Булевар АСНОМ / АВНОЈ (+изградба на нов мост)

Таблава се гледа дека е максимално импровизирана само за сликање. Дури и едвај на два штрфа е заштрафена доле.

Така ми се гледа или тука велосипедската патека, и горе пешачката, ќе бидат прекинати и после пуштањето на мостот?

Бетонизацијата и чука на врата на Ќерамидница

УРНАТИ КУЌИ











(Овде ќе поминува булеварот – во позадина е мостот во изградба)



На една од улиците забележавме црвена линија, а жителите овде, велат дека истата покажува каде ќе поминува булеварот, додека со зелени кругови се обележани тротоарите.

Сопственикот на првата куќа која е на десетина метри од мостот веќе почнал со уривање на помошните објекти во неговиот двор и поставуваше нова ограда. Трасата на булеварот влегува во дел од неговиот двор, но за среќа поминува покрај куќата и нема да биде урната. Но, тоа нема да биде случај со други куќи кои се испречени пред проектот за изградба на булеварот АСНОМ.

При прошетката по замислената траса на булеварот на три места во Ќерамидница забележавме урнати објекти. Мештани ни рекоа дека сопствениците на овие урнати објекти веќе се нагодиле за цената за експропријација, си ги земале парите и си заминале. Таков бил случајот и со близок роднина на Бобан Стефковски, кандидатот за градоначалник од ВМРО-ДПМНЕ кој победи на локалните избори во општина Гази Баба уште во првиот круг на гласање.

На педесетина метри од влезната капија на поранешен ФАС “11 Октомври” забележавме расфрлан градежен шут. Жители на околните куќи велат дека на тоа место пред две-три недели, за време на кампањата за локалните избори биле урнати куќите на две семејства. Се споменува дека објектите се продадени по непопуларни цени кои се далеку зад оние што се ветени.

Добар дел од луѓето од соседството чии куќи се испречени на трасата и треба да бидат урнати, не сакаат тоа да се случи. Велат дека сакаат да продолжат да живеат во нивните домови и маалскиот живот со ништо не го менуваат. Други пак, воопшто не сакаат да слушнат за малку пари да се отселат, бидејќи, како што велат, со тие пари не ќе можат да си купат дом на друго место.

РЕАЛНА ЦЕНА ИЛИ НЕ

Миодраг Терзиќ во Ќерамидница живее од 1982 година. Неговиот имот се наоѓа на трасата на булеварот каде треба да има кружен тек на сто метри после мостот ако се гледа од страната на Аеродром.

Првата пресметка кога дојдоа беше 450 евра за квадратен метар за станбената површина, додека дворот што го користам е на Република Македонија. Јас им побарав 750 евра за квадратен метар, а Шилегов вети дека никој нема да биде обесштетен под 800 евра, но, и тоа не е реална цена. Многумина од сопствениците на куќите што треба да се урнат не се согласуваме со таа понудена цена. На пример, во Маџир Маало им нудат 3:1, односно им нудат три стана за една урната куќа, или пак, во Кадино село кое е надвор од Скопје, ги обесштетуваат со по 450 евра за квадратен метар – вели Терзиќ.

Засегнати жители на Ќерамидница објаснуваат дека најавените износи од 800 евра за квадрат куќна површина и 130 евра од квадратен метар за дворна површина, не се постигнуваат, односно градските власти прават збир на станбен квадрат заедно со земјиштето да чини 800 евра. Тие сметаат дека со оглед што населбата се наоѓа на само 1,5 километри од центарот на Скопје, станува збор за атрактивна локација за која бараат обесштетување од илјада евра за куќен квадрат и по 10 илјади денари за земјиштето.

Од Град Скопје пак, објаснија дека објектите кои се уриваат се експроприрани, а сопствениците се обесштетени според законски предвидената методологија.

– Завршени се постапките за експропријација за 26 објекти, а се работи на расчистување на имотно-правните односи и за други објекти во Ќерамидница кои се наоѓаат на трасата на пробивањето на булеварот во овој дел градот – велат од Град Скопје.

