Паркирање и паркинзи (општо)

Се градат згради без паркинзи, и автомобилите се на улица

Жителите од повеќе населби на територијата на Општина Гази Баба се жалат на недостиг од паркинг-места. Тие реагираат на социјалните мрежи дека поради тоа се принудени да ги оставаат своите автомобили на улиците и на тој начин да го попречуваат нормалното одвивање на сообраќајот.





Со овој проблем особено се засегнати жителите од населбата Автокоманда, кои велат дека поради паркираните возила и од десната и од левата страна на улиците, особено во 16 часот, не може да се помине. Слична е состојбата и во Маџари и, како што велат, хаотично е и во Ченто. Причината за тоа ја гледаат во постојаното градење згради и објекти, за кои не се обезбедуваат паркинг- простори. Затоа граѓаните бараат еднаш засекогаш да се реши овој проблем и да се воспостави ред.

Гордана Михајловска смета дека на Автокоманда ѝ е потребна катна гаража.

– Автомобилите се на улиците. Треба да се задолжат инвеститорите да направат катна гаража, бидејќи само прават надградби на старите згради. Со тоа, тие земаат голем профит, а ние, жителите, имаме проблем – вели таа и додава дека инвеститорите треба задолжително да ги направат и постојните паркинзи пред зградите, кои се уништени, на пример, на улицата „Лазар Поп Трајков“ број 30.

И жителите на улицата „Жан Жорес“ во Маџари очекуваат градоначалникот Стефковски да воспостави ред во паркирањето. Горан Јовчевски, пак, смета дека не може да се реши проблемот со паркирањето бидејќи само се градат згради. Нема паркинзи ниту за станарите, а за дуќаните во зградите не станува збор.

Што се однесува за проблемот со паркирањето во Автокоманда, од Општина Гази Баба велат дека во изминатиов период била спроведена анкета меѓу домаќинствата, според која мнозинството од граѓаните се определиле за воведување зонско паркирање како решение на проблемот.

– По анкетата, Општината презема активности за реализирање на зонското паркирање, а дополнително на улицата „Лазар Поп Трајков“ е подготвен проект за изградба на нови паркинг-места со косо паркирање – одговорија од локалната самоуправа.

Од Општината информираат дека во Маџари, низ дијалог со месната заедница, ќе се утврдат приоритетите за изградба на нови паркинзи, кои во следниот период ќе бидат реализирани.

https://www.vecer.press/се-градат-згради-без-паркинзи-и-автомо/

Originally posted by Џоле Органите за јавен ред се немоќни пред самоволието на граѓаните. Или ич не им е гајле, сеедно.

Можат едноставно да се затворат сите пристапи кон плоштадите, 2 саати работа.

Originally posted by stef4o кај Мајчин Дом,имаше најави дека ќе се среди ова но сеуште нема ништо...(од фб)

Денеска започнаа градежните активности за изградба на нов паркинг зад ,,Мајчин дом”. Станува збор за простор на површина од 1300 квадратни метри и капацитет од околу 60 паркинг места, со што се решава уште еден важен проблем на граѓаните од овој дел на општината. Инвестицијата опфаќа асфалтирање на целиот простор, уредување на околното зеленило и партерно уредување на околниот простор.



https://www.facebook.com/OpstinaAerodrom/

ЦРКВАТА НА ДИВО НАПЛАЌА ПАРКИРАЊЕ НА ПЛОШТАДОТ БОГОРОДИЦА, НЕМАЛЕ ПАРИ ДА ГИ ПЛАТАТ СМЕТКИТЕ ЗА СТРУЈА



На Плоштадот Пресвета Богородица со години на диво се наплаќа паркирање и никој не реагира. Плочникот и пешачката зона се блокирано со коли, а лице од црквата наплатува и им наоѓа место на возилата.

Наплатата е незаконска бидејќи за да може некој субјект да наплатува паркирање треба да добие дозвола од Советот на Град Скопје. Досега Советот на Град Скопје не дал дозвола црквата да наплатува паркирање, ниту пак ваква точка стигнала на дневен ред.

Лицето кои го затекнавме како наплатува ни рече дена дневна паркинг карта е 100 денари, а месечна 1.500 денари. На нашето прашање дали имаат дозвола за да наплатуваат ни рече да си ја гледаме својата работа.

„Не мудрувајте многу, гледајте си ја својата работа. Па со кои пари да ги платиме сметките за струја, знаете ли колкави суми ни стигнуваат. И кај да се паркираат вработените во сите овие институции кои ги направија“, ни рече лицето од црквата.



