АДИССДП - Комерцијални згради

АДИССДП реагира за објектот на Јужен Булевар: Бездомниците сами се вселуваат, нема како да се справуваме

АД за изградба и стопанисување со станбен простор и со деловен простор од значење за Републиката – Скопје, по реакцијата на граѓани, а согласно објавата на порталот СЛОБОДЕН ПЕЧАТ за објектот на Јужен Булевар „Објект заборавен од сите, дури и од сопственикот”, даде неколку појаснувања.

Од таму соопштуваат дека за предвидената локација Јужен Булевар АДИССДП има добиено одобрение за градба на станбен објект за домување и во многу краток период ќе бидат отпочнати активности за уривање на постоечкиот објект и за започнување на изградба на нов, што подразбира дека хаосот во конкретниот простор ќе биде соодветно обезбеден и отстранет.

-За моменталната состојба на локацијата сме запознаени и дополнително бевме известени од страна на инспекциските служби на Општина Центар и за истата е започната постапка за отстранување на постојниот шут и ѓубре, и пред отпочнување со градежните активности. Објектот како таков е запуштен, а АДИССДП нема надлежност, ниту пак има сопствено обезбедување да го реши проблемот со бездомниците коишто се вселени самоиницијативно. Објектот е отворен и нема како да се справуваме, соопштуваат од АДИССДП.

Од страна на АДИИСДП велат, повеќе пати е интервенирано на терен, но безуспешно.

https://www.slobodenpecat.mk/adissdp-reagira-za-objektot-na-juzhen-bulevar-bezdomnicite-sami-se-vseluvaat-nema-kako-da-se-spravuvame/

Originally posted by stef4o Каде е старата воена пекара за кој дел се мисли?? ================================================

Вероватно се мисли на зградата на јужен булевар. Описот одговара на на само неколку десетици метри.

"Кога одите од Центар кон Црниче на самиот семафор од левата страна има триаголник на чие место се наоѓала познатата воена пекара каде секое утро имало тазе леб, пекарат се има срушено за време на земјотресот 1963 година."
https://novlist.mk/retki-fotografii-od-skopje-kako-se-gradese-starata-zeleznicka-stanica/



"Во објекти во подготовка се опфатени. ГП 04.01 Јужен дел-централно градско подрачје (Воена пекара) во Скопје, "

https://www.mse.mk/Objavi/Repository/Announcement166/%D0%90%D0%94%20%D0%B7%D0%B0%20%D0%B8%D0%B7%D0%B3.%20%D0%B8%20%D1%81%D1%82%D0%BE%D0%BF%D0%B0%D0%BD.%20%D1%81%D0%BE%20%D1%81%D1%82%D0%B0%D0%BD.%20%D0%B8%20%D0%B4%D0%B5%D0%BB.%20%D0%BF%D1%80%D0%BE%D1%81.%20%D0%BD%D0%B0%20%D0%A0%D0%9C%20%D0%A1%D0%BA%D0%BE%D0%BF%D1%98%D0%B5%20-%20GodisenIzvestaj_i_Odluki_201920201008102738.pdf

Edited by user8642 - 19-Apr-2023 at 18:03

Originally posted by stef4o Објектот на Јужен Булевар каде треба да почнат АДСДП со проектот изминатиов период по објавите го чистеле од насобраниот отпад имаше некои ленти од комунална хигиена но сеуште нема знаци дека наскоро ќе се работи. Во секој случај просторот е лом,многу прашина,див паркинг хаос...

Напуштениот објект на Јужен булевар и понатаму загадува: Ние чистиме, бездомниците го полнат со ѓубре, тврдат сопствениците

Стариот и напуштен објект лоциран на Јужен булевар веднаш по вкрстувањето со булеварот Кочо Рацин, во непосредна близина на основното училиште „Димитар Миладинов“, и понатаму е преполн со ѓубре, шут и остатоци од мебел, руиниран и без врати и прозорци, претставувајќи потенцијален извор на зараза. На сопственикот, АД за изградба и стопанисување со станбен и со деловен простор од значење за Републиката, ни по пет месеци откако општинските инспекции со решение го задолжија да го исчисти имотот од отпад и соодветно да го заштити за да спречи загадување на животната средина, тоа не му тргна од рака.

