можам да ви кажам, затоа што наша инспекциска служба работи на повик на Конзерваторски центар Скопје или ако таа примети или дојави некој, излегува на терен и реагира. Меѓутоа, нашата исто неопременост и во пандемијата, во вакви услови на цела Македонија, не може да постигне секаде. Не сме добиле информација за објектот конкретно што го кажувате, за упадот во целиот тој простор, естетски, што е направен и, право да ви кажам, и јас не сум го видел, а сум поминувал, ама не натаму нагоре кон објектот“, вели за „360 степени“, директорот Костов.

Тој, иако нема прецизен датум, уверува дека елаборатот за Калето наскоро ќе биде готов.

„Настојчиви сме, се слушаме на телефон, правиме некакви напори, ургенции, и со директорот и со колегите што работат на тоа и се надевам дека во многу скоро време ќе биде елаборатот и ќе се отпочне постапката понатаму.“



Градоначалникот Петре Шилегов има идејни решенија, но и тој го чека елаборатот.

„По основ на тие идејни решенија, веќе може да се наѕираат контурите на тоа како би требало да изгледа Калето, и потоа, многу последователно и логично на тоа го нарачавме елабратот за културно наследство, што треба да претставува основа за тоа што од овие идејни решенија коишто Градот ги има и наградено, може да се реализира, затоа што навистина мислам дека тврдината треба да биде свратилиште на скопјани, спектакуларна панорама на нашиот град има од тој рид, меѓутоа во моментов вода нема кај да купи.“

Шилегов тврди дека нема простор за компромис со оние што легализирале, изградиле или планираат да градат на Калето. Но, факт е дека институциите, барем делумно, се будат по алармот што го вклучи новинарското истражување.

„Какви и да се актите што биле донесени во таа фаза, ниту еден не дозволувал изградба на таков објект. Со градоначалникот на општина Центар сме во постојана една комуникација на таа проблематика и мислам дека веќе во текот на наредната недела ќе имаме определени дејствија што ќе ги преземе општина Центар како надлежна општина.

360°: Дали санирање може да значи и рушење?

Да не прејудицирам јас какви ќе бидат актите, бидејќи, сепак, сопственикот вади некаков имотен лист“, вели Шилегов.

Објектот е запишан во катастарот како недвижност во приватна сопственост изградена на државно земјиште. Поточно, на парцелата се впишани десет станбени единици со површина од четири до 80 квадрати, или вкупно 270 квадратни метри, колку што е и основата на новата градба. Демировски ги купувал посебните единици во 2017 и 2018 година, а му се запишани на единствен имотен лист во 2019.

Компанијата „Ми Каса Ориент“, која ги поседува, е регистрирана под шифра „за хотели и слични објекти за сместување“. Демировски за БИРН изјавил дека „Ми Каса“ го водат како приватен објект со соби за издавање. Во Пазарниот инспекторат пријавиле дека ги исполнуваат условите за вршење угостителска дејност и навеле дека би сакале да работат како хотел. За тоа побарале од Министерството за економија да им направи и соодветна категоризација.

Градоначалникот на Општина Центар, Саша Богдановиќ, ги проверува документите за легализација на објектите на чие место никнала „Ми Каса“. Со легализацијата е стекнат имотен лист и не било потребно одобрение за градба, туку била доволна пренамена на имотот.

„Законот дозволува доколку имаш стан или куќа да можеш да ја претвориш во хостел. Нема таму детален урбанистички план, но нажалост, Законот за легализација е таков каков што е да овозможи легализирање објекти кои се изградени и во заштитени подрачја и на улица и на, не знам, булевар некој, па после ако има јавен интерес, државата треба да го откупи. Ние имавме таму една интервенција од страна на инспекциските служби, каде беше пречекорен имотниот лист и таму отстранувавме дел од објектот. Кога правевме контрола. луѓето викаа дека е хотел, но тоа што го гледаме станува збор за апартманско сместување за коешто можете и како стан да го третирате, па со дозвола од Министерството за економија да добиете да го рентате. Значи, не станува збор за апартманско сместување, не хотелско, каде што може да имате намена и А1. Така што, тој случај дополнително го испитуваме да видиме дали е прекршен некој член од Законот за легализација и дали смеело во тоа подрачје да има легализирани објекти“, тврди Богдановиќ.

