build.mk Homepage
НАСЛОВНАВЕСТИ МАПАКОМПАНИИ БЛОГ ТАГОВИ ФОРУМ
Forum Home Forum Home > Главни теми > Инфраструктура > Патишта
  Active Topics Active Topics
  FAQ FAQ  Forum Search   Register Register  Login Login

Патна мрежа (општо)

 Bookmark and Share
 Post Reply Post Reply Page  <1 678910 84>
Author
Message
  Topic Search Topic Search  Topic Options Topic Options
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #141 Posted: 16-Jan-2009 at 12:30
Стопанственици бараат крак од Коридорот 8 да минува низ Дебар




Министерот за економија Фатмир Бесими вчера се сретна со претставници на Стопанската комора на северозападна Македонија за да ги информира за програмите на Министерството за 2009 година и да ги слушне планираните активности на бизнис-заедницата. Станало збор и за кракот од Коридорот 8, кој поминува низ Дебар и Бошков мост, а кој оваа комора бара да биде ставен во стратегиските развојни планови на државата, пренесе МИА.

- Група стопанственици имаат направено проект за Коридорот 8, односно за кракот што поминува низ Дебар и Бошков мост, а за кој лобираме да биде во стратегиските развојни планови. Добивме одговор од министерот дека во Комитетот за стратегиски развој е разгледана како опција и оти ќе се изработи студија за оправданост - изјави Џемаил Даути, претседателот на комората на северозападна Македонија.

http://www.novamakedonija.com.mk/DesktopDefault.aspx?tabindex=1&tabid=2&fCat=1&top=1&EditionID=291&ArticleID=15771
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #142 Posted: 16-Jan-2009 at 12:34
Малку е нејасно што уствари е побарано од стопанствениците! Ваљда не побарале автопат до дебар?! До дебар треба само еден добар магистрален пат со 2 или 3 три ленти и одлично ќе си ја врши работата. Моментално патот е за никаде, ама колкушто знам се работи тамо моментално!
Back to Top
pbanks View Drop Down
Admin Group
Admin Group
Avatar

Joined: 01-Sep-2007
Location: Skopje
Online Status: Offline
Posts: 9141 		  Quote pbanks Quote  Post ReplyReply #143 Posted: 16-Jan-2009 at 12:47


Кога сме на оваа тема Албанците почнаа да ја градат првата делница од ~20км од т.н. Арберски пат односно Тирана-Дебар. Профил на магистрала.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #144 Posted: 22-Jan-2009 at 15:42
ИСТОЧНА МАКЕДОНИЈА ЌЕ ДОБИЕ АВТОПАТ ПОРАДИ ШТИПСКИОТ АЕРОДРОМ
Скопје - Штип за 40 минути
Ако не се јави концесионер за новата автопатска делница долга околу 70 километри, Владата ќе изнајде други извори на пари за да го реализира проектот



Автопатот Миладиновци - Штип, преку Свети Николе, со кој патувањето од час и петнаесетина минути ќе се скрати на четириесетина минути, ќе почне да се гради во 2010 година. Неофицијално дознаваме дека неговата изградба добила приоритет поради планираниот карго аеродром кој Владата планира да прерасне во главен цивилен аеродром. Концесионерот турската компанија ТАВ ќе го гради аеродромот на простор меѓу Свети Николе и Штип.
Од Агенцијата за државни патишта вчера ни рекоа дека физибилити студијата и студијата за животна средина веќе се завршени, а пред крај е идејниот проект за автопатот. Многу наскоро Агенцијата ќе објави и тендер за избор на проектант кој ќе го направи главниот проект, според кој ќе се гради делницата. Со овој план точно ќе се знае по која траса ќе поминува делницата, колку ќе биде долга, а ќе се бара најкраткото решение и колку ќе чини нејзината изградба.
Според идејниот проект, автопатот Миладиновци -Штип треба да биде долг околу 70 километри. Сега од Скопје кон Штип и обратно се возат само четириесет километри по автопат. Останатите шеесетина километри пат се во катастрофална состојба и дневно ги поминуваат околу 4.000 возила.
Приоритетот за изградба на автопатот Миладиновци - Штип завчеравечер во Штип го најави и министерот за транспорт и врски Миле Јанакиески. Според Јанакиески, иако оваа делница е предмет на концесија, доколку не се најде концесионер, Владата ќе изнајде други извори на пари за да го реализира проектот.

