Епидемија на спам!

Луѓе навистина пишувањето на кратки, повторувачки коментари почна да превршува секоја мерка. Само што избришав 3 поста од УрбанФрик, Маестро и Кара, напишани едно по друго како било срамота што стадионот ќе се градел до 2012.

Да срамота е и што да правиме? Таква земја сме за никаде, се се влечка но вреди ли тоа во секоја нишка да го повториме 1123123040 пати? Каде е тука поентата.

Ова е само еден конкретен пример ги има мал милион.

Мислам стварно воопшто не ми е пријатна улогата на џандар, ваквите јавни критики, забелешка преку ПМ или бришење на постови ми се крајни инстанци кои ретко ги бирам. Но императив е да го задржиме квалитетот на форумот а спамот се наметна како проблем бр. 1.

Ако сакатe ќе дигнам и еден shoutbox па таму изразувајте ги тие мислења. Или пак тука Останати теми > Офтопик. Еве да отвориме таму една нишка или пак и повеќе нишки ако треба каде ќе ги пишувате кратките коментари немам таков проблем. Но дајте да ги оставиме главните секции и темите во нив да бидајт содржајни, концизни, со вистинска дебата и интересни за читање и за нас и за идните членови.

Сега ќе направам проветрување на форумот е најголемиот дел од спамот ќе го преместам во нова нишка овдека во офтопик која ќе се вика СПАМ, ќе биде заклучена и понатаму ќе служи како складиште. Ем да не ви ги бришам скроз постовите ем да може да видите што ви е тргнато и евентуално и да се доинформирате зошто е тоа така кај модовите.

шала на страна, не знам, се обидувам воопшто да не правам спам ама, ете, некогаш се случува и да згрешам.

мада за тоа во врска за стадионот моето мислење беше поразлично од горното што велиш дека е исто

Повторно зема замав овој проблем. Апелирам да се обрати повеќе внимание на содржината напостовите.

Originally posted by Правилник 3. Строго е забрането spam-ување. Убаво обмислете ги вашите коментари пред да ги постирате. Возджете се од постирање кратки, банални и несуштински коментари. Модераторите го задржуваат дискреционото право да избришат коментари кои ги сметаат за spam без претходно предупредување.

Ова правило стои многу јасно во правилникот. Само кој прочитал

Јас го имам прочитано (ми имате посочено неколку пати да го прочитам) Ама ете имам заборавено, бидејќи се придржувам до него и нема потреба да ме предупредувате. Кој не се придржува-приватна порака со врска до правилникот. Покрај тоа, се индексира на гугл форумов и тоа котира многу високо (релативно), така што кога некој ќе побара некој поим ќе му излезе некој без врска пост. И со тоа се диксредитира форумов Но сепак, мислам дека немаме многу такви постови.

Само да додадам дека сепак „еднолинијка“ сама по себе не е автоматски спам. Ниту пак подолг пост значи дека не е спам. Понекогаш со многу краток пост може да се каже многу и обратно. Важна е содржината на постот и контекстот во кој е постиран.

Она што навистина треба да се корегира е појавата сериски да се постираат вакви коментари чисто со цел да се постира било што.

Евидентен е нов наплив на спамирање. И тоа не се работи за обично спамирање, туку ај да го наречам „применето“ спамирање. Не знам дали е предизборна треска или што, ама некои форумаши турбо постираат постови што личат на изјави на партиски портпароли, пребројување, надвикување, навреди, постови со апсолутно никаква вредност... Накратко кажано - класично труење. Досега се бришеше умерено и претпазливо, отсега ќе се брише безмилосно, бидејќи не останува избор. И искрено кажано, залудни ќе бидат пораките со поплаки за отстранет пост, доколку нема навистина многу добра причина за поплака.

Непријатно ми е што мора вака да се обраќам, но во секој случај коректните и конструктивни форумаши сигурно нема да бидат ни најмалку погодени од ова, баш напротив, ќе се врати попријатна атмосфера за нормална и продуктивна дискусија. А од деструктивци и типови кои едноставно го погрешиле форумот, ионака преку глава веќе. Исто така циклично логирање по еднаш на секои три-четири недели и истурање на контингент постови правени по шаблон, ќе се смета за спамирање и ќе се постапува како со било кој спам. Нема да биде дозволено една шака тролови да го одвлечкаат форумов во тиња.



Edited by Cloverstack - 14-Mar-2011 at 18:01

Јас дури и сум на мислење ова да го ставиш како sticky на јавниот дел од форумот. Прилично сериозно е, и нека стои како предупредување особено за предизборниов период кој неминовно се ближи.

Еве и јас да не останам покусо... Ве молам немојте да се препукувате, изразувате одредени несогласувања спомнувате членови на форумов на јавен топик. Во најмала рака ако сакаме да го оцрниме соговорникот тоа може да го направиме преку праќање на порака во поштата.  Меслам дека не е колегијално (во рамки на форумот) и во духот на форумот да кажуваме кој ни се допаѓа, а кај кој имаме одбивност. Ве молам уште еднаш. Фала на разбирањето.

Дечки, забележувам деновиве навала од спамери што рекламираат некои глупости на форумов. Има ли начин да се спречат или мора поединечно да се бришат од страна на администраторите? Морам да признам дека страшно ме нервираат.