Кружен тек кај Момин Поток

Вчера малку студиозно ја гледав визуелизацијава (ја има на фб страната на Петре Шилегов) и малку ми е конфузно околу вело патеките. Дали некој може да објасни, кога со велосипед ќе се движиш од тојота кон Словенечка како по вело патека ќе се стигне до таму? Верувам дека и вело мостот ќе мора да се користи.

https://www.facebook.com/p.shilegov/videos/1061937144294846/

Турбо. Нема никаква причина да не е таков кога има три краци. Можеби е проблем за камиони, којзнае.

А клучка треба да планираат барем кај Словенија. Треба да се продолжи накај Бардовци, а ќе се вкрстува практично со автопат, така да обична раскрсница или кружен е несериозно решение.

Два нови кружни текови, подвозници и надвозници – решение кај Момин поток

Za ova mislam deka ke se realizira posto sredstva se obezbedeni preku TAV kako kompenzacija za aerodromot vo Stip so nema da se gradi. E sega ke vidime kolku dolgo ke odi. Do sega Silegov barem dosta brzo rabotese.

ГРАД СКОПЈЕ ДОБИ 2 МИЛИОНИ ЕВРА ОД ВЛАДАТА ЗА КЛУЧКА КАЈ СЛОВЕНЕЧКА И ПРОШИРУВАЊЕ ВО БУЛЕВАР НА УЛИЦАТА ДО ОБИКОЛНИЦА

Град Скопје доби два милиони евра со ребалансот на државниот буџет за реализација на проектот клучка на булевар Словенија. Станува збор за третата фаза од сообраќајното решение за овој дел од градот која предвидува проширување во булевар на улицата Хасан Приштина до Обиколницата, а наместо семафор на крстосницата со Словенечка да има клучка. Со тоа без семафори и со современо сообраќајно решение би бил потегот од булеварот Никола Карев до Обиколница.

„Ние пред два месеци ја почнавме постапката за изградба на клучката кај Момин поток. Со овие два милиони евра од Владата ја продолжуваме третата фаза од проектот. Со тоа овој дел од градот ќе добие нови сообраќајни стандарди, брз и безбеден сообраќај. Вкупната вредност на проектот кој треба да овозможи поврзување со Обиколница е 11 милиони евра“, вели градоначалникот Петре Шилегов.

Проектот за ова сообраќајно решение е готов, а откако ќе се усвои ребалансот на буџетот во Собранието и парите се префрлат на сметката на Градот, ќе се распише тендер за изведувач.

Шилегов вели дека до крајот на месецов треба да биде избрана фирма која ќе ги гради кружниот тек кај „Хубо маркет“ и клучката кај Момин поток, со што летово би стартувале градежните работи. Оваа сообраќајница е една од клучните градски сообраќајници бидејќи дневно поминуваат 25.000 возила и метежот е голем. Со цел да се намали сообраќајниот метеж на овој потег, се предвидува изградба на 2 кружни тека, првиот треба да ја замени крстосницата кај булеварот 8.Септември и улицата Скупи и вториот кој треба да ја замени крстосницата на булеварот Никола Карев и патот кон Визбегово, обиколницата и косовската граница. Од вториот кружен тек улицата продолжува до крстосницата со булевар Словенија каде што се поврзува со булеварот Словенија и со булеварот Босна и Херцеговина. Вредноста на проектот е 18 милиони евра.

https://sdk.mk/index.php/dopisna-mrezha/grad-skopje-dobi-2-milioni-evra-od-vladata-za-kluchka-kaj-slovenechka-i-proshiruvane-vo-bulevar-na-ulitsata-do-obikolnitsa/

Одлични вести се ова!
Владата мора да интервенира почесто во град Скопје, сепак пола држава живее тука и ако чекаме само на градскиот буџет ќе се изначекаме...

Edited by Théoden - 09-Jun-2021 at 20:42

Со среќа и што побрзо да се заврши. Чинам дека најавата беше 2 години а еден месец веќе каснат.