http://www.vest.com.mk/default.asp?id=162455&idg=9&idb=2579&rubrika=Makedonija
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #145 Posted: 22-Jan-2009 at 17:35
После фијаското на проекти како обиколницата и двата преостанати сегменти од К10, ова ми звучи како празна најава. Во секој случај министерот треба конечно да даде објаснување зошто на Македонија како автопати и се потребни ем Миладиновци-Штип ем Отовица-Штип (особено во оваа фаза на развој).
Се уште ни најмалку не не убедија во логиката за аеродромот, а сега еве планираат уште почудни решенија за негово сообраќајно поврзување. Што се случува побогу  Question


Edited by Cloverstack - 22-Jan-2009 at 17:36
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #146 Posted: 02-Feb-2009 at 04:42
Еден милион евра за реконструкција на патиштата во Ресен


ImageПовеќе од 35 милиони денари или 585 илјади евра од Светската банка и 20 милиони или 340 илјади евра од Европската банка за обнова и развој, ќе бидат наменети за рехабилитација и реконструкција на локалните патишта на подрачјето на Општината Ресен.

Со овие средства предвидено е да се реконструираат 19 локални патни правци во повеќе села кои гравитираат кон Општината Ресен.

Како приоритетни локални патни правци што ќе се реконструираат се: локалниот пат  Царев Двор-Езерани во должина од 1.800 метри, потоа локалниот пат во с. Долна Бела Црква во должина од 1.500 метри, локалниот пат во с. Стење во должина од 1.100 метри, локалниот пат Долно Дупени - Љубојно и регионалниот пат во Долно Дупени во должина од 800 метри, локалниот пат во Брајчино - 600 метри, потоа патот Ресен-Болно-Евла - 700 метри, Крани-Арвати во должина од 1.200 метри, Љубојно - 500 метри, Штрбово - 500 метри, Горна Бела Црква - 900 метри, Јанковец - 1.400 метри, Курбиново - 600 метри, Златари - 700 метри, Грнчари - 500 метри, Крушје - 600 метри, Рајца - 200 метри, Горно Дупени - 200 метри, Лавци - 400 метри и локалниот пат во Подмочани во должина од 200 метри.
 
За дел од овие локални патишта проектната документација веќе е завршена. Така за локалните патишта Царев Двор - Езерани, Долна Бела Црква, Стење и патниот правец Ресен - Болно - Евла изготвена е проектната документација, додека за некои патни правци изготвувањето на проектната документација е во завршна фаза како што се: локалните патишта Брајчино, Крани-Арвати, Љубојно, Златари, како и локалните патишта во селата Горно Дупени и Лавци. За останатите локални патишта кои треба да се реконструираат во наредниот период треба да заврши процесот на продготовката на проектите.
 
Инаку, овој проект е дел од Програмата на Владата на Р. Македонија за реконструкција на регионалната и локалната патна мрежа во државата, а се реализира со заем од Светската банка во износ од 70 милиони евра. Реализацијата на проектите ќе се прави во соработка со Министерството за транспорт и врски и Агенцијата за државни патишта, која всушност и треба да ги распише тендерите за реконструкција на локалните патишта.

Само 24 општини во Р.Македонија, меѓу кои и Општината Ресен, имаат поднесено проекти за реконструкција на локалните патишта. Реализацијата на овој проект доцни поради тоа што од Светската банка констатирале дека некои од проектите на некои општини кои аплицирале не биле добро изработени, заради што Светската банка побарала суперревизија на тие проекти, но меѓу нив нема проекти на Општината Ресен. По отстранувањето на неправилностите треба да се распишат тендерите за реконструкција на патиштата.  
 
Инаку, овие локални патишта што ќе се реконструираат Општината ги избра по принципот на приоритетност. Во наредниот период се очекува и други патни правци да бидат реконструирани со што се очекува Општината Ресен да добие современа патна мрежа, што е всушност и еден од важните предуслови за побрз економски развој на Општината и развој на туризмот.