ТРАСАТА НА БУЛЕВАРОТ

Жителите на Ќерамидница не се против овој проект и се свесни за потребата од решавање на сообраќајниот хаос во Скопје и за побрзата и подостапна комуникација која им е потребна на скопјани. Но, сè уште има големи сомнежи и нагаѓања наспроти градската администрација за тоа каде би се протегал булеварот.

Мештаните велат дека во актуелниот момент на кампања и избори, практично во позадина се одвива голема политичка битка за трасата на булеварот меѓу сегашните и претходните градски власти. При што, потенцираат дека претходната варијанта беше да се оди низ, или околу ФАС “11 Октомври”, а не низ дворовите на жителите, како што е сегашнава планирана траса и да се уриваат куќи на луѓе од Ќерамидница.

При презентација на проектот во март 2018 година, градоначалникот Шилегов рече дека постоело и алтернативно решение за изградба на мостот по друг коридор, со кое би се урнале само 20 објекти и би се заштедиле 5 милиони евра, но советниците од ВМРО-ДПМНЕ во Советот на Општина Гази Баба, не дале согласност.



Жители на Ќерамидница сметаат дека оваа битка за нивната населба најверојатно ќе продолжи и во случај актуелната градска власт да мора да си замине по завршувањето на локалните избори. Иако, додаваат дека токму со уривањето на куќите на трасата што веќе ја исцрта актуелната градска власт, практично таа траса се официјализира и не ќе може да се менува.

Се гради булеварот АСНОМ кај поранешно Сајмиште



Механизацијата на “Гранит” турбо работи на третата и последна фаза од изградбата на булеварот АСНОМ на потег од крстосницата со булеварот “Гоце Делчев” и до објектот на поранешен Пролетер во Ќерамидница.

Согласно проектот оваа фаза опфаќа реконструкција и изградба на дел од булеварот во должина од 317 метри, за што ќе се инвестираат околу 70,6 милиони денари. Реализацијата на овој проект и градежните работи ќе се одвиваат согласно динамиката на експропријацијата на имотите кои се на неговата траса и моите очекувања се најдоцна на почетокот на наредната година да биде пуштен во употреба – вели Шилегов.

https://www.vecer.press/бетонизацијата-и-чука-на-врата-на-ќера/

Edited by stef4o - 26-Oct-2021 at 07:17

Таа ужасна населба ќе стане градска на крај благодарение на новиот мост и булевар. Што побргу се расчисти теренот тука ќе може и дивата фавела што го загадува Вардар и Скопје да се демонтира.

Па и не е некоја бетонизација. Освен ако не ја видиме практиката куќите на хартија да прераснат во мини-зградички на терен, во овој дел северно од булеварот па сѐ до делот околу Космос се предвидени само 5-6 згради.

Денешна

Originally posted by user8642 Без разлика што мостов ќе биде извесно време road-to-nowhere, сепак ќе може кејот да се отвори порано од булеварот. Нема причина да седи затворен ако мостот целосно се заврши и асфалтира.

Па уствари, нели, и ќе се отвори мостот, со тоа што ќе се користи веќепостоечката улична мрежа во населбата.

Изгледа доста е успорена динамиката на проектот веќе подолг период стојат урнатините од неколкуте куќи што ги рушеа пред 2-3 недели

20.11.2021





А многу се завлечкаа и со тие 300 метри на поред новиот мол...

https://www.facebook.com/groups/145337166272043

Од вчерашното интервју на Данела во врска со мостот и целиов проект изгледа ќе заглави со години поради многуте имотно-правни односи кои не се расчистени.
Тешко дека ќе може целосно да се реализира можеби само да се надоврзе на некоја постојна мрежа низ Керамидница но со тоа речиси и да нема никаков ефект.

Конкретно од видеото за овој потег се говори негде меѓу 15:34 до 18:34

На новите снимки на Гугл од ноември 2021 се гледа дека коловозите се со ширина од 9 m наместо 11 m како на остатокот од бул. „АСНОМ“.