Kлучка Бит-Пазар

Па ја мислам дека се отиде на детелинка поради недоволна системска анализа на проблемот. Едноставно решениево не е предложено од стручњаци, него авторитарно треснато од маса, сааааакааааам детелинка (пошто вероватно со друго решение се нема запознаено), и нормално инженериве е нивна работа да спикаат тука детелинка! Ова ти е исто како сега ја имам продавница и доаѓа муштерија и ми вика дај ми едно расипано млеко и две топли пива. Мое е да го услужам најпрофесионално! Така и инженериве го услужија трифун најпрофесионално. Исто како и со клучката континентал!

Кога сообраќајот ќе се остави на стручњаци независно да го испроектираат и после натака 10-тина мандати ќе се спроведува без манипулации поради личен мерак, тогаш  може и немаше да треба воопшто да се реконструира детеинкава пошто ќе беше доволна по капацитет да се справи. Немаше да биде оваа гужва, и ќе си беше нормална раскрсница!

Нов режим на клучката на Бит-пазар Поради изведување градежни работи на клучката „детелинка“ на Бит-пазар, од денеска ќе биде воведен нов сообраќаен режим со кој фазно ќе се регулира сообраќајот во зависност од текот на градежните активности. Тие започнаа вчера со цел да се реализира втората фаза од изградбата на клучката „детелинка“ кај Бит-пазар, а се работи на трасирање и подготовка за асфалтирање на коловозите што ќе минуваат во делот сообраќајниците околу надвозникот. За таа цел од Градот соопштуваат дека е добиено одобрение за воведување нов сообраќаен режим. Тој ќе се менува при изведување на секоја фаза и во зависност од потребите на изведувачот ќе се постави и соодветна сигнализација. За регулирање на сообраќајот е побарана и асистенција од полицијата. Градските власти апелираат до сите учесници во сообраќајот да го почитуваат воспоставениот режим на движење со цел да се овозможи непречено одвивање на сообраќајот и да се заштити безбедноста на сите што учествуваат во него. http://utrinski.com.mk/?ItemID=EA3BD13C470FF64CB256B1D99DB0D601

Изградбата на Детелинка ќе заврши до изборите

Градските власти апелираат до граѓаните да го почитуваат воспоставениот привремен режим на движење со цел да се овозможи непречено одвивање на сообраќајот и да се заштити безбедноста на сите учесници во него

Изградбата на клучката "Детелинка" кај Бит-пазар викендов почна со засилено темпо. Според Коста Зекмановски, надлежен за надзор на изградбата, досега се завршени 90 проценти од градежните работи кои можат да се вршат без застои во сообраќајот и во моментов се подготвуваат услови за воведување на нов, привремен сообраќаен режим.
- Досега беше полесно бидејќи се работеше надвор од коловозите. Но, сега почнуваме со трасирање и со подготовка за асфалтирање на коловозите кои ќе минуваат во делот на сообраќајниците околу надвозникот. За таа цел добиено е одобрение за поставување посебен сообраќаен режим со кој фазно ќе се регулира соообраќајот, во зависност од тоа како ќе се изведуваат работите на коловозите. Изведувачот за секоја фаза ќе постави соодветна сигнализација, а за регулирањето на сообраќајот побарана е асистенција и од сообраќајната полиција. Утре ќе имаме состанок на кој ќе прецизираме кога ќе стартуваме, рече Зекмановски. Тој најави дека ако градежните работи се реализираат според предвидената динамика, изградбата ќе заврши до крајот на март.

Крстосницата на Бит Пазар, која претставува едно од најтесните сообраќајни грла во градов, ќе се трансформира во модерна клучка во форма на детелинка. Проектот предвидува изградба на четири сообраќајни приклучни правци во облик на прстени по кои сообраќајот ќе се одвива по системот вртење надесно, при што семафорите целосно ќе се исфрлат од употреба.
За клучката Градот подготви идејно решение и обезбеди 35 милиони денари, а градежните работи ги изведува фирмата Гранит.

Градските власти апелираат до граѓаните да го почитуваат воспоставениот привремен режим на движење со цел да се овозможи непречено одвивање на сообраќајот и да се заштити безбедноста на сите учесници во него.

Edited by vardar - 17-Feb-2009 at 12:48

Originally posted by mitatos ako ne go menuvaat mostot kluckava ne vredi nisto, a za toa deka e 90 % gotova e cisto laga od sigurni izvori posto pominuvam sekoj den od tuka.

Клучка со вакви димензии на некои клучни делови секако не вреди ништо

Инаку не знам што подразбираш под менување на мостот. Нов надвозник сигурно нема да градат, ама мислам се подразбира и беше најавено дека сегашниов ќе го поправат. Каков ќе биде обемот и квалитетот на реконструкцијата е веќе друго прашање...