М.Димитровска


http://prespasky.com/index.php?option=com_content&task=view&id=4683&Itemid=221
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #147 Posted: 05-Feb-2009 at 17:55
Оставајќи ги на страна случувањата со името на автопатот и еве да прифатиме дека финансирањето ќе се одвива како што било претходно зацртано, не може да се премолчи постојаното одложување.

Почеток во 2010, градба најмалку 4 години?!?

Колку години припрема и ефективна градба се потребни за 20-тина кулометри???
Да потсетам дека оваа делница требаше да биде готова до 2004, не до 2014 (мада не оставиле простор да им се верува дека дури и вака лабав рок ќе испочитуваат, па испаѓа дека треба да бидеме среќни доколку навистина се реализира и до 2014).
Од 2004 навака скоро секоја година најавуваат дека кај да е ќе започнат со работите. Роковите по обичај се менуваат и се менуваат, а на терен уште нема ништо...

До кога вака? Wallbash



ИНФРАСТРУКТУРАТА НИКАКО ДА СЕ ДОГРАДИ
Коридорот 10 ќе го чекаме уште шест години

Властите во Скопје тврдат дека Грција ќе ја финансира изградбата на делницата од Демир Капија до Смоквица и покрај одлуката на Владата автопатот Табановце - Гевгелија да го именува Александар Македонски. Од Агенцијата за државни патишта велат дека немаат известување дека е одложен грантот од Грција за изградба на делницата. Градбата на делницата ќе почне во 2010 година и ќе трае најмалку четири години. - Од Секретаријатот за европски прашања, кој е задолжен за координација на странска помош имаме позитивен одговор на апликацијата за финансирање на делницата. Доколку Грција официјално ги известила дека нема да се дадат пари, ние први ќе знаевме - вели Наташа Валкановска, директорка во Агенцијата. Таа информира дека е во тек изработка на главниот проект за изградба на делницата од Демир Капија до Смоквица, елаборат за експропријација, како и сите други документи што се дел од проектната документација. - Од 155 милиони до 160 милиони евра се потребни за градба на делницата. Од овие пари две третини ќе се обезбедат од фондовите ИПА и од грандот од грчкиот план за обнова и за развој, а 15 проценти ќе се обезбедат од државниот буџет - изјави Валкановска. Поголемиот дел од автопатот на Коридорот 10 е веќе изграден, а во моментов се гради делницата од Табановце до Куманово. Коридорот 10 е еден од најважните паневропски сообраќајни коридори. Оди од Австрија до Грција, а поминува низ Словенија, Хрватска, Србија и низ Македонија. Коридорот опфаќа железнички дел, долг 2.528 километри и патен коридор. Од земјите од поранешна Југославија, Македонија најмногу доцни со изградбата, а најголемата причина за тоа е што проектот мируваше цели пет години и тоа од 2001 до 2006 година. Од другите земји само Србија се уште не го заврши коридорот во целост. Министерот за инфраструктура во Србија, Милутин Мркониќ во вторникот изјави дека автопатот на Коридорот 10, од Лесковац до границата со Македонија и од Ниш до границата со Бугарија ќе биде завршен за две и пол години. За таа намена се обезбедени 1,5 милијарди евра, од кои една милијарда ќе се обезбедат од кредит од Светската банка, а 500 милиони евра ќе бидат обезбедени од буџетот на Србија.



http://www.vreme.com.mk/DesktopDefault.aspx?tabindex=14&tabid=1&EditionID=1615&ArticleID=107046
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #148 Posted: 26-Feb-2009 at 00:33
Позитивни сигнали.....
Почна експропријација за автопат кон Бугарија

Во Кривопаланечко деновиве почна експропријацијата на земјиштето што се зафаќа со трасата на автопатот за поврзување на Македонија со Бугарија, како прва фаза од реализацијата на оваа транспортна врска, позната како Коридор 8. Овој проект, како што најави министерот за транспорт и врски, Миле Јанакиевски, при посетата на Крива Паланка, е стратегиски приоритет на Владата. Најпрвин ќе се реализира изградбата во источниот дел од земјата кон Бугарија, што ја опфаќа делницата Деве Баир - Крива Паланка -Длабочица - Страцин - Романовце, а потоа ќе се инвестира и во патната инфраструктура за поврзување со Албанија.Првите спогодби со сопствениците на земјиштето се постигнати, според изработените геодетски елаборати за овој транспортен коридор.