Од Општина Центар дури се заканија дека доколку сопственикот не постапи според решението, тогаш ЈП „Комунална хигиена“ ќе биде задолжена да го исчисти отпадот, но трошокот ќе падне на сметка на сопственикот.

Од АДИССДП тврдат дека во изминатиот период неколкупати се обиделе да го исчистат објектот, кој како што претходно најавија треба да се урне и на негово место да се изгради нов, со што ќе биде отстранет хаосот што долг период владее на овој простор. Оттаму како доказ испратија и фотографии од акциите за чистење што досега ги спровеле.



Во изминатиот период службите на АДИССДП, во соработка со ЈП „Комунална хигиена“ и со поддршка на Општина Центар, реализираа неколку акции на чистење на просторот околу објектот лоциран на Јужен булевар, како и во дел од неговата внатрешност. Беше собрано големо количество смет, кој понатаму стручните служби го дистрибуираа на соодветни локации. Во оваа пригода напоменуваме дека во објектот се вселени бездомни лица, меѓу кои и одредени несовесни поединци, кои по секоја акција исчистениот простор го затрупуваат со нови отпадоци, поради што на интервенција на нашето Друштво во неколку наврати беа повикани надлежни институции – објаснуваат од АД за изградба и стопанисување со станбен простор и со деловен простор од значење за Републиката.

Но и покрај спроведените акции за чистење, состојбата на терен не е променета. Објектот и околината околу него и понатаму се во ужасна состојба. Граѓани реагираат, бараат просторот под итно да се исчисти и потсетуваат дека во близина се наоѓа основно училиште што значи дека тука поминуваат ученици и дека местото за нив е небезбедно и опасно по здравјето. Тие се сомневаат дека наместо да се чисти, местото се остава како депонија сѐ додека не дојде објектот до фаза за уривање за да не се прави дополнителен трошок.

Катастрофа! Ужас! Колку време треба да се санира оваа депонија среде град? Инфекции и болести ќе фатиме! Ова е срам за сите нас, но изгледа надлежните не се срамат штом не преземаат мерки – реагира скопјанец.

Од Друштвото сопственик велат дека ги разбираат реакциите на граѓаните и ветуваат дека наскоро проблемот ќе се реши.

АДИССДП има разбирање за забелешките на граѓаните што живеат во непосредна близина на овој објект, па оттаму посочуваме дека е во завршна фаза јавната набавка за избор на изведувач за изградба на станбена зграда на овој простор. Веднаш по изборот, избраниот изведувач ќе пристапи кон расчистување и оградување на парцелата, што во случајов подразбира и уривање на руинираниот објект – посочуваат од Друштвото.

https://www.slobodenpecat.mk/napushteniot-objekt-na-juzhen-bulevar-i-ponatamu-zagaduva-nie-chistime-bezdomnicite-go-polnat-so-gjubre-tvrdat-sopstvenicite/

Dodelen e temderot za stambena zgrada so komercijalni stanovi shto kje ja gradi ADSDP na juzen bulevar pozadi Dare Đambaz. Može da otvorote posebna tema, i da gi soberete nekolku posta za toj objekt, kje bide golem.proekt dobro e da dobie svoja tema.

https://e-nabavki.gov.mk/PublicAccess/home.aspx#/dossie-acpp/55e31bcf-5647-4821-b028-ad1faced73e6

Да, исто како објектите во Реонски центар Аеродром, на Трета македонска бригада, а веројатно има уште неколку. Може и генерална тема: АДИССДП - Комерцијални згради.

Edited by <Fresno> - 30-Nov-2023 at 08:30

Eve kako treba da izgleda. Google mi ja naogja nekade tuka na build.mk, ama na klikot posle ne vodi do nikakov post so taa slika:

Штом на тендерот добива најниско понудената цена, не верувам дека ќе добиеме проект со изглед и фасада како оние што се вртат во нишкава.