Градоначалникот смета дека не е сè изгубено. Ако не е почитувана процедурата за легализација, ќе следуваат санкции но, поважно, и Деталниот урбанистички план, кој е во подготовка, ќе се води по ГУП-от, каде се предвидува зеленило за просторот.

„Може да се врати, ние со деталниот урбанистички план да потврдиме дека таму треба да има заштитно зеленило, после тоа општината со сила на закон може, не може него – го експроприира, го руши и таму се враќа зеленилото“.

Но, дури и да дојде до тоа, процесот ќе биде скап и платен повторно со јавни пари.

„Ако сето ова што го гледаме тука е целосно легално и луѓето ги имаат сите права, оваа состојба што ја имаме сега би била многу поскапа и посложена за уривање, имеме нови објекти, значи на проценка тие ќе излезат многу поскапи, отколку да се обештетеа и да се решеше станбеното прашање на луѓето што претходно живееа тука во услови кои не беа задоволителни“, вели новинарот Трпковски.

А освен што нема елаборат за ревалоризација и урбанистички план, Калето е веќе опколено со големи бетонски зданија. Пред него, никна барокната зграда на „Водовод“, а во моментот се гради и деловна шесткатница, сите предвидени со претходниот ДУП и со одобренија за градба добиени пред мораториумот.

„Ние имаме една ситуација во која зградата на Водовод и канализација е поголема туристичка атракција од средновековна тврдина, што е целосен апсурд“, додава Трпковски.

А и мораториумот на општина Центар веќе не е на сила. По стариот ДУП од 2012 година, државното земјиште под Калето е продадено на лицитација. Предвидени се деловни, комерцијални објекти и хотелски сместувања.

„Успеавме како општина да поништиме неколку такви одобренија, да покренеме неколку постапки, ама само таму каде што сме забележале строги прекршувања, таму кај што не може да забележите строги прекршувања, не смеете да покренете нешто, затоа што ќе направите штета и на самата општина“, вели Богдановиќ.

„Има работи коишто за жал, долги лузни ќе остават во нашиот град, овие две згради се една од тие подлабоки лузни. Меѓутоа, дефинитивно ќе мора да се посветиме на редизејнирање на редизајнираното Скопје“, вели Шилегов.

Политичките заложби засега се само декларативни. И додека се чека акција, стручната фела покажа што би ги снашло најпознатите културни обележја на Атина и на Париз ако ги имаа, како што велат, македонските закони и правилници, лесната рака на урбанистите и архитектонски необразованите локални власти.





https://360stepeni.mk/video-kako-marokansko-andaluziski-hotel-nikna-na-kaleto-istrazhuvaneto-na-birn-gi-podrazbudi-nadlezhnite/

Edited by Џоле - 30-Mar-2021 at 10:57

Наслов од неделникот Фокус

-----------------------------------------------------
На Езеро Треска ќе се гради хотел голем колку шест „Александар Паласи“

Огромни хотелски комплекси, дрвени бунгалови, викенд-куќи од дрво и камен, аква-парк, трговски центар, отворен пазар, ботанички градини и парковски уредени површини.

Сево ова е предвидено со Урбанистичкиот план за СРЦ „Езеро Треска“. Парцелите ќе се отуѓуваат со почетна цена од едно евро за квадратен метар и инвеститорите ќе добијат низа поволности

https://fokus.mk/fokus-express/na-ezero-treska-ke-se-gradi-hotel-golem-kolku-sesht-aleksandar-palasi

Мислам дека некој веќе имаше објавено за овој комплекс (Radika Village), најдов неколку фотки на нивната фејсбук страница:









https://www.facebook.com/radikavillage/

Edited by Џоле - 29-May-2021 at 10:23

Хотел Памела-Неготино,денешни