- Интензивно се работи за потпишување на спогодбите со странките чие земјиште се зафаќа со трасата на новиот автопат. Од Агенцијата за државни патишта досега се доставени над 600 предлози, кои се предмет на експропријација, а се однесуваат на катастарските општини Псача, Гиновци, Љубинци, Петралица, Отошница, Ветуница и Ранковце. Планираме овие предмети да ги завршиме во рок од еден месец, по што ќе продолжиме со нови етапи на експропријација на подрачјето на Кривопаланечко - истакнува Лаура Стоименова, раководителка на Подрачното одделение на Управата за имотно-правни работи од Крива Паланка.

На подрачјето на оваа општина има делница од новиот автопат Деве Баир - Чатал, која зафаќа 38 километри, а за целиот имот кој ќе биде експроприран веќе се обезбедени буџетски пари за исплата на соодветниот надоместок. Странките се задоволни од висината на надоместокот, кој се исплаќа според катастарските класи и засега нема никаков проблем околу постигнувањето на спогодбите.

- Трасата е позната, а сопствениците на имотите и самите се заинтересирани за обезбедување на оваа транспортна врска, која е од јавен интерес. Се надеваме дека целата работа со експроприрањето ќе ја завршиме без да се соочиме со имотно-правни спорови - вели Стоименова.

http://www.dnevnik.com.mk/?ItemID=DF05BF18A2157548BC97C0BB24CB97A2
Back to Top
beTon View Drop Down
Senior Member
Senior Member


Joined: 25-Jun-2008
Online Status: Offline
Posts: 3893 		  Quote beTon Quote  Post ReplyReply #149 Posted: 26-Feb-2009 at 22:44

http://www.build.com.mk/forum/forum_posts.asp?TID=22&PID=29435#29435

мало дополнување ова се локални краци долж Р-503 и Р-505 но не и обновување на регионалниве правци, за ова владата има иницијатива за Р-505, но малку ме буби зошто тогаш има и кај општината најава за реконструкција на регионалниот пат во Долно Дупени во должина од 800 метри. 



Edited by Cloverstack - 26-Feb-2009 at 23:01
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #150 Posted: 05-Mar-2009 at 02:12
Денеска имав една ноќна вожња и можам да кажам дека сум и делумно и разочаран и задоволен од нашите магистрални патишта. Од автопатите сум задоволен, но искуството со магистралните патишта кажува нешто спротивно. Ми се деси да соберам шише пластично, ама среќа не под тркало, па само малку затропа нешто под кола и беше обична зафрканција. Ова беше некаде пред наплатна рампа во гостивар (према Скопје), тамо кај што почнува автопат. Задоволен сум пошто колку што јас приметив за овој пат, редовно се оддржува со сол и песок, но има голем дефицит од сигнализација по пат. Има голем број остри кривини кои не се обележани предходно со знак, а исто и има доста одрони поради временски прилики. Нормално е да има одрони, ама не е нормално цели блокови со големина на цигла да стојат така на пат, има служби кои потфрлиле.

Инаку еве неколку слики што е направено на патот маврово-дебар кои до скоро се реконструираше. Roll%20eyes На делот од маврово до жировница е само направено едно каналче од страна за вода и толку. Триесет сантима највеќе му давам.

Сликиве се од патот маврово-дебар, делот маврово-жировница. Еве на оваа слика може и некој ситен одрон да се примети...






А на делот од жировница па натака према дебар е работено и доста асфалт е среден. До каде е незнам, пошто возев само до бигорски, ама мислам дека е скроз до дебар.


Edited by lslcrew - 05-Mar-2009 at 02:15
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988 		  Quote lslcrew Quote  Post ReplyReply #151 Posted: 07-Mar-2009 at 16:08
Патот Македонски Брод - Скопје пократок за 150 километри



Македонија
По многу години исчекување поречанци го дочекаа почетокот на изградбата на патот што ќе го поврзува овој крај со Скопје. Првата делница од 89 километри од мостот Близанско до Коломот ќе ја гради АД „Бетон“. Оваа делница ќе биде со две сообраќајни ленти и ќе овозможи скратување на патот од Македонски Брод до Скопје, преку Кичево од сегашните 200 на 40 километри. Градежните работи треба да завршат за 18 месеци. Целиот проект ќе чини над половина милијарда денари. Патот ќе овозможи заживување на регионот, како и побрза и полесна комуникација на граѓаните од Македонски Брод и од Прилеп со Скопје.