Нова државна зграда во строг Центар



Двете изградени дваесеткатници на Лимак, во центарот на Скопје, се полнат со новите станари. Уште две од вкупно четирите предвидени згради се градат на потегот од „Нова Македонија“ до катната гаража „Кирил и Методиј“. Високите градби со повеќе од 770 станови ќе бидат дом на илјадници нови жители.

А во нивна близина ќе никне уште една зграда на државно земјиште. Инвеститор е државна фирма, Акционерското друштво за изградба и стопанисување со станбен и деловен простор АДСДП. Тоа ќе значи и уште нови жители во срцето на главниот град, каде што до пред само една деценија имаше привремени бараки, во кои имаше институции, фирми и по некое семејство. Тогаш таму живееја или транзитираа стотици луѓе.

Сега сликата е сосема поинаква. Во објектите обиколени со улиците – Кирил и Методиј, Јужен булевар, Јордан Мијалков и Мајка Тереза, не само што живеат илјадници луѓе и уште толку ќе се населат, туку секојдневно доаѓаат голем број посетители на деловните објекти.

На овој простор, во последниве 15-тина години се изградија банка, два трговски центри, од кои едниот отворен пред два месеца, луксузен хотел, два хипермаркети…

Сета таа река луѓе сега се слева низ две еднонасочни улици – Кирил и Методиј и Јордан Мијалков. Долгите колони возила во сообраќајните шпицови покажуваат дека тие се тесно грло во градот. Но, така ќе остане уште долго време. Затоа што новоизградениот подземен булевар под зградите на Лимак не е никако поврзан со останатата инфраструктура. Не е ниту почната изградбата на трите кружни текови што треба да овозможат тој да профункционира. Нема најава, нема распишано тендер за изградба на клучките.

А булеварот што треба да ги реши сообраќајните проблеми стои нацртан во Генералниот урбанистички план повеќе од 30 години. Наместо тој инфраструктурен проект, кој во плановите поминал разни фази од надземен до подземен, никнуваат згради, чии жители постојните улици не може да ги апсорбираат.



Но, сообраќајниот хаос што веќе владее таму и решението што останува само на хартија, не е пречка за државното акционерско друштво да ја гради новата зграда. Спроти последната кула на Лимак, која уште е во градба, на Јужен булевар, до скопското основно училиште „Димитар Миладинов“, старите руинирани жолти магацини ќе ги снема. Ќе никне седумкатница.

Проектот бил планирал одамна и за него општина Центар веќе има издадено градежна дозвола. Тие нема да бидат социјални станови, какви што најчесто гради државното акционерско друштво. Објектот ќе биде комерцијален. На 14 ноември, државното претпријатие склучило договор вреден осум милиони евра, со конзорциум предводен од градежната фирма „Ак Инвест“, заедно со „Еуровиа“ и „Рапид Билд“.

Зградата, според проектот, ќе биде долга околу сто метри. Објект со толкава должина на седум ката, според познавачите, би имал од 100 до 120 станови. Според проектната документација, половина од становите се планира да бидат од 40 до 60 квадратни метри, 40 отсто 65 квадратни метри, а најмалку десет отсто еднособни. Ако се остане на тоа што е предвидено, 40 отсто од објектот би требало да бидат продавници и други деловни објекти.

„Ак Инвест“ и компаниите што го добија тендерот имаат рок од три години за изградба на објектот. Тоа значи дека по три години тука ќе се вселат уште околу 300 нови жители, кои ќе донесат уште стотина возила на истиот потег.

На прашањето зошто се гради зграда таму кога сообраќајно решение нема, од државното акционерско друштво се држат до нивната годишна програма и велат дека „локација не е ниту поврзана , ниту пак детерминирана од изведувањето на другите, соседни објекти со нашиот“.

Инаку маркичката за зградата е ставена одамна, во време кога на просторот околу Старата железничка станица не беа изградени висококатниците на Лимак. Така, во еден од најзагадените градови во светот, во неговиот најгусто изграден дел, државна фирма стана инвеститор на уште една зграда.

Од идеја до реализација



Додека светот живее во пандемија, во АДСДП ги поставуваат основите на седумкатницата во центарот на Скопје. Од огласот за идејно решение објавен на крајот на 2020 година, па сè до потпишувањето договор за градба, минуваат три години.

