Истанбулски Канал (Турција)

Инаку еве една веста од денес која ме мотивираше да ја отворам дискусијава.

Турција најави план за изградба на истанбулскиот канал 28-Мар-2021 21:33 Турција најави план за изградба на истанбулскиот канал Турскиот министер за заштита на животната средина и урбан развој, Мурат Курум најави одобрување на планот за изградба на Истанбулскиот канал. Тоа е нова пловна артерија што би ги поврзала Црно и Мрaмoрно море. „ Го одобривме планот за изградба на Истанбулскиот канал откако ги испитавме сите барања и приговори. Во тој контекст, ќе преземеме брзи чекори за да осигуриме дека каналот служи во корист на нашиот град”, напиша Курум на својата страница на Твитер. Турција планираше да започне со изградба на нов канал долг 51 километар во 2018 година. Во тоа време, работата беше планирана да заврши во 2023 година, до 100-годишнината од основањето на Република Турција. Приближната цена на проектот е 10 милијарди долари, пишува „Хина“. Ердоган го најави проектот во 2011 година. Турскиот претседател постојано изјавуваше дека наскоро ќе се одржи конкурс за изградба на Истанбулскиот канал, кој ќе се одвива паралелно со Босфорот. Турската опозиција и градоначалникот на Истанбул, Екрем Имамоглу, се спротивставуваат на проектот и бараат да биде распишан референдум. Се проценува дека новиот канал би можел да помине околу 160 бродови дневно, вклучително и танкери со носивост до 300 илјади тони. Низ Босфор годишно поминуваат 53 илјади бродови. https://utrinskivesnik.mk/%d1%82%d1%83%d1%80%d1%86%d0%b8%d1%98%d0%b0-%d0%bd%d0%b0%d1%98%d0%b0%d0%b2%d0%b8-%d0%bf%d0%bb%d0%b0%d0%bd-%d0%b7%d0%b0-%d0%b8%d0%b7%d0%b3%d1%80%d0%b0%d0%b4%d0%b1%d0%b0-%d0%bd%d0%b0-%d0%b8%d1%81%d1%82/

Еве неколку видеа како би изгледал каналот. Инаку географијата, теренот, е многу поволен за изградба на ваков канал. Од двете страни има вештачки езера како лагуни ЌучукЧекмеџе и Дуруѓол кои драстично ја скратуваат потребната дистанца меѓу двете мориња. Има и трето езеро СазлиДере кое на некој начин е веќе пола канал изграден. Така да треба само осовременување и продлабочување на веќе постоечкиот канал на јужната половина и изградба на северната половина што практично е единствениот непостоечки дел од каналот, а воедно и најтежок инжењерски предизвик да се прокопа.

    

    

Една будала што ќе расипе, 100 паметни неможат да оправат. Го загрозува договорт што и даде на Турција 100-годишен мир и ја чуваше на страна од страшната втора-светска војна. Наместо да ужива во стабилноста и развојот на земјата, сега на врат си става поголеми сили од него. Утре нека не шета "скршено прсте" и да плаче "види што ми направија" кога ќе добие шамарчина.

Нов “воен удар” во Турција: 103 пензионирани адмирали тргнаа против Ердоган. Дали следува одмазда на султанот!? Апр 5, 2021 Изјавата, потпишана од 103 пензионирани турски адмирали, предизвика остри реакции кај државните претставници во Анкара, кои истатаја поврзаа со претходните обиди за воен удар. Адмиралите го критикуваа предлогот Турција да се повлече од меѓународниот договор од Монтреј, постигнат во 1936 година, со кој се регулира сообраќајот на бродови преку Босфор и Дарданели, кои го поврзуваат Средоземното со Мраморното Море и Црното Море. Турскиот потпретседател Фуат Октај ја спореди изјавата на адмиралите со „свиркањето на исплашен кукавица на гробиштата“, а потпретседателот на владејачката Партија на правдата и развојот, Нуман Куртулис, ги нарече потписниците „љубители на стара Турција кои себеси се гледаат над волја на нацијата“, пренесува АП. Фактот дека дебатата за повлекување од договорот во Монтреј беше отворена како дел од разговорите за изградба на Истанбулскиот канал (кој треба да го премости сообраќајот низ Босфорот и Дарданелите) беше дочекан со загриженост. Сметаме дека е потребно да се воздржиме од разговори за повлекување од договорот во Монтреј, бидејќи тој чин е важно место за одржување на Турција, рекоа пензионираните турски адмирали. Ибрахим Калин, претставник на турскиот претседател Реџеп Таип Ердоган, оцени дека изјавата на пензионираните адмирали евоцира спомени на период на „воени удари“ и ги прави да изгледаат „смешно и патетично“. Во реакцијата на турското Министерство за одбрана се вели дека вооружените сили не можат да се користат „како алатка за алчност, амбиции и лични цели на оние кои немаат никакви должности и одговорности“, пренесува Танјуг. https://vocentar.com/nov-voen-udar-vo-turczija-103-penzionirani-admirali-trgnaa-protiv-erdogan-dali-sleduva-odmazda-na-sultanot/

Originally posted by гитардемон Инаку Ердоган е патетичен, а сите овие „Македонци“ кои ја поддржуваат Турција за инает на Грција се уште попатетични.

