Oбиколница на Ресен

Еве еден совет за почеток, кога црташ на мапи труди се секогаш нагоре да ти биде север. Ако веќе не го ставаш горе, стави стрелка кон север во еден ќош на мапата.

Се обидов да најдам вести поврзани со најавите, има на гугл од 2018 и 2019, но нема ништо постаро. На пример од некој локален ресенски весник или портал нешто архивирано од СФРЈ. За Битола се наоѓа многу, ама за Ресен ништо така старо.

Подолу на линкот ја имам исцртано обиколницата на Ресен, и неколку дополнителни поврзувања на истата. Секако дека бидејќи сеуште нема никакви информации за каде би одела точната траса на истата, јас си ја нацртав од мое гледиште. Секако дека нацртаното не е 100% точно и реалистично, но колку толку се обидов да исцртам најдобро што можам.
https://www.google.com/maps/d/edit?mid=1fHZZg34mswDsjwFgH58WuD2X5I7Ud-o&usp=sharing

Во црна линија се исцртани самите клучки. Мислам дека четири клучки на самата траса се сосем доволни. Првата клучка кај главниот влез на ресен ја нацртав како трубна клучка. Гледајќи каков агол опфаќа веќепостоечкиот пат, ништо чудно да и порано било планирано да се изгради трубна клучка. Подолу веднаш испод истата клучка има раскрсница, за која се мислев дали да исцртам уште една трубна клучка (како што имав првично направено на сликите погоре), но гледам така обете клучки би биле доста близу, што би создало проблем (traffic weaving), па така да овде можеби ќе треба да се изнајде друго решение да се овозможи по - директно поврзување према градот (можеби една издигната рампа од источна страна која што би се поврзала на патот кој што оди западно према градот, па така да се искористи веќепостоечката кривина, која што во овој случај би се претворила во еднонасочен пат).

Понатаму втората клучка, исто така ја исцртав како трубна клучка. Овде трасата одбрав да оди директно низ фабриките па према улицата 29ти ноември во самиот град. Бенефитот овде е што тие фабрики би се врзале директно на самата обиколница, па така да камионите нема да има потреба во опште да одат низ уличките во самиот град. Ова поврзување исто така остварува добра поврзаност со самото централно подрачје на градот Ресен, што е корисно за да се зголеми искористеноста на самата обиколница, а и да се обезбедат повеќе алтернативни влезови и излези од самиот град со што драстично би се растеретил и разредил сообраќајот со самиот град исто така.

Понатаму, следната исцртана клучка е од видот Parclo AB2. Несакав сите клучки да бидат трубни, сакав малку да има нешто различно па затоа овде и се одлучив да исцртам Parclo клучка. Освен тоа, со спојниот пат не само што се спојува селото Јанковец, туку и Хармот Св. Никола кој што е во близина на самата клучка, плус останати помали патишта кои што се користат за земјоделие. За локацијата на самата клучка се одлучив да биде непосредно после гробиштата во С. Јанковец, бидејќи увидов дека тоа би допринело до солидно поврзување не само со самото село, туку и северниот крај на Ресен, па така да и тие што живеат малку погоре од Ресен накај С. Јанковец и тие што живеат во самото село, може да имаат бенефит и да бидат солидно поврзани на оваа важна обиколница.

Последната исцртана клучка е кај С. Избишта и таа е исто така од вид на трубна клучка.

Е сега овде со самата клучка оваа обиколница на ресен може да заврши овде и да продолжи по веќе постоечкиот пат према Охрид (најголем дел од кој што е со доста кривини), или пак (според мене) уште подобро, во некоја си "втора фаза" да се инвестира и да се продолжи тој пат од обиколницата се до близина на С. Горно Крушје, каде што и гледам дека веќе постои пат кој што е со поблаги кривини, и дури и дел каде што има дополнителна трета лента за искачување. Па така да, јас лично не гледам ништо против да се продолжи обиколницата на Ресен за неколку километри. Е сега овде секако јас бидејќи исцртав од мое гледиште незнам каков е теренот точно, па незнам да кажам што точно и како би требало да се изгради овде. Но како што можам да увидам тој продолжеток на обиколницата на Ресен (исцртан во плава боја) или би требал да оди покрај самите ридови, или да има неколку пократки тунели. Секако дека овој продолжеток би коштал дополнително, и би можел да ја зголеми самата цена на обиколницата во Ресен, но бенефитите се тие што ги спомнав. На крај краева немора да се изгради веднаш со самата обиколница, туку може во иднина во некоја си "втора фаза".

Зелените исцртани линии се каде веќе постоечките патишта би се усмериле, бидејќи кога би се изградил тој продолжеток на обиколницата, веќепостоечкиот пат ќе треба да се затвори, а и со самото тоа би се оневозможил локалниот транспорт измеѓу околните села, пристапи кон нивите, пристап кон С. Лева Река, па затоа овде имам исцртано како веќепостоечките селски патишта би можеле да се надоврзат и да се спојат со тој веќепостоечки пат, бидејќи кога би се изградил тој продолжеток пристапот кон стариот пат би бил забранет (обиколницата би станала минимум пат резервиран за моторни возила, на кој што трактори, коњаници, поспори возила не смеат да возат), па вака со тоа што го имам прикажано, тој сегашен пат тогаш кога би станал локален пат би се надоврзал со околните села, и не би бил затворен во целост.

Во кафеафа боја ги имам исцртано деловите од веќепостоечкиот пат кои што би биле затворени кога би се изградил тој продолжеток.

И генерално тоа е тоа. Мислам дека за почеток, за подобрување на овој патен правец ќе е сосема доволно, а во иднина би можеле да размислуваме како до подобар пат према с. Косел и Охрид.

Основен проект за обиколница на Ресен:

https://roads.org.mk/wp-content/uploads/2023/03/20210623-Nacrt-SOZS-proekt-za-drz_pat-A3-obikolnica-na-Resen_Diwi.pdf


Edited by iristevski - 01-Jul-2024 at 08:37

Originally posted by FiLo Очајно фали обиколница кај Ресен. 15 километри е моментално од делот каде што завршува спуштањето од Ѓавато па се таму после кривините кај Избишта. Во моментов се возат околу 20тина минути.

20 минути се вози и од Ресен до Битола

6 години за 9 км пат во рамен терен...

Edited by FiLo - 19-Aug-2024 at 00:26