Мостови (општо)

Мостот „Беласица“ останува затворен, се утврдува нивото на безбедност и штетите



https://kanal5.com.mk/mostot-belasica-ostanuva-zatvoren-se-utvrduva-nivoto-na-bezbednost-i-shtetite/a581926

Колони возила и гужви откако мостот „Беласица“ од петокот е затворен за сообраќај



https://www.kanal5.com.mk/koloni-vozila-i-guzhvi-otkako-mostot-belasica-od-petokot-e-zatvoren-za-soobrakjaj/a582370

МОСТОТ „БЕЛАСИЦА“ НАЈВЕРОЈАТНО ЌЕ МОРА ДА СЕ УРНЕ Мали се шансите фирма да се нафати да го реновира после пожарот

Многу е веројатно дека мостот „Беласица“ ќе мора да биде урнат и одново да се гради, велат за Сител експерти упатени во процесот. Според нив, на надлежните ќе им биде многу тешко да најдат фирма која што ќе се нафати да го реновира мостот во ваква состојба и да гарантира дека тој ќе биде безбеден за сообраќај.

Мостот Беласица се запали во текот на минатата недела. Огнот веројатно ја нарушил статиката на мостот поради што тој е затворен за возила и за пешаци. Тоа предизвикува скопјани од Центар до Аеродром во сообраќајниот шипц да патуваат и по еден час.

Засега нема официјална информација за причините за пожарот, ниту став на Град Скопје дали тој ќе се реновира или урива.

https://plusinfo.mk/mostot-belasica-na-vero-atno-e-mora-da-se-urne-mali-se-shansite-firma-da-se-nafati-da-go-renovira-posle-pozharot/

Originally posted by Théoden Мостот сам по себе си е прав и согласно ГУП, улицата пред него е крива. Се надевам овој случај ќе го актуелизира повторно булеварот (и мостот) „Крушевска Република“.

Да во право си. Сепак имало и доста куќи што се на самата траса.

(ВИДЕО) Опожарениот мост го држат затегнати челични кабли, но кој и како ќе пресече дали се оштетени



https://360stepeni.mk/video-opozhareniot-most-go-drzhat-zategnati-chelichni-kabli-no-koj-i-kako-ke-preseche-dali-se-oshteteni/

ОШТЕТУВАЊАТА НА МОСТОТ „БЕЛАСИЦА“ СЕ СЕРИОЗНИ, ПОТРЕБНИ СЕ ДЕТАЛНИ ИСПИТУВАЊА, ВЕЛИ ПРОЕКТАНТОТ ВУКАН ЊАГУЉ

Обемот на оштетувања на мостот „Беласица“ во Скопје се големи, треба да се третираат многу сериозно и потребни се детални испитувања и пресметки, вели проектантот на мостот Вукан Њагуљ во изјава за државната агенција МИА. Тој изминативе два дена на покана на Институтот за земјотресно инженерство и климатски промени кој е ангажиран од Градот, беше во Скопје, на увид на опожарениот мост. Ова е спротивно на изјавата на Михаил Гаревски, кој е директор на Институтот што го покани Нагуљ, кој пред пет дена на прес-конференција со градоначалничката Данела Арсовска изјави дека на мостот не му треба сериозна санација.

„Кога бев на мостот, добив впечаток дека она што го видов бара многу посериозен пристап отколку што мислев. Тоа е мое мислење, мој впечаток. Мостот, според мене, не може да се третира како оштетувањето да е мало и безначајно, едноставно затоа што не се знае какво е. Мора да се направи многу детално испитување. Не само визуелно, туку да се отвори конструкцијата, да се испита, да се земат примероци и да се испитаат лабораториски. Го слушав интервјуто на професорот Горан Марковски кој рече дека во Македонија не располагате со опрема за сето она што треба да се испита. Но, како и да е, тоа мора да се направи и дури тогаш може да се даде проценка за моменталната состојба на мостот“, вели Њагуљ.

Нагуљ нагласува дека не станува збор за обични оштетувања како што се корозија или пукнатини, туку за сосема друг тип на оштетување и затоа се потребни прецизни претпоставки за квалитетот на материјалите на мостот.

„Секоја проценка сега, без тие податоци е просто невозможна. И не само тоа, туку мора да се направат и пресметки врз основа на кои ќе се види состојбата на конструкцијата. Секако, во тие пресметки треба да се влезе со што е можно попрецизни претпоставки за квалитетот на материјалите кои треба да произлезат од испитувањата што мора претходно да се направат. Дури потоа може да се каже, сега треба да се продолжи со ова или со она“, додава тој.