Ова е еден од митовите у Македонија и глупите сваќања кои ги имаше Македонија до неодамна. Грција е единствениот искрен пријател на Македонија, колку тоа и да не изгледа така. Тоа е американската политика, за среќа тоа е и Македонската последниве година две, и со ова Александрополис, и све со ред. Тоа е единствената суштински функционална држава во регионов и мора да се врзуваме што повеќе економски и политички. А Турција е само една џамахирија што незнае каде тера и не е, ама баш никаков пријател на Македонија.

Edited by user8642 - 05-Apr-2021 at 13:06

Арен е Ердо, да не беше он немаше патување до Турција да биде ко да идеш во Источен Блок на времето

Девалвација на валута од скоро 400% за 8 години...

Не знам на кого мислиш под „ние“, ама досега не сум сретнал Македонец што се колне во Ердоган. Сум сретнал некои што го замениле Тито со Путин, тоа да, ама со Ердоган не.

Edited by Џоле - 06-Apr-2021 at 11:12

Originally posted by гитардемон Па ако прашаш наш човек на улица дали му е помил Мицотакис, Борисов или Ердоган одговорот секако ќе биде „ЕРДОГАН“

Добро бе гитар, демек прашањето има точен одговор?

А единствена причина зошто првите двајца гомнари би го собрале грото на негативни емоции е затоа што грчкото, а од неодамна и бугарското непријателство и деструктивност кон Македонија се покажаа во најдиректна форма. За ова не барај вина кај просечниот Македонец што ќе го сретнеш на улица, неговиот рефлекс по ова прашање е сосема очекуван и разбирлив. За ваквата ситуација барај вина кај смрдливите кратковиди политички елити во Грција и Бугарија, и стоката од народ што ги бира и поддржува, а се пали на фашистички популизам.

Еве на пример Грција има многу сериозен територијален спор со многу посилната Турција, за кој уште одамна можеше да се предвиди дека кај да е ќе дојде на дневен ред. Со таква затка каква што претставуваат грчките територијални води и воздушен простор, Турција треба да се откаже од голем број амбиции и да се помири да биде второкласна регионална сила. Со оглед на својата моќ и потенцијал, Турција сигурно нема да се помири со тоа. И наместо Грција сеопфатно да се подготвуваше за решавање на тој голем реален проблем, они решија да измислат бизарен проблем со Македонија и да се занимаваат со тоа скоро 30 години, за кое време ни нанесоа огромна повеќегнерациска штета. Во тој процес си пукаа и самите во нога - наместо сојузник (да не речам сателит), дојдоа многу блиску до работ да имаат зацементиран непријатерл на северната граница, со стационирана турска војска и авијација. И сега откако ние направивме многу болна отстапка и демек го решивме спорот, Грција се уште не дава јасни сигнали дека ќе ги почитуваат нивните обврски од договорот, а камо ли дека ќе почнат да развиваат нормални пријателски соседски односи со нас. Во таква атмосфера, ако за 2, 3 или 10 години избие војна меѓу Турција и Грција, да не треба случајно Мицотакис да ми е помил, по некој основ? Ако Грција во скора иднина не направи чекори да докаже дека нема веќе да води никакви непријателски политики кон Македонија и дека почнува да развива односи базирани на меѓусебна корист и разбирање, тогаш и јас попрво ќе навивам за Турција во таа војна и тоа од рационални причини (настрана емотивните).

И исто така не заборавај, Македонија нема што да се пожали во однос на Турција во времето пред Ердоган. Пред Ердоган имавме поддршка што не беше условена со прфидни исламистички подметнувања и наметнувања. За турската политика кон Македонија пред Ердоган, ние треба да бидеме благодарни.

Не знам, јас не сум ни религиозен, ама пак помалку ми е страшно некој да се зафркава со името (оти пак ќе си кажам дека сум Македонец без разлика на „официјалното“ име) па и со јазикот, отколку со финансирање на исламистички идеологии. Поарно ќе се кажам Северномакедонец отколку да живеам во држава со примеси на џамахирија.

Турците оти биле фини е интересна прикаска, ама сите знаеме што се крие позади тоа. Колку брзо забораваат луѓето и 500 години девширме, и 50 години српско ропство, ама бугарското и грчкото дека најсвежи некако се најстрашни.

Јасно е дека од 1991 па наваму повеќе ни се нашла Турција отколку Грција, ама зад сето тоа има скриени агенди. Многу слично на тоа, во 2001 најмногу ни се најде Бугарија, ама ете...

Originally posted by гитардемон Добро, имаше успеано да ја стабилизира накај 7 до пред месец два (кога го смена министерот). Ама сега ова со каматите му се удри од главата. Не е тој крив, криви се тие муџахедините што го гласаат... Се палат на фереџиња и претворање на музеи во џамии. Е затоа Турција не може да ни е пријател. Само ние, Албанците, Босанците, Санџаклиите и Косоварите си ги сакаме. Веројатно ни е јасно на сите што имаат заедничко другите 4 групи, ама ние што мајка бараме со нив, не знам.

Ние сме земја со над 30% муслиманско население. Не ми е воопшто симпатичен Ердоган, но можеби некаква државна политика ни е Турција да биде контролор на тој дел од општеството. Другиот избор и извор на финансии (што веќе длабоко е навлезен на Балканов, а и по наши партии, телевизии, џамии итн.) доаѓа малку појужно од Турција. Така да бегање од тој процес во овие неколку земји не е можен, особено во отсуство на ЕУ перспектива во наредниве 20 години.

Од прошла недела нешто...