Проблемот со паркирање на Плоштадот Пресвета Богородица трае со години. Во време на ексградоначалникот Петре Шилегов инсекцијата на Град Скопје излезе на терен, ги расчисти колите и даде забрана на црквата да наплатува бидејќи немаат дозвола. Но, после неколку дена од акцијата на Градот, пак се врати сè по старо и црквата продолжи да наплаќа паркирање.

Плоштадот Пресвета Богородица почна да се гради во 2013 година во рамките на проектот „Скопје 2014“. На него се изградени три фонтани со мермерни релјефи на кои стојат скулптури на свети Никола и свети Петар и Павле. Изградбата на Плоштадот ја финансираа Град Скопје и Општина Центар и чини околу 5,3 милиони евра.

https://sdk.mk/index.php/dopisna-mrezha/tsrkvata-na-divo-naplaka-parkirane-na-ploshtadot-bogoroditsa-nemale-pari-da-gi-platat-smetkite-za-struja/

А наместо обичен паркинг да направат паркинг на две нивоа, па да има отприлика 100 места за паркирање...

Edited by skopskodete - 20-Jun-2023 at 18:58

Секојдневие во Аеродром кај Тобако 2,скоро секоја зграда во приземје има минимум 2 кафичи,плус многу други локали(од фб)

СЕ ПРОШИРУВА И РЕГУЛИРА ДИВИОТ ПАРКИНГ ЗАД НАРОДНА БАНКА

Конечно го уредуваме, регулираме и прошируваме просторот на дивиот паркинг зад Народна Банка на кој се паркираа автомобили без ред често и со блокирање меѓу себе.
На целиот простор комплетно ќе биде изгребана цела површина и ќе биде нанесен нов асфалт со што ќе се отвори простор за 250 автомобили. Дополнително овој паркинг простор ќе биде обележан согласно сообраќајниот проект на Паркинзи на Општина Центар.
Ги замолуваме граѓаните за трпеливост за време на извршувањето на овие градежни активности.





https://www.facebook.com/OpstinaCentar

Ул. Фрањо Клуз-Стар Аеродром

Последица на тоа што во секоја зграда на приземје има деловни локали,претежно кафулиња и секојдневно е ваков хаос,секако има и станари кои решиле да не купат паркинг со надеж дека ќе најдат бесплатен паркинг во околината.
Вака е и во Мичурин каде фали некаква катна/монтажен паркинг.







https://www.facebook.com/jassumodopstinaaerodrom

Паркирај, па попливај на паркингот кај МЕПСО







После секој дожд вообичаено повеќето улици во Скопје се претвораат во езера. Но, тоа не би требало да се случува на уличките кои служат и како паркинг простори и каде ЈП „Градски паркинг“ наплаќа најскапо за паркирање, како на пример во најстрогиот центар на градот.

Паркинг просторот пред дирекцијата на МЕПСО, веднаш кај пешачкиот мост кој води кон Македонскиот народен театар неодамна се реконструираше, односно се стави нов асфалт и одново се исцртаа паркинг места. Од тука се влегува и во катната гаража „Солунски конгрес“.

И навистина, сега овој простор изгледа многу поуредено отколку претходно кога беше комплетно руиниран и каллив, благодарение пред сѐ на градилиштето во непосредна близина кое ќе одбележи една деценија од своето постоење. Но, сето тоа исчезнува штом заврне дожд и целиот простор се претвора во едно големо езеро. Па откако ќе се паркира автомобилот, вистински проблем е како човек да излезе од него, а да не му се наполнат чевлите со вода.

Може ли нешто во градов да се направи како што треба, а да не се покажат сите слабости, на пример при првиот дожд? Дали „Градски паркинг“ мисли дека доволно е да се исцртаат паркинг места и да се наплатува паркирањето, без да се обезбедат некакви пристојни услови за сите што ги користат услугите на претпријатието, без оглед на временските услови?

Притоа за сето тоа се трошат серизно многу пари, за што очигледно, исто така никому не му е грижа.

https://www.slobodenpecat.mk/parkiraj-pa-poplivaj-na-parkingot-kaj-mepso/

РЕЗИДЕНТЕН ПАРКИНГ ДО 40 ВОЗИЛА ЗА СТАНАРИТЕ БЛИЗУ АВТОБУСКАТА СТАНИЦА КИМ
Напуштениот простор меѓу зградите зад автобуската станица КИМ што беше неискористен, го преуредивме во паркинг за околните станари. Овие гарантирани паркинг места за жителите значат многу затоа што го скратуваат времето на барање слободно место и нудат поголема безбедност за автомобилите.
Жителите во овој дел од населбата имаат навистина сериозен проблем со паркирање на автомобилите затоа што овде секојдневно гравитираат многу граѓани па слободно паркинг место е навистина реткост.
Новиот паркинг дефинитивно го олеснува и решава долгогодишниот проблем на овдешните станари.





https://www.facebook.com/OpstinaCentar