Деканот на градежниот факултет Горан Марковски неколку дена по пожарот изјави дека на мостот треба да се направат сериозни испитувања, да се ангажираат компании од надвор бидјеќи кај нас ваков тип на испитувања не се прават. Според проценките на Марковиски, со оглед на сериозноста на оштетувањето мостот ќе биде затворен најмалку една година. По оваа негова изјава градоначалничката Арсовска ги нарече професорите од Градежен факултет самонаречени експерти кои шират паника во јавноста.

https://sdk.mk/index.php/dopisna-mrezha/oshtetuvanata-na-mostot-belasitsa-se-seriozni-potrebni-se-detalni-ispituvana-veli-proektantot-vukan-nagul/

ПОСТОИ ОПАСНОСТ ОД УРИВАЊЕ НА МОСТОТ ВО СЕЛО ПЧИЊА, НИКОЈ НЕ ГИ ИЗВЕСТИЛ ЖИТЕЛИТЕ ДА НЕ ГО КОРИСТАТ





Поради зголеменото ниво на водите во реката Пчиња, постои опасност од уривање на мостот во истоименото кумановско село Пчиња, кој е доста оштетен. Од Центарот за управување со кризи (ЦУК) преку соопштение до медиумите најавија дека поради надоаѓање на големи количини на вода ќе се зголеми притисокот на мостот, поради што треба да се преземат мерки заштита на граѓаните.

„По добиеното предупредување од Водостопанство дека мостот во селото Пчиња има слаба конструкција, а зголеменото ниво вода од Крива Река ќе дојде до реката Пчиња за околу два часа ќе има зголемен притисок на мостот. Од Секторот за операции и координација на ЦУК се запознаени локална самоуправа, ДЗС и МВР, за да се дејствува превентивно за запазување на безбедноста на граѓаните“, соопштува ЦУК.

И од АМСМ информираат дека во кумановското село Пчиња има собрани дрвја и гранки под мостот на реката Пчиња, со што е намален протокот на реката, па постои опасност од излевање и оштетување на мостот.

Меѓутоа жителите на селото и претставниците на месната заедница Пчиња велат дека нив никој не ги известил ни лично, ниту по телефон дека има најава за поплави и дека мостот е во опасност. Утринава на мостот биле видени екипи на МВР и ЦУК, по што си заминале без да дадат некакви инструкции на населението.

„Од медиумите дознавме дека мостот е во опасност и треба да се преземат мерки за заштита на граѓаните. Ако е точна информацијата дека ќе има зголемена количина на вода овде треба да дојде овластено лице да го затвори мостот, да постави лента и да го регулираат сообраќајот. Вака сме препуштени сами на себе. Ги повикуваме надлежните да го сторат тоа што побрзо, за да не дојде до некоја несреќа“, вели Александар Илиевски, претседател на месната заедница во селото Пчиња.

Тој вели дека мостот е оштетен на минатата поплава од 2013 година, и тоа го знаат сите државни и локални институции, но и покрај сите ветувања веќе 10 години никој не преземал обврска да го поправи. Пред секои избори ги посетуваат политичарите, но решение за нивниот проблем се уште нема.

„Мостот е во многу лоша состојба, оштетен е 99,9 отсто. Скршени се двата главни столбови кои ја држат средината на мостот, а и другите се оштетени. Прашање на време е кога ќе падне, дали од поплава или од тежина. Поминуваат луѓе со трактори тешки и по 7 тони. Патот се води како регионален поврзува уште 3 кумановски села и неколку скопски. Ние бараме со години наназад мостот да се поправи или да се изгради нов, но има најава дека во 2024 година општината ќе одвои средства за негова реконструкција“, додава Илиевски.

Тој вели дека доколку се урне мостот околу 250 жители ќе останата без единствената врска кон Куманово, ќе се отсече училиштето, како и селата Вакв, Винце и Длга. Мостот е изграден во седумдесетите години на минатиот век и оттогаш не е поправен.

И додека ги чекаат надлежните, од месната заедница преку здружението Еко Пчиња преку социјалните мрежи апелираат до жителите и посетители на с. Пчиња во наредниот период со огромна внимателност да се движат и да не поминуваат со тешки товарни возила по мостот.

„Поради најава од ЦУК дека се очекуваат поплави од поголем размер, а бидејќи мостот е во критична состојба има големи шанси да се урне. Уште еднаш, апелираме до надлежните органи да преземат мерки што е можно во пократок рок“, напишаа од месната заедница.

https://sdk.mk/index.php/dopisna-mrezha/postoi-opasnost-od-urivane-na-mostot-vo-selo-pchina-nikoj-ne-gi-izvestil-zhitelite-da-ne-go-koristat/

Мостот кај Ист Гејт – сите детали од лице место – А1он со екипата која ја проценува штетата



https://a1on.mk/macedonia/dobra-i-losha-vest-za-mostot-kaj-zheleznichka-nema-seriozni-oshtetuvanja-no-za-pushtanje-kje-mora-da-se-pocheka/

Edited by stef4o - 19-Jun-2023 at 12:32