Лидл маркети

Мене ми личи на паркингот пред Блис Мол, не знам зошто ставиле знакче од Лидл.

Знае некој има мрднато нешто со градба Lidl во Тетово? Не сум бил оваа недела натапу да видам до каде е.

Edited by UROS - 21-Feb-2025 at 23:50

Da, sum go zgresil za malku hah. Ispraveno e.

„Лидл“ планира да гради маркети на три локации во Куманово

Германската компанија „Лидл“ планира да гради маркети на три локации во Куманово.
Едната е во центарот на градот на парцелата на Автобуската станица, втората e кај „Митев Мост“ и третата на влезот на Куманово кај поранешен „ЧИК“.

Компанијата веќе побарала изработка на нов Детален урбанистички план (ДУП) и доставила предлог плански проекти, кои денеска беа презентирани пред членовите на Партиципативното тело за урбанизам, на Општина Куманово.

„На просторот кај Автобуската станица се предвидува на истата парцела да бидат Автобуската станица и „Лидл“ маркетот, како една целина. Планирани се комплетно нови објекти, со обезбедени околу 120 паркинг места, од кои 37 наменети за трговскиот објект. За достава на робата ќе има посебна пристапна рампа“, објаснија архитекти од проектантското друштво „Архитектор“, кој го изработиле проектот.

Проектот се однесува само на површината во сопственост на „Лидл“, додека објектите на Ветеринарната станица, Домот за стари лица, Пензионерскиот дом, Бензинската станица остануваат на локациите каде што се.

За членовите на партиципативното тело беше нејасно дали сообраќајниците во тој дел на градот ќе имаат капацитет да ја издржат фреквенцијата на возила кон новите, но и на постоечките објекти.
Вториот маркет е планиран на потегот од Градскиот кеј кон Митев мост. Тоа е неизградено градежно земјиште, каде повторно се задржуваат околните постоечки објекти- градскиот кеј, тенеските терени, и веќе постоечкиот Митев мост.

Проблем на оваа локација е положбата на кружниот тек кој ги спојува двата булевари „Октомвриска револуција“и “Трета МУБ“.

„Тука е проблем пристапот до маркетот од веќе постоечкиот кружен тек, пристапот е единствено од страната на регионалниот пат Свети Николе. Тие што се движат од центарот кон периферијата на градот треба да отидат до излезот кон бањата, таму да свртат полукружно, што е сообраќаен прекршок, и да се вратат кон „Лидл“, истакна Денис Хаурдиќ, член на партиципативното тело.

Оставена е можноста да се изведе пристап од некоја друга сообраќајница, која во иднина би можела да се изгради во тој дел на градот.

За „Лидл“ маркетот кој треба да се наоѓа на влезот на Куманово, приклучокот ќе биде од автопатот пред капијата кон поранешната фабрика ЧИК, што исто така има пречки.

Јавното претпријатие за државни патишта не дало согласност да се направи пристапен пат во делот каде тие имаат надлежност, затоа што се работи за влезно- излезна лента од автопат. Единствениот сообраќаен пристап е од улицата „ЈНА“ која и во моментот е тесно грло, и преоптоварена со возила. Лошата поврзаност со „Трета МУБ“ претставуваат проблем, па и останатите маркети кои таму веќе стопанисуваат немаат голема посетеност. Оваа локација е оценета како најекономична во перспектива, поради близината на автопатот, но мора да се размислува за решавање на патната инфраструктура.

Членовите на партиципативното тело, дискутираа само за првичната планска програма, сите забелешки ќе поминат стручна ревизија, потоа одлучува Општинската комисија за урбанизам. Планерот ги вградува доставените забелешки, пред предлогот да биде даден на усвојување на Советот.

Партиципативното тело од областа на урбанизмот е тело, согласно Законот за урбанистичко планирање, во кое членуваат претставници на граѓани од урбаните заедници, здруженија на граѓани, за да се овозможи поголемо граѓанско учество во процесот на донесување на Деталните урбанистички планови, како и да се зголеми транспарентноста на целиот овој процес.

Германската компанија „Лидл“ купи парцела во индустриската зона Речица покрај автопатот Куманово-Табановце, и веќе гради логистички дистрибутивен центар. Земјиштето со површина од 17 хектари е продадено за 5,3 милиони евра.

https://kumanovonews.mk/vesti/lidl-saka-da-gradi-marketi-na-tri-lokacii-vo-kumanovo

ВО ШТИП ПОЧНА ДА СЕ ГРАДИ ПРВИОТ ОД ДВАТА ПЛАНИРАНИ МАРКЕТА НА „ЛИДЛ“ ВО ИСТОЧНА МАКЕДОНИЈА



Во Штип почна да се гради првиот „Лидл“ маркет во Источна Македонија од планираните два. И вториот ќе се гради во Штип кај Автобуската станица. Првиот маркет е во близина на населбата 8 Ноември и ќе се простира на површина од 6.500 метри.

„За првиот објект ги добивме сите потребни документи и Општина Штип го издаде одобрението за изградба. За вториот објект кај Автобуската станица изградбата ќе биде одобрена кога инвеститорот ќе ги приложи неопходните документи. Автобуската станица е во приватна сопственост и не ги знаеме нивните договарања со инвеститорот. Единствено знаеме дека Автобуската станица предвидува да ги преполови просторот и пероните поради намалената фреквенција на автобускиот сообраќај, а останатиот простор ќе биде наменет за маркетот. Како општина започнавме со уредување на просторот кој досега беше паркинг од јавен карактер“, вели градоначалникот на Штип, Иван Јорданов.

Истата компанија е инвеститор и на маркетот што веќе се гради, а тоа е „Акта Инвест груп“ ДОО Штип. Изведувач на работите е штипската компанија „Актива“.

Според роковите, било предвидено објектот да се изгради за неколку месеци, но може да се случи пуштањето на објектот во употреба да биде до крајот на првата половина на оваа година.

Во Штип, напоредно со изградбата на првиот маркет, комплетно ќе биде изграден и булеварот кој минува покрај „Лидл“. Овој објект се гради во близина на големиот станбен комплекс од десетина згради покрај новиот булевар, а маркетот уште сега е поврзан и со новата обиколница и со новиот мост на реката Брегалница. Во близина на маркетот ќе биде и мегапаркот покрај Брегалница, кој ќе се простира на површина од 70.000 метри квадратни.

Македонските „Лидл“ маркети се дел од големиот синџир маркети на оваа светска компанија за малопродажба на храна, која во 32 земји и 11.000 продавници има вработено околу 350.000 лица. „Лидл“ веќе отвори маркет во Битола, при крај е изградбата на маркетот во Кавадарци, а планирани се и маркети во Кичево, Тетово и Гази Баба. „Лидл“ вложи 80 милиони евра и за изградба на современ логистички центар со седиште во Куманово, кој ќе дистрибуира производи за во сите маркети во Македонија.

https://sdk.mk/index.php/dopisna-mrezha/vo-shtip-pochna-da-se-gradi-prviot-od-dvata-planirani-marketa-na-lidl-vo-istochna-makedonija/