Почетокот на работите го означи премиерот Никола Груевски со поставување на камен-темелникот на трасата кај мостот Белица на езерото Козјак. Тој воедно го најави и почетокот на владината програма за инвестиции од 8 милијарди евра во изградба на инфраструктурните објекти.

За годинава, рече тој, планирани се уште 16 делници на регионални патишта во земјава. Тој за две недели го најави почетокот на изградбата на делницата Радовиш - Струмица, Куклиш - Банско, на обиколницата кај Охрид и на патот до скицентарот Кожув.

- Ова е почеток на решавањето на најголемиот проблем на поречанци. Ова е реализација на едно наше ветување. Со овој пат почнува инвестицискиот циклус за изградбата на проекти што ќе бидат основна на висок и одржлив раст и подобрување на стандардот на граѓаните - рече премиерот Никола Груевски.

Изградбата на патот од Белица до Скопје се реализира со средства од Агенцијата за патиштата, а соинвеститор со 25 отсто учество е и АД ЕЛЕМ.

- Оваа делница ќе ја олесни комуникацијата и со неа се остварува сонот за изградба на патот Виа игнација. Тој ќе овозможи стопански и демографски развој на регионот - рече Влатко Чинговски, директор на ЕЛЕМ.

Наташа Волкановска, директорка на агенцијата, рече дека за реализација на сообраќајните проекти се обезбедени 120 милиони евра од заеми и 50 милиони евра од буџетот.





Милијардите ќе дојдат од концесии и кредити

Инвестициската програма од 8 милијарди евра е остварлива, пишува вицепремиерот Зоран Ставревски во колумна за „Дневник“. Тој вели дека за реализација на проектите, во текот на осум буџетски години ќе се издвојат околу 1-1,2 милијарда евра буџетски средства (или околу 150 милиони евра годишно). Околу 1,8-2,2 милијарди евра е предвидено да се обезбедат со задолжување кај меѓународните финансиски институции и средства од ЕУ фондовите, а околу 4,5-5 милијарди евра се средства од приватни инвеститори преку концесии и јавно приватно партнерство. Со програмата што ја објави премиерот Груевски се планираат инвестиции во вкупна вредност од 8 милијарди евра. Од тоа во енергетиката се предвидени околу 30 проекти во вредност од 3,8 милијарди евра. Во транспортот е предвидена изградба и модернизација на регионални и локални патишта и железнички пруги во вредност од 3,8 милијарди евра.

За изградба на водоводи и канализации во над 400 населени места предвидени се 100 милиони евра.

Во енергетскиот сектор, предвидено е целосно искористување на рудните богатства; ревитализација на постојните хидроелектрични централи и термоелектрични централи, како и изградба на нова термоцентрала; изградба на две комбинирани гасни централи; влегување во нуклеарна програма; изградба на 12 хидроцентрали со проектот Вардарска Долина (концесија); изградба на далноводот Штип-Ниш; изградба на ветерници во Штип, Свети Николе, Богданци и Кожув, по моделот на јавни приватни партнерства, изградба на околу 400 мали хидроцентрали; изградба на гасоводната мрежа, итн.

Во патната инфраструктура ќе се изградат и реконструираат над 950 километри патишта. Со буџетски средства кои се веќе обезбедени, ќе се изградат и реконструираат девет регионални делници, а со средства од Светска банка и ЕБОР во износ од 140 милиони евра (исто така веќе обезбедени), ќе бидат реконструирани 80 локални и 20 регионални патишта. Инвестициската програма предвидува доизградба на Коридорот 10 и Коридорот 8, како и пет други делници кои ќе бидат понудени на концесија. Во железничката инфраструктура, предвидена е доизградба и модернизација на пругата кон Бугарија и Албанија во должина од околу 300 км.

За Ставревски обезбедувањето на буџетски средства нема да претставува проблем, за што најдобра илустрација е буџетот за 2009 во кој веќе се издвоени околу 180 милиони евра за инфраструктурни проекти.