Originally posted by mitatos pa toj most ,ili nadvoznik da go nareceme e mnogu star, ne deka ne e dobar ili stabilen , no koga se gradi nova klucka sega zosto da ostavime star most

Надвозникот реално е убедливо најскап дел од клучкава, а тоа е и воопшто правило за секоја клучка - премостувањата се најскапиот дел. Она што се работи е буквално минорен зафат во споредба со изградба на нов надвозник.

Но тоа не значи дека сум против изградба на нов надвозник доколку има реална потреба од тоа. Ама дури и во случај да има потреба и финансиите да не беа проблем, има друг огромен проблем - во конкретниов случај за да се гради нов надвозник прво стариот ќе мора да се урне, што значи долгорочно затварање на овој многу важен сообраќаен јазол. Доколку имаше адекватни алтернативи за сообраќајот, тоа ќе беше изводливо (тунелот под кале и врската со Булевар Климент Охридски, Булевар Хрватска, оформен Северен Булевар со поголем капацитет и слично...). Но во ваква ситуација кога исклучиво овој надвозник опслужува така голем дел од сообраќајот за не баш мал дел од градот, не можеме ни да помислиме да превземеме нешто порадикално со надвозникот. Едноставно тој мора да остане континуирано во функција.

Тоа истото за жал се однесува и на други круцијални проекти низ градов кои ќе бидат ѓаволско тешки за реализација затоа што чекаме да се натрупаат проблемите, а после кога ќе дојде нож до коска да мора да затвараме за собраќај клучни места без вистински алтернативи за пренасочување.


Edited by Cloverstack - 17-Feb-2009 at 19:00

Постоечкиов има 5 ленти, не 4 (непарен број на ленти е честа работа кај надвозници за дијамантски клучки)

Зошто па сега 7? Дијамантов ионака оди во историја. А со надвозников ќе живееме уште долго време.

Подземни инсталации ги закочија работите на детелинката „Бит-пазар“ Градот и „Гранит“ ги чекаат ЕВН и „Македонска пошта“ да ги дислоцираат каблите Подземни инсталации на ЕВН и на „Македонска пошта“ ја запреа изградбата на детелинката „Бит-пазар“ на две локации. Градските власти и изведувачот „Гранит“ ги чекаат компаниите да ги обезбедат и дислоцираат своите кабли, кај пластичарите, односно под подвозникот. До нив веќе биле упатени и неколку усни и писмени апели побрзо да ја завршат работата за да може да продолжат градежните работи. Доколку се дислоцираат подземните инсталации од трасата, клучката „Бит-пазар“ во употреба може да биде ставена за најмногу еден месец, велат во Градот. За изградба на клучката, Градот Скопје одвои 40 милиони денари. Во меѓувреме, екипите на „Гранит“, со оглед на временските услови можат да работат бетонски работи, како и поставување на рабници, а асфалтирањето ќе почне кога ќе се вклучи асфалтната база. Во Градот најавуваат и промена на неколку сообраќајни режими на сообраќајниците, за кои, по претходно одобрение од Министерството за внатрешни работи, граѓаните ќе бидат дополнително информирани. Во Градот велат дека по завршувањето на детелинката „Бит-пазар“, на овие сообраќајници веќе нема да има метеж. Со изградба на детелинката целосно ќе се реконструира натпатникот кај Бит-пазар, по кој во иднина сообраќајот ќе се одвива по системот вртење само вдесно. Семафорите ќе бидат извадени, бидејќи нема да има потреба од вртење влево и вкрстување на сообраќај во спротивни правци. (С.Н.) http://www.utrinski.com.mk/?ItemID=12EC8A7A6C0BAF46A5CB539F72BFF613

Изградбата на „Детелинка“ според планот Според надлежните служби на Град Скопје, изградбата на клучката „Детелинка“ кај Бит-пазар се одвива според предвидената динамика. На сите четири краци на детелинката во делниците што не зависат од одвивањето на сообраќајот завршени се земјените работи, теренот е тампониран, подземните инсталации се целосно преместени, а се поставува и нова хидрантска мрежа за наводнување на зеленилото. Од Градот информираат дека се во постојани контакти со сообраќајната полиција околу регулирањето на сообраќајниот режим и дека веднаш штом ќе ја добијат дозвола, ќе се спроведе забраната за сообраќај, а изградбата на „Детелинката“ ќе помине во завршна фаза. По изградбата на клучката „Детелинка“, планирана е и обнова на надвозникот на Бит-пазар, за што во тек е јавен конкурс за избор на стручна организација која ќе изврши комплетен преглед на мостот, ќе ги утврди оштетувањата и ќе понуди решение за негова целосна санација. http://www.dnevnik.com.mk/?ItemID=159D2EEDC0A2CA45B52196D392B368F1