Edited by Влатко - 20-Jul-2021 at 09:13

ПОЧНА ДА СЕ ГРАДИ КЛУЧКАТА КАЈ МОМИН ПОТОК, ПРОЕКТОТ ОД 18 МИЛИОНИ ЕВРА ЌЕ БИДЕ ЗАВРШЕН ВО 2023 ГОДИНА

Денеска започна реализацијата на уште еден голем инфраструктурен проект за Скопје – изведбата на клучката кај Момин Поток, која е една од двете главни рути што ги поврзуваат северниот и јужниот дел од градот. На почетокот на градежните работи се обрати градоначалникот на Скопје Петре Шилегов.
- Станува збор за огромен проект во вкупна вредност од околу 18 милиони евра, чија изведба ќе трае од 2 до 2,5 години. По својата комплексност се работи за најсложениот сообраќаен проект којшто Град Скопје го има изведувано од 1965 до денес, каде што сличен, но поедноставен проект за изведба беше тој на клучката кај хотелот „Континентал“, изградена пред 15-тина години. Со цел да се намали сообраќајниот метеж на овој потег, се предвидува изградба на 2 кружни тека, каде што првиот треба да ја замени крстосницата кај булеварот 8.Септември и улицата Скупи и вториот кој треба да ја замени крстосницата на булеварот Никола Карев и патот кон Визбегово, обиколницата и косовската граница. Од вториот кружен тек улицата продолжува до крстосницата со булевар Словенија каде што се поврзува со булеварот Словенија и со булеварот Босна и Херцеговина. Оваа сообраќајница е една од клучните градски сообраќајници бидејќи дневно овде поминуваат 25.000 возила и метежот е голем – рече Шилегов, на денешната прес-конференција.
Вкупната должина на сообраќајницата меѓу двата кружни тека и до пред раскрсницата со булевар Словенија изнесува околу 1.600 метри. По должина на целата сообраќајница ќе биде поставено најсовремено ЛЕД булеварско осветлување, како и пешачки и велосипедски патеки од двете страни на коловозот.
Проектот предвидува и изградба на 2 моста на реката Серава која тече под оваа сообраќајница, како и изградба на надпатник во продолжение на бул. 8. Септември, над бул. Никола Карев, со распон од 42 метри, потпорни ѕидови со вкупна должина од 2.000 метри, атмосферска и фекална канализација. За непречено одвивање на пешачкиот и велосипедскиот сообраќај предвиден е пешачко-велосипедски надпатник над бул. Никола Карев и 3 подземни пешачко велосипедски премини во рамки на денивелираниот јазол на спојувањето на бул. 8. Септември со бул. Никола Карев.
- Сакам да нагласам дека во 2017 година кажавме дека ќе работиме и градиме по план. Во делот на сообраќајната инфраструктура во северниот дел од градот ги завршивме булеварите, Никола Карев, Босна и Херцеговина и Христијан Тодоровски Карпош, и ако на тоа ја додадеме и оваа клучка и нејзиното поврзување со булевар Словенија, и сега веќе се гледаат резултатите од ваквото планско работење – нагласи Шилегов.
Тој додаде дека создавањето на инфраструктурни услови во северниот дел на градот неминовно води до намалување на притисокот на урбанизацијата во јужниот дел, која се случува повеќе децении наназад, заради нерамномерниот развој на различните делови од градот.
На прес-конференцијата Премиерот Зоран Заев истакна дека Владата на РСМ во континуитет работи на давање на финансиска и политичка поддршка за проектите кои се во насока на подобрување на животот на граѓаните. Владата тоа изминатиов период ќе го реализира преку 94 проекти во целата земја, каде што преку реализацијата на ТАВ Програмата се предвидени 49,7 милиони евра.
На денешната прес-конференција присуствуваа и претседателката на Советот на Град Скопје, Љубица Јанчева, градоначалникот на Општина Карпош, Стефан Богоев, заменик-министерот за информатичко општество и администрација, Александар Бајдевски и Заменик на Претседателот на владата за борба против корупцијата и криминал, одржлив развој и човечки ресурси, Љупчо Николовски







https://www.facebook.com/CityofSkopje