Гасификација

Изборот на компанија која треба да ја гради дистрибутивната гасоводна мрежа ќе почека

Изградбата на дистрибутивната мрежа на гасоводот во земјава е е заглавена поради административни пречки. Надлежните институции со месеци подготвуваат методологија и правилник за избор на компанија кој треба да ги поврзе општините, а со тоа и домовите со главната цевка на гасоводот.

Министерот за економија Крешник Бектеши за ТВ24 вели дека се уште трае постапката за избор на компанија која треба да ја гради дистрибутивната мрежа на гасоводот во земјава. Методологијата предвидува начин на кој ќе се утврдува цената која треба да ја плаќаат потрошувачите, но и цена која ќе биде за пренос и дистрибуција на гасот до крајните потрошувачи.

„Моментално чекаме да биде усвоена методологијата од страна на Регулаторната комисија за енергетика согласно која, треба да се дадат понудите од двата конзорциуми кои се турски компании. Јас верувам дека до крајот на годината ќе имаме конкретна понуда.“ - вели Бектеши.

Телевизија 24 побара став од Регулаторната комисија за енергетика, до каде е методологијата која е клучна за изборот на компанијата која треба да ја гради дистрибутивната мрежа на гасоводот. Од ова независно тело велат дека започнале фаза на носење на нов Правилник кој треба да ги одреди приходите и просечните тарифи на природен гас, но и организирање и управување со пазарот на приртоден гас и дистрибуција на гас.

„Во тек се финални активности во кои се предвидени пресметки на елементите кои се составен дел на методологијата а се директно поврзани со начинот и формата на определување на тарифа за нов дистрибутер на природен гас. Регулаторната комисија за енергетика преку јавна постапка и преку вклучување на сите заинтересирани страни, ќе ги има во предвид и предлозите, мислењата, забелешките и коментарите дадени од страна на компаниите избрани од страна на Владата на Република Северна Македонија за учество во втората фаза од конкурентниот дијалог, и тоа во Платформата наменета за тендерската постапка.“ - велат од Регулаторната комисија за енергетика.

Од Градот Скопје пак велат се уште е рано проблематиката со гасоводот да се насочи на локално ниво. Прво да се реализираат обврските кои ги има централната власт,а дури потоа да се зборува за дистрибутивната мрежа.

„Неопходно е од страна на централната власт прво да се заврши изградбата на магистралниот гасовод низ државата и интерконективните приклучоци со соседните земји, каде во повиците предуслов беше да се изгради најмалку 50 отсто во градските општини и најмалку 20 проценти во руралните општини од предвидената примарна дистрибутивна мрежа на природен гас.“ - велат од Град Скопје.

Според информациите од надлежните институции, оние општини кои што во овој вакум период подготвуваат или веќе имаат комплетна документација за почеток на изградба на дистрибутивна мрежа ќе може побрзо да ги почнат градежните работи. Оние локални самоуправи пак кои тоа не го сториле ќе изгубат дополнително време во административни процедури и обезбедување на технички документации.

https://24.mk/details/izborot-na-kompanija-koja-treba-da-ja-gradi-distributivnata-gasovodna-mrezha-kje-pocheka

This is my first time visit here. From the tons of comments on your articles, I guess I am not only one having all the enjoyment right here.

ГРЦИЈА ПОЧНА ДА ГО ГРАДИ ГАСНИОТ ИНТЕРКОНЕКТОР СО МАКЕДОНИЈА

Компанијата „Терна“ пред четири месеци беше избрана за изведувач на грчкиот дел на интерконекторот, при што го презеде деталниот проект, набавката на материјали и изградбата на гасоводот Неа Месимврија – Евзони/Гевгелија.

„Патувањето“ на новиот гасовод Грција – Северна Македонија започна, со оглед на тоа дека „Терна“ ги стартуваше моторите, започнувајќи ги прелиминарните работи за грчкиот дел од проектот, пишува грчкиот енергетски портал „Енерџи маг“ во однос на интерконекторот за природен гас меѓу двете земји, јави дописничката на МИА од Атина. Компанијата „Терна“ пред четири месеци беше избрана за изведувач на грчкиот дел на интерконекторот, при што го презеде деталниот проект, набавката на материјали и изградбата на гасоводот Неа Месимврија – Евзони/Гевгелија. Грчкиот портал пишува дека за конкретниот проект што е во надлежност на Националниот оператор за пренос на гас на Грција ДЕСФА, буџетот е ревидиран на 92 милиони евра (од 67 милиони евра во претходната програма), а паралелно во тек е и тендерот за изградба на мерната станица, што е клучна за непречено функционирање на гасоводот. Проектот, според грчките портали специјализирани за енергетски теми, се очекува да биде финализиран на пролет следната година, временски период поместен поради доцнењето од наша страна. Министерката за енергетика, рударство и минерални суровини Сања Божиновска пред две седмици, по учеството на енергетски Самит во Грција и по средбата со нејзиниот грчки колега Теодорос Скилакакас, во разговор за МИА, за интерконекторот објасни дека кај нас беше поништена постапката и беше покрената нова, а цената е за 12 милиони поевтина од минатиот пат. – Што се однесува до Номагас ги изврши сите проверки, ние од наша страна сè завршивме. Испратено е до Европската инвестициона банка и секој ден се очекува, деновиве за една недела максимум очекуваме потврда и да започнеме со потшишување на договорот за фирмата која е најуспешен економски оператор и да почнеме со изградба, затоа што се чека на нас – објасни министерката пред две седмици и посочи дека токму за интерконекторот разговарале со Скилакакис. Гасоводот предвидено е да биде во должина од 123 километри, од кои 67 километри се на македонска територија, да се протега од Неа Месимвриа кон Неготино преку Гевгелија и да ги поврзува двата национални системи за пренос на природен гас, а со цел да се диверзифицираат изворите на снабдување со природен гас во Северна Македонија. Паралелно преку проектот, нашата земја ќе има можност да се снабдува и со природен гас и течен природен гас (ЛНГ) од грчките терминали во Ревитуса и Александруполи. Почетниот капацитет ќе биде 1,5 милијарди кубни метри годишно, со можност за проширување до 3 милијарди кубни метри годишно, а се спроведени и студии со цел гасоводот да има соодветни спецификации за транспорт на зелен водород. Со изградбата на интерконекторот, поради географската положба, нашата земја може да стане крстопат во регионот, со оглед на тоа што како што објасни Божиновска за МИА веќе постои конекцијата со Бугарија, се работи на онаа со Грција, а минатата година беше потпишан меморандум за соработка и со Србија, со што како што рече „работиме на тоа што значи дека низ нас ќе поминува транзитна рута и ќе се снабдува не само Србија, туку и Унгарија и Австрија“.

https://plusinfo.mk/grci-a-pochna-da-go-gradi-gasniot-interkonektor-so-makedoni-a-e-bide-gotov-idnata-prolet/