Процесот се одолжува бидејќи првиот тендер за изведувач пропаѓа. Има тројца понудувачи, а победува исто како и сега, „АК Инвест“, но во конзорциум со три други фирми. Останатите двајца понудувачи се жалат на нерегуларности, Комисијата ги отфрла нивните жалби, но, сепак, наместо склучување договор за градба, од АДСДП се повлекуваат од проектот поради „непредвидени промени во буџетот“.

Годинава распишуваат нов тендер, со безмалку исти услови. Сега работите течат побргу. Се јавува само еден понудувач и ја добива работата. „Ак Инвест“, во конзорциум со „Рапид Билд“ и „Еуровиа“, склучува договор за изградба на зградата за 8 милиони евра.

Кои се фирмите зад тендерот?

Ак Инвест“, заедно со „Еуровиа“ се градежни ѕвезди во подем, барем кога се работи за добивањето државни тендери. И двете можат да се поврзат со бизнис-елитата што орбитира околу владејачката ДУИ.

Сопственик на „Ак Инвест“ е Азби Ибрахими, чиј син Фитим беше основач на фирма за електрична енергија, заедно со синот на поранешниот функционер Муса Џафери. Подоцна Ибрахими помладиот се повлече од фирмата. „Ак Инвест“ беше сопственик и на зграда во Тетово, која подоцна стана партиски имот на ДУИ.

Формирана во 2006 година, првиот милионски државен тендер, компанијата го добива во 2011 година од Министерството за здравство, кога на негово чело е Бујар Османи од ДУИ. Истата година добива уште еден голем тендер за изградба на комплексот Македонско село по што продолжува освојувањето државни тендери. Договорот за изградба на седумкатницата во Центар е меѓу двата најголеми државни тендери што ги има добиено „АК Инвест“.

Дека оваа година беше добра за компанијата, кога се работи за проектите платени од државата, говори и тоа што „Ак Инвест“, заедно со „Еуровиа“ и „Стентон Градба“, почнаа да работат како подизведувачи на автопатиштата што ги гради „Бехтел и Енка“, за 1,3 милјарда евра.

„Еуровиа“, пак, е формирана во 2010 година. Првите државни тендери ги добива во 2017 година за реновирање училишта од Министерството за образование и наука. Тогаш министер е Пиштар Љутвиу од ДУИ, кој во 2016 година, оваа фотелја ја наследува од својот сопартиец Абдулаќим Адеми, чиј внук е Ељмедин Адеми, сопственикот на „Еуровиа“.

Компанијата веќе следната година добива тендер од над 2 милиони евра за изградба на канализација во Гостивар. Профитот од година во година им расте, а 2023 година им е рекордна кога се работи за добивањето државни тендери.

Сопственикот на „Еуровиа“ и самата фирма се едни од најголемите донатори на ДУИ во 2022 година поради што Антикорупциската комисија летово отвори и предмет, бидејќи, според законот за финансирање политички партии, тие не можат да се финансираат од „приватни претпријатија, кои во моментот на давање прилог за политичката партија вршат јавни услуги за државни органи или за јавни установи, претпријатија и фондови по пат на договор“.

Кумановската „Рапид Билд“ на Тони Каранфиловски, пак, третата компанија од конзорциумот, е најпозната по изградбата на гасоводот по сртот на Водно, преку кој гасот ќе се носи до Гостивар и Тетово, за 30-тина милиони евра. Изградбата на зградата во центарот на Скопје не е нивна прва соработка со „Ак Инвест“. Од 2018 година, тие, на заедничка потсметка, добиваат средства од Министерството за земјоделие, за изградба на капацитети за водоснабдување, но и субвеници од Агенцијата за финансиска поддршка на земјоделството и руралниот развој.

Сега трите фирми заедно ќе градат зграда во строгиот центар на Скопје, на државно земјиште.

https://prizma.mk/nova-drzhavna-zgrada-vo-strog-tsentar/

Штета што ваков објект не се реставрира и не се претвори во некоја друга намена, т.е место за дружба, креатива итн итн.

Па веројатно не си видел такви функционални примери во други градови. Луѓето во градов треба нешто и да прават сем да седат дома нели?