Ако е тоа можно во оваа кризна година, зошто не би можело во следните седум години, почнувајќи од 2010 кога се очекува да заврши економската криза, констатира Ставревски.

Истото се однесува за можноста за позајмување од странство. Според владата поволноста е што за разлика од други земји, Македонија има ниско ниво на јавен долг од 25,5 отсто од БДП, постигнато преку предвремена отплата на обврските во претходните години на добар економски раст.

http://www.novamakedonija.com.mk/DesktopDefault.aspx?tabindex=11&tabid=2&fCat=1&top=1&EditionID=335&ArticleID=19706
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5424 		  Quote гитардемон Quote  Post ReplyReply #152 Posted: 07-Mar-2009 at 18:36
Отсекогаш сум се прашувал зошто за да се стигне до Македонски Брод мора да се сврти пола Македонија. Но ете ќе се реши, и баш ми е мило. А за ова со 8-те милијарди, па Грција колку милијарди ли само должи меѓународно, па пак инвестира купува и оружје и бескорисни работи од многу многу милиони (милијарди). Зошто не би можеле и ние, сепак се исплаќаат некои долгови и во рок од 50 години. 
Arguing on the internet is like running at the special olympics. Even if you win, you're still retarded.
Back to Top
Raisinloaf View Drop Down
Senior Member
Senior Member
Avatar

Joined: 31-May-2008
Location: Gevgelija
Online Status: Offline
Posts: 227 		  Quote Raisinloaf Quote  Post ReplyReply #153 Posted: 08-Mar-2009 at 21:09
Започнува изградбата на регионалниот пат Р-112

Денеска започнува изградбата на регионалниот пат Р-112 Коњско- Кожув, соопштуваат од владата.

Заменик претседателот на Владата Зоран Ставревски, денеска во 15.00 часот ќе присуствува на поставувањето на камен темелник за изградба на регионалниот пат Р-112 Коњско- Кожув, се вели во нивното соопштение.

Свое обраќање ќе имаат и министерот за транспорт и врски Миле Јанакиевски и директорката на агенцијата за државни патишта Наташа Велковска.
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954 		  Quote Andrej_LJ Quote  Post ReplyReply #154 Posted: 08-Mar-2009 at 22:16
Браво за патот до Мак. Брод. Може би со овој пат повторно ќе заживее и единствената наша воена фабрика во Самоков.
НО, денеска темелно ја разгледував патната инфраструктура на нашите соседи Албанија, Бугарија и Србија. Во сите земји автопати се градат на големо. Во Албанија се гради Драч-Приштина (ислучително тежок терен и доста долга траса), во Србија се градат Ниш-Софија и Ниш-Скопје, скоро се ошекува и започнувањето на Хоргош-Пожега, во Бугарија се гради Софија-Ниш, Софија-Солун, Пловдив-Истамбул и Стара Загора-Варна.
Кај нас освен Скопје Ринг (13 км), Табановце-Куманово (7км), за друго незнам ништо. Дали некој знае дали се работи на автопатот меѓу Демиркапијска Клисура и Гевгелија?

За најкасно 10 години мислам дека би морале да ја добиеме целосната автопатска мрежа во Македонија. Јас направив една моја замисла на мрежата. Со ЗЕЛЕНО се прикажани автопатите, а со ЦРВЕНО брзите магистрали (или како и да би се викале кај нас, во Хрватска се Brza cesta, а во Словенија-Hitra cesta, нешто како патот Тетово-Гостивар, односно без лента за застанување). Aвтопат Битола-Прилеп-Велес-Штип мислам дека е неопходен затоа што ги врзува најважните наши градови. Потоа со брзи магистрали би ги врзал Струмица-Радовиш-Штип-Кочани. Прстен околу Охридското Езеро исто така мислам дека е неопходен поради огромниот број на возила во летниот период и тоа Градиште-Лагадин-Охрид-Струга-Ќафасан.

http://s415.photobucket.com/albums/pp235/AndrejZog/?action=view&current=Makedonijakartapatista-1.jpg
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954 		  Quote Andrej_LJ Quote  Post ReplyReply #155 Posted: 08-Mar-2009 at 22:17
UPS

Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732 		  Quote UrbanFreak Quote  Post ReplyReply #156 Posted: 08-Mar-2009 at 22:23

Андреј, мислам дека си ги пропуштил магистралните правци Битола-Ресен-Охрид, а краковите на Струмица-Радовиш-Штип-Кочани мислам треба да се продолжат од Струмица-Валандово-Гевгелија и Кочани Делчево-Бугарска граница. Со тоа мислам добро би се затворила патната мрежа во МК.
Back to Top
Andrej_LJ View Drop Down
Senior Member
Senior Member
Avatar

Joined: 20-Oct-2008
Location: Ljubljana
Online Status: Offline
Posts: 2954 		  Quote Andrej_LJ Quote  Post ReplyReply #157 Posted: 08-Mar-2009 at 22:37
Не сум ги пропуштил, едноставно не мислам дека треба да се градат автопати на овие делници Yes. Охрид-Битола (виа Ресен) не мислам дека има потреба од автопат, тој во добар дел си е 3 лентов пат а и протокот на возила е слаб. Стумица-Гевгелија (виа Валандово)- теренот е ужасно тежок, протокот на возила е слаб а Валандово не е ни економски, ниту никаков друг центар. Кочани-Благоевград исто: тежок терен со слаба фрекфренција на возила, плус врската со Бугарија (особено со Софија, Варна и Бургас како пристаништа) е воспоставена преку Куманово-Ќустендил-Перник-Софија К8.  Мислам дека со темелна реконстукција на овие патни правци би ја завршиле работата.
Back to Top
ovaj_stariov View Drop Down
Senior Member
Senior Member
Avatar

Joined: 02-May-2008
Location: Prilep
Online Status: Offline
Posts: 1321 		  Quote ovaj_stariov Quote  Post ReplyReply #158 Posted: 08-Mar-2009 at 23:29
Ако веќе зборуваме за во иднина,мислам дека автопат Битола-Ресен-Охрид  би бил неопходен,тој би ги поврззал најголемите наши градови(Битола,Прилеп,Велес) и скоро цела источна Македонија со Охрид.
build.mk, гради форумска историја
Back to Top
UrbanFreak View Drop Down
Senior Member
Senior Member
Avatar

Joined: 28-Oct-2007
Location: Skopje
Online Status: Offline
Posts: 1732 		  Quote UrbanFreak Quote  Post ReplyReply #159 Posted: 08-Mar-2009 at 23:56

Андреј, не те сфатив со црвениве правци, дури сега гледам дека си мислел на автопатско решение без споредна лента за запирање. Јас лично мислам дека такви и воопшто нема потреба да се градат бидејќи цената нема значително да им биде поевтина одколку стандардните. Друго мислам дека никој не го споменува патниотправец Катланово-Велес, кој сите го сметаме за автопат а е со карактеристики на магистрален пат, со премногу остри кривини, воопшто не безбеден во клисурата и со лимити од 60км/ч на повеќе места. Мислам дека паралелното градење од другата страна (до Велес-Катланово) мора да се направи што поскоро, иначе тој коридор не би бил комплетен. Како и да е патот Ресен-Охрид мора да претрпи добро реновирање, проширување со 3та лента по целата должина и нов асфалт по целата должина.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453 		  Quote Cloverstack Quote  Post ReplyReply #160 Posted: 09-Mar-2009 at 00:08
Андреј, јас би го додал и автопатот Битола-ГР како дел од коридорот 10
(Велес - Прилеп - Битола - Лерин - Игуменица ја претставува гранката Д на коридорот 10)

Дали некој знае дали се работи на автопатот меѓу Демиркапијска Клисура и Гевгелија?
Не се работи и постојано се одлага. Последна вест (регистрирана поназад во нишкава) беше дека треба да се почне во 2010 и ќе се работело најмалку 4 години. Таа вест беше и пред компликациите со финансирањето кои настанаа поради името што му го залепивме на нашиот М-1...
Back to Top
 Post Reply Post Reply Page  <1 678910 84>

Forum Jump Forum Permissions View Drop Down



This page was generated in 1.615 seconds.

Copyright ©2007 - 2025  build.mk

Коментарите на форумот претставуваат лично мислење на нивните автори и не претставуваат официјален